افضل محورين في السعوديه عندنا وسعوديين ياسطوره تكفى ...
 

السلام عليكم ورحمة الله وبركاته
كيفكم يازعماء ان شاء الله تمام

انا عندي تساءل يدور في ذهني واللي هو ليش سلمان الفرج الاعب الموهوب واللي ينتظره مستقبل جالس في الدكه وليش اذا شارك يشارك كاظهير ايسر على الرغم من ان سلمان صرح بانه يعشق اللعب في المحور وفرانك رايكارد الهولندي كان يقول ومقتنع ان سلمان الفرج افضل محور متحرك طيب ليش احنا مانعطيه فرصه طيب ليش احنا غيبنا شمسه عن المنتخب بسبب اصرار الاسطوره على اشراكه ظهير على الرغم من ان الولد عنده باصات جميله جدا ومتفاهم مع نيفيز والشلهوب

ولو طرحت عليكم سؤال من افضل محورين متحركين في السعوديه على طول الكل بيجاوب بصاص والفرج

صدقوني عندنا موهبه احنا بايدينا غيبنا شمسها عن المنتخب

لاعب ممتاز مثل الفرج مفروض كامدرب تساله تقول له ياسلمان وش افضل مركز لك مش نجبره على اللعب في الظهير ومع ذلك قدم مستويات ممتازه جدا عدا ماتش النصر

لاعب مثل سلمان بيخدمنا سنوات طويله وراح يتالق وابن النادي لاننسى عكس الاجانب اللي راح يمشون وبترجع بوصلتك تدور مره ثانيه بحثا عن محور اجنبي

خلاصة الكلام اتمنى من الاسطوره سامي بطرح ثقته كليا في سعود كريري وسلمان الفرج كلاعبي ارتكاز وصدقوني وتذكروا كلامي لو سامي وثق فيهم سيثق فيهم المنتخب لانهم الافضل وراح تكون قائمة المنتخب زرقاء بنسبه كبيره

وبكذا بنستفيد من الرباعي الاجنبي في مراكز اخرى حساسه مثل الجناح قلوب الدفاع


وشكرا جزيلا

الهلال قادم طوفان رايح ياكل الاخضر والاصفران ههههههههههههههههههههههه

لان سلمان الفرج ضعيف دفاعيا وجيد هجوميا

مين شاف مستوى سلمان الفرج في مبراة الرائد ؟؟ اي لاعب يسحب فيه سيء سيء سيء دفاعيا

وحنا نبي محور دفاعي صح

وانت ياكاتب الموضوع تعرف الاعب سلمان الفرج شخصيا ؟؟

لان طريقة كلامك شوي وتبكي عشان يلعب سلمان الفرج هههههه

سلمان الفرج لاعب كبير ولكن الدفاع الان يحتاج الى محور دفاعي وفي الاخير القرار لسامي

وبالتوفيق لك ولجميع الزعماء

مشكلة اللاعب الجوكر في ملاعبنا انه يستنزف في غير خانته الاصليه والامثلة كثيرة
سلمان مميز جداً في الوسط الايسر والمحور لكن يبدو لضعف الظهير الايسر دور في رجوعه للخلف ووجود محورين اجانب وتخمة في لاعبي الجهة اليسرى في الهلال جعلته احتياط لهم
ان شاء الله يكون هناك ظهير ايمن مميز ونستعيد الشهراني في اليسار ويظهر كل لاعب في خانته الاساسية

سلمان لاعب بطيئ ، بارد ، ماينفع نهائيا ، إن شاء الله إذا صدقت الأخبار ينتقل للشباب بالمقايضة مع حسن معاذ ...

ببساطه لانه جوكر يغطي اي خانه تبلش فيها وانت الان بلشان بالظهير الايمن
سلمان افضل محور مساند وشفناه مع رادوي كيف كان

اصبر علي الكوتش بس يلقي ظهير يمين بيوظف سلمان في مكانه المناسب له وللفريق

قال ايش سلمان الفرج

ياعمي ذا اللاعب له سنه ماقدم شي للاسف

بالرغم اننا كنا متفائلين به كثير لكن للاسف سرعان ما أختفى

بصراحه ابدع سلمان الفرج في مبارة المنتخب مع الارجنتين


ان شاء الله الذيب سامي بيوظفه في الخانه المحببه له وهي المحور الايسر مع سعود كريري

ههههههههههههههههههههههههههه شكرا لكم جميعا

محور متحرك هذي بصراحه جديده على العموم يالغالي الهلال يمتلك محور لو كان في

نادي ثاني كان دفع فيه لا يقل عن عشرين مليون وهو القرني ..اللي ينقص القرني هو الثقه

وكثرة المشاركات ...مجمدينه بالاحتياط !!.. قد يكون القرني عنده مشاكل خارج النادي ولكن

لا يكون العقاب بإبعاده عن اللعب لأنك بكذا تخسره وبنفس الوقت قد يدمر نفسه بزياده لأنه

ما لقى الاهتمام ...القرني بحاجه لإعادة الثقه فيه من جديد ومن وجهة نظري القرني يفوق

الجبرين ولكن لأنه موجود عندك ما أحد أعطاه وجه ..ويا خوفي بكره ينسقونه للقادسيه

وإلا أي فريق ويبدع وتروح تترجى الفريق هذا إنك تشتريه منهم بأضعاف أضعاف ثمنه ..

يارجال اتق الله الانديه تحسدنا على وجودلاعب امثال الفرج وصدق كاتب الموضوع اللاعب موهوب ولعبه في المكان الذي يريد وسامي يستخدمهكجوكر الان وضايع مستواه شوي

الفرج .. ماشاء الله عليه عنده مواصفات اللعب في اي خانه. " محتاج يلعب حديد شوي "

المحور اللي بالي وهو " محمد قاسم " المعار للنهضة

اتمنى مايغيب عن نظر الكوتش.

الفرج لاعب وسط ايسر مميز ثم ممكن محور بشكل اقل ثم ظهير بشكل ضعيف أتمنى الاستفاده منه لاعب وسط ايسر بالتناوب مع العابد الاجهز يلعب وممكن في حال ضروف قاهره يلعب بمركز اخر وشكرا