|
اوزيا السلام عليكم ورحمة الله وبركاته ايها الزعماء لا اجيد المقدمات سوف ادخل في الموضوع على طول كلنا شاهدنا هذا الموسم اخطاء دفاعية بالجملة وان لم تتدارك في فترة الانتقالات الشتويه فوداعاً اسيا والدوري موضوعي هو كلنا رأينا الموسم السابق اللاعب اوزيا دي باولا اللاعب ماشاءالله عليه لاعب حماسي وصلب في الدفاع ولاعب مخلص ويلعب للشعار يذكرني برادوي:ba: اتمنى من الإدارة انها تتعاقد معه إن لم يجدوا بديلا مناسب لحل مشكلة الدفاع ف بدلاً ان تجرب ويمكن ينجح ويمكن لا ينجح فهذا اللاعب متاح وسوف ينجح ويقدر يعطيك سنتين على الاقل بإذن الله لقطة ختام الرجاء من الجميع تصميت الموسيقى إبراءً للذمه الهلال والنصر نهائي كأس ولي العهد مقطع للتاريخ - YouTube |
ما ادري كيف فرطوا فيه :( ممتاز جداً وحماسي اذا كان الهلال ما يملك عقده للان فـ ما اعتقد تقدر ترجعه توه رايح .. الله يكتب اللي فيه خير ويعوضنا بمدافع ينسينا كل المدافعين ومشاكل الدفاع |
عشان قال الهلال افضل فريق ب السعودية تبيه يرجع ! الهلال يبحث عن افضل من اوزيا |
والله تبي الصراحه التفريط باوزيا اعتبره انا خطا لايغتفر ... بكل اسف اخطا مره واحده امام الاتحاد وظلم كان شايل الدفاع ...,, ولا انسى ويسلي الهداف قبل ان يتم تحويله صانع لعب |
بالفعل اوزيا قدم مستوى جيد مع الهلال اوزيا لم يكن سيئ فالسوء كان بالمحاور والزوري في العام الماضي أن لم يجد الهلال مدافع أفضل منه فالأفضل إعادته |
فعلا كلامك صحيح ، اوزيا لاعب متمكن ولاعب قتالي ومخلص والله انا مستغرب ايضا كيف الهلال فرط فيه ! ولم يحضر البديل الافضل ! علما ان عقده كان لمدة موسم واحد وانتهى ولم يتم التجديد معه لأن الهلال كان على وشك التعاقد المدافع البوسني كابتن منتخب البوسنه والهرسك وهو مدافع متمكن جدا .لكن لم تتم الصفقه فتم في اخر لحظه التعاقد مع (العاطل) المدافع الكوري (هوان) الذي جعل الدفاع الهلالي اكثر ضعفا و(هوانا) !!! |
كنت اظن ان المقطع فيه لقطات لأوزيا وهو يفتك الكور ويمرر ويسدد وصح ان اللاعب حماسي ويلعب بروح لكن مو اي واحد يلعب بحماس خلاص نوقع معه ع العموم اتمنى يتعاقدون مع مدافعين اجانب ممتازين |
أوزيا نظامه كل موسم فريق يعني مايقدر يستقر ع فريق واحد ينزل مستواه .. لو يتم التعاقد مع بالمينو وطارق خطاب بيصبح الوصول للمرمى الهلالي صعب وترجع هيبة الزعيم اللي فاقدينها هالموسم حتى متذيل الترتيب يسجل فينا .. |
لاعب حماسي واول مجاء قدم مستوي خرافي لكن في نهاية الموسم كثرت اخطائة وصبحت كوارثية واخطاء ساذجة مثل هدف الاتحاد وهدف لخويا الي اخرجنا من اسيا انا ضد رجوعة بصراحة نبي مدافع يشيل الدفاع موعالة |
نشاء الله ان الهلال سيجلب قلبي دفاع اوروبين صلبين وستحل مشكلة الدفاع الهلالي... |
قياسا بالمدة القصيرة التي لعب فيها وخاصة انها كانت في منتصف الموسم الى نهايته أي انه لم يدخل مرحلة اعداد مع الفريق في الصيف وكان الفريق مستواه هابط ومتذبذب العام الماضي انا ارى ان أوزياً افضل لاعب اجنبي محترف مر على الهلال في خط الدفاع ... ويأتي خلفه كابتن بوليفيا رالديس الغريب ان الاثنين تم التخلص منهما في نصف موسم؟!!! ,, واللي تقارنوهم دائما بأنهم الافضل هما تافاريز واليجا ليتانا مع ان الواحد مهم يجلس بالاربع سنوات طبعا لازم يبدعون! اذا كان لاعبين مثل المرشدي ومتواجد كامل الموسم و يلعب سنين اساسي اكيد بثبت نفسه ويصعد مستواه يعني مثلا مارسيللو تافاريز كان من افضل من لعب للهلال لكن لكن اول موسم له كان يسمونه مطاريس لان مستواه عادي جدا بل اذكر ان الكتاب والجمهور كانوا منزعجين منه بل حتى فيه اخر مواسمه كان كل مباراة ياخذ كرت وخشن واذا لعب الاتحاد بحسن كيتا وحمزه ضاع اللاعب وضاع المفرج معه ,, ,, واوزيا دي باولا لم يبدأ الموسم ولم يكمله بل اتى في الانتقالات الشتوية لا اقول اتحدى ان يكون سيء في اي مباراة او كان سبب مباشر للخسارة ,, بل انا اتحدى يجيب لي اي واحد مباراة لم يكن فيها اوزيا من افضل اللاعبين في المباراة.. الاخطاء تقع من كل لاعب في العالم هذي كورة حقيقية دم ولحم وانفاس وآلام مو لعبة سوني .. العام الماضي كان اهم لاعب عندي في الفريق بدون مبالغة واذكر انه كان شايل الدفاع كامل بالاظهرة حرفياً ,,يعني كل هجمة او عرضية من اي جهة كان هو المنقذ تماما كما كان هوساوي شايل الدفاع خسارة كبيرة جداً رحيله المشكلة كل هذا كوم والكوم الثاني طلع لك بعض الجماهير تطالب برحيله وانه هو السبب في ضعف الدفاع!! ياخي في عندك ناس تكتب في المنتدى والله ماتدري وش هي الكورة يشرب شاهي ويسولف طول المباراة ويمسك الاجانب نقد وهو ناسي لاعبين عالة هم سبب الضعف الحقيقي بالمناسبة نفس الطريقة مارسوها مع هرماش لييين شالته الادارة وجابت الكولومبي جوستافو ولولا الله ثم سامي كان ماشفتو هرماش مرة ثانية كماتشو وتافاريز استغرقوا موسم كامل حتى اصبحوا بدرجة لاعب مقنع! فكيف بلاعب من اول مبارة نجم وتناسى القلة فكرة الانسجام والتأقلم وتصاعد المستوى وغيرها الكثييير مما يواجهه اي مغترب في العالم القليل من غير الفاهمين يقولون ان اوزيا لاعب درجة ثانية مايصلح؟؟ اقولهم هل تعرفون ايش يعنى دؤجة ثانية في البرازيل,, هذه الدولة عندها فوق المليون لاعب يعني درجة ثانية في البرازيل تعادل اقوى دوري في آسيا بل اقوى اذا كان فرق عندنا في دوري ركاء فرق لما تصعد للممتاز تصارع معهم الاندية الكبار في المبارايات ثم ان اويا كان اساسي في جريميو البرازيلي وهو الفريق الذي اظهر لنا الساحر رونالدينيو! وياليتهم ذكرونا اين كان يلعب تافاريز المحارب في البرازيل,, كان يلعب في دوري للشركات في البرازيل قبل وصولة لكورينثيانز ولك ان تتخيل لو ان أوزياَ لعب في الهلال سنيتن كيف كان بيصير الفريق ايامة كان منهار حتى ويسلي لوبيز طاح مستواه _____________________________________________________ رد سابق قبل قرارعدم تجديد اعارة اوزيا كان على موضوع الناقد الصريح,, والعجيب ان نفس الاعضاء اللي مايعجبهم ازيا تلقاهم دائما معجبين بمدافعين عاديين جدا في الدوري! تقلى احدهم يكلمك عن مدافعين الفتح او الاتفاق الاجانب إقتباس:
وهذا رد أخر بعد فترة بسيطة من لعبه مع الفريق والذي اثبت فيها انه لاعب كبير مثله مثل رادوي من اول مباراة نجم إقتباس:
ووالله مافيه واحد يعيّب على هالبرازيلي الا آدمي الكورة في وادي وهو في وادي.. ويتكلم بعاطفة تفتقد للتحليل وهو أفضل مدافع في الدوري السعودي في نظري في وقته,, هالبرازيلي دخل في المنافسة بدون ما يحسسنا انه يحتاج يتأقلم,, على طريقة رادوي,, الاثنين من أول لمسة ومن اول مباراة نجمين أما الكوري يو بيونج سو المهاجم له موسمين وكان لا يزال يحاول يتأقلم مسكين! ,, وهذا كله رأي خاص,, يعني من يوم اشوف كامل الموسى في المنتخب اساسي وانا غاسل يدي من اهل الكورة يعني نفس اللي يقولك كامل الموسى وسعد الحارثي لعيبه فنانين وهرماش ويوسف العربي لاعبين عاديين هو نفس اللي اللي يقولك أوزيّا لاعب عادي بالله وش يفرق ليتانا والشريدة عن اوزياّ.. والله مدري؟! ولا واحد قدر يقول ان اوزياّ دون المستوى,, لكن فيه ممكن يطلع لك واحد يقول له غلطه قدام الفريق الفلاني او العلاني طيب تبغون اذكركم بغلطات الدعيع وهوساوي وتافاريز,, هل هذا هو المعيار الصحيح؟؟ لوكان كذلك لانتهوا جميع اللاعبين في العالم لان كل لاعب له كوارث حسافه بس على الجيل الجديد s72s |
استغرب من بعض الاعضاء الي يقولون اوزيا كويس .... حبيبي اذكرك ترى انت تشجع الهلال مهوب الرائد ولا الفتح ... نبي لعيبه صح ما نبي لعيبه مش حالك اوزيا كويس لكن مهوب الطموح .... الهلال قدامه اسيا وبيواجه فريق قويه ... اوزيا ينفع قدام فرقنا في الدوري بس انك تدخل فيه في مواجهه فرق اسيا اسمح لي ما ينفع ابدا ... اتمنى ثنين قلوب دفاع اجانب فايف ستار ,.. وحارس ,, ومحور اجنبي ومعه الجبرين ... طبعا مع الاستغناء عن الثلاثي المرح الي عندنا واخيرا اتمنى الهلال يفكر في عمر هوساوي |
والله انا بعد استغربت من رحيله |
اوزيا حرام يروح ماكان معه محاور ولا دفاع زي الناس |
تمزحون صح ؟ نسينا رقصة السامري في مباراة الاتحاد كأس الملك ؟ !! عموما المشكلة مب فقط عناصرية أيضا تنظيمية لخط الدفاع نحتاج قائد قائد قائد قائد لخط الدفاع يعرف يحركه ويقوده بالكامل !! |
| الوقت المعتمد في المنتدى بتوقيت جرينتش +3.
الوقت الان » 03:02 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd