|
أختلاف الرأي لا يفسد للود قضية ( الشلهوب ) السلام عليكم ورحمة الله وبركاته مساكم الله بالخير ندخل في الموضوع بدون مقدمه انا احترم محمد الشلهوب واقدره واحب لعبه ,, لكن في مباراة العروبه كان نزوله من بداية المباراة غلط . المفروض يكون مكانه - نواف العابد بما انه كان جاهز وقادر على العطاء مثل ما شفناه في المباراة ونزول الشلهوب يكون بعد ما تضمن النتيجه ويفتح الفريق ملعبه ويحاول التعديل وقتها بيكون نزول الشلهوب له نتيجه مثمره لأن لاعبين فريق العروبه بيكون مشغولين في تعديل النتيجه وبيكون استلام الشلهوب للكوره اسهل ويقدر يوزع ويمرر على راحته لضعف بنيته وعدم قدرته على الاحتكاك اللي شفناه امس ,, وكما نعلم بأن محمد الشلهوب ليس مشهور بسرعة الجري ,, نعم اتفق مع من يقول بأنه مهاري وصاحب عقل في توزيعه ,, ولا ننكر بأنه قد اسعدنا كثير في كثير من المباريات . وهذا رأيي الشخصي واحترم جميع الأراء منكم لأحد يجي يتهمني في حبي لـ /محمد الشلهوب وشكـرا لك ,, لأنك كنت موجود هنا ,, ولقرائتك لموضوعي |
معك حق الشلهوب بمباراة العروبه كان نقص للفريق ولكن يبقى لاعب كبير وله تاريخه والحمدلله ان سامي تدارك الوضع الشوط الثاني وبدله بنواف مع انه تأخر شوي وبالأخير نقول الحمدلله على الثلاث نقاط |
الشلهوب وكذا لاعب لن يستفيد الزعيم ابد منهم الاصدقاء كثر مشكور ياملكي |
بصراحة الشلهوب في مباراة العروبة ما كان في يومه أيامه صارت معدوده في الرياضة شكراً يا شلهوب على كل اللي قدمته،،،،،، |
ي خي ي شين اللي يدخل في الموضوع ومسوي نفسه فاهم الكوره ^^ ردي على بدر !! عزيزي خليل اقدرك واقدر موضوعك ولاكن عندما تتكلم عن لاعب واحد فقط وتترك البقيه هنا اقدر اقول موضوعك غير حيادي أتفق معك محمد ماكان في يومه ولاكن لماذا لم تذكر ياسر ' هوآن ' لم يكونو في يومهم !! ع العموم لاهنت تقبل ردي :) |
اتفق معك الشلهوب محبوب الجميع ولكن الأداء طبيعي يكون اقل ويفترض لعبه اخر ربع ساعه وبمركزه صناعة اللعب لان الأطراف يحتاجون لاعب سريع وقوي وهذه لا يملكها الشلهوب وشكرا |
هو لم يتكلم عن الشلهوب الا لانه خلاص اعطى الفرصه كثيرا ما قصر كان نعم الاعب خلاقا واداء ولكن الشلهوب من فتره طويله وتمريرته الخاطئه كثيره والتى غالبا ما تردد هجمه على مرمى الهلال في مباراة العروب لو شاهدتها احسب عدد الكور المقطوعه والتمريرات الخطاء وستعرف صحة كلامي بداية من افضل فرصه في بداية المباراة لم يكون مضايق ومررها ليد الحارس بدلا من ان يمررها لياسر او ناصر |
بالعكس خل العابد في الدكه ورقه رابحه طفشنا من العابد وبروده الشلهوب مهما كان مستواه الى انه خبير ويملك حلول اما بالعرضيات او بالتمريرات في العمق لذلك الشلهوب بينخفض مستواه لان الاعب مايلعب اساسي اعتقد الجميع شافه في نهائي ولي العهد كيف جندل في النصر والهلال وقتها في مستوى سيي |
الشلهوب كان قاتل لهجمات الهلال فأغلب هجمات الهلال تموت في قدم الشلهوب |
مساء النور أخوي خليل الشلهوب في مباراة العروبة قدم مستوى جيد جداَ لكن نحن من صعبنا المباراة على أنفسنا, ولكن الحمد لله أننا حققنا المطلوب وهي الثلاث نقاط. و بالتوفيق للزعمـاء BB: 26E8BAAA |
يا جماعه ليش نضحك على انفسنا الشلهوب ما ينفع مع الفرق اللي تقفل لا عنده بنيه جسمانيه ولا سرعه ولا شي اللاعب يلعب عالواااااااقف.ممكن نستفيد منه في المباريات اللي تعتمد فيها الفرق على اللعب المفتوح قدام النصر يوم لعبوا 3 محاور ما شفناه قدام العروبه ما شفناه باختتتتصار الفرق اللي تقفل ما ينفعنا الشلهوب |
اخوي صحيح الشلهوب ضيع كم هجمه لكن تراه من زمان وهو احتياط وبعدين العابد يم لعب ماقدم مستوى |
وجهة نظرك ولابد نحترمها فيما يخص الشلهوب أنا أختلف معك .. دخوله من البداية كان محل نيفيز .. ومحل نيفيز لابد من لاعب يملك الخبرة الكبيرة والرجل الموزونة ، وهذه مواصفات نيفيز .. الأطراف كلهم صغار وبحاجة لخبرة فلو أدخلت واحد آخر صغير كذا انت اعتدمت كليا على عنصر الشباب وتركت الخبرة واللي تلعب دور كبير في هالمركز .. دخول أحد الصغار ( وأنا أقصد العابد ) متأخرا يسبب ربكة لأنه يتحرك كثيرا والخصم يكون منهك لياقيا وأنت تبغى تسرع الرتم وتتعبهم أكثر, أما دخول الشلهوب متأخر فهذا أيضا في صالح الخصم لأنك تهدي الرتم أكثر وأكثر .. أتفق معك في أن مستوى الشلهوب منخفض ولكن هذه تحدث حتى مع أعرق اللعيبة العالميين .. لو كنت أنا محل المدرب سامي الجابر في ظل غياب النجم تياقو نيفيز للعبت بياسر القحطاني من البداية في هذا المركز ( ياسر ممتاز جدا في هذا المركز وهذا مركزه أساسا عندما كان صغيرا ) واعتمدت على عنصر خبرته ومكره وكلنا نرى تمريراته المخادعة ( ولا ننسى أن مستوى ياسر أمام المرمى هبط قليلا ولكنه في التمرير لا زال ياسر كما نعرفه ) كما أنه مشاغب أكثر من الشلهوب .. ولأدخلت السالم وناصر في المقدمة .. أتوقع بيكون مثلث مخيف جدا للخصوم وسيربك اللي ما يرتبك .. على كلن سامي في وجهة نظري لم يخطئ .. ولكن انخفاض مستوى الشلهوب لم يكن يتوقعه سامي والا لأوجد خطة بديلة لذلك .. تحياتي :rose: |
الشلهوب ضعيفه بنيته الجسديه ولا يستطيع الاحتكاك مع اللاعبين و من الصعب عليه ان يحتفظ بالكره وبطيء أعتقد ان مكان الشلهوب في الاحتياط و الاستعانه فيه من الدقيقه 70 وفوق |
الشلهوب ماكان بيومه وفعلا ماكان مفروض يدخل من البداية بس نيفيز ماكان موجود .... عموما الفريق كله تقريبا ماكان بيومه وبالذات السالم فلا تنتظر حتى من نيفيز ان يقدم مستوى اذا الفريق كله نايم |
| الوقت المعتمد في المنتدى بتوقيت جرينتش +3.
الوقت الان » 03:20 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd