|
هرماش مكسب ياجمهور الهلال , 3 تعاقدات تغني عن مكان اجنبيين ! الضغط على سامي هو السبب ؟ السلام عليكم ورحمة الله وبركاته { مقدمة } الموضوع طويل عريض لذلك وسع صدرك :d .. اول شئ اقولكم هاردلك التعادل والخسارة في المباراتين الاخيرة , الفرق بيننا وبين النصر مب كبير كلها 4 نقاط مقدوره على التعويض خصوصا وثقتنا الكبيرة في زعيمنا .. خلونا نذكر الدوري 2008 .. كان الاتحاد في عز مستوياته والهلال كان عليه ضغط جماهيري واعلامي كبير والاتحاد متصدر في اغلب فترات الدوري حتى الجولة الاخيرة , قابل فيها الهلال وقدرنا نفوز في اخر مباراة واخذنا الدوري بالرغم من انهم متصدرين لوقت طوييل .. لذلك اقولها الدوري طويييل لكن يحتاج شغل ! { عادل هرماش المحور التكتيكي؟ } عادل هرماش جندي مجهول , اكثر لاعب متحرك في الملعب , واقل لاعب تنقطع منه الكور , وافضل من يمرر الكور في الهلال .. لكن المشكلة الوحيده انه مظلوم بكلمة محور هجومي ومحور دفاعي ! كلمة محور هجومي ودفاعي كذبه نعيشها في الدوري السعودي بس ! في الدوريات اللي برى مافيها سالفة محور هجومي ولا دفاعي فيه شئ اسمه محور تكتيكي ! محور يضبط تكتيك يغني عن سالفة هذا دفاعي ولا هجومي ناخذ مجموعه من الاندية اللي تلعب بمحاور تكتيكة : بايرن ميونخ : نشوفه يلعب بـ شفاينشتايقر محور (كان جناح في اول مسيرته) شتايقر كان بالاصل جناح وقبل مدة تغير لمركزه للمحور وصار من افضل محاور العالم مب لانه دفاعي ولا هجومي لا .. لانه محور تكتيكي ! تشيلسي : راميريز (مركزه جناح) لامبارد (كان صانع لعب) لامبارد ورامي محاور تكتيكيه ومالهم بالدفاع اي علاقة لكن بعد ضبطهم اتقنوا دور المحاور ! مدريد : الونسو ( نزعة هجومية) مودريتش (بالاصل صانع لعب) صرنا نشوفهم محاور ومن اروع المحاور مع انها ليست مراكز لهم ! وفيه لاعبين كثر مثل كاريك وتشافي وارتيتا وغيرهم .. كلها بسبب توظيف اللاعبين صح ! المهم في هذي النقطة ان هرماش لاعب انظلم في حضرة كم مدرب لايفقهه في التدريب شئ وكان ضحية توظيف سيئ ! {3 تعاقدات تغني عن مكان اجنبيين } في يناير لازم الفريق يغير من شكله بقووة , لازم نتعاقد مع 4 لاعبين محليين , واللاعبين متاحين وبسهولة نقدر نوقع معهم بحكم علاقتهم مع انديتهم .. ونستغني عن مكان اجنبي وتوفير المبالغ الطائلة والرواتب المرتقعه لهم وتعالي بعض الاجانب على الدوري السعودي .. اللاعبين هم : 1- سعود كريري : اللاعب مكسب لاي نادي وخبرة ومحور صلب , قيادي في الملعب وهذا اللي ينقصنا .. سهل التوقيع معه خصوصا انه بيدخل فترة ال6 اشهر , ونادي الاتحاد عليه ديون نقدر نستفيد من الوضع ! 2- اسامة المولد : افضل مدافع في الدوري السعودي حاليا .. صخرة بالدفاع وحماسي ويغني عن اجنبي في هالمركز .. سهل التوقيع معه لمشاكله الماديه مع الاتحاد ! 3- حسن كادش : ظهير سريع ومهاري ودفاعيا ممتاز , لكن المهم هو السرعه خصوصا في الهجمات المرتده وهي مشكلتنا , لاعب صغير بالعمر واكيد طموحه اللعب بنادي مثل الهلال , ولو تقدم الادارة مبلغ كويس ما اتوقع ترفض ادارة الاتفاق ! 4- صانع لعب .. اجنبي (بعد تجديد تيسير الجاسم مع الاهلي) اذا تمت التعاقدات الجايه اضمن لكم اسيآ , واهم شئ الاستغناء عن : السديري , كاستيلو , الكوري .. لعدم الحاجه لهم ! وتكون تشكيلتنا كذا : السبيعي الشهراني - المرشدي - المولد - كادش هرماش - كريري الجاسم نيفيز - سالم الشمراني في الاحتياط : الشمري الزوري - الحافظ - المسلم - البيشي الفرج - القرني العابد - الشلهوب - عزوز ياسر (السالم) كذا تكون عندنا دكة قوية وتكون فيه تنافش بين اللاعبين وتهديد للاعبين المتهاونين مثل العابد والفرج والمسلم .. وتكون فرصة لرجوعهم للمستوى المطلوب .. { الضغط على سامي هو السبب } سامي هو السبب , سامي يتحمل النتائج , سامي مايعرف يدرب .. والكثير من الكلام على سامي سواء من بعض الجماهير المحسوبه على الهلال او من جماهير الاندية الاخرى هدفها تطفيش سامي ! لكن سامي لن يلتفت لمثل هذي الموضوعات .. سامي عليه ضغط كبير ويحتاج دعمخصوصا في مثل هالوقت لكن اللي نشوفه عكس ! - الرئيس في رحلة علاجيه - محمد بن بندر في رحلة علاجية - نواف بن سعد استقال ... التدريبات على سامي , المعسكر مسؤول عنه سامي , وقت المباريات المسؤول سامي .. لكن نسينا ان سامي نفسه يحتاج دعم وثقه ! سامي وحده من يحاول حل المشاكل , وين دور اعضاء الشرف ووين الدعم منهم ؟ اتمنى وقفة من اعضاء الشرف لدعم سامي والوقوف مع النادي وقت المباريات .. واتمنى اعفاء المفرج من مدير النادي لانه مع احترامي لا يجيدها ! فيصل ابو اثنين خيار جدا ممتاز لخبرته في الامور التدريبيه وشخصيته واسلوبه , اعتقد بيكون داعم كبير لسامي .. في الاخير هذا رأيي ومن زمان كان ودي اتكلم فيه لكن ماتفرغت للكتابه , واتمنى تقبل وجهة نظري والرد باحترام لانها بالاخير وجهة نظر لا تودي ولا تجيب ! لقطة ختام .. http://www.aljazeerasport.net/Resour...8812734_20.jpg كلنا معك يبو عبدالله :smilie47: فامان الله .. :smilie47: |
هرماش يعتبر نقص للفريق المباراة الي يلعبها هرماش انا اعتبر اننا نلعب بعشر لاعبين فقط لاعب داج لا هو الي ينفع محور هجومي ولا هو الي ينفع محور دفاع يعني بالعربي فاشل هجوميا وفاشل دفاعيا نتمنى رحيله في الانتقالات الشتوية |
ياللي فوقي ~ كلامك غلط في غلط ، هرماش افضل لاعب للآن يقدم الكثييييييييييير .. وياصاحب الموضوع ، اتفق معك بكـل شي 100% .. إلا المرشدي ، نجيب سلطان الدعيع بداله وتكون اسيويه ان شاء الله |
إقتباس:
وش كريري والمولد والجاسم ....رجيع اندية ... صرنا الفقر !؟!؟! كريري ...لو يدعم القرني وينضبط افضل منه المولد ... صندوق بارووود يمكن ينفجر فيك في اي لحظة ... والحافظ لديك ما تحتاجه ..فقط اعطه الفرصة ... الجاسم ... وين راح عزوز والشلهوب والفرج (اللي قضى عليه الظهير) ؟!؟!؟! اقول اللاعبين يبغالهم العين الحمراء ...ويمشون الف :ranting: |
إقتباس:
|
إقتباس:
اول شئ اشكرك على اسلوبك الراقي بالرد عكس اللي يتهجم .. ثانيا موضوع ان المرشدي اساسي ولا الدعيع ماهي مشكلة اللي يقدم يستحق , الاهم حاليا نبني سكواد للموسم واحيتاطه .. شكرا لك :rose: |
انا م راح ارد على الامثلة الي حطيتها , الونسو و راميريز و الجماعة .. انا ضد كلامك بخصوص نجيب الجاسم و كريري و نعتمد على اثنين اجانب .. و معك بخصوص نجيب المولد و كادش , مع اني اشوف لو نجيب افضل من المولد لكثرة اصاباته .. بالتوفيق .. |
اتفق معك واختلف في اشياء بسيطة والله العظيم مثل ماتوقعت في بداية الامر لما سمعت سامي بيدرب الهلال جميعا لانختلف ان سامي ذكي وطموح وايضا عليه ضغوطات وهو ايضا محارب توقعت ان سامي بيكون نجاحة مع الهلال محدود نظرا لقلة الخبرة يعني قدامة اقل شي ثلاث سنوات حتى يصبح مدرب تكتيكي بالدرجة الاولى |
بكل الود هل تابعت الفرج بالظهير ؟ هل تابعت مباراتنا مع الشعله وهل تعتقد انه سيكون مثل الاعبين الذين ذكرتهم . طبعا باقي على فترة الانتقالات اقل من شهر لذا كاستيلو انا تابعته في مباريات منتخبهم (لا يلعب محور) لديهم الاعب رقم 5 جيد ومع ذلك انا أتمنى التعاقد مع محور القادسيه نايف هزازي يملك ميزة التمرير الطويل مثل أبو ثنين ويملك ستايل كريري بالتغطيه ويملك السرعه وصغير بالسن لا أتوقع ان هناك مدرب فريق يتابعه ولا يتمناه لفريقه وقس عقد كاستيلو مقارنه بعقده واحكم وأيضا التعاقد مع ظهير الطائي عبدالرحمن الحسن وذلك لحاجة الفريق لمركزي (الظهير والمحور) هرماش اتفق معك انه محور تكتيكي ولكن لا يفرق عن عطيف فهل اعطي عطيف فرصة اللعب ام التمسك بهرماش . نيفيز جيد الكوري يقولون سبق له اللعب محور أتمنى تجريبه تشكيلة الفريق اتمناها (الزوري والشهراني ظهير ايسر البريك والبقعاوي والحسن اذا تم التعاقد معه ظهير ايمن المرشدي والدعيع قلوب دفاع ولدينا الحافظ والكوري المحاور الفضل وعطيف مع القرني وهزازي اذا تم التعاقد معه الوسط الايسر الفرج والعابد والوسط الأيمن سالم ومعه العلي او كعبي صانع اللعب عبدالكريم ونيفيز الهجوم ياسر وناصر وعزوز والسالم) الأجانب أتمنى باستوس النصر اذا كان يرغب البقاء في السعوديه وشكرا |
هرماش لاعب مميز في القطع والتمرير العرضي والطولي وبدقه عاليه جدا ما شاء الله على المدرب فقط الإيعاز له بعدم التقدم كثيرا للأمام وترك المساحات للمنافسين لتفيذ هجماتهم المرتده بارتياح لاحظوه في مباراة الشباب كان ملاصق لـ كاستيللو وأدوا الاثنين أداء أكثر من رائع في المحور ياسر الشهراني نجم رائع أتمنى الا يطول الاعتماد عليه في الظهير الأيمن الذي أخفاه تماما عن النجوميه وعن مستواه المعهود فمركزه الأساسي وابداعه كما تعلمون هو في الظهير الأيسر .. ممتاز دفاعيا وهجوميا وخصوصا في تنفيذ العرضيات المتقنه للهجوم عموما الفرصه لتخطي العقبات وعمل التعديلات ما زالت متاحه للكوتش واتوقع أن فترة الإنتقالات الشتويه حبلى بالتعاقدات المفيده شكرا لك بالتوفيق للهلال دائما وأبداً |
هرماش افضل اجنبي يعد نيفيز ولا انصح بالاستغناء عنه |
اتمنى اعطاء فرصه للدعيع والحافظ والزعاقي في الدفاع الهلالي ــ التعاقد مع الجبرين ــ هزازي ــ المسرحي لاعب القادسيه ـــ الاجانب ___ بقووووووووووووووووووه التعاقد مع (( عموري )) وخاصه انا بنشارك في الاسيويه بيوافق على طوول ـ ـ شفتم باعينكم يوم اصيب نفيز كيف كان وسط الهلال امام الشعله ــ كراااات عرضيه طائشه للهجووم وسالم الدوسري فقط ــ وسط ايمن برزايلي سريع للهجمات المرتده في الجهه اليمنى يساعد سالم الدوسري ــ تصعيد شراحيلي ـــ الفضل ـ ـ الكعبي ــ عطيف للفريق الاول ودمتم ــــــــــــــــــــــــــــــــــــــــــــــــ من يوافقني الراي بالتعاقد مع عموري ــ وتشوفوا بعد كاس الخليج بتهافت عليه الانديه ــ والله ولي التوفيق نحتاج شباب ((( وليس رجيع انديه عواجيز تعدووو فوق سن 28 عاما ــ ايش استفيد سنه ويضرب الباب ــ |
هرماش ضايع ومضيع الفريق معه اسوء لاعب في الهلال ولي يطبلونله الكوره يمين وهم يسار او مندسين من انديه ثانيه وعاجبهم الوضع خلال المباريات الي راحت وش دوره في الملعب الي فوق يقول مميز بنقل الكرات كم هجمه كان له دور فيها ولا هجمه يعطل العب غير كذا تحركاته مالها فايده الا في مباراه الاتحاد الهدف الي سجله |
هرماش مكسب !!! ي اخي هرماش حرام يحسب علينا ك لاعب اجنبي !! وانت تقول مكسب وبعدين هرماش محور ع الورق اما ف الملعب بتااااااااااع كل مره تشوفه هجووم ومره تشوفه يزاحم سالم وسط ايمن واحيان نشوفه ايسر واحيان بعمق الوسط ما استغرب اشوفه المباراه الجايه حارس للمرمى انا اطالب مثلك ببقاء هرماش لانه لاعب 3 × 1 رائحه حلوه وتوفير ويغطي اربع مراكز ب مباراه وحده !!! اما التعاقدات المحليه اتفق معك بس بديل سالم عزوز !! عزوز لاعب اشتف ( ايسر ) غير هذا لاعب مو صاحب سرعه وانطلاقات اشوف حمد الحمد او فيصل درويش افضل ك بدلاء ل سالم ولتقويه الدكه |
اللي يقول عواجيز , المولد عمره 29 ويعتبر بالنسبة لمدافع وقت الخبرة والنضج والدليل افضل مدافعين العالم فوق ال28 ومعروف هذا وقت قلوب الدفاع , سعود كريري خيار جيد يعطي موسمين ويكسبون الشباب خبرة منه مثل عطيف والفرج والقرني مثل ما استفاد الغامدي ولعيبة النصر من حسين .. والمشكلة اللي شيبت في راسي اللي يقول كريري شايب مانبي شياب هو نفسه يطالب بعودة رادوي !! على باله رادوي شباب ؟! |
| الوقت المعتمد في المنتدى بتوقيت جرينتش +3.
الوقت الان » 10:10 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd