|
كنت أتمنى فوز الشعله لكن !! السلام عليكم .. يقول الله تعالى / وعسى أن تكرهوا شيئاً وهو خيراً لكم .. وأيضاً يقال / رب ضاره نافعه .. الهلال لم يخسر بطولة . أيضاً الدوري لم ينتهي ولم ينتهي الدور الأول بعد !! قد تكون خسارتنا من النصر وتعادلنا مع الشعله خيره ونحن لانعلم .. سامي الجابر ما قصر مع الهلال ولا زال يلاحق نادي النصر على الصداره .. ومباراتنا مع النصر كانت من اخطاء دفاعيه لا يتحملها سامي .. لكن يتحمل اشراكه لـ يحيى المسلم !! يحيى المسلم - سلمان الفرج - السديري ^ كل من ذكرت اسمه من رأيي أنا أتمنى ماعاد أشوفهم في الهلال وفي الفترة الشتوية على الأقل نجيب لاعبين محليين بدل يحيى المسلم والفرج .. الجهه اليسرى في المباريات الاخيره مش ولابد والسبب وجود سلمان الفرج وتغيير مركز ياسر الشهراني الرئيسي ويبدع دائماً وأبداً في الجهه اليسرى .. أتمنى إشراك سلطان البيشي في الظهير الأيمن وإرجاع الشهراني للظهير الأيسر .. * فترة الانتقالات الشتوية إذا لم يعمل الهلال في حل المشاكل الخلفيه سوف يعاني * عبدالعزيز الدوسري لازم يكون أساسي في بداية كل مباراة * عادل هرماش اللي يخربه إنه يتقدم كثير وينسى المنطقة الخلفيه بإختصار / سبب خسارتنا من النصر وتعادلنا مع الشعله هم الدفااااااااااااااااااااع !! :smilie47: تحياتي لكم |
لا تكبر خط الدفاع وتحطه باللون الاحمر بعدين تناقض نفسك بنفسك ، تقول الفرج يلعب باليسار ومايقدم ومفروض يرجع ياسر الشهراني لخانته اللي هي يسار يعني وش دخل الفرج اذا المدرب هو اللي حاطه هنا تبيه يقول لمدربه "لا والله مابلعب هنا ، حطني محور والا جناح والا ماراح العب !" والدفاع مكشوف لازم الفريق يرجع لمنتصف الملعب ويكون قريب للدفاع عشان يتماسك مو تلاقي المدافع يطارد بواحد بنص الملعب اكيد بينكشف وبيستقبل اهداف بالهبل حتى لو انهم نجوم العالم في الدفاع المنطق هو اللي يفرض نفسه بالاخير |
ريال مدريد وهو ريال مدريد بنجومه استقبل 17 هدف من يوم رجع تشابي الونسو المحور ماعاد يستقبل الفريق في الليغا اهداف هذا وهو ريال مدريد فما بالك بالهلال يااخوان مشكلتنا في المحور واضحه وفاضحه غير ذلك هرماش لاعب ماينظبط في مركزه وينا فيه يعرض اليوم وكاستيلو جمب الشمراني انت محور وش موديك قدام كلهم محاور دلوخ وسبايك اي لاعب يطقطق عليهم فكونا منهم وعطونا محاور قويه كريري لو كان محور الهلال وجمبه القرني اقسم بالله بتشوف العمق اقوى من هالثنائي المرح الي عندنا هالفتره مال الهلال الى يتراجع ويغطي المساحاات ويمتص الفرق الصغيره وياكلها بالمرتدات او بالكور الطويله |
المشكلة في سياسة الترقيع ماله ذنب الشهراني لما تغير مكانه وتطلب منه يؤدي نفس اداءه بمركزه الاصلي وكذلك الفرج اللوم على المدرب الله يصلحه وكذلك مجاملته للاعبين لايستحقون المجاملة كالسديري سابقا والعابد حاليا يااخي لعب عزوز اساسي هو يدور الفرصة عطه اياها واركن العابد بالدكة خله يتأدب عموما نقول انشاءالله يتعدل الحال في قادم المواعيد وشكرا لك والسلام خير ختام |
صحيح ان محاور الهلال ضعيفه ولها دور كبير في كشف الدفاع بس برضوا دفاع الهلال يالربع شربه خصوصا المسلم الله يصلحه والله انه ما عنده سالفه ولا يصر مره مره يكون دفاع بطيء اخطاء بدائيه والهلال اي كوره طويله خلف المدافعين تكون خطر على المرمى الهلالي وسط عناد واضح لسامي الجابر في اسراره على السديري و اليوم بس اللي غيره في مباراة الشعله ويحيى المسلم مع وجود سلطان الدعيع اللي اليوم يوم طلع المسلم والله الدفاع كنه تحسن شوي بعدين ليه ما يلعب الحافظ وليه ما يلعب البقعاوي ولا بس دافعين فيهم فلوس نجاكر فيهم ياخووووي عطووهم الفرصه والعابد لابد يعاقبه بالدكه مو يعطيه الكابتنيه |
| الوقت المعتمد في المنتدى بتوقيت جرينتش +3.
الوقت الان » 02:32 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd