فعلاً ، لو بنضل نكابر ماراح نقبل بهوساوي
لكن في الآونه الاخيره إحنا نعاني من سوء خط الدفاع
وبصراحه ماراح نلقى مثل هوساوي .. في قراءة اللعب
وحماية المرمى .للأمانه احنا نحتاجه كثير .

السلام عليكم
بغض النظر عن ترك اسامه للهلال في السابق، الا انني ضد عودته لانه ليس المدافع القوي الذي ممكن ان يعطينا الثقة فهو يفتقد لأساسيات اللعب في الاستلام والتسليم والتحكم في الكرة. وضعيف جداً في المواجهات المباشرة مع الخصم.
اسامة لم يعطي القوة للهلال سابقا ولا للأهلي حاليا بل يمشي في ظل من حوله في قلب الدفاع والمحور فقط.
برأيي استبدال هرماش بصانع لعب او لاعب طرف أيمن ومع وجود كواك إعطاء الفرصة لسلطان الدعيع او لاعب شاب اخر افضل بمراحل من هوساوي...

وللجميع التحية
الفجر الصادق

صدقوني اسامه ماقدامه محاور ممتازه في الاهلي. الى ماتشوفه بهل المستوى. ويوم راح الاهلي من حقه هذا رزقه والواحد يدور مصلحة نفسه. ان شاء الله يعود للهلال اسامه لاعب ممتاز والرقم واحد في المنتخب. والاعب الي تحسه مرمط الاداره من جد هذا الفريدي بس الله يستر عليه

بعيداً عن العاطفة اتمنى رجوع هوساوي

هرماش ما نحتاجة

أنا ضد عودة هوساوي حتى لو ببلاش

وكلن له وجهة نظر

أشكرك

وجهة نظري لا اقبل اي كلام يخص هوساوي

صحيح انه لاعب خدمنا الكثير ولاعب جاهز في خانة السنتر

لكن اللي باعنا برخيص بتراااب ينبااع

لا اوافق على رجوع هوساوي وهو من فضل المال على الهلال

من وجهة نظري حتى لو رجع ما راح يقدم اللي كان يقدمه لانه باختصار منذ انتقاله من الهلال الى بلجيكا والاعب نازل مستواه بكثير

..

ااااخ لو يرجع

خلوا عن عنكم الهياط والمكابرة الهلال الان يلعب بدون قلوب دفاع ويعاني بالمركز كثير
لو يرجع هوساوي راح يضبط الدفاع بخبرته وراح نستفيد ورقه اجنبي

الصفقه اعتقد انها من صالح الهلال ونحن بحاجه الى هوساااوي

الله اني أيد كلامك ما عمر الهلال وقف ع لاعب ما مبغى اسامه اذا كان الأهلي يبغى عادل يروح الله يوفقه مع فريق الجديد ...

يوجد غيره كثير من الدفاع والهلال بحاجه لدفاع قوي منظم اكبر من هوساوي

اولا احب اشكر صاحب الموضوع

ثانيا يالغالي خلنا بعد ندقق بالمعلومات ونرجع لأيام وجود هوساوي بيننا

من كان امام هوساوي؟؟؟؟

طبعا طيب الذكر اللاعب الفذ رادوي

هل تعرفون رادوي؟؟ من كان يقدر يفلت ويمر من عند رادوي؟

طبيعي ان اسامة وحتى المرشدي بينوا بوقتها انهم ممتازين .... ولكن كانت عليهم هفوات لا تغتفر وخصوصا بعد ابتعاد رادوي عن الفريق


ثالثا: انا اعرف الهلال من بديت اشجعه الى يومك هذا مصلحة الفريق مقدمة على المصلحة الفرديه وايضا الهلال لا يرضخ ولا يخنع لنزوات ورغبات متلاعب


رابعا : هوساوي كاذب وفيه صفة من صفات النفاق " اذا وعد أخلف"


لذلك والله لو الهلال محتاجينه ومافيه الا هو بالكورة الارضية .. انا ارفض رفض قاطع رجوعه للهلال

لانه ان رجع تجرا البقية

لذلك اقولها وبأعلى صوتي اسامه هوساوي لا مكان له في الزعيم ونسخة ايضا لأبو طموح الفريدي


معلومة : ترا سلطان الدعيع ولد شاب وجالس يؤدي دور حلو وله مستقبل ............. لا نقتل طموحه عشان شخص تلاعب بالكيان

وسلامتكم

اشكرك على أخذ أراء الجماهير الزرقاء الصراحة كلامك في متمة أحنا في حاجة مدافع في مستوى هوساوي وأفضل لكن في عقلية هوساوي المادية لايمكن نوافقك الرائي ويش يضمن لي أن هوساوي لارجع بيكون متزن وملتزم معي طالما أنه في الفترة التي أنتقل من الهلال خارجياً قال بعضمة لسانه لو رجعت للسعودية لن ألعب لغير الهلال فماهي النتيجة بعد رجوعه هل وفى بكلامة زي ميزة هاللاعبين لاتثق فيهم مهما كانت مستوياتهم رجوعه للهلال من أجل المال وإرجاع جماهريته التي فقدها بعد رحيله إلى نادي الأهلي الشقيق ويقول راعي المثل ( من ترك داره قل مقداره ) والله يستر عليه ماااااااااانبيه .
:ranting:

من وجهة نظري الخاصة هوساوي لا يستحق أن ينضم للكتيبة الزرقاء لأمر واحد وهو أنه يبحث عن مجد له خاص ولا يهمه الفريق الذي يلعب له فقد ترك الهلال والهلال بحاجته مثله مثل الفريدي الذي أعماه الطمع وحب المال وهاهو الآن يتمنى العودة للهلال حتى ولو احتياطي . كل من تنكر للهلال وخرج منه لم تقم له قائمة والأمثلة كثيرة عبد الرحمن اليوسف قديما رحل للإتحاد ومن بعده خميس العويران وعبد الله الجمعان والدوخي وفهد الغشيان وخالد عزيز وغيرهم طويت صفحتهم في الهلال ونسيهم الجمهور . يقول الشاعر الحكيم ( من صد لا تحفي عليه المراسيل أنصحك لا تلعب عليك الرخامة ) فلا نريده يعود لنادينا نحن نحب المخلصين أما المراوغين فليس لهم مكان في نادينا .