|
يـا مرحبا بالذيب وعياله , منورين الجـوف ياساكنين الجـوف .. بدايه أحب ان أهنى الكابتن سامي الجابر على الظهور المميز بالفريق أمام بطل دوري العام, ثلا ث نقاط ثمينه ومهمه كـ أهميه لقاء الهلال بحلوة الجوف نادي العروبة يوم الجمعة القادم بمدينة سكـاكا الجوف .. وبما أني من سكان هذي المدينه الغاليه أرحب بالجمهور الهلالي الذين سيأتون مساندين للفريق وبصفتي مشججع محب للكيان أتكفل بمن حضرللجوف من مواصلات وسكن مع استقبال اللاعبين بالمطار بمسيرة من المطار الى مقر فندق النزل الواقع بالشارع العام بالقرب من جامع الرحمانية نعد جمهور الوفاء الهلالي أن يشاهد أستقبال يليق بنجومة ويليق بأهل الشمال .. هذا رقمي لمن أراد الحضور والسكن قريب من الملعب على حسابي مع التكفل بالواجبات والمواصلات للذهاب للملعب مع العلم أن الحضورللملعب سيكون الثانية عشر ظهراً نظراً لصغر مساحة الملعب فكلاآ مدراجات الملعب لا تتسع الآ لـ 3000 مشججع وأظن البوبة ستغلق بنفس الوقت لكثافة الجمهور الهلالي بمدينة سكـاكا من أراد الحظور لمساندة الفريق عليه الأتصال قبل المباراة بيومين حتى يتم التنسيق المبكر . 0503151992 كل التوفيق لنادينا وحصد الثلاث نقاط , اخوكم \ رائـد مناور الغدير .. |
بيض الله وجهك ومشكور على دعمك اخوي .. وان شاء الله يولعها نار الزعيم في ظل برودة الجوف .. تحياتي محبتي لك اخوي الكريم .. |
??? صباح الخير اخوي رائد شخبارك باذن الله انا والشباب راح نكون بالمطار لاستقبال الملكي وراح نكون بالملعب باذن الله يوم الجمعه وتحياتي لك اخوي رائد |
بيض الله وجهك اخوي رائد وعوايدكم يا أهل الجوف أهل كرم وشجاعة ولكن الملعب صغير ولا يتسع لشعب الهلال الملعب حده 4000 او اقل فمن حق اهل الجوف الحضور ويمتعون نظرهم برؤية الهلال ولكن لو الملعب كبير كان حضرت اعداد كبيرة من خارج الجوف وبالتحديد المناطق القريبة منها والف شكر لك على دعمك للحاضرين من الخارج وتسهيل امورهم بعد الله كثر الله من امثالك |
ووجهك أخوي هلالي هذا أقل شي نسوية بحق هالكيــان الغالي , شاكر مرورك والتنبيه لبرودة الجو فعلااً الطقس بارد هذه الأيام على مدينه سكاكا نرجو الحذر للقادمين للمبارة من خارج المدينة .. |
اهلا وسهلا يزداد لنا شرف بقدومكم يا زعيم في حلوة الجوف مشكووور وبيض الله وجهك يا رائد |
صباح النور اخوي مجنون بفن ويلهامسن رقمي موجود وانا راح اكون هناك من بدري ومعي لافته وشعار الزعيم ومعي مجموعه كبيرة اما من نحيه الملعب أن لم نأتي بدري سنواجه صعوبه بالدخول .. هلابك اخي سلطان نعم كما ذكرت الملعب صغير ولن يتسع لربع الحاضرين للمبارة ولكن الواحد يقدم ماعليه وكلنا يجمعنا عشق الهلال ونريد خدمته بأي وسيله , شاكر للجميع مرورة . |
الله يعطيك العافيه وبالتوفيق للهلال ((#عيال_الذيب))لقب جديد وحلو:yes::alzaeem: |
كفو يا ولد مناور قول وفعل بيض الله وجهك ولاهي غريبة على اهل الجوف كرم وشهامة ونخوة الله لا يخلينا منكم . |
ماااايجي الطيب الا من أهل الطيب،،، بيض الله وجهك بيض الله وجهك بيض الله وجهك |
بعدي والله هذي الهقوه واهل الشمال اهل الكرم والوفاء |
بيض الله وجهك هذا من طيبك وكرمك وهذي عادات الرجال والزعماء |
من جد من جد من جد بيض الله وجهك وكفيت و وفيت هذا العشم فيك وانا اخوك كل الامنيات والتوفيق للملكي الهلالي ان شاء الله اخوي الله يسعدك وين ماكنت |
علمك غانم وانت راعيه ولا هو غريب على اهل الشمال جعل من جابك للجنه والله يقويك على فعل المكارم |
كثر الله خيرك وماقصرت ومو غريبة على اهل الشمال وياليت يكون فيه تواصل بينك وبين مجلس الجمهور الهلالي لتسهيل مهمة الجمهور |
ياسبحان الله يااهل سكاكا مايتغيرون كل اجيالهم طيبه وكرم ومحبه ونخوه الله يبيض وجهك ..اجل مادام الاستاذ 3000فقط لايستوعب الا اهل سكاكا اخوي رائد كتبت موضوع انا ان غالبية العرباويه نصراويه ممااتذكره زمان ان شاءالله اني غلطان وخبري قديم اتذكر نجوم العروبه القدامى اضافة للرئيس المريح كلهم نصراويه هل مشجعي العروبه نصراويه ...والقلعاويه هلاليين اغلبهم مثل حمد الخاتم وجيله وضح لنا اكثر لان الذين اعرفهم نصراويه من العروبه |
بيض الله وجهك .. الملعب صغير مايحتاج يجي جمهور من برا .. جمهور الشمال فيهم الخير والبركه |
يالله حي الزعيم باأرض اهل الطيب |
أخي الاسطورة الخالد شاكر لك مرورك وتعليقك انت وجميع الاخوان واعيد ماقلتة كلنا يهمنا رفعه النادي وخدمته هو وجماهيرة الغفيرة ,, أما من ناحية نادي العروبة كله نصرواين هذا كلام غير صحيح هي فئه متعصبه كانت موجودة وأغلبيه مشججعي العروبه من المانع والزيد والمليح والسهيان والعرفج واغلبهم او اكثرهم هلاليه واما بخصوص القلعاويه هلاليه برضو الكلام غير صحيح هي فئه متعصبه ايضاً يوم الجمعه القادم بأذن الله سوف تشاهدون أمه الهلال بسكاكا الجوف أعدك أنت وجميع الاخوة سترون حجم جماهير نادي الهلال بسكاكا .. |
الله يقوي جمهور الزعيم وارجو من الجماهير ذكر اسم الكوتش والرفع من معنوياته جاه من التحطيم الشي الكثير والعشم فيكم ياجمهور سكاكا الأوفيا |
بيض الله وجهك وجعل من جابك للجنه |
بيض الله وجهك ,, انت راعي الاوله ياطويل العمر . وان شاء الله نلقى حضور ,, مميز واستقبال اكثر من ممتاز ولاهنتِ على دعمك ياعين أبوي ولاهانو البآقين .. |
انا بكره راح اتصل عليك ان شاء الله ونتفق انا راح احضر صباح الجمعه وخايف مااحصل تذاكر |
ماااايجي الطيب الا من أهل الطيب،،، بيض الله وجهك بيض الله وجهك بيض الله وجهك 00حلوه عيااال الذيب وشهد انك ذيب |
| الوقت المعتمد في المنتدى بتوقيت جرينتش +3.
الوقت الان » 09:42 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd