هل خطة الهلال معروف ومحفوظة لجميع الفرق
 

أغلب لعب الهلال على الاطراف وهو ما جعل الفرق الاخرى تكثف تواجدها تجاه سالم الدوسري خاصة مما يعطل كثيرا هجمات الهلال خاصة ،وسالم الدوسري يلعب ورأسه في الارض وكثير من اوفراته غير دقيقة، لماذا لا يلعب الهلال من العمق وهي الطريقة التي كان يجيدها وهي الاختراق ( طريقة التيكا تاكا ) وبشكل سريع والتي قليلا ما يلعب بها الهلال حاليا عدا نيفيز ومع سالم والشلهوب أحيانا وهذه الطريقة تربك دفاع الخصوم . ولا يمنع من تنويع اللعب على مدار المباراة، حيث شاهدنا كيف يقف الهلال عاجزا عن التسجيل مع الفرق التي تلعب وتجيد الطريقة الدفاعية مما افقدنا كثير من النقاط.


كوتش / سامي
يا ليت تلعب الشهراني يسار والبيشي يمين والفرج في المنتصف لكي تحقق اكبر فائدة من اللاعبين

مثل ما خطهـ لعب الهلال حفظها جميع المنافسين كذلكـ الهلال عارف وحافظ خطهـ المنافسين ~
لأن معرووووف إن جميع الفرق تلعب أمام الهلال بخطهـ دفاعيهـ بحتهـ وخصوصا الفرق
المتوسطهـ ،،، فـ ليش الهلال ما يعرف يفوز عليها ويعدي دفاعها بسهولهـ مثل ما هم يقدرون
يعدون دفاع الهلال بسهولهـ تامهـ !!! السبب مثل الرئيسي مثل ما ذكرت عدم لعب اللاعبين
بمركزهـ الطبيعي !!

عموما أتمنى تنحل هالمشكلهـ بالقريب العاجل قبل فوات الآوان ،،، عوافي ع الطرح ~

اتفق ان جميع الانديه اصبحت تعرف كيف تقفل على الهلال
لكن الهلال لم يعرف كيف يخترق هذه الحواجز الدفاعيه
شاهدنا الهرماش يسدد من بعيد وتلج الكوره بالمرمى بأسهل الطرق لفك هذه الدفاعات
على سامي التركيز بالتسديد من خارج الثمانية عشر
التسديد المركز متى ماسنحت الفرصة مو عشوائي
المهم عرفوا كيف يلعبون قدام الهلال وينهون خطورة سالم والعابد ونيفيز
لابد من اللعب بمهاجمين من بداية المبارة

سبحان الله

بعض الاعضاء يدسون السم في العسل

ياخي قل بصريح العباره انك ماتبي سامي الجابر وان مايصلح او قل انك مندس وتبي تثير الاعضاء على الكوتش

ترى ملينا من هالمواضيع اللي معروف مين تخدم ولصالح مين

هلالنا غالي علينا والله

مكشوفه جدا
دفاع وهجوم ما فيه وسط !!
هرماش اللي يقال له لاعب محور جناح ايمن ويزاحم سالم وكاستلو يتقدم بشكل مبالغ فيه !!

ي اخوي ماهي مكشوفه طبيعي في كة القدم اي فريق يلعب ضد فريق متمرس علبطولات انه يقفل قدآمه فالهلال قدام الشعلة والراىد و الفيصلي والنهضة والتعاون جميعها تلعب بأسلوب دفـاعي بحت وضم لهم النصر الي عرف ان الهلال مشكلته ما عنده لاعب تمريراته حاسمه ما عدا نيفيز الي دايم ما تكون الرقابه عليه قويـة , وبالتالي يخسر الهلال الكورة في ملعب الخصم ويرتد الخصم بأكثر من لاعب وتسبب لنا المشـاكل يجب على سـامي التخلي عن بعض قناعاته

يعني وقت كنا نتقد دول وهاسيك وكومبارية كنا مندسين!
نحن لانطالب بإقالة سامي بل نقف معه، وفي نفس الوقت سامي ليس فوق النقد يجب ان ينقد كي يتعلم ويتطور أكثر،،،
كلنا مع الزعيم

المشكله ليست بالخطه مكشوفه ام لا . الهلال يملك لاعبين ماشاء الله متمكنين
بمجهودهم ولا يتوقع اي خصم ماذا سيعمل .

المشكله الاساسيه ان الخصم يعرف نقاط ضعفك للهجوم عليك فالدفاع مكشوف والمحور مكشوف وبعض اللاعبين
لم يتم الاعتماد عليهم في مراكزهم الصحيحه وهذه بسيطه يسهل معالجتها فالمجموعه كلها تتأثر بهجومها ووسطها واظهرتها
بالاضافه الى الحارس

وبسهوله اي خصم ان يسجل هدف عليك .ويحرجك ويصعب ايضا عليك المحافظه على الاهداف حتى وإن استغليت الفرصه
وسجلت هدف قبل الخصم يظل لديك مشكله بالدفاع والمحور !! والدليل هدفي الشعله والنهضه بالتعادل .

العلاج للمشكله هذي صرح بها المدرب سامي الله يوفقه وهو تغيير بعض اللاعبين بلاعبين جدد .
فخطته سليمه لكن مركزي الدفاع والمحور غير سليمه بالفريق ..

والله الموفق ..

افضل طريقه للعب مع الفرق الصغيره اللي تتكتل في الدفاع هي طريقة 4-4-2, وذلك بالتشكيله التاليه
................السبيعي..............
الشهراني...الدعيع...كاستيللو...البيشي
..................هرماش.................
الشلهوب........نيفيز.........ع.الدوسري
..............ياسر.........السالم.........

بحيث يعتمد الفريق على الرفعات التي تاتي من الخلف من الاظهره كالبيشي والشهراني مع كثافه عدديه من لاعبين الهلال داخل المنطقه خصوصا ان السالم وياسر متمكنين من ضربات الراس و ذلك سيتسبب في دربكه داخل منطقة الجزاء ممكن ان ياتي منها هدف او ضربة جزاء, وهذه التشكيله راح تعطيى فرصه لانكشاف العمق لدى الخصم مما يسهل فرصة التصويب من خارج منطقة الجزاء عن طريق هرماش او كاستيلو او نيفيز.

طبعا هذه الطريقه لا تتناسب الا مع الفرق الدفاعيه.

ودمتم,,,,

بالعكس افضل فريق يتكتل العروبه طقيناهم 3 وفي مباره الرائد شفنا تنويع وهجمات وحلول من كل مكان وتوفق الرائد في ذيك المباره

الهلال دفاعه وحراسته تحبطه نسجل هدف يتسجل علينا هدف الاعبين ينضغطون ويهاجمون ويبون ينهون المباره فهمت الزبده