|
اهكذا ترد ادارة الرائد الاحسان الي ادارة الهلال ادارة الهلال تتقيد بالمثالية وهذا شيئ ايجابي ولكن ليس كل الفرق تستحق المثالية ادارة الهلال قديما وحاضرا تدعم نادي الرائد بأي لاعب يحتاجه فريق الرائد دون تعقيد او مماطلة في الصفقة وكذلك عدم المزايدة في قيمة القد والادلة على ذلك معروفة ولكن عندما يريد الهلال لاعب من نادي الرائد وتقوم ادارة الرائد برفع قيمة الاعب فوق المعقول وايضا تتيح الفرصة لاكثر من نادي يدخل في الصفقة والمعروف ان الاندية الاخري لا تريد شراء عقد الاعب وانما من اجل التخريب لا غير ذلك كما تعرفون ادارة الهلال تريد جلب لاعب الرائد الجبرين والهلال قدم العرض المعقول والانسب ولكن ادارة الرائد اصبحت تسوق الاعب من اجل الحصول على مبلغ ضخم الاعب معروف وقيمة عقده معروفة ولكن ادارة الرائد خيبت الامل الهلال بعد ما دخل في الصفقة نادي اخر والهلال يعرف ان النادي الذي دخل في الصفقة هدفه التخريب ورفع سعر الاعب انسحب من الصفقة بشكل مبدئي فكان من الاجدر على ادارة الرائد ان تنهي الموضوع من البداية ولكن الطمع اثر عليهم لا احد يجي ويقول من حق الاعب تامين مستقبلة وغير ذلك الاعب معروف ومعرف قيمة عقده وسعره اهكذا جزاء المعروف يا ادارة الرائد اتمنى من ادارة الهلال تغير بعض من المثالية اتجاه بعض الفرق وشكر |
من حق اي نادي يبيع لاعبه بالسعر اللي يعجبه ، خصوصا الاندية الصغير لأنه هذا راس مالها !! اما بخصوص الهلال يعطي لعيبته للرائد ، اذا تقصد لعيبة الاولومبي امثال الجهني ، فهلال له الحاجة الاكبر خصوصا انه يبغى يشوف لعيبته قاعد تلعب !! |
النصر م دخل في الصفقه الى بعد م الهلال يبغونه بس الشرهه على اعلام الهلال الى م يسكتون المفروض العمل بالسريه التامه |
لازم ادارة الهلال تغير سياستها في التعامل مع بعض الاندية خصوصا الرائد الهلال كريم يتنازل ويعير بعض اللاعبين بسخاء واذا اراد الهلال لاعب وبحقه بدأت المساومات والطمع واستغلال الطلب؟ لو فيه ادارة صارمة وحازمة كان قدرت تضع سياسة ضد المساومين وانا ما اعتب الا على المسؤول الاعلامي اللي من يوم عين وهو نايم في العسل الا ضد جماهيره اهم جهاز هو الاعلام عندك ناس صاحية ابشر بالضبط والقوة فلا صوت في الساحة الرياضية يعلو على االاعلام. |
سؤال يراودني اين عبد الكريم الجاسر .. زمان عنه يازعماء ؟ |
يرحم والديكم ويسعدكم ربي دنيا واّخره علموني وش فيه زود الجبرين لا يكون حنا نشجع سله والي يبون ذا الجبرين يشجعون قدم ؟...!! يا عالم مثله مثل المسلم الي قالو مافي مثله واخرتها افشل لاعب مر على الهلال ... وبعدين تركنا كل الخانات محور دفاعي صانع لعب وحارس صح وظهير ايمن بدال الترقيع بالشهراني والايسر مكشوف كل هذا ونروح ندور لاعب مثله مثل هرماش ضايع في الملعب ... ارحمونا تكفون حتى العالم قام يتمصخرون فينا ويماطلون ويزايدون علينا |
الله يهديك متى استعبدتم الناس وقد ولدتهم امهاتهم احراراً هل تريد الاندية ان تركع لناديك وتسلمك الزمام لتختار من لاعبيها ما تشاء اذا كان الهلال يفرط بحقوقه ويسعى للتخلص من اللاعبين لتوفير الخانات لتسجيل آخرين ماذنب الرائد وغيره انسيت موقف ادارة التعاون عندما تنازل لهم الهلال بالمجان عن الحارس احمد ضاري واستعاده منهم بالملايين ولا يلامون لان القانون لا يحمي المغفلين ختاما اين وليد الجيزاني اليس في الشعلة بعد ان نقل اعارته الهلال من الرائد الي الشعلة اين فواز فلاته اليس بالعروبة بعد ان نقل الهلال اعارته الى العروبة بدلا من الرائد اخيرا اين بقية قيمة المسلم التي لم تسدد حتى اليوم خاتمة والله العظيم اني احب الهلال اكثر منك والله انني متأكد ان صوتي بح بمدرجات الهلال قبل ان ترى النور وقد لا اكون مبالغ ان قلت قبل ان يتزوج والدك اقول هذا الكلام لانني اتوقع ان هناك من سيقول انني مندس بمتدى الزعيم ولكن كل ذلك لا يعمى عن قول الحق وفقك الله |
الذي بيشتري ( لاعب **** يشتري بسسسرعه وفي سريه تامه ــ من اهم شرروط التعاقد السسسسريه ــ وليس البربره في الصحف واخرتها تطير الصفقات للانديه المنافسسسه للهلال ــ تعاقد بسسسسرعه او انسحب ــ قبل ما تدخل انديه ــ اكثر اللاعبين الذين انتقلوو للانديه ــ يقحمووو اسم الهلال ــ حتى يرتفع السعر ــ الهلال ( مسسرحي ــ الحافظ ــ الدعيع ــ الشمراني ــ كريري ــ الجبرين ) قلب دفاااع اجنبي ــ وسط ايمن برازيلي ــ هذه عيوووب الهلال ــ مع رجوووع الشراحيلي لحراسه المرمى ـ |
ادارة الرائد المعقول معقول اما استغلل الوضع هذا من شيم الانذال وبعدين الحق يعود للجبرين فرصه تمثيل شعار الهلال الذي لم ولن يغيب عن البطولات والثانيه لديه مشاركه في بطولات اسيويه كثر ويعتبر ضامن الخانه للنقص الشديد والحاجه حقيقتا الحق على الجبرين |
هياط وجعجعة أضاعت الصفقة المفاوض الهلالي فاشل لدرجة كبيرة وأثبت فشلة عدة مرات وباقي الاندية تفاوض وتحصل على ماتريد بسرعة وسرية |
اللي يقول من حق الانديه الصغيره تبيع لاعبيها باللي تبيه هذا صحيح لكن ليش هالشي ما يصير الا مع الهلال والبقيه لو يبونهم ببلاش ماراح يقصرون غير كذا وربي ما يستحق هالمبلغ لو يستحق بنقول معليه يستاهل والله مافيه زود والمشكله خانته محنا بحاجتها نقدرنغطيها بعطيف والفرج حنا بحاجة محور دفاعي صلب يقفل ع الدفاع زي عزيز ماشاءالله عليه لازم تأشيره عشان تعديه والنصر عنده محاور وماهو بحاجة الاعب لكن عشان التخريب ع الهلال واتمنى الاداره تصير ذكيه وتخليه لهم صدقوني بيسحبون ع الرائد ويستاهلون الريداويين هالشي بالتوفيق للملكي لكسب لاعبين مميزين يعطيك العافيه |
إقتباس:
بخصوص الجهني لم يأتي للرائد الا بعد اختلف مع النهضة على الامور المالية وكاد ان يبقى بالهلال او يعطى مخالصة ماليه وينسق من كشوفات الهلال بدون ان يستفيد منه لان الهلال بحاجة الى الخانة لتسجيل لاعب آخر ولكن طلب الرائد اعارة اللاعب انقذ الهلال ببقاء الجهني لاعبا هلاليا وتوفر الخانة لتسجيل آخر اذا من المستفيد اليس الهلال يا من تعتقد ان الهلال يمن على الاندية الاخرى وفقك الله سؤال نأمل الاجابة عليه من حول اعارة اللاعب محمد قاسم من الرائد الى النهضة اريد الاجابة فقط يا من يطالب بعدم التعامل مع ادارة الرائد |
عسى بالأمرخيرة الهلال بحاجة للاعب محورعلى مستوى عالي جدا مثل رادوي والجبرين لم يصل لذاك المستوى رأيي ن الجبرين برز في الرائد لقلة النجوم حوله (الاعوربديرةالعميان بصير)مع كامل الاحترام للرائديين الجبرين لايفرق عن الغنام اوالقرني اتمنى من ادارة الهلال تبحث عن لاعب افضل من الموجودين او يحتفظوبفلوسهم حتى يجدولاعب عالمي ولوكان غالي الغالي سعره فيه |
هو موقع مع الرائد 3 سنوات باقي منها سنه ونص و اللاعب يبي الهلال لذلك الاقرب انها ستكون صفقة مجانية و هذا افضل للهلال في ظل مبالغة الاندية في تقدير اسعار لاعبيها |
الخطاء ليس من نادي الرائد.. الخطاء من نادينا هو اللي سياسته خايبه في مثل هالامور.. العين بالعين والسن بالسن.. إنتهى زمن المثاليات يابن مساعد... |
| الوقت المعتمد في المنتدى بتوقيت جرينتش +3.
الوقت الان » 04:32 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd