|
حدث لي هذا الموقف في مباراة الهلال والفتح .. الى متى استقصاد وتطفيش جماهير زعيم اسيا؟ ! السلام عليكم ورحمة الله وبركاته يوم السبت الماضي اصر ابني فهد ربي يحفظه على حضور مباراة الهلال طبعا قلت له يالله مشينا ومبسوطين لرؤية ومشاهدة الزعيمs13s المهم قبل دخولي الملعب وقفني فهد وقال يا بابا ابي اشتري علم الهلال قلت طب واختار .. اختار علم مكتوب عليه " شعار الهلال كبير+عبارة زعيم اسيا" اشترينا التذاكر ... المهم لحظه التفتيش من قبل الاشخاص المسؤولين هناك فتح العلم وشال طبعا العصاا .. ولا قلت شي لتقديري للموقف المهم يطالع وقال ممنوووع دخول هذا العلم !! قلت له من جدك انت ؟! قال ايه ممنوع الا اذا بيرضى الريس ويطالع بمديره وبعين قال ممنوع تدخل عبارة زعيم اسيا ؟! قلت نعم !!!!!!! قال ممنوووع قلت وين المشكله بالعبارة !! مشيت وقلت له ياخي زعيم اسيا هو بالعلم او بغيره !! طبعا ماحبيت اجادل رحت شريت علم ثاني بدون أي عباره عشان فهوودي ينبسط بس... والحمد لله فرح بالاهداف :rg::rg: صراحه استغرب من الموقف استغرب من عدم وجود مراقب اقل شي يحفظ حقوق الجماهير الشعار جدا عادي وشريته من الباعه اللي جنب الملعب رفعو ضغطي وقتها لا بارك الله فيهم ! اعتقد غيري واجه مواقف ثانيه .. ولكن ينبغي عدم السكوت ... الا اذا ممنوع فالغلط مني انا !! بالتوفيق للزعيم في المباراه القادمه بالجوف . |
ابوفهد : حياك وبياك 1 - مبروك الفوز لــ / فهد و لك وللزعماء . 2 - الحمدلله على سلامة فهد وسلامة الجماهير . 3 - بيئة الملاعب سيئة . ! 4 - تعامل رجال الأمن أسوء . ! 5 - الخدمات لاتوجد . ! وبالنسبة لدخول الاعلام استغرب تعامل الأمن بالرياض والمختلف عنه في بقية مناطق المملكة . ! ! حفظ الله فهد ، ومبروك مجدداَ |
عجبا ما نراه من رجال امننا الاعزاء !! وهل عبارة زعيم آسيا فيها اساءة لاحد او عبارة غير لائقه او انهم يتلقون اوامر بعدم دخول اي اعلام عليها كتابة بغض النظر عن ماهي هذه الكتابة !! قسم بالله تخلف الى ابعد الحدود الحضور الى الملعب هو تسلية وترفيه وليس تعقيد وتطفيش الله يكون في عون الجمهور على ما يلاقونه من سوء تنظيم في كل شي |
حسبي الله ونعم الوكيل رحت مع صديقي للملعب في مباراة النصر والتعاون فطلب مني اشتري له علم النصر فاحصلت علم مكتوب فيه متصدر لاتكلمني فاقلت اشتريه ازين من علم "العالمي" فاشريت علم متصدر لاتكلمني ودخلت ولاحد فتح فمه استغرب مثل هالمعامله لنا كجماهير هلاليه |
هههههههههههه مابقى الا يكتبون على الامن ( ممنوع لا تكلمني ) ويفكونا |
ان كان ماذكرته صحيحاً وان شاء الله انك صادق فيجب ايصال هذه المعلومة الى ادارة النادي وعلى الادارة او المركز الاعلامي الطلب من الاتحادالسعودي وعلى الملأ تحديد المسموح من الممنوع ........... كذلك حصل للسالم مهاجم الهلال كلمة f16حيث كانت مسموحة عندما كان اتفاقيا ومنعت عندمااصبح هلاليا وفي نفس الوقت عبارة RR اوقريبة من هذه العبارة لحسن الراهب لم نسمع بمنعه نحن نطالب بالمساواه وعلى المركزالاعلامي بالنادي بحث الامر |
من جد قمة التخلف بكل مكان الملاعب بيئة جاذبه إلا ملاعبنا بيئة طاردة متى نرتقى ونتطور العالم للأمام واحنا للخلف |
ليس هناك شيء محدد ممنوع ! هي فقط "مزاجيات" ضباط ! فلا تستغرب يا أخي .. والله يحفظلك ابنك فهد |
الهلال ملكي وزعيم اسياء وعالمي بعد غصب على الي مايرضى ومسألت انهم رفضو يدخلون علم زعيم اسياء فهذا برايهم ان اللقب بيندثر ههههههههههههه بأذن الله زعيم اسياء بيطلع لهم في احلامهم مو في الملاعب بس يحلمووووون بزعيم اسياء ان شاء الله |
تحصلهم نصرراوين بس ما اعتقد كل الان كذا ولا تستبعد كان |
رجال الامن جزء من الشعب والغالبيه فيهم هذا المرض كما ان التعصب له دور كبير في هذا المجتمع والقادم اسوء اذا رئيس الاتحاد مهزوز ومتردد وليسى له سلطه في شئ مجرد خفير يحرس اللوبيات التي في اللجان فلا تأمل خيراً وعليكم بالصبر من اجل الزعيم الذي تكالبت عليه اللجان والاعلام الله يكون في عون الاداره واعضاء الشرف والمدرب والاعبين والجماعير من هذه الفوضى |
صراحهـ أنا مستغربهـ من هالتصرف !!! بغض النظر عن إن هالتصرف يسيء لنا كهلاليين ~ أنا مستغربهـ إنهم كيف يمنعون أشياء مابها شيء مسيء لأحد ولا فيها ألفاظ غير راقيهـ ! مثال الحين منعوا العلم عشان كلمهـ زعيم آسيا وقبلها فـ مباراهـ للهلال إمنعونا دخول العلم الإماراتي ،، بينما نشوفهم كم مرهـ يدخلون لافتات تستفز الجمهور المنافس مثل : العالميهـ صعبهـ قويهـ !!! ما أشوف منعوهم ؟! كرهوا خلق اللهـ بمشاهدهـ الكورهـ والذهاب لتشجيع فريقهـ ،، لا وفي الآخير يسألون ويعاتبون الجماهير ع قلهـ الحضور !!! بـ اللهـ حاسبوا موظفينكم وبعدين طالبوا بـ حضور خلق اللهـ ~ عموما المهم طلع فهد ربي يحفظهـ مبسوط من فوز زعيم آسيا بالمستوى والنتيجهـ الحمدللهـ ^_* اللهـ يعطيكـ العافيهـ ع الطرح ،، وإن شاء اللهـ يواااصل الهلال الفوز ويخليهم يموتون بغيضهم ~ |
اتهم.. ثم رفض الإعتذار وكابر.. ادعى أنه يملك الدليل على اتهاماته.. حينما استدعي للإمارة فضل الصلح وقدم اعتذاره.. نموذج لفكر يدمر رياضتنا..(((حمد الصويلحي))) |
بالفعل بيئة الملاعب بيئة طارده للأسف والتعصب تعدى حدود العمى ! بسبب الاعلام ورواده . شكراً للجميع وفقكم الله |
هذا الموقف لا يقف هنا في الموقع لا بد على الادارة أن تحمي الجماهير من المتعصبين والحاقدين على زعيم اسيا ولا يترك هكذا بدون اخذ موقف وعلى الاخ ابو فهد ان يتواصل مع الادارة لتصعيده للمسؤلين لكي يتخذوا عقوبة رادعه في حق من يحرم جماهير الزعيم من المتعه داخل الملعب بالشعارات التي هي شرف كل سعودي ان نادي سعودي هو نادي القرن وزعيم اسيا وشكرا لكم |
| الوقت المعتمد في المنتدى بتوقيت جرينتش +3.
الوقت الان » 06:43 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd