|
رضى الناس غايهـ لا تدركـ + الإعلام ما قصر !!! السلام عليكم ورحمهـ اللهـ وبركاتهـ ~ قبل مبارتنا مع النصر كنت أشوف مواضيع كثيرهـ تقول وتتوقع وش بيصير لو خسر الهلال ! وكنت أقول ليش متشائمين ؟! ليش ما تتفائلون بالخير ؟! وأصحاب هالمواضيع كانوا يقولون إنهـ مب تشائم بل ننبهـ جمهورنا من خطر الإعلام إذا لا سمح اللهـ خسر الهلال ! وكنت أقول جمهورنا مستحيل يتأثر بالإعلام لأنهم عارفين نواياهم ،، وللآسف إتضح لي إني غلطانهـ ! نص جماهيرنا إذا ما كان اغلبها تأثر بالإعلام والأدلهـ كثيرهـ أبرزها : # - اللي طلعوا بعد خسارهـ الهلال من النصر وقعدوا يقولون الإداراهـ ذبحتها المثاليهـ وقاعدهـ تجامل سامي ع حساب الكيان الهلالي ؟! وين المثاليهـ والمجاملهـ أبي أفهم ؟! الإدارهـ قاعدهـ تحاول قدر الإمكان إنها ما تظهر للإعلام وتعمل بصمت بعيدا عنهم وهذا بناء ع مطالبهـ معظم الجماهير اللي قالت الأمير عبد الرحمن الموسم الماضى كلهـ يصرح ويغرد ولا نشوف أفعال وكانت تطالبهـ بالعمل بصمت وبعيدا عن الإعلام والحين يوم نفذت طلبهم ،، يطلع من يكون المثاليهـ الزايدهـ ضيعت الهلال !! يا خي حيرتونا صراحهـ ما عرفنا وشلون الإدارهـ ترضيكم !! سوت كل مطالب الجمهور ( أقصد الأغلبيهـ منهم ) : 1)- طالبوا بسامي مدربا للهلال وجاء سامي وتم تنفيذ طالبهم ،،، والآن الأغلبيهـ ينتقد فيهـ ويقول إنهـ ما يستحق تدريب الهلال !!! بـ الرغم إنهـ ما أخذ فرصتهـ كاملهـ نفس باقي المدرب اللي مروا ع الهلال !! 2)- طالبوا بـ إبعاد السديري وجعل السبيعي أساسي ،،، واللآن الأغبيهـ ينتقد السبيعي !!! ويطالب بغيرهـ وهو لين الحين ما لعب غير ثلاث أو أربع أساسي !! 3)- طالبتوا بـ إبعاد المرشدي ودخول المسلم بدالهـ وتم تنفيذ طلبكم ،، والآن الأغلبيهـ يطالب بإبعادهـ !! وجت الإصابهـ وأجبرتهـ ع الإبتعاد ( اللهـ يشافيهـ ويحمي باقي لاعبينا من الإصابهـ ) ~ 4)- طالبتوا بـ التوقيع مع الواكد وتم التوقيع معاهـ وللهـ الحمد ،، ولكن يبقى السؤال هل رح نشوفهـ أساسي ولا بـ دكهـ البدلاء كـ عادهـ اي لاعب يتم التوقيع معاهـ ؟! كلامي هذا مب معناهـ إني مؤيدهـ لـ صمت الإداراهـ بـ معظم الأوقات ،، بل عكس أوقات كثيرهـ كنت أتمنى أشوف رد الإداراهـ وتحركها وآخرها كنت أتمنى إنها إعترضت ع الحكم مرعي ،، وكنت أتمنى إنها طالبت بـ ابعادهـ عن مباراتنا أمام الشعلهـ !!! ولكن اللي قصدهـ من الموضوع إنها تعمل وجهدها واضح لكن للآسف معظم جمهورنا مع الخيل يا شقراء وصدقوا مين يحاول زرع الفتهـ بين الجمهور والإدارهـ !!! ثاني دليل ع إن الجمهور مشى خلف الإعلام هو من يقول إن سامي لن ينجح مع الهلال إذا بقى ع هالحال ؟! واللي طالب سامي بـ تركـ تدريب الهلال وحفظ تاريخهـ كلاعب ؟! واللي قال إن الإدارهـ تجامل ع حساب الكيان الهلالي ؟!!! بـ ما إني هلاليهـ فـ أنا أعشق لغهـ الأرقام لأنها ما تكذب ودائما هي من تنصف الهلال وترد ع كل مشككـ ،، فـ رح أقارن بين أبرز المدربين اللي مروا ع الهلال وبين سامي وبـ تشوفون إن شاء اللهـ إن سامي يستحق أن يأخذ فرصتهـ مثلهم ~ بناء ع الموقع المتخصص في تقييم المدربين على مستوى العالم. سامي كان ترتيبهـ 224 وتقدم الأسبوع الماضي إلى 198 ~ وهالأسبوع إن شاء اللهـ بيتقدم أكثر لأنهـ فاز ع الشعلهـ ~ أما البلجيكي إيركـ جريتس كان ترتيبهـ 222 وتراجع إلى 227 ~ والفرنسي كومبوريهـ بعد تراجع لأن كان ترتيبهـ 880 وتراجع إلى 1100 ~ والروماني كوزمين كان 565 وتراجع إلى 570 ~ وهذي صورهـ توضح كلامي وتحتها الرابط ~ http://www14.0zz0.com/2013/12/10/16/708221871.jpg حاولت أكبر الصورهـ وما عرفت للآسف وللي يبي يتأكد يدخل هالرابط ويتأكد بنفسهـ ~ المصدر: Ranking football club coaches | Football Coach Ranking | week 50 | year 2013 | Position 151 to 200 وإدخلوا الموقع وقارنوا بين ترتيب سامي أول ما جاء للهلال ( 26/8/2013 إلى 9/12/2013 ) ~ http://www.arriyadiyah.com/sites/def...8345935800.jpgبـ تشوفون إنهـ كان 905 ووصل إلى 198 أي إنهـ فرق من البدايهـ إلى الآن ( ما شاء اللهـ ) بـ 707 !! عرفتوا الحين إنهـ محتاج الصبر وشويت وقت فقط لـ يكمل نجاحهـ إن شاء اللهـ ~ عرفتوا الحين إن من حقهـ نوقف معاهـ مثل ما وقفنا وصبرنا ع اللي قبلهـ !!! كلامي عن سامي ما يعني إن ما فيهـ سلبيات بل العكس أنا أشوف إن فيهـ سلبيات وأبرزها عدم لعب اللاعبين بمراكزهـ الطبيعيهـ وشفنا أمس يوم لعب بعضهم بمركزهم الطبيعي أبدعوا وإستمتعنا بالفوز بالمستوى والنتيجهـ ( الحمدللهـ ) ~ ولكن هدفي من الموضوع إن يستاهل من يوقف معاهـ فـ هو أحد عشاق هالكيان وقاعد يحاول يرجع الزعيم لسابق عهدهـ فـ ادعموهـ وساندوهـ ولا تنجرفون وراء من يحاول منع نجاح سامي !!! وتذكروا نجاح سامي كـ مدرب معناهـ نجاح الهلال كنادي ،، لأن كل ما تقدم سامي بـ الترتيب العالمي تقدم الهلال بعد ! وأخيرا أنهى الموضوع بـ صورهـ أتمنى آشوفها بالمدرج الهلالي ^_* أنا أعرفهـ ما بطيح إلا يقوم وإن طاح جعل عثراتهـ فدا علمتنا إن الوفاء لأجلكـ يدوم ونعلمكـ إن الفخر منكـ بدا بالتوفيق إن شاء اللهـ لسامي وللهلال ،، واللهـ يجعل الفوز بـ جميع البطولات هالموسم من نصيبنا ،، وأعتذر ع الإطالهـ =) :rose: |
شكرًا ع الرفع يا مشرفينا =) :rose: |
مشككككور على الموضع الاكثر من رائع وكلنا ثقةةة بسااامي لتحقيق البطولات والانجازات,,, |
صراحة ما اعرف كيف ابدا بالتعليق! باختصار جماهيرنا البعض منهم متناقض لابعد حد ! اذا لعب الفريق وقدم حطينا الادارة افضل ادارة والمدرب لا يعلى عليه ! واللاعبين نجوم .. واذا انهزم يبدا التناقض العجيب والمستغرب حقيقةً .. ! بالنسبة لإبن النادي الكووتش فهو قدم مستوايات جيدة وبدأ بتحضير الفريق بالشكل المطلوب والكل لاحظ ذلك ولكن من بعد مبارات النصر تغيرت طريقة قراءة الخصم بالشكل الجيد! لا ننسى الاخطاء فردية من دفاع للحارس ! جماهير الكيان العظيم ! نحنا من طالبنا بسامي ! ولا ناسين؟ بابد نعطيه حقه من التكتيك المطلوب لماذا نستعجل بالحكم عليه من البداية ! لسنا بمتناقضين ! اعطينا كومباريه وزلاتكو ودول حقهم فمن حق سامي يأخذ وقته وهو اولى وابن النادي! خلو العتب والحكم في النهاية ! الايام الجاية ايام صعبه .. خلونا خلف الزعيم اينما كان ! القادم اجمل ي زعمآء ! اختي .. كتبتي ف ابدعتي ! ارفع القبعه تحية وثنآء على نقاطك وكلامك الجميل ! ودي .. بروفوسير الزعيم! |
سامي يحتاج الثقه والاداره تريد اعطاؤه الفرصه الكامله ونحن نؤيد الإداره في هذا القرار كل ما علينا الصبر .. فترة الانتقالات الشتوية قريبة والأكيد بأن سامي سيغير في بعض العناصر لتقوية خط الدفاع والمحور نتمنى التوفيق للهلال في القااادم ،،، |
كنت أتمنى عليك ان لا تكتبي معظم الجمهور طالب بالتعاقد ومعظمهم يطالب باقالته ولفظ هناك ادق اتفق معك ان الوقوف مع الهلال يتطلب الوقوف مع من يمثله وان يكون هناك حد لحرية اللفظ وسامي باذن الله يمشي بالطريق الصحيح في مباراة الشعله أعاد الاعبين لمراكزهم الاساسيه وهذا جيد وان شاء الله في فترة التعاقدات يتم التعاقد مع كريري ومعاذ وهذا كافي محليا او نايف هزازي القادسيه وعبدالرحمن الحسن الطائي اما الأجانب أتمنى ابعاد كاستيلو ويكون بديله باستوس النصر اذا كان يرغب اللعب بالسعوديه او ايلانو جريميو المهم صانع العاب ايمن والبقيه عادي لو يبقون يعني لاعبان محليا واجنبي وحيد يغيرون من شكل الفريق 180 درجه وأتمنى تصعيد البريك او البقعاوي للظهير الأيمن والفضل للمحور الدفاعي وعبدالكريم وعطيف للمحور الهجومي والعلي او كعبي للوسط الأيمن والواكد او الصالح للحراسه ويتم اشراكهم بالتدريج منتصف الشوط الثاني حسب واقع المباريات عندها سيقنع الهلال ويمتع وتلقائيا سيصمت المتلون ويقتنع المعاتب شكرا لك |
عليكم السلام ورحمة الله وبركاته ~ الف شكر لك على المجهود والموضوع المتميز و في قمة الروعة ومتعوب عليه بِصراحة . . ! بالتوفيق للزعيم الملكي في قادم المُباريات لإإسعاد الجماهير العاشقة . . ~ اللاعبين و الإدارة والجهاز الفني بقيادة الأسطورة سامي الجابر . . بِحاجة إلى الصبر و وقفت الجماهير العآشِقة والمُحبّة بإخلاص للكيان الهلالي العريق . . ~ و بإذن الله تعالى تتحقق كل الاُمنيات والصِعآب القادِمة بمشيئة الله سبحانه . . ~ ! |
إقتباس:
تسلم ع المرور والمشاركهـ أخوي نواف ~ |
إقتباس:
جماهيرنا للآسف ركزت ع سوء الدفاع والحارسهـ فـ حطت ببالها إن الهلال لا يقدم شيء مع سامي ، بينما سامي لازال يعمل ما بي وسعهـ لحل هالمشكلهـ والدليل تنفيذ رغبهـ الجمهور بـ جعل السبيعي أساسي والآن الدعيع !! فقط محتاج قليل من الوقت وتشجيعهـ لتحقيق طموحاتنا جميعا ~ نعم التقييم يكون فـ آخر الموسم وليس بـ منتصفهـ ~ اللهـ يعطيكـ العافيهـ ع مروركـ الراقي أخوي ~ |
إقتباس:
بمراكزهم الأساسيهـ وعدم التفاهم بينهـ وبين الحارس ~ الأولى الحمدللهـ شفنا سامي بدأ بـ الطريق السليم لحلها بـ مباراهـ الشعلهـ ~ يوم لعب الزوري والدعيع بمكانهم الطبيعي وشقناهم كيف أبدعوا ( ما شاء اللهـ ) ~ باقي مشكلهـ التفاهم ،، فـ أتمنى مثل ما قلت يتم تعزيز خط الدفاع والمحور بـ لاعبين قد المسؤوليهـ ويعرفون قيمهـ شعار الهلال ! اللهم آميييين ،،، اللهـ يعطيكـ العافيهـ أخوي ع مروركـ الجميل ~ |
اهنيك ع ـآلموضووع انا كل مره ادخل المنتدى اقول الله يتر على هلالنا بسبب جماهيره كل مره اقوول الله يستر ماراح يحظر الجماهير بسبب مايكتب بالمنتدى اقتنعت ان اللي مغالطين واللي يفتقرون للموضوعيه ويفتقرون لقراءة المباريات قليل بالنسبه لعدد الجمهور الهلالي الكبير اللي خارج النتدى بلا شك ****** بعد مباراة الهلال والنهضه ووقفة جمهور الشرقيه وصبرهم الى مابعد المباراه وعدم خروجهم بدري وتحفيزهم الى وقت اقفال الملعب ... هذا بحد ذاته طمني كثيرررررررر اهنيك ع الموضووع وتشكري عليه :rose: فيه شي ناقص بالموضووع ..؟؟ ماني شايف فيوزات ضاربه :d |
إقتباس:
يعلقون ع اللي أقصدهم ويتركون الهدف الرئيسي من الموضوع وهو دعم الفريق والوثق بـ أنهـ رح ينجح إن شاء اللهـ ~ أوافقكـ الرأي بـ جميع ما كتبت بـ إستثناء جزئيهـ الإستغناء عن كاستيلو ~ من رأي الكوري هو الأولى بالإستغناء عنهـ ثم كاستيلو لأن الكوري لاعب عصبي وكل مباراهـ نكون ع أعصابنااا لا يأخذ كرت ويلعب الفريق ناقص ! أممم جميع اللاعبين الذين ذكرتهم الهلال قاعد يحاول التعاقد معهم ~ ولكن للآسف جمهورنا يساهم بـ تعطيل هالصفقات لأنهـ ينافس ع طرح أخبار التعاقدات قبل الإنتهاء منها تماماً مما أدى إلى دخول منافسين ع اللاعب !! مثال الجبرين الهلال كان ناوي التوقيع معهـ الآن دخل النصر منافس لهلال !! رح يسكتهم إن شاء اللهـ وكالعادة رح يرجع البطولهـ لمن يستحقها ولكن محتاجين الصبر وتحفيز اللاعبين لتقديم آفضل ما لديهم ،،، وعن نفسي لازلت متفائلهـ كثير بحصد جميع البطولات هالموسم وخصوصا آسيا إن شاء اللهـ ~ أخوي ثائر مشاركتكـ مميزهـ كالعادهـ ،، اللهـ يعطيكـ العافيهـ ~ |
إقتباس:
إن شاء اللهـ اللهـ يسمع منكـ ~ مشكوور أخوي ع مشاركتكـ الراقيهـ ~ |
إقتباس:
بكل أمانهـ جمهورنا ما شاء اللهـ هالموسم بذات واضح وقوفهـ مع الفريق فـ جميع الحالات سواء فاز ولا تعادل ولا خسر ~ لكن يوجد من يحاول زرع الفتنهـ وزعزعهـ الثقهـ بين الجمهور والإدارهـ والمدرب واللاعبين فـ يجب الحذر الحذر منهم لأنهم للآسف عندهم طريق غير مباشرهـ ويعرفون وشهي نقطهـ ضعف الجماهير !! هههههههـ فيوزاتي تضرب إذا شفت مندس وإلى الآن ما شفت مندس علق ع الموضوع ولا ظني بيجي أحد منهم يعلق ع الموضوع :d تشرفت بمرورركـ وتعليقكـ المميز ،، وبـ التوفيق إن شاء اللهـ ~ |
الاعلام الاصفر ومحااربين النجااح يعملون ع اسقااط الزعيم لكي يحققوا مراادهم،، للأسف بعض الجماهير سااعدهم ع ذلك بعضهم عن غير قصد وهم اللي مع الخيل يااشقرا والبعض الاخر عن قصد وهم المندسين،، الزعيم يمر في مرحله تتطلب مننا جميعا الوقوف خلف الفريق متمثل بالاداره والجهااز الفني،، شكرا ع الموضوع المميز،، |
| الوقت المعتمد في المنتدى بتوقيت جرينتش +3.
الوقت الان » 08:42 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd