اول زياره لي لمقر نادي الهلال بئواخر الثمانينات ذكريات لاتنسى على ونا كنت صغير بحدود 6 سنوات وعلى ماعتقد 1389حيث اخذنا ولد عمي رحمت الله عليه للنادي وكان عنده تدريب وهو لاعب كرة يد ولما جينا الى النادي بشارع العصارت لفت انتباهي سيارة مازدا لونه ابيض وهارتوب ازرق وكان جالس على الكبوت شاب اسمر طويل واطول مابه رجليه واصلات الارض وقال ولد عمي هذا ابوحطبه وكنت سامع الاسم عبر مباريات المنقوله بالراديو ودخلنا النادي من البوابه على يميننا ملعب كرة اليد ومكان التدريب وجلسنا نتفرج على ولد عمي وهو يتدرب وكان الكرات قويه تشكل صوت كبير عندما تخطي المرمي وتضرب بخشب المسرح اللي خلف المرمى واثنا ذالك سمعت شخص يفول الامير هذلول جاء توقف التدريب وجانا ولد عمي ومسك يدي ثم دخل الامير للنادي وقام ولد عمي وسلم عليه وقدمني الامير وقال لي ياحي الله راعي حائل ثم تكلم مع شخص شكله مهم كان اسمر ويلبس نظارات مازالت اتذكر ملامح وجهه وفيما بعد عرفت انه منصور ابن نصيب واعتقد ان هو وقال له الامير هذلول رحمة الله عليه خذ العيال وطلعهم فوق عند السينما واخذنا الى الدور الثاني وجلسنا عند ماكينة السينما وكنت اطل من النافذه واشوف تحت كراسي عليها ناس يتابعون السينما. وبعد كم سنه جونا شباب الهلال مطعمين من الفريق الاول بحائل ليلعبو مبارات مع الجبلين وكان ولد عمي بالصدفه بحائل وكان من الاعبين اللي لعبو المبارات اذكر فهودي وشمروخ ومنصور بشير وبعد المبارات جانا ولد عمي باليت ومعه بعض لعيبة الهلال ات1كر منصور بشير امل من المشرفين قبول موضوعي |
تاريخ جميل لايام جميله بارك الله فيك اخي الكريم ورحم الله الامير هذلول وموتى المسلمين |
موضوع جميل وذكريات حلوة ورحم الله سمو الامير هذلول |
طيب على الأقل حط صور.. اي شي...!!!! |
إقتباس:
|
أتمنى من إدارة الموقع فتح قسم - سنتن من السنين - اللي عنده سالفه يقوله فيه . |
الله الله ذكرتني بالشيبان لاقال هاك السنين يوم اني كنت شباب |
إقتباس:
اما صاحب الموضوع اسعدتنا ياغالي بالذكريات عطنا كثر تراي من جيلك |
ذكرتنا بالايام الجميلة يالبيشاوي !! الله يسقى ذيك الايام أيام الامير هذلول رحمه الله زمان جميل راح وراحوا أهله !! |
ذكريات جميله والله يرحم الامير هذلول رحمة واسعه |
أخوي الكريم ذكريات جميله شمروخ فهودي منصور بشير حسب ذاكرتي لم يجتمعون الثلاثه بمباراة واحده والله العالم |
.................................................................................................... ........................................................... |
الله يسقى ذيك الايام أيام الامير هذلول رحمه الله |
إقتباس:
|
الا ليت الزمن يرجع ورى ولى الليالي تدور ايام جميله واسماء كبيرة خدمة الزعيم |
ذكريات زمن جميل الا ليت الزمن يرجع ورى ولى الليالي تدور ايام جميله واسماء كبيرة خدمة الزعيم |
الله يطول بعمرك اخوي اتذكر ان ملعب اليد خلف المبنى داخل النادي من الشمال والملعب الى على يمين الداخل للنادي ملعب الطائره والمازدا البكس الظاهر سياره براهيم اليوسف ايام جميله عانى فيها الهلال من التحكيم الشئ الكثير الله يرحم هذلول بن عبدالعزيز ويغفر له وجميع اموات المسلمين |
ماشاء الله ذكريات لاتنسى الله يسعدك |
الله المستعان زمن جميل .. الله يمدك بالصحه والعافيه .. |
طلعو الشيبان المتخفين ههههههههههههههههه الله يطول اعماركم ع طاعته.. مشكور حبيبي كاتب الموضوع |
الاخ بيشاوي لتصحيح هذا كان عام 1398 هــ |
الله يعطيك الصحة وطولة العمر ان شاء الله اسعدني جداً موضوعك اشكرك |
إقتباس:
واما بالنسبه للسياره كانت مازدا سيدان وليس بقس ولونها الازرق ولابيض يلفت الانتباه وبو حطبه متمدد على الكبوت كاني اشوفه قدامي الان ولابس تكميله قميص ازرق وشورت ابيض |
الذكريات تظل جميلة انا من الجيل اللي بعدك على طول ايام النعيمة |
هههههههههههههههههههههههههههههههههههه سنتين من السنين اجل ذكريات جميله انا اول كنت مسجل بنادي الهلال ..سباحه الله يذكر ايام اللستاكات بالخير كان عندهم مدرب متمكن صراحه لما سألني تعرف تسبح وقلت لا ... قاام ودفني بالمسبح على وجهي .. كلها دقيقتين وانا احسن سباح ههههههههههههه |
الوقت المعتمد في المنتدى بتوقيت جرينتش +3.
الوقت الان » 01:48 PM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd