|
اسامه هوساوي فاشل جدا ومفهي وثقيل التحرك لو فيه خير والله ما يتركه الأهلي . راح للأهلي وضيع دفاع الأهلي . لو كان مستواه ممتاز ماعليه نرجعه بس من كان في الهلال وهو مضيع الهلال للأسف |
إقتباس:
وين بالضبط اقول لايكثر اسامه هوساوي _ احمد الفريدي لو يدفعون هم للنادي فلوس عشان يرجعووون مانبيييهم فااهم والا لا من باعنا برخيص بترااااب ينباع :) |
اؤيد كلامك 100٪ .،.،.،.،.،.،. |
ههههههه ترا السالفه ماهي سالفة مرجله ! هذا قدرني ! هذا ماقدرني ! السالفه سالفة احتتتتررراف شخص خدم الهلال وكنا نتغنى فيه بالمدرجات بلقب ابو كلبشه ويوم (جحدنا) وراح للاهلي عشان يشوف مصلحته وعشان مايفكر بالصندوق الخيري بعد اعتزاله صار ناكر للجميل ! وصار مايبي الهلال ! وصار خاين ! ياخخخي بصفق وماهر يكون اللي يكونه .. اهم شي شخص اعطيه فلوس ويعطيني لعب وبسسسس اقسم بالله لو ينعرض على احد منكم بنعطيك مليون والعب بالهلال وجاك النصر وقال بنعطيك مليونين والعب معنا انك تروح ركض للنصر خلونا نكون واقعين ! بعدين انا اشوف اغلب الردود رادوي كان مغطي عليه وهذا هو مع الاهلي طايح مستواه والخ ! ياخخخخي مع الاهلي فيكتور الهداف اختفى ! وبالنسبه رادوي مغطي اخطائه ياخخخخي اي محور اكيد بيغطي اخطاء الدفاع وشي طبيعي وافضل لي اجيب مدافعين محلين ومحور اجنبي احسن من اني اجيب مدافع ومحور اجانب ! وارا رجعته للهلال بتعطي لاعبين الهلال كلهممم الثقه العظمى بفريقهم وهو انو اججججلس بهلالك لايجيك ماجا غيرك خلو عنكم الكبرياء وعلوم المرجله ههههه لاعب بيخدمني لو سنه وحده اهلا وسهلا فيه وبسسسسس |
اللاعب ما نحتاجه ابدا ابدا وعندنا الحافظ والدعيع وتبون ذا المنتهي خلاص لاعب طلع من الزعيم بنفسه وباع النادي وهو في أمس الحاجه له |
صح لسانك كاتب الموضوع : بكل اسف اغلب الجماهير الهلاليه ذاكرتهم ( ضعيفه ) واعني هنا من يطالب بهوساوي هوساوي بعيدا عن سالفة الوفاء والولاء - لاعب ضعيف فنيا كمدافع ولازالت حرة هـدف ( ذوب آهن ) في قلبي الى اليوم وايضا هدف زياييه هذا بس على المستوى الاسيوي في الهلال حاليا سلطان الدعيع شاب قادم بقوه ايضا الحافظ ينتظر الفرصه - كواك تم التعاقد معه وربما برازيلي في الطريق نعم انا مع ابعاد هرماش لكي يستفاد من خانته في الظهيراليمين ان لم يتم التعاقد مع معاذ وضد عودة هوساوي التي سوف تقضي على احد الشابين ( سلطان او الحافظ ) في الدكه ونعود لسالفة المرشدي من جديد - كفايه عبث |
مــن طلع من(دارة)قـل مقدارة والدليل شف هوساوي والفريدي والله الذي لا اله الا هو ان ماطلعهم وابرزهم غير الهلال ولا كل يعرف وين كاانو قبل... والحين شف حالهم وحال انديتهم...اللهم لاشماتة؟ |
إقتباس:
فليبقى هناك لو انه قبل بعرض الهلال لكان عوض الفارق بمكافات البطولات ورصيد ايضا من البطولات لكنه الطمع الذي ضيع ما جمع قالها بعظم لسانه وبدون تزوير او دبلجة وامام العشرات من الصحفيين لن اعود الا للهلال لكنه للاسف كاذب مثل الفريدي |
لامرحبا لامرحبا بك ياهوساوي اللي كان يقول رحيل هوساوي هو سبب تدني مستوى الهلال اسمح لي اقول لك كلامك خاطئ هوساوي وقته كان الدعيع وحسن الشاطر وشراحيلي بالحراسه يعني هم اللي معطين الدفاع قوه وثقل بالملعب |
بعض المشجعيـن تستغرب منهـم بعض الـردود والقناعـات القديمـة .. ياحبيبـي .. زي ماذكروا بعـض الاعضاء حنـآآ ( زمــن الاحتراف .. يعنـي مــن يدفـع اكثــر ) .. الفـريـق الحمد الله والله لا يغيـر على فريقينـآ الملكـي.. ماشـي صـح ونطمـح الافضــل .. بالتعاقدات المفيده اسامـه هوساي .. طموحـه الاحتراف بالخارج .. ولم ينـجح زي أي لاعـب بالسعوديـة طموحـه الاحتراف .. و90% من اللاعبييـن صعـب عليهـم الاحتراف لقلـه امكانيتهـم وتأقلمهـم بالخارج ولا نلعب على بعـض في هاذا الموضـــوع .. اما هوساوي .. قال من يدفـع اكثـر راح العب معـه .. زيه زي الفريدي ونواف العابد والشهري وغيرهـم .. يعني لم الهلال لم يدفـع .. لنواف العابـد .. مبلغ تمديد عقده بملاييــن .. كان اول واحـد مسك الباب .. والحال ينطبق على البقيه .. سعـود كريـري .. تـرك الاتحـاد وهـو يلعب معهـم منذو سنـوات وحقق الكثير معهم .. ولكن الامان والاستقرار الفني الذي بحث عنه كريري بتوفير راتبه أول بأول كل شهـر جعـله يترك فريق الاتحـاد ويأتـي لمعقـل الزعمـاء .. لـو كان الاتحـاد اكثر استقرار فنينـاً وماديــاً لبقـى سعـود كريري معهـم حتى اعتزالـــه .. وهاذا هـو ( الواقـع ) الي يطلع من الزعيم الملكـي .. الله معـه .. واذا حاب يرجـع الله يحيـه مادام راح يخدم الفريـق بشكل افضل .. اما من ( قـال لاعب نكبـه وتسبب بخروجنـآآ من اسياء وغيـره ) .. اتمنـى بأن لا يغـطي عيـن بيد ويشاهـد بالاخـرى بــل يشاهـد بكلتـاا العـيـنـيــن .. لماذا لا نحمـل .. طارق التائـب خروجنـآآ من أم اصلال .. بأستهتاره بتسديد ضربه جزاء واضاعتهـآآ .. لماذا لا نحمـل .. ويلي هامسون بأضاعـه ضربه جزاء اما ذوبهـان في مباراة الذهاب لخرجنآآ مرتاحيـن .. لماذا لا نحمـل .. ياسر القحطاني اضاعه ضربه جزاء اما الوحده الاماراتـي .. لماذا لا نحمـل لي بيونغ خروجـه بالكرت الاحمـر في مباراة مهمـه كأناا بأمس الحاجه لكل لاعـب .. و و و و و .. الخ .. لكـل لاعـب مزايـااا وعيـوب .. وكـل لاعـب خدم الفريق وساهم في تحقيق البطولات زي ماساهم بالخطأء تسبب بخروجنـآآ هاذا حال كرة القدم ولازم الجميـع يفهـمهآآ .. مسئله خروج اللاعب من الهلال وعدم توفيقـه .. هاذا راجــع بيد الله سبحانـه وتعالـى وقدر ومكتوب بعدم التوفيق .. زي اي لاعـب تعاقـد معـه الهلال ولم ينجـح معـه .. وعوافي على الجميع |
إقتباس:
الاستثمار بالجيل الجديد أفضل من لاعب لن يتطور مستواه. |
إلا الله يحييه وهذي الساعه المباركه اللي يجي فيها ..أسامه شايل دفاع الهلال لوحده وما كان عنده لا أظهره ولا بجانبه قلب دفاع صح من المرشدي والبيشي وخيرات وأنت جاي .. أتمنى أن تتم هذه الصفقه بأسرع وقت فرصه ما كنا نحلم فيها ..يعني من زين دفاعك !!.. أسامه مكسب وإضافه حقيقيه لقلب الدفاع وراح يكون خط الدفاع قوي بوجوده ... الاحتراف لا يعترف بكلمة خائن او ناكر للجميل او ..أو.. الاحتراف هو أن تذهب مع من يدفع لك أكثر وقد تكون هناك مسائل أخرى لا تظهر للعامه .. أنت هلالي وقد تتنازل عن مليون أو أكثر لحبك للهلال لكن هو كلاعب يبحث عن مصلحته ولا أحد يلومه ... تقبل تحياتي وأشواقي .. |
نكبة اسيا لا محل له بالهلال راعي بلجيكا الطموح |
اي لاعب يطلع من الهلال مستحيل الهلال يرجعه .... انسى بعدين تابع مباريات الاهلي وشف مستوى هوساوي .... فاشل جدا |
إقتباس:
طيب اول شي مستواه نازل وثاني شي مادامه بيبحث عن مصلحته وش يبي يرجع للهلال والهلال عنده سقف خليه يجلس مع الاهلي اصرفله وانا عندي احساس انه البلطان بياخذه بدال كواك اذا جاء للهلال |
| الوقت المعتمد في المنتدى بتوقيت جرينتش +3.
الوقت الان » 05:54 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd