|
سعود كريري & عبدالعزيز الجبرين السلام عليكم ورحمة الله وبركاته صباح الخير :) بـ ادخل بـ الموضوع مباشرة هالايام انتشرت اخبار وبكثره ان الهلال قريب جداً من اللاعب سعود كريري بـ عقد وقيمته 18 مليون ونص لـ مدة سنتين ونص وان الادارة الهلاليه توقف مفاوضاتها مع نادي الرائد بسبب مغالاة النادي بـ قيمة اللاعب وعرضهم 15 مليون لـ مدة 5 سنين ..!! سعود كريري لا يختلف عليه اثنان بـ امكانياته العاليه وبخبرته بس انا من وجهة نظري ندفع 15 مليون بـ لاعب شاب وايضاً لا يختلف عليه اثنان ويعطيك لـ مدة 5 سنين قدام افضل من انك توقع مع لاعب كبير بالسن ويعطيك سنه وما تظمن السنه ونص الباقيه بيعطيك نفس الاداء او لا الحين بجي واحد يقول الخبره و و و الحين الكره الحديثه اتغيرت وصارت تعتمد على منظومة متكامله وليس لاعب واحد علشان تقول خبرته تكفي امنيه : ان الهلال يفكروا جيداً قبل التوقيع مع كريري وانه يتم التوقيع مع اللاعب عبدالعزيز الجبرين بـ اسرع وقت قبل ما يخطفه نادي النصر او اي نادي اخر اعتذر على الاطاله لكم كل الاحترام والتقدير |
وش فايده العمر صغير ولاكبير انا الي ابيه كعطاء بالملعب ولانقارن بكريري بالجبرين لاعب نادي صغير ومارح ينجح لو هي الاعب بالعمركان نجح مع طيب الذكر الكمخه سو مهاجم الهلال قالو صغير ويخدمك هو بس ركض على الفاضي لو الباب مفتوح ماسجل |
بالعكس العمر شي اساسي ولاحظ مباريات الرائد امام الانديه الكبيره يبدع ويثبت وجوده امام الكبار وكثير لعيبه طلعوا من انديه صغيره لا تحكم على اللاعب من خلال ناديه هذا عندك ياسر القحطاني وياسر الشهراني طلعوا من القادسيه احمد الفريدي طلع من الانصار حمزة ادريس طلع من احد او الانصار فلا تحكم على اللاعب من خلال ناديه احكم على اداء اللاعب امام الفرق الكبيره ايش يعمل داخل الملعب |
ياحبيبي هات كريري اضمن وافضل محور حاليا اعتقد الكل شاف مباريات الرجاء في كاس العالم وشاف اليوم الرجاء ضد اتليتكو منيرو ماشفتو الي كتم رونالدينهو طوال المباره كوكي محور الرجاء ماشاء عليه محور لاقلت محور في كل مكان تلقاه سرعه استخلاص قوه بدنيه قتاليه متابعه في مباريتين مستوى عالي جدا ولاعب فلته اتمنى الهلال يلتفت له والله يامستواه الي يقدمه مايقدمه لاكاستيلو ولاهرماش واكثر مايميز الاعب انه يقراء تحركات الخصم والتمريرات كانه حاسب لها تلقاه معترض طريق اي تمريره |
انا متابع للجبرين مانجم الى ضد الهلال كان فريقه متكتل هالاعب كل الاهداف من العمق من عنده وياكلونه في الون تو المحاور كثيره ورانا اسيويه نحتاج كريري للخبرته كريري قادر يعطي موسمين شرط يكون جنبه محور اجنبي نشيط يسانده |
بكل الود اذا على صغر السن لدينا نجوم منتخبات بالفئات السنيه (الفرحان وفلاته والنجعي) ومستوياتهم رائعه وسكرا |
الهلال لن يتوقف على الجبرين او كريري او غيرهم الله يتمم صفقات الزعيم على خير ومتفائل خير بأذن الله ان هلالنا من مباراة الفتح مستمر بنفس الاداء وافضل واقوى منه بقية الموسم تحياتي |
كريري ان شاء الله جاي بالطريق والجبرين راح للفقر بـ 12 مليون هذا اخر خبر قريته |
لو ثنينتهم يكون احسن بس كريري اهم حط جنبه الفرج وباقي اللاعبين الشباب يتعلمون افضل من انك تجيب الجبرين صغير زيه زي القرني والفرج يحتاجون لتوجيه حبيبي الخبره اهم شي باللاعب. |
اتمنى احضار الي انا الان حاطه صوره عرض الكل عارفه لاعب مخلص لشعار الملكي وايام رادوي وعزيز ماخذ الفرصه الكامله شوفوه مع الاتفاق كل المدربين يحطونه هو اول واحد بالتشكيله |
كريري أهم,, بسبب الآسيويه ! الهلال بحاجة لخبرة كريري.................. مشكور على الطرح |
فعلا كلامك سليم 100% الجبرين فرصة لا تفوت |
أنا اشوف كريري افضل كلاعب سعودي مع احضار اجنبي مميز ومثل مايقولون الادارة هي الادرى وعند سامي الخبر اليقين |
اذا هي على العمر لاتخاف جبنآ ناصر الشمراني وهذا هو مبدع ماشاء الله وكانت من افضل الصفقات الناجحه اللي فادت زعيمنآ .. انا اشوف كريري مكسب للزعيم خصوصآ الاسيويه بالطريق والتوقيت جدآ ممتآز لجلبه .. دمتم بود .. |
يا حبيبي يا غالي كلامك صحيح في حاله وحده ( أن يكون الجبرين محور دفاعي اول ) من غير أدوار هجوميه ( غالبا ) مثل سعود كريري حنا عندنا كاستيلو بس بطيء وما تعتمد عليه عشان كذا الهلال يبحث عن محور دفاعي فقط قواك الله أخوي يارب وفق الزعيم ~ |
اتفق معك بموضوع العمر ولكن ارى من الممكن التعاقد مع الاثنين فالهلال قادر على ذلك ولو انني ارى اهمية وجود الكريري لافتقاد الزعيم لقائد مؤثر وقادر على توجيه الفريق داخل الملعب كذلك تابعت الجبرين خلال المباراتين الاخيرتين للرائد ولم ارى فيه السرعة والتطية الدفاعية المطلوبة وربما الفرج افضل منه بمراحل حسب رؤيتي ولو ان مباراتين ير كافيتين للحكم فلاحظت اللاعب حريص على عدم الالتحام والاحتكاك المباشر واعتقد يعود ذلك لحرصه على تأمين مستقبله واقتناص فرصة الحرص على التعاقد معه من عدة اندية بالتوفيق للزعيم دمتم بخير |
إقتباس:
اتفه فرصه تصير خطره |
صراحة محور الرجاء المغربي اللاعب الايفواري كوكو لايعوض ... لاعب قتالي ومالي مركزه مضبوط ... واللي تابع مباريات الرجاء الثلاثة يحكم عليه .. كوكو غويهي هيلاير - Kouko Guehi وسط ساحل العاج النادي: الرجاء الرياضي - المغرب تاريخ الميلاد: 27 ديسمبر 1982 العمر: 30 الوزن: 71 كيلوغرام الطول: 180 سم يلعب بالقدم اليمنى مع احترامي ل كريري والجبرين .. |
الجبرين فاشل والرائد يطالب بمبالغ هائله وكريري شايب ويبي يأمن مستقبله مثله مثل اسامه هوساوي الذي انتقل للاهلي بمبلغ جامد واخرتها مستوى فاشل |
انا اثق في سامي كثيرا المسلم قبل مانجيبة من الرائد قلنا مافية بعدة ؟يوم جانا طلعوا عيالنا احسن منه ؟ اكثر اللاعبين كايشدون حيلهم الا ضد الهلال علشان العقد لكن ضد الاندية الأخرى صب قهوة ( الجبرين احدهم ) انا مع ان نتعاقد مع كريري |
يٌقال بخصوص [ الجبرين ] إتفق بشكل نهائي مع الفقر و سينتقل بعد مُباراتنا معهم في بطولة كأس و لي العهد : ) |
الهلال في هذا الوقت يحتاج لعيبة خبره خاصة في آسيا ، كلنا شفنا كيف الهلال يفوز و يرجع يخسر في الدقائق الاخيره بسبب عدم وجود لعيبة الخبرة اللي يعرفون يتحكمون في رتم المباراة و يخلونها بارده و يطفون الخصم ، النوعية هذه من اللاعبين مو موجوده في الهلال حاليا ، لذا الهلال محتاج كريري اكثر من الجبرين |
بأذن الله كريري بـيوقع ويبي يجي الجبرين ومعاذ ونشاءالله نجلب اجاانب 3 (مدافع_جناح_جناح) ورااح يأكل الاخضر واليابس ونرجع زمن الخماسيات والرباعيات.... |
إقتباس:
للحين متأملين يجينا الجبرين هههه اللاعب خلاص للفقر : ) https://twitter.com/search?q=%D8%B9%...D9%86&src=tyah |
| الوقت المعتمد في المنتدى بتوقيت جرينتش +3.
الوقت الان » 06:29 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd