|
أهلا بالمدافع الشبابي كواك في معقل الزعماء .. ( الحي يحييك والميت يزيدك غبن ) عصفوريين بحجر واحد.. ستكون صفقة ناجحة واحسبوها صح. بسم الله الرحمن الرحيم أيها الزعماء اﻷكارم السلام عليكم ورحمة الله وبركاته وأسعد الله مساءكم بكل خير وحب ومسرة ( دعوووة للنقااااااش) ندخل في صلب الموضوع : طبعا رسميا دخل الزعيم في مفاوضات المدافع الكوري للشباب كواك والغالبية من جمهورنا العزيز متخوف منه ويقيسه بلاعبنا الفذ هوان وهذا أكبر خطأ فالفرق واضح بينهما فاللاعب كواك لاعب قوي ومقاتل أما لاعبن فأنتم أدرى ولا يقارن به وأنا أقول الذيب سامي لعبها صح أقول لكم كيف : أولا : كواك جاهز فنيا ومتأقلم على اﻷجواء عندنا وعنده فورمة عالية. ثانيا : حضور حسن معاذ راح يعزز التناغم أكثر في دفاعتنا وبكذا نكون ضربنا عصفورين بحجر واحد. ثالثا : لو قلت لي نزل مستواه بقولك الاستقرار النفسي له دور في عطاء اللاعب ونادي الشباب اجتاحته عاصفة من اﻷمور الفوضوية منذ إقالة المدرب البلجيكي وحتى اﻵن .. لكن عندما ينتقل إلى فريق بحجم الهلال وما يمتلكه من استقرار وقاعدة جماهيرية كبيرة سيلقى نفسه وسيعود نشاطه وحماسه من جديد. أخيرا وليس آخرا الله يكتب لزعيمنا إللي فيه الخير والصالح وكما قالها الذيب سامي وأقولها لكم للتذكير ( سوف ترون هلالا مختلفا ) بحول الله تعالى. الحي يحييك ( كواك ) والميت يزيدك غبن ( هوان ) وشتان بين الاثنين. أمنية أتمنى ن تتحقق ( الصاروخ حسن معااااااااذ )اﻵسيوية محتاجه لمثل هذا اللاعب لاعب قتالي حماسي تخيلوه مع الزلزال وكواك وجمهور الزعيم وش بيصير .. لا سيما إنه مو مرتاح مع ناديه ودليل ذلك تلميحه بالرحيل ﻷكثر من مره وما زاد الطين بله ( الدكه ) بهدلته. وسلامتكم يا غالييين. إخواننا المسلمين لنكن معهم ولو بدعوة صادقة خالصة . محبكم سااااارق جوه ( عين على الواقع ) |
مستواه لايطمئن ومن متابعتي له اجده حبيس الدكه كثيرا في الشباب ولاأعلم ان كان مؤخرا أستعاد مركزه ان حدثت من سامي فهي مغامره ورغم ثقتي به الا اني لاأؤيدها الامر الاخر سمعت بأن هناك نوايا مبيته على الاستغناء عن الهرماش وهاذا قرار اراه خاطىء بصراحه أن أتى سعود فأظن ان من الجيد ان يرحل كاستيلو واعطاء الفرصه لمحمد القرني بجوار سعود او عادل |
ليش كل هذا التاخير يا ادارة الهلال قسم بالله انها افشل ادارة في التعاقدات احرجت سامي !! صفقة الجبرين انسحبت عشان زيادة مليونين !! ياخي شي طبيعي تزيد مليونين بعد تدخل النصر ليش تنسحب وش ذا الاستقعاد تبي لاعبين صح لازم تدفع مانقول الا الله يكتب الي فيه الخير للزعيم وياليت سامي يسحب على المفاوض وهو الي يفاوض بنفسه الله يوفق الزعيم |
مانبي كواك الاعب على بلاطه مايبي يلعب بالسعودية نهائيا وخل عنك المجاملات الاعب مستواه سيئ جدا جدا جدا انا تابعته في عدة مباريات لاعب فاشل بمعنى الكلمة ومايستاهل يلعب في نادي كبير وعريق مثل نادي الهلال زعيم اسياء |
والله يا أخوي ما أشوف فرق كبير بين هوان وكواك سعيد أخو مبارك |
إقتباس:
وصدقني صمت الزعيم ينبئ عن أخبار مفرحة وبالتحديد قبل مباراتنا مع إتي الشرقية. بإذن الله فاطمئن يا قلبي. دمت بود |
بالنسبة الى المفاوضة الرسمية مع اللاعب اللدفاعي المحترف في الشباب كواك وهي بالتأكيد بموافقة سامي الجابر ... وهو لاعب جيد ولا بأس به من الناحية الجسمانية كمدافع و قتاليتة على الكرة ... بالرغم من أن مستواه ليس ثابت في غالب المبارايات ... لآاستطيع الحكم على هذه الصفقة حاليا فهي صفقة محيرة (( وخصوصا وأن اللاعب هو احد اعمدة الدفاع في الشباب فكيف من الممكن أن يفكر الشباب في التخلي عنه ، حيث أن فريق الشباب لديه مشكلة في ولوج 20 هدف في مرماه في الدور الاول )) ... ولكن لدينا الآن هوان _ والمرشدي _ والدعيع (( الذي أصبح بديل مؤقت بمستوى مبشر بالخير لمستقبل هذا للاعب والهلال )) الذي يحتاجه فريق الآن في رآيى : هو قلبي دفاع قويين ومتفاهمين بالأضافة الى بديل أيضا لأن الدوري فيه كروت ولابد أن يكون البديل جاهز حتى نتمكن من المنافسة على جميع البطولات |
انا واثق بختيارات سامي وسامي كان راح يتعاقد مع لاعبين كبار ولكن المفاوض الهلالي الغبي وتسريب المفاوضات خربت كل شي لان تسريب المفاوضات تزيد مليون او ثلاثه والاداره على طول تنسحب شي يقهر ادفع ياخي تنسحب عشان مليون !! انت راح تدفع 15 مليون يعني 15 او 17 مافي فرق كبير بينهم ؟؟؟ ليش الاستقعاد ولعب الهلال في المعسكر ولم نتعاقد الا مع كاستيلو ثم تعاقدنا مع لاعبين اي كلام بسبب المفاوض والاداره والكل يعرف هذا الشي ولكن الان على الاداره عدم التاخير والتعاقد الان مع محور ومدافع اجنبي وحارس والله يكتب الي فيه الخير للملكي |
- الشي الإيجابي والحسنه الوحيده بالصفقه انه لاعب متعود ع الاجواء يعني م يحتاج وقت للتأقلم ع اجواء دورينااا اما مستواه مش ولابد مو ذاك اللاعب الصخره اللي يشيل الدفااااع والدليل ضعف خط الدفاااع الشبابي ب الدور الاول !! بس نقووول لعل وعسى يكون سبب ضعف الدفاع ب اللعيبه اللي بجانبه ف نادي الشباب |
فال الله ولا فالك سعيد اخو مبارك |
الهلال فاوض الاعب من قبل لا يجي الشباب .. والان الهلال يعود له من جديد .. مــآبكم نسيتم ؟؟؟ |
اذا ماجابووووووووووا حسن معاذ ماقول غير ماحك قفاك غير كواك |
صراحة كلامك منطقي ومقنع كثيييير ... مايهمني كواك او غيروا الاهم ينجح مع زعيمنا ويبدع في خانتة ... كل اللي اقدر اقولة ... الله يكتب الخير لهلالنا ... يعطيك العافية ... |
اذا هذا صحيح يبقى هوان وكواك يعني قلوب دفاع اجنبيه ؟ ربما تنجح المطلوب قبل الأجانب التعاقد مع كريري ونايف هزازي القادسيه للمحور ومعاذ وعبدالرحمن الحسن الطائي للظهير الأيمن بعدها نشوف الأجانب رغم أهمية التعاقد مع صانع العاب ايمن سريع ويجيد تنفيذ الكرات الثابته وشكرا |
إن شاء الله يجي افضل من الاثنين اكيد كواك افضل ولكنه ليس بالمدافع الفذ الذي ينشده الهلال عموما الله يكتب الخير للهلال والخيره فيما سيختاره الله ،،، |
| الوقت المعتمد في المنتدى بتوقيت جرينتش +3.
الوقت الان » 10:23 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd