|
همسة في أذن كل هلالي .!! السلام عليكم ورحمة الله وبركاته اما بعد بخسارة مفاجأة لم تكن متوقعة أمام الرائد وخسارة ثانية أمام النصر وتعادل أشبه بالخسارة أمام الشعلة أصبح الجميع يضع يده على قلبه خوفًا على مستقبل الهلال مع سامي الصحف والبرامج الرياضية وكذلك الإذاعة كرست جهودها للنيل من سامي لماذا ؟ بنظرهم أن ذلك قد يعجل برحيل سامي عن الزعيم (خوف) وهذا بدري عليهم لإنهم يعرفون ثقة سامي في نفسه قبل أن يكون مدربا كبيرة فسامي حورب 20 سنة لاعبا وكذا سنة اداريا والان مدربًا والحرب تجاهه من تشكيك وإشاعات ومحاولة تقزيمه ولكنه لم يعير للإعلام أي اهتمام فسار الى ان وصل الى ماوصل له الآن سامي في 11 جولة قد نظلمه اذا تم تقييمه فنصف الفريق جديد وهو مايحتاج إلى وقت للتأقلم والانسجام فصدقوني سامي لديه الكثير ليقدمه وليثبت للجميع أنه موجود فلاحظ ماذا يقولون بعد فوز الهلال على الاندية في ال 6 جولات الأولى وفوزه على الشباب يقولون أنه من الصعب الحكم على عمل سامي لإنه في بداية الطريق ولكن عندما خسر في الجولة العاشرة قالوا انه مفلس !!! يازعماء مازلت أقول سامي في بداية المشوار وسبق أن صبرنا على المدربين الأجانب كثير فلماذا لم نصبر على سامي فبإذن الله الهلال مع سامي سيفرحنا وسيقدم لنا البطولات ويدع للبقية الفرح بالصدارة المؤقتة فصبرًا جميل يازعماء وقفوا صامدين أمام الحاقدين وجهة نظر في يناير إن لم يعود خالد شراحيلي فمن الضروري التوقيع مع حارس يبعث الإطمئنان للفريق أما أن يكون فهد الثنيان أو رافع الرويلي ولا تندم ياشبيه الريح بالمبلغ فالحراسة والله أنها نصف الفريق الدفاع لايحتاج إلى تغيير فقط ثبات على تشكيل فالحافظ أو الدعيع بجانب الكوري والشهراني ظهير يسار والبيشي يمين تنتهي المشكلة بكل تأكيد عبدالعزيز الجبرين لاعب مميز في مركز المحور وأنا من متابعين تحركاته فصدقوني لاعب سيحل المشكلة في هذا المركز ولا نريد كريري بسعره المبالغ فيه ركن من نزل مستواه في بنك الاحتياط وإن كان اسمه (العابد والفرج والسديري والمسلم ) فتصبح التشكيلة رافع او الثنيان الشهراني الحافظ الكوري البيشي كاستلو الجبرين هرماش نيفيز سالم ناصر خاتمة : طبعا الخسارة من الرائد كان الهلال يقدم مستوى كبير ومن أفضل المباريات ولكن سوء الحظ وخسارة النصر لايلام سامي فالمسلم قدم هدية اولى والسديري هدية اخرى وتعادل الشعلة كان بسبب الضغط وضعف التغطية من المسلم في الأول والفرج في الثاني لدروب البطولات نلتقي |
250 مشاهدة ولا فيه رد يهمني رايكم |
اتفق معك في الصبر على السيد/ سامي الجابر وإعطائه الفرصة الكاملة وعدم اﻻنجراف وراء بعض اﻷقاويل الفارغة. ولكن اختلف معك بأن اللاعبين اللي ذكرت هم سبب الخسارة فالجميع مسؤل عن الخسارة بمافيهم الجمهور وخصوصا الحاضرين في الملعب والذين لم يكن دعمهم للفريق كما ينبغي في تلك الليلة. |
. . . ي جماعة الخير المشكلة ان الفريق يبي محور ثابت وصلب ومدافع مركز ومطلوب من سامي يطبق تكتيك مثل طيب الذكر ( زلاتكو ) كان الهلال ف اسواء موسم له وفريق متهالك بس طبق تكتيك خورافي خل الاندية تضيع والدليل فوز الهلال على العين + الريان + الاستقلال طب تكتيك يخلي الخصم يدوخ ويفقد الامل كذا اذا رجعت هوية الوسط خل الدفع مايتقدم ومحور ثابت والباقي على الوسط راح تشوف اهداف ودفاع ب المرصاد بس ماشفت تك تيك من سامي بس مرتدات اكثرها تيكي تاكا زلاتكو ‫هدف هلالي تيكي تاكا من سعد الحارثي امام الريان القطري 18 لمسة | Tiki Taka HD‬‎ - YouTube 2 ‫هدف هلالي تيكي تاكا عالمي امام العين الاماراتي | Tiki Taka HD‬‎ - YouTube |
أنا صراحهـ ما رح أعلق ع وجههـ النظر غير إني أتمنى جيت الكسار للهلال ~ رح أعلق ع هالجملهـ =) إقتباس:
سامي ما ننكر إن لهـ أخطاء ولكن من رأي ما يستاهل الرحيل عن الهلال ~ أبرز أخطأهـ من رأي هو عدم لعب كل لاعب فـ مركزهـ الطبيعي ! أتمنى يخلي كل واحد يلعب بمركزهـ وأنا متأكدهـ إنهم رح يبدعون ورح تقل أخطاء اللاعبين إن شاء اللهـ ~ وبعدين اللي يذكرون سلبيات سامي ما شفتهم إذكروا إيجابياتهـ ! من أبرز إيجابيات سامي المدرب هو صناعتهـ خط هجوم قوي فـ الهلال ~ ومن رأي إنهـ زرع روح التنافس بين اللاعبين مما جعل لاعبين الهجوم كل واحد فيهم ينافس لبقائهـ أساسي ! ولا ننسى إنهـ هو السبب بـ حضور الجماهير بكثافهـ هالموسم وتصدرها قايمهـ أعلى حضور ( ما شاء اللهـ ) ~ فـ عشان كذا لا تمشون وراء كلام القيل والقال وحكموا بما ترونهـ نفسكـ ! سامي يستحق من يشجعهـ وأنا عن نفسي من الناس اللي واثقهـ بنجاحهـ إن شاء اللهـ ولكن فقط محتاج لبعض الوقت ولمعالجهـ خط الدفاع ! اللهـ يووووفقهـ ويعطيكـ العافية ع الطرح ~ |
يعطيكم العافيهـــــــــ وبالتوفيقــ للزعيمــ |
اتفق معاك بكل شي الا بقاء الكوري فالاعب اثبت فشله وعندنا الحافظ والدعيع يسدون مكانه العله بقلب دفاع يسار ياليت يتم التعاقد مع بديل للكوري واتمنى البعد عن الكوريين بل شرق اسيا بكبرها لانه استحاله تأقلمهم يعطيك العافيه |
عوافي ع الطرح الراقي والله نتمنى أن سامي الجابر يغير من قناعاته ونشوف هلال غير بالمباريات القادمة لأني بجد حاطه ايدي ع قلبي |
ما قلت لنا شي عن التكتيت والخطط اللي عملها سامي في الفريق,, اذا ممكن توضح لنا النقطه هذي |
فلاحظ ماذا يقولون بعد فوز الهلال على الاندية في ال 6 جولات الأولى وفوزه على الشباب يقولون أنه من الصعب الحكم على عمل سامي لإنه في بداية الطريق ولكن عندما خسر في الجولة العاشرة قالوا انه مفلس !!! وعليكم السلام ورحمة الله نعم أخي الكريم كلامك على متمه أوافقك عليه ..وأزيد على الاقتباس اذا سمحت لي ..أنا بنفسي لاحظت عند فوز الهلال مستوى ونتيجه...ماذا يقولون ؟؟؟ بكل غباء !!! يسندون الانجاز للمساعدين !!!! نعم يقولون هذا الفوز بسبب الجيش من المساعدين اللي معه !!!!!!!! يااااالي حماقتهم وحقدهم اللعين !!!!!! وطبعا في حالة الهزيمه او التعادل مثل ما تفضلت أخي قالوا مفلس ومتدرب وليس مدرب وكلام باااااايخ للاسف صار يردده المحسوبين على جماهير الزعيم !!!!!. أأيدك في طرحك الواعي أخي ... والله يوفقك ويوفق الزعيم بقيادة المدرب الذكي سامي الجابر تقبل مروري |
ياليت نلغي كلمة مندس من قاموسنا مو كل من انتقد صار مندس البعض ينتقد من غيرته على الهلال و ليس شرط ان يكون حاقد او مندس الفريق تعرض لهزات قوية افقدته التوازن ولكن سامي بحنكته قادر على تجاوزها بحول الله يجب الوقوف مع الفريق عند الفوز و الخسارة وشكرا للجميع |
إقتباس:
شكرا لمرورك |
إقتباس:
ايضا كلامك صحيح لكن التكتيك موجود لو ركزت والمشكلة في انخفاض مستوى بعض اللاعبين منهم العابد وهرماش والدفاع بأكمله شكرا لمرورك |
إقتباس:
الكسار مستواه متذبذب يبدع مباراة ويجيب العيد في غيرها وهذا مانبيه لكن الرويلي والثنيان مع اني اتوقع مستحيل ينتقلون من انديتهم عسى الله يرجع شراحيلي وكلامك صحيح بخصوص لعب اللاعب بمركزه الاساسي مثلا الفرج لاعب وسط وسامي يلعبه ظهير ماشوف فيه ميزه غير السرعة فقط وارى انه نقطة ضعف في هذا المركز لو ترجعون للاهداف اللي علينا اخرها هدف الشعلة الثاني وين راح الفرج والنقطة الاخيره اوافقك بشده فعلا شاهدنا هجوم قوي وحضور الرقم الصعب الكثيف لكن مثل ماذكرتي فقط الناس تركز على السلبيات وتنسى الايجابيات شكرا لمرورك |
إقتباس:
وشكرا لمرورك |
| الوقت المعتمد في المنتدى بتوقيت جرينتش +3.
الوقت الان » 09:06 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd