نواف العابد نازل مستواه ؟ تعال شوف وش سوى!
 

نواف العابد : عدد المباريات (11) عدد المباريات كأساسي (8) عدد المباريات تم تغييره (6) عدد المباريات اللي لعبها كامله (2) عدد الدقائق اللي لعبها (673) عدد الاهداف اللي صنعها (6)

يحيى الشهري : عدد المباريات (14) عدد المباريات كأساسي (12) عدد المباريات تم تغييره (6) عدد المباريات اللي لعبها كامله (6) عدد الدقائق اللي لعبها (984) عدد الاهداف اللي صنعها (7)

حسن الطير : عدد المباريات (13) عدد المباريات كأساسي (13) عدد المباريات تم تغييره (1) عدد المباريات اللي لعبها كامله (12) عدد الدقائق اللي لعبها (1169) عدد الاهداف اللي صنعها (7)


الاحصائيه لأكثر لاعب صنع اهداف في الدوري ونواف العابد الثالث بفارق صناعة هدف واحد رغم انه راجع من اصابه ولم يشارك مثل حسن الطير والشهري

وتمريراته اغلبها دائما في الشوط الثاني وحاسمه لذلك اتعجب من يقول ان نواف نازل مستواه ويجب عليه ان يراجع نفسه

طبعا نطلب من اللاعبين تقديم اعلى مجهود في الملعب ولكن لا نهضم ايجابياتهم واطلاق العبارات (يراجع نفسه، نازل مستواه) لانه قام بتصرف غلط او ضيع هجمه او لانه ما عجبك .

ملاحظه : الاحصائيه من موقع احصائيات الدوري السعودي .

نواف العابد ورغم كل هذه الفرص يجب انه يشتغل على نفسه صح ..

اشوف سالم الدوسري وعبدالعزيز الدوسري اكثر منه حماس ...

ليه العالم تشيد بناصر الشمراني ونيفيز وسالم ؟؟ لأنهم جمعوا المستوى مع الروح القتاليه .. نواف مستواه ممتاز واوقات وسط لكن يعيبه انعدام الروح القتاليه ويلعب وكأن المبارة لا تعنيه من قريب او من بعيد .

نواف فعلا ناقصه الروح تعود عليه نبيه نواف زمان وان شاء الله يشتغل على نفسه ويرجع لنا نواف اول


الف تحيه

الله يصلحك تقارن نواف ب يحيى والطير

مع احترامي لهم لو رجع نواف لمستواه يغطي عليهم بالراحة

لا نواف افضل بمراحل من الذي يقدمة هذا الموسم وهذه حقيقة نحتاج من نواف ان يعود افضل لاعب سعودي بدون منافس كما كان ذالك الموسم الماضي لم يكن هناك من يقارن بمستوا نواف

الموسم اللي فات نواف كان من اكثر اللاعبين قتاليه وحماس ومع ذلك صنع 3 اهداف فقط في كل الدوري

على فكره انا من اشد المعجبين بمستوى وحماس سالم الدوسري لكن هالموسم ماصنع ولا هدف رغم مثل ماتقول جمع المستوى والقتاليه

لذلك القتاليه والحماس مايصنع لك ولا يسجل لك اهداف

لازم ينتبه لنفسه

نواف هذا الموسم ليس بنواف المواسم الماضيه

...

ولكن كان يسجل !! وكان مستواه خراافي سريع ولا يتاخر في التمرير عكس الان يتاخر كثير في التمرير

ويمشي بهدوووء !! ياخي اللعب من لمسه وحده نبي نواف العابد s13ss13s

‫هدف نواف العابد ( رائع ) - الهلال و الإتحاد دوري زين‬‎ - YouTube

لاعب لديه امكانيات جبارة

واثق من عودته

Nawaf Al-Abed نواف العابد‎ // Skills Dribbling Goals // 2013-2014 Full

نواف هذا الموسم ليس بنواف المواسم الماضيه

لاتقول احصائيات ولا خرابيط

نواف العابد من وقع وهو مو نواف السنة اللي راحت

نواف بالنسبة لي لاعب كبير والله اني احبببببببب لعبه مرة واشجعه وانبسط عليه
بس هالمموسم ماهو نواف الموسم اللي راح معليش

نواف تحسه لما يلعب كان باله خارج الملعب بتاتاً بعكس سالم وناصر وتياقو وعزوز تحس انه حماسي وعنده روح واصرار ،نواف لديه الكثير ليقدمه

لاعب لديه امكانيات جبارة

واثق من عودته

نواف فعلا مستواه نازل
لكن بما اننا في احصائيات
نتمنى ان نرى عدد الاهداف - الكرات المقطوعة - التمريرات الصحيحة .... الخ

واخيرا
من المحزن اننا اصبحنا نقارنه بلاعبين كنا نراهم اقل منه في المستوى