|
جمهور الكيان معك ياسامي وثقتنا فيك كبيره السلام عليكم ورحمة الله وبركاته هاردلك لجمهور الملكي سامي لعب 11 مباراة قدم مستوى كبير ولكن الدفاع يفسد كل شي وكلنا ثقه ان سامي راح يعدل وضع الدفاع في الفتره الشتويه والتعاقد مع قلوب دفاع اجنبي وحارس وبأذن الله الكل راح يرجع لوضعه الطبيعي فيه حمله حاقده على سامي انه ماعنده تكتيك !! مباراة الشباب تكتيك رائع من سامي بشهادة جميع المحللين ومباراة الاتحاد قدم الهلال مستوى ونتيجه اربع كور في القائم وفرص اهداف ضاعت كان الهلال يستحق 8 اهداف وملخص المباراة موجود !! وياسامي جمهور الكيان معك وواثق بقدراتك و فكرك وذكائك من يشجع سامي الان هم مشجعين الكيان ومن يحاربه هم من كان يتمنى فشله الامور واضحه يكفي كذب وتخويف الجمهور ان سامي يعبث...ومن هذا الكلام اتمنى من الجميع تشجيع الفريق وسامي والصبر للفتره الشتويه وبعدها بأذن الله هلالنا راجع وبقوه :alzaeem: |
كلنا الهلال ... كلنا سامي |
سامي لم يختار الاجانب والكل يعرف هذا الشي لم يكن هرماش وكاستيلو والكوري خيار الاول لسامي ولا خيار ثاني ولا ثالث بل بسبب تسريب المفاوضات وسامي طلع وتكلم انه منزعج من تسريب المفاوضات وسامي اتفق مع الاعبين ولكن تسريب المفاوضات احرجت سامي سامي لم يختار هرماش ولا كاستيلو ولا الكوري وكل هلالي متابع يعرف هذا الشي ولكن بعد فشل المفاوضات الوقت قتل سامي ولم يجد غير كاستيلو وهرماش والعاطل الكوري !! وحنا نثق بسامي انه راح يرجع هلالنا وبقوه في الفتره الشتويه وعلى الاداره التعاقد مع قلوب دفاع اجنبي كاامل وحارس وجمهور الهلال معك ياسامي وان شاء الله الكل يرجع لوضعه الطبيعي |
يعطيكم العافيه على الرفــــــــع |
تسلم يمناك يالغالي لازم نوقف مع ابو عبدالله في هالفتره ابو عبدالله محتاج وقفتنا معه وانا متفائل ان شاء الله بنجاح ابو عبدالله واستغرب من بعض الجماهير الهلالية التي تطالب برحيل سامي وان شاء الله بكره في التدريبات المسائية من اول الداعمين للكابتن سامي والاعبين لتحفيزهم والوقوف معهم |
مشكلة الهلال في بعض الامور التعالي مثلا لو قلت تعاقدوا مع ابو هشهش في بداية الموسم او محمد حسين قالوا هؤلاء ليسوا بمستوى الهلال لازم يصير اسمه كارلوس و فرانك ................................ياعمي فيه لاعبين عرب ممتازين انا تمنيت بعدما يئست من الظهير الايمن يتعاقدوا مع ابراهيم هزازي والله يملأ الخانه باقتدار ...معليش اذا فيه افضل منه جيبوه لكن مافيه فهزازي خيار جيد في ظل حقل التجارب في الهلال الحافظ لماذا راكنه سامي بالاولمبي ونحن رايناه قبل اصابته البوادر تشير الى مدافع نجم واسألني انا ولاتسأل سامي انا قلب دفاع واعرف قلوب الدفاع جيدا ...هوساوي افضل مدافع لايعرف يتصرف بالكره اذا كانت متجهه للمرمى وخلفه مهاجم ...المرشدي جيد في الاوفرات والارضيات لك عليه لو كان متاح مساعد ندا الكويتي مع الحافظ ...وظهير ايمن البيشي والتعاقد مع ابراهيم هزازي اعتقد سيبدع لانه سيستغل الفرصه لان اللعب للهلال فرصه ذهبيه له او يلعب الزوري مع الحافظ لان الزوري متمكن جدا في القلب واشاهده دائما عندما يعود يساعد القلوب يبدع في اخراج كرات خطره لكن يحتاج الهلال ان يكون احد القلوب سريع جدا لان بعض الانفرادات تحتاج لاعب سريع ايضا نحتاج لاعب محور الرائد اذا هو متاح ونقايضهم بلاعبين من المحاور او محور وقلب دفااع نعوضهم عنه لان الرائد سيهتز اذا استغنى عنه (شفت احدى الاهداف في الهلال المدافع واقف خلف المهاجم (ياعيني ومدافع في الزعيم ) هذي يعرفها اللاعب من الناشئين فالمدافع لايصير امام المهاجم ولاخلفه بل يكون ظهره للمرمى وملاصق للمهاجم وتوقيت ارتقائه لايكون قبل وصول الكره |
متأكد انه مستوى كبير اين المستوى ؟! ليه تجامل ياخي سامي معترف بالمستوى السيء تجي انت وتقول مستوى كبير ؟ يكفي تطبيل سنوقف معه لاكن لاتطبل |
إقتباس:
محد طلب منك توقف مع سامي بعد شتم وسب اسطورة هلاليه ورمز كبير وهو سامي وتوقيف عضويتك الاولى مثل ماقلت انت !! وجمهور الهلال وسامي بغنى عنك انت وغيرك من يردد مايقوله اعلام الاصفرين فالهلال مايتشرف فيكم بعض جمهور الهلال مع الخيل ياشقرا مستوى الهلال جيد وليس سيء وبعض المباريات مثل الاتحاد والشباب كان الهلال خرافي وشف ملخص مباراة الاتحاد واربع كور في القائم وفرص اهداف ضاعت وكان الهلال يستحق 8 اهداف وعلى فكره سامي لم يختار الاجانب وكل متابع يعرف ان سامي كان يحاول بقوه بالتعاقد مع لاعبين كبار ولكن تسريب المفاوضات هي من احرجت سامي الى ان اقترب المعسكر والوقت قتل سامي !! انا لا ادافع عن سامي ولكن الاداره لاتعرف تفاوض لاعبين والمتابع الهلالي يعرف وش صار بالظبط وليش الاعبين الي اتفق معهم سامي تم تسريبها !! ولكن بأذن الله سامي راح يعدل وضع الدفاع ووضع الفريق كله في الفتره الشتويه ان شاء الله :alzaeem: |
كلنا ثقه بالله سبحانه وتعالى وبالكوتش سامي كم افرحتنا ياسامي .. وابكيت نادي الخصوم وكم هزيت الشباك .. وجلس دفافعهم يصيح ويلوم الله يحفظ سام 6 .. ومسكين من جالس يلوم (اللهم احفظ الهلال فوق كل ارض وتحت كل سماء ) بالتوفيق للهلال والقادم احلى باذن الله ** كلنا سامي .. وكلنا حراس ودفاع |
إقتباس:
واشكر كل من انتقد سامي كمحبه واخلاص لتاريخ هذا الرجل والاسطورة ورمز هلالي وفشله من فشل الهلالين ولكن بأذن الله في الفتره الشتويه راح يتعدل الوضع :alzaeem: |
إقتباس:
تكلمو عليه انه لاعب عادي ومانبيه !!! وعند التفاوض مع اسامه المولد تكلمو انه شايب وووو وعند التفاوض مع نيفز تكلم الجمهور انه مصاب ووو جمهورنا متكبر !! البعض فقط الله يصلح الحال ويوفق هلالنا |
لاتنسى مباراة الرائد فكر سامي جميل جدا بس الحظ عاندنا ولا الضغط هلالي 100% |
اولا ياعطيك العافيه على الموضوع وكان باسلوب راقي وباذن الله رح نكون داعمين لسامي |
إقتباس:
على الاداره التعاقد مع قلوب دفاع اجنبي وحارس وهلالنا راجع بقيادة سامي بأذن الله :alzaeem: |
إقتباس:
|
| الوقت المعتمد في المنتدى بتوقيت جرينتش +3.
الوقت الان » 06:15 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd