يجب علينا كـ جمهور مطالبة الادارة والكوتش سامي بسرعة التعديل بالانتقالات الشتوية
 

السلام عليكم ورحمة الله وبركاته

:rose:

اولاً : ما عندي اي خبر لا عن كريري ولا حسن معاذ (( يعني يتسذب ))

تعااااااااااااااالوا اصبروا شوي :ranting: مو اني اعترفت اني اكذب طلعتوا


اسمعوا وش بقول وفكروا فيها

الكل يعترف من نقاد و محللين وجماهير الاندية السعوديه ونحن ان الهلال هذا الموسم والموسم الماضي فاشل

طيب خلونا نرجع شوي

الهلال العام الماضي

بطل كاس ولي العهدs13s
وصيف الدوري
اقوى خط هجوم
ثالث اقوى خط دفاع بعد الفتح والنصر
خرج من دور الاربعه بكاس خادم الحرمين الشريفين
خرج من دور 16 من كاس اسياء


هلال هذا الموسم

وصيف الدوري

اقوى خط هجوم

ثاني اقوى خط دفاع مناصفه مع الاهلي والاتفاق بـ 14 هدف



ومع كل هذا الكل يعترف بفشل الهلال الموسم هذا والماضي



^^^

نستنتج من هذه النظرية << قلب مدرس فيزياء بنظرياته :naughty:

ايوه شسموه نستنتج من هذه الاحصائيات ان الهلال يعتبر من اقوى خطوط الهجوم والوسط بالدوري السعودي للموسمين السابقين


لو فكرنا قليلاً اين المشكله في الهلال :rg: ؟؟؟


مشكلتنا احصرها على ثلاث لاعبين او اربعه بالاكثر


وهم : قلوب الدفاع مع احد المحاور او كلا المحاور


اذاً حصرنا المشكله على هؤلا الاعبين


يجب علينا كـ جمهور مطالبة الادارة والكوتش سامي بسرعة التعديل بالانتقالات الشتوية


وتكون المطالب كـ الاتي :

اولاً : الاستغناء عن

1- الكوري هوان
2- كاستيلو
3- هرماش

ثانياً : جلب لاعبين

1- قلوب دفاع . اما من ايطاليا ( لتميز الدوري الاطالي بالدفاع ) او من قارة افريقيا او من البرازيل .. اهم شي اصحاب مستويات جيدة
2- محور اسيوي
3- التعاقد مع سعود كريري

4- التعاقد مع حسن معاذ ( مقايضة بـ احد الاعبين ) لتخفيف قيمة الصفقه


وبكذا يكون هلالنا نااااار ي حبيبي نااااار

-----------------------------------------------------------------------------------

شراحيلي ( اذا عاد ) السبيعي

الشهراني --------- قلوب دفاع يتم التعاقد --------- معهم معاذ


كريري
محور اسيوي

العابد --------- نفيز :smilie47: ---------سالم الدوسري



الزلزال ناصــر :smilie47:


----------------------------------------------------------------------------------


بكذا وش بيكون هلالنا !!!

اذا الموسم الماضي وهذا الموسم هجوم ووسط نار .. ومشكلتنا بالدفاع والمحاور

وتم حلها بهذه الطريقة


اتمنى اني وفقت بموضوعي <<< بجنب القده ي حبيبي :d:d:d

يابن الحلال الهلال يحتاج طرف ، الهلال لو غاب سالم ونواف عن مستواهم غاب الهلال .



جمعة مباًركه

ههههههههههـ واللهـ كنت مترددهـ أدخل الموضوع ولا لا !

لأن بكل أمانهـ ملييييييييت من أصحاب الحصري والمصادر الخاصهـ *~*

ولكن الحمدللهـ اللهـ هداني ودخلت :d
كريري بـ إذن اللهـ رح يجي الهلال ،، أما معاذ فـ صراحهـ لين الحين ما بهـ خبر أكيد عنهـ ~


ولا أتوقع بـ يجي للهلال لأن من الشروط واضح إنهم ما يبون يستغنون عنهـ ~

وبـ خصوص الهلال الموسم الماضي والآن فـ أوافقكـ الرأي المشكلهـ فـ المحاور والأجانب ~

وللمعلومهـ الهلال اللي يقولون عنهـ سيء ما شاء اللهـ كل موسم لازم يطلع ببطولهـ ع الأقل ~
أجل لو ما كان سيء وش بيسوي ؟!

عموما إن شاء اللهـ يتوفق الهلال فـ إختيارهـ للاعبين المناسبين بالإنتقلات الشتويهـ ~

شكرا ع الطرح ~

الله يكتب اللي فيه خير

اتفق معك

إن شاء الله يتم التعاقد مع لاعبين عليهم الكلام

في الدفاع والمحور

وراح يكون الهلال غير ..

شكرا لك

يعني انت كذاب وفرحان في نفسك

اما هالزلزال اساسي تراه لعب من اول مباراه في الدوري والسهلاوي مالعب نص مبارياته ومتعديه بالاهدف ...ياسر اذا لعب تنظم الهلال وصار لعبه صح واذا غاب صار هناك عشوائيه باللعب

الصحيح ان الفتح استقبلت شباكه 13 هدف اي افضل من الهلال والاتفاق والاهلي كما ذكرت

أتمنى تعدل معلومتك وبالتوفيق

اسمع يابدر العام الماضي اخرج الهلال من الدوري حكم مباراة التعاون وكلنا نذكر
ومن كأس الملك خليل جلال وكلنا نذكر

لاتقول لي فاشل ومافاشل
وقبل اسبوعين قالها عمر الغامدي قال واجهنا قوة مايقدر عليها الا الله كان الشباب متقدم ولاعب بحسبت الفقر . تحرك الحكم وطرد لاعب واحتسب هدف غير شرعي واحتسب بلنتي غير شرعي وفووووز النصر لاتنسى الفرق بيننا وبين الفقر كان 4 نقاط بمعنى انه لوانهزم مباراة الشباب يبقى الفارق 1 نقطة نقدر نجيبها الدور الثاني من امام النصر لكن الان املنا بالله وبأن نفوز بجميع المباريات على ان يفقد النصر نقطة واحدة بشرط فوزنا عليه الدور الثاني والله كريم

الحححححححححححححححححححححححححححححمد لله

ههههههههههههههههه ضحكتني من قلب

تقارن الشمراني الزلزال بالمحظوظ السهلاوي بلنتي

الشمراني ألغي له أكثر من هدفين بالدوري ومع هذا واصل 8 آهداف

السهلاوي 6 من أهدافه بلنتي ؟ " لاتعليق "

ع قولتهم بتحط نفسك في مواقف باايخه : )

اخوي اترك عنك التزوير و التدليس
السهلاوي هدفين بلنتيات و مو مثل ما تفضلت 6
أهداف كلها بلنتيات .


بعدين الموضوع عن انتقال كريري و معاذ

و مو وقته تجلس تقارن الزلزال بالقناص
ثم تجي تدخل السهلاوي !!!



خلونا في هلالنا و اتركو الخرابيط ع جنب