|
لايكون داني الفيش على غفلة !!! |
حدث العاقل بما لا يليق فأن صدق فلا عقل له .. مثل هذا المقايضة لايمكن ان تتم ولا حتى في الحلم . لو يعطونا معاذ ووليد عبدالله وفوقهم عطيف هدية ... لايمكن ان نقايضهم بالفرج فما بالك بالسالم .. على العموم هذا الموضوع غير صحيح واشاعة مغرضة هدفها الضغط على الزعيم لشراء عقد معاذ بأعلا سعر .. يعطيك العافية |
انت سلاح يستخدمونه من اجل رفع سعر حسن معاذ . حتى لو كنت لا تقصد ذلك . |
سواليف مدرج بين الشوطين .................................. |
ما أتوقع نهائيا إن الهلال يوافق ع هالمقايضهـ ~ لأن أصلا الهلال يبي يوقع مع حسن معاذ عشان يحل مشكلهـ يعاني منها ~ فـ إذا تنازل عن نصف الفريق ،، بـ تطلع بدال المشكلهـ عشرهـ !!!! عموما أنا بعد أتمنى قدوم حسن معاذ للهلال ولكن مب بـ هالطريقهـ لأن اللاعب ~ لو جاء للهلال مقابل ٤ أو ٥ لاعبين ،، إحتمال كبييير ما يقدم المستوى المتوقع منهـ !! لان بـ كل بساطهـ بيكون حاط ببالهـ إن الهلال ما يقدر يستغنى عنهـ والدليل هالمقايضهـ الكبيرهـ ~ عموما بالتوفيق للهلال إن شاء اللهـ ،، واللهـ يكتب اللي فيهـ الخير لهـ ،، شكرا لكـ ~ |
الفريق بحاجه لترميم خطوطه بالفتره الشتويه مهما كلف الأمر ..ما فيه قدامنا حلول ثانيه مسألة الترقيع بلاعبين يمكن ينجح ويمكن لا هذي ماهي من سياسة نادي كبير كالهلال يجب أن يضرب الهلال بيد من حديد حتى لا تتجرأ أندية آسيا على مقارعته فضلا عن الأندية المحليه ...وراح اذكر هنا أمثله لمجموعه من اللاعبين المحليين أو الأجانب .. نبدأ بالمحليين : سعود كريري ..حسن معاذ ..الجبرين ..يجب إحضارهم فورا .. الأجانب : الاستغناء عن الثلاثي ( هرماش ..الكوري ..كاستيلو ) ..وتعويضهم تراوري مدافع لخويا ... المحور عندك عدة خيارات من ضمنها اللاعب الياباني اللي يلعب بالدوري الروماني ونصحنا فيه رادوي قبل ما يروح ولكن ما حد سمع كلامه وصرنا نجرب بالعاهات كوستافو وكاستيلو وهرماش وأنت جاي .. بالنسبه للأجنبي الرابع هو ثعلب السيلساو ( سيااااو ) برازيلي وكان يلعب مع الشباب الاماراتي وانتقل الآن لنادي الأهلي الاماراتي حتى لو كان غالي يستااااااااااااااااااااااااااااااااهل ندفع فيه ياخي لاعب يصنع الفارق ويحترق بالملعب من أجل فريقه وهو من جد مقاااااااااتل ... ويلعب بأكثر من خانه جناح أيمن أو صانع لعب وخذ يا اختراقات وانطلاقات وتسديدات ويجيد تنفيذ جميع الفاولات القريبه والبعيده عن المرمى بكل خطوره ...لاعب يصنع الفارق وسيحدث نقله نوعيه فيما لو تعاقد الهلال معه .. وبكذا يكون عندك 4 أجانب سوبر ستار وقادر إنك تخوض غمار البطوله الآسيويه وأنت مرتاح بإذن الله وهم ( تراوري ..المحور الياباني ..سياو ..نيفيز ) .. يمكن الأغلبيه يقولون هذولا لاعبين ما فيه أمل تستغني عنهم انديتهم أقولك الفلوس تغير كل شيء وتخلي اللي ما يقتنع يقتنع ...بالله عليكم وش الأفضل ادفع فلوس بلاعب جاهز ومتمكن ويخدمني وإلا استمر في تجارب عشوائيه أغلبها خسائر تكلفني أضعاف قيمة اللاعبين المميزين !! بعدين الأنديه الخليجيه ما عندهم أي مشكله لأنهم يملكون الماده اللي تخليهم يتعاقدون مع أفضل من اللي يروح منهم .... وبالنسبه للاعبين المحليين وش المشكله إذا دفعت بالجبرين 12مليون وحسن 13 مليون أو حتى 15 مليون ياخي لاعب ويستاهل ويخدمني بإذن الله بخانه أنا محتاجها ومسببه لي صداع .... المسأله واضحه وسهله وما تحتاج معادلات كيميائيه حتى نحلها اللاعب اللي تبغاه موجود بس أنت ادفع وإذا دفعت بإذن الله الباقي على الله لأنك سويت اللي عليك ودفعت وتعاقدت مع أفضل اللاعبين ولن يلومك أحد بعد ذلك ... |
اتمنى ان تكون خيارات الكابتن سامي حسب احتياجات الفريق وحسب الخطة المتبعة وهي التقدم الدفاعي وبالتالي يحتاج الى محاور على مستوى عالي جدا ومدافعين سريعين جدا ويستطيعون العودة اسرع من أي مهاجم وكذلك الاظهرة يجب ان يكون لهم ادوار هجومية اكثر وضوحا وبالتالي اعتقد سعود كريري مع الجبرين والفرج في المحاور يمكن الاستناء عن كتاستيلو وهرماش البطيئين وجلب مدافعين اجنبي بجانب سلطان الدعيع والكابتن حسن معاذ ويعود ياسر الشهراني لمركزه الاصلي الظهير الايسر اعتقد بالمقدمة وصناعة اللعب الهلال لايحتاج تغيير دمتم بخير |
البلطان في صفقة [ حسن معاذ ] الكثير مننا سمع إن الإنتقال يبيه بـ [ مُقايضة ] السالم + البيشي + المرشدي + سالم الدوسري ممكن البلطان ليش مايمسك رئاسة نادي الهلال مو أحسن على هالمُقايضة ؟ ! ! ! ! في أخبار اليوم شي مُهم قريته : * لاعبو الهلال يفسدون صفقة معاذ + * إشتراطات الشباب تُعرقل مفاوضات مُعاذ *** اللي يبي الخبرين كاملين يشوف الاخبار لليوم الأربعاء موجوده ( http://vb.alhilal.com/t1165699.html ) * يعني مُمكن إنتهى موضوع حسن مُعاذ بإنهاء المُفاوضات بشكل نهائي بسسب مُبالغة الشباب في المطالب . . ! ! *** أما بخصوص [ سعود كريري ] ننتظر إلى مُباراة يوم الجمعة الشباب ضد الإتحاد و إذا إنتهت مُباراتهم نشوف وش الجديد ؟!! :rose: |
إقتباس:
بخصوص تراوري أخبار الهلال ! hilalstuff@ صرف الهلال النظر نهائياً عن لاعب لخويا القطري دامي تراوري بعد رفض إدارة النادي القطري إعارة اللاعب كونهم يشاركون في ملحق دوري ابطال آسيا . . ! المدرج الهلالي Almodrjalhilali@ نفى أمين سر نادي لخويا القطري عدنان العلين، طلب إدارة الهلال للاعب القطري دامي تراوري ليكون محترفاً آسيوياً في صفوف الفريق الأول لكرة القدم ** تراري إنسى يجيك لخويا عندهم مُشاركة مُهمة جدًا في المُلحق الآسيوي لا نعلّق الآمآل و الأمنيـآت في هذا اللاعب . . ! ~~ لخويا القطري ينفي مفاوضات الهلال لـ"تراوري" الوطن أون لاين ::: لخويا القطري ينفي مفاوضات الهلال لـ"تراوري" ** ( سيآو إحلم ماراح يجيك ! ! ) ** سيآو يستلم راتب كبير في الإمارات مع ناديه الحالي الأهلي و مرتاح عندهم + غير كذا اللاعب كبير في السنة مو في عُمر الـ ( 23 ) سنة مثلا : ) ** هو لاعب ضدنا يعني لاعب ضدنا مافيها كلام ! ! زي مالعب ضدنا مع الشباب الإماراتي بيلعب في ( دفاعنا ) مع الأهلي ! ! مو بس هو ! ! ( عندهم مُهاجم خطير و قوي و هدآف اللي هو جرآفيتي ) ! ! الله يعين دفاعنا يمسكون هالسريع و المهاري و اللي يحرث الملعب سياو و لا الثاني جرافيتي ! ! ** أما بخصوص الجبرين لا نتأمل كثير فيه لأنه خلاص أعتقد إنسحبت الإدارة من المُفاوضات و العلم عند الله زين مع هالإدارة إذا جاك أجنبي واحد في هالفترة بديل للآسيوي تحديدًا أنا مادري ليش ينتظرون تنتهي فترة الإنتقالات : ) و الطيور طارت بأرزاقها و يقولون الوقت ما أسعفنا و من هالكلام الفاضي و المُكرر ! ! * معنا كلامي الأخير عن الجبرين أنا شخصيًا غير مُقتنع فيه و مش مع التعاقد معاه ! ! و دفع هالمبالغ الكبيره و آخر مبلغ تقريبًا اللي هو 15 مليون للجبرين فقط ! ! مو معاه حسن معاذ في هالسعر يقسمونه على لاعبين .. لا ! على الجبرين لحاله ! ! مجانين ! ! الجبرين 15 مليون ؟! مُستحيل ! ! الهلال بنك مُتحرك ! ! لا ! اتمنى إعطاء الفرصة عندنا لاعبينّا في الأولمبي هُم الأولى في المُشاركة في منطقة الوسط أفضل من غيرهم ! ! أمثال عبدالله عطيف ، عبدالإله الفضل ، سلمان الفرج لو يلعب محور أفضل من غير مركزه الظهير الأيسر ! ! و غير كذا عندنا هرماش و كاستيلو . . ! ! |
اذا تم التعآقد مع سعود .. يجب الاستغنـآء عن هرمآش .. وإحضآر مدآفع بمواصفآت تفـآريس والاستغنـآء عن الكوري هوآن |
المسألة بسيطة لابالتفريط بالسالم والبيشي والمرشدي شراء عقد حسن معاذ على سيناريو ناصر الشمراني إعارة ماجد المرشدي للشباب لحاجة الشباب لمدافع وبرضو إعارة البيشي لشباب إعارة القرني وفهد الشمري التعاقد مع كريري والجبرين لثتبيت كريري محور دفاعي والجبرين هجومي وبرضو يقيد بإدوار دفاعية الأجانب تسريح الجميع والأبقاء على تياقو نيفيز التعاقد مع قلب دفاع أجنبي ويكون من طينة تفاريس التعاقد مع صانع لعب مميز من طينة التايب تياقو نيفيز يرجع لخانتة مهاجم ثاني وبنفس الوقت يكون لاعب حر لأن تياقو لاعب يطرب داخل الملعب ويأدي المطلوب التعاقد مع لاعب طرف أيمن أجنبي ويرجع الشهراني ظهير ايسر والله يوفق الزعيم |
اتمنى ان تكون تشكيلتنا ب الشكل التالي في الدور القادم : السبيعي الشهراني - مدافع برازيلي - كواك مدافع الشباب - حسن معاذ سعود كريري س الفرج - محور هجومي قوي من طينة رادوي او مثل لاعب الاهلي رقم 30 . نيفيز ياسر الشمراني /////////////////////////////////////// او السبيعي الشهراني - مدافع برازيلي - مدافع اسيوي - حسن معاذ كريري وسط لاتيني ( صانع لعب و محور هجومي ) نيفيز سالم الدوسري ياسر القحطاني الشمراني |
نشكر لكم اتاحة الفرصة في ابداء وجهات النظر الخاصة بالجمهور ,, من خلال متابعتي لدوري جميل سأضع تشكيلة من اللاعبين المميزين في اندية متوسطة و ضعيفة ,, حراسة المرمى 1- فهد الثنيان ( التعاون ) 2-احمد الكسار ( الرائد ) الدفاع 1- مشعل السعيد ( الفتح ) ظهير ايسر - قلب دفاع - وسط ايسر ( بغض النظر عن استغناء الاتحاد عنه يرجى مراقبته ) لاعبي الوسط 1- فيصل درويش ( الرائد ) لاعب حر - وسط ايسر - ظهير ايسر ( لاعب رائع ) 2- عبدالله المطيري ( الفيصلي ) لاعب حر - صانع لعب ( افضل من يعوض الشلهوب بعد الاعتزال ) 3- حمد الحمد ( الاتفاق ) جناح ايمن و ايسر - مهاجم متاخر ( يخدم خطة الكوتش سامي بشكل كبير فهو احتياطي لكل من سالم و العابد و ايضا بامكانه تعويض صانع اللعب و المهاجم ) . فقط همن ارشح لارتداء شعار الزعيم وتركيزي على لاعبين الوسط لافتقار الفريق للاعبي احتياط في مركز الجناح رغم اعتماد الكوتش سامي على خطة 4-5-1 مع فائق التحية و التقدير ,, |
اتمنى جلب كريري و تسريح هرمآش و التعاقد مع رافع الرويلي و التعاقد مع لاعب أجنبي جناح أيمن مثل رفينا حق الشباب و ابشروو بآسيا |
المدافع ((ريفر))مدافع فريق اتلتيكو منيرو البرازيلي قد يكون بديلاًً للكوري حسب الاقاويل http://fans.alhilal.com/imagef-e1f186dbfa381-jpg.html ما رايكم في الاعب انا لا اعرفه كيف مستواه |
| الوقت المعتمد في المنتدى بتوقيت جرينتش +3.
الوقت الان » 07:05 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd