|
جمهور الهلال بالمنتديات وتويتر وتروا اللاعبين والمدرب وسببوا ضغط نفسي رهيب خير الكلام ما قل ودل .. بدايه السلام عليكم ورحمه الله وبركاته والف مليون مبروك الفوز الصعب والهام في مسيرتنا للفوز بالدوري بإذن الله .. لكن ابقدم نصيحه للجمهور الهلالي وخصوصا الصغار بالسن .. اللي للاسف انجرفوا خلف المندسين واخذوا يرون الهلال بانفعاليه وانهزاميه تنعكس سلبا على نفسيات اللاعبين وتولد الاحباط وانعدام الثقه بالمدرب واللاعب .. شجعوا بحماس وبقوه وتفاعلوا مع الاحداث لكن لا تسوي ضغوطات نفسيه بالتقليل من الفريق والمدرب وكاننا ننافس على الهبوط .. نعلم ان فيه اخطاء بالدفاع ونعالجها بكل هدوء بدلا من الفكر الانتحاري وتدمير الكيان . نحتاج للهدوء والصبر وقبل كل شي الثقه والاحترام .. والسلام عليكم ورحمه الله وبركاته . |
الجمهور غلطاااان اسفين طال عمرك |
التوتر لم يحصل إلا فترة قريبة وليس ابتداءاً من الجمهور بدأت النتائج والمستويات والعك الكروي توتر الجمهور .... وبالتالي يرجع على اللاعبين لذلك الحل يبدا من تصحيح طريقة اللعب ستجد الجمهور يقف بكل قوة مع الهلال اليوم مباراة النهضة حتى ميزة سرعة نقل الكرة افتقدها الفريق وكل مباراة تأتي نفتقد ميزات للفريق عما في أول الموسم وفي بطولة العين فطبيعي الجمهور يتوتر .......!! وينعكس على اللاعبين فالحل يبدا من الفريق تقديري لك |
إقتباس:
انا اقول الجمهور اللي جالس يقلل بالفريق ولا يدعمه هذا ضرره اكثر من نفعه .. الحمد لله شبعااان بطولات واطمح بالمزيد .. لكن حقين الهاشتقات الاطفال اللي يحاربون الهلال ويتمنون سقوطه فهم نقص على الهلال وبعض جماهير المنتديات . اتكلم عن البعض مو الكل .. |
بكل اسف الجمهور من سىء لأسوأ تبي تشجيع جاد ما تلاقي تبي حرص واهتمام ما تلاقي تبي احترام وتقدير ما تلاقي لكن تبي فلسفه وقلة ادب واستهتار بشخصيات اللاعبين والمدرب والادره خذ رجال تبي مدربين وكل شي يعرفونه خذ رجال تبي كلام جارح وعدم احترام خذ رجال للأسف جمهور الهلال يبون كل شي لكن ما عندهم استعداد يقدمون اي شي للأسف جمهور مثل قلته [ تعلموا من الجار ] |
إقتباس:
الحل يبدا من الفريق والجمهور معنا بنفس الوقت .. والله مشكلتنا بالدرجه الاولى ضغط نفسي من الجمهور وكبلت اقدام اللاعبين .. شكرا لك يا عزيزي . |
إقتباس:
اللي يحب الهلال يقف مع الفريق بالهزيمه قبل الفوز . |
بعض الناس مع الخيل يا شقرا اهم شي النقاط والمستوى بيتطور بعد استقطاب بعض العناصر في الفترة الشتوية الفقر طوال الموسم لم يقدم مستوى وجمهورة يدعمه مبارتهم مع الفتح والاتفاق والاهلي ونجران سئ جداً بس جمهورهم يدعمونهم ولا لو عاد الزعيم لمستواه بعد توفيق الله ثم دعم الجمهور سيسقط كل الفرق |
إقتباس:
إقتباس:
أخي الفاضل قبل كم سنة ردد القناة الرياضية أن جمهور النصر جمهور الوفاء ..!! وكأن جماهير الأندية الأخرى في حالة تنقل مع كل خسارة .....!! مهزلة إعلامية صفراء..... جمهور النصر يحب ناديه كرهاً في الهلال لأن عنده إعلام مشغول بالهلال أعرف أناس قاطعين الكورة بل بعضهم ملتزم وكبير قارب الخمسين وما عنده تلفاز بالبيت إلا المجد من بعد صدارة النصر ..... صار يتابع والغريب يطقطق على الهلال....وعايش جو المظلومية !! مع أنه قاطع له سنين حتى طفل صغير ماله في بالعمر شيء .....يتكلم عن النصر وكأنه حقق شيء عظيم ويتشمت بالهلال وكأنه عاصر الهلال ..... كله نتاج دعاية إعلامية تنفخ في عقولهم ليل نهار إعلام النصر هو جعل جمهورهم حاضر وهو بنفس الوقت كان يخدر جمهوره بالهلال ومتابعته كل سنة يتابعون الهلال في منافساته وهم بعيدين عن المنافسة قبل فترة قريبة كان يقللون من البطولات المحلية فقط لأن الهلال يحصل عليها لكن مجرد ما تصدروا طارت عقولهم .....لأنهم تصدروا على الهلال لأن القضية أساسها الهلال ............ لكن جمهور الهلال حي نصف الحضور الجماهيري في الملاعب نصفها لجماهير الهلال هذا ومستوى الفريق متذبذب ...... لم يحضروا إلا فيهم أمل كبير ....... يشكرون عليه .... لكن لا يكفي هذا إلا بتصحيح حقيقي من داخل النادي وستجد دعم هائل ................. تقديري لك |
مشكلة الدفاع عناصريه والي يقول تكتيكيه والله مايفهم كوره ومع الخيل ياشقرا او حاقد وفقراوي سلمان الفرج سيء دفاعياً والكوري سيء والدعيع ماعنده خبره والشهراني سيء في اليمين البعض يبقى سامي يخترع لاعبين !! هلالنا سجل هدف المفروض يحافظ عليه ولكن الدفاع يفسد كل شي الوسط والهجوم صار يخاف من دفاع الهلال ويخاف يهاجم بكل قوه !! على الاداره التعاقد مع قلوب دفاع اجنبي ومحاور والاهلي تعاقد مع لاعبين كبار ونصر تعاقد مع صانع لعب والهلال الى الان لم يتعاقد ؟؟ على الاداره ان تتعاقد مع لاعبين و نتفائل خير ان شاء الله |
الكوتش سامي وكتيبته الزرقاء مازال لديهم الكثير ليقدمونه ، فقط ادعموهم . وشكراً لكم على المقال الجميل ولاانسى انه لايجب التعميم . |
| الوقت المعتمد في المنتدى بتوقيت جرينتش +3.
الوقت الان » 07:37 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd