السلام عليكم ورحة الله

من يرى كثرة الاهداف بالهلال حوالي 11 هدف يتجه مباشرة الى لوم المدافعين والحارس والمحاور


ومن يعود إلى الأهداف ويلاحظ كيفية دخولها سيجد أن اغلبها كانت اخطاء فردية بحتة حيث تسبب الحارس بحوالي 7 أهداف من 11 هدف ويشاركه في اغلبها المدافعين .

البعض يسأل وأين دور المحور ..
نحن نعلم بأن أغلب الفرق لعبت أمام الهلال على المرتدات والكور الطويلة وبالتالي فكان دور المحور صعب جداً لإنفتاح الملعب أمام مهاجمي الفرق الأخرى مع المرتدات من الجهتين اليمنى واليسرى ولا يوجد محور متمركز سوى كاستيلو أما عادل هرماش فلم يظهر دفاعياً الا في مباراة الشباب فقط ..

أما اذا نظرنا بعين الانصاف للمحور كاستيلو فنلاحظ بأن به عدة ميزات:

القوة الجسمانية .
دقة التمرير .
قلة ارتكاب الأخطاء .
يتميز بالرقابة اللصيقة لاي لاعب يكلف بتغطيته .

سبحان الله جمهور غريب جداً .. فأقل اللاعبين عطاءً هو هرماش والذي لا نكاد نراه لا بخط المنتصف ولا بالهجوم ولا من الناحية الدفاعية ولم ينتقده كثير من الجمهور .. تعاطف معه البعض عند رحيله من الهلال بسبب آخر هدفين سجلهما بنهاية موسم كامل وهذه مشكلة الجمهور العاطفي ..

يجب علينا أن نعرف أن الدفاع لدينا والحراسة تعاني وأن نعالج الأخطاء الفردية بالمدافعين ومن ثم نقيًم عمل المحور..

ولكي نعمل مقارنة بسيطة تؤكد ما ذكرت فللننظر الى مدافعي وحراسة النصر والذين أنقذوا الفريق من عدة اهداف لا تعد ولا تحصى لذلك فلم ينتقد أحد المحاور ,, رغم ان النصر يلعب بمحورين ثابتين تماماً وأحياناً بثلاثة محاور لذلك الكل يثني على محاور النصر وادوراهم .
أما في الهلال فكاستيلو هو الوحيد الذي له أدوار دفاعية واضحة ..

فأرجو عدم التأثير على الإدارة والمدرب بالآراء ..

وأشكر الجميع لكم كل التقدير ...

كاستيلو لاعب ممتاز لكن ظروفه ما ساعدته في البروز مع الزعيم
بسبب كثرة التنقلات بالطيران و طول المسافه
اللي تستغرق تقريبا يوم كامل

إقتباس الرسالة الأصلية كتبت بواسطة غايب حبيبي كاستيلو لاعب ممتاز لكن ظروفه ما ساعدته في البروز مع الزعيم بسبب كثرة التنقلات بالطيران و طول المسافه اللي تستغرق تقريبا يوم كامل

1+


قلت الي كنت بقولهه ..

وهذا السبب الوحيد الي مأثر عليهه في مستواهه

لاعب كبير ولكن مستواه مع الهلال يختلف عن مستواه مع منتخب الإكوادور 360 درجه

ولا كأن له وجود في الملعب نهائيا

لا ننكر بأنه لاعب كبير وله ثقله ومركزه الأساسي في تشكيلة منتخب بلاده المتأهل لنهائيات لكأس العالم في البرازيل

ولكن كما قلت .. لم يظهر إلى الآن بشكل مرضي وكما نتوقع

..

ياحبيبي اللعب لانختلف عليه بانه لاعب منتخب ومهم في منتخبه لاكن يوضح عليه التعالي على كرتنا جالس يتمشى في الملعب جائ ياخذ فلوس ويرحل لاعب يوضح عليه التعالي والغرور

.. طاير طاير الله لا يعوق بشر ..

و رايك نحترمه

شوف اللاعب أتوقع بينجح بإذن الله، خصوصاً إن فيه بطولات كثيرة بنشارك فيها وأهمها (دوري أبطال آسيا) وأنا أقول اللاعب الفترة الجاية راح يتفرغ معنا بشكل كبير إذا ما علمنا أن فترات التوقف حقت الفيفا خلصت تقريباً الموسم هذا، وشوف الخلل كل الخلل هو مثل ما قلت أنت/ 1- ضعف الحراسة، 2- ضعف السناتر، 3- نوعاً ما ضعف الأظهرة خصوصاً اليسار.
أنا أتمنى من سامي أنه يغير تغيير كامل وجذري في (الحراسة-قلوب الدفاع-الظهير الأيسر).
إذا ما أراد إنه ينافس على جميع البطولات..

انا معاك ان كاستيلوا لاعب كبير لكن اختلف معاك كمان بهرماش الاثنين لاعبين كبار لكن مفلتين شوي للهجوم على سامي تثبيتهم والا هم نجوم

العله والبلاء بالكوري عندنا محليين افضل منه بس الثهر تشوفه يلعب للان

يعطيك العافيه

كاستيلو ان شاء الله بيقدم افضل مما نتوقع
تكتيك اللعب ووجود هرماش واخطاء الدفاع كلها امور لم تخدمه

ارجو ايجاد محور او اعطا الثقة لاي لاعب من الشباب والاستفادة من الاجانب في الهجوم اوالدفاع

شي ثاني
مشكلة الهلال الازلية واكاد اجزم عليها في انه لم يتم تصعيد اي لاعب من الفئات السنية وتدرجة من ناشئين الى شباب ثم الى الفريق الاول في المراكز الخلفية اللي هي محور - دفاع-حراسه واذا كان فيه لاعب هلالي عليه الكلام برز من الفئات السنية ارجو تصحيح كلامي

١١ هدف في ١٠ مباريات

وش دور المحور الأساسي الا التقفيل
وبناء الهجمة، وتغطية الاظهرة
مع احترامي لك لاهرماش ولا كاستيلو
يقومان بهذا الدور وغلطت سامي
أنه تعاقد مع الاثنين. واحد يكفي
والثاني سعودي. وكفى

ودك تشوفه مع منتخب بلاده الاكوادور فقط لكن مع الهلال ماودك يطقها .. يلعب بالشوكه والملعقه لا يرتقي لكورة ولا يتداخل مع اي لاعب ولا يشترك ويوجه اي لاعب انه ما يسلم له الكورة ويسلمها للاعب ثاني .. بذمتك والي خلقك هذا من احسن المحترفين .. وتقولي حربنا ومادري ايش وش حربه شايفنا لهذي الدرجه من كثر اللاعبين التوب الي عندنا عشان نحارب احنا نفرح باي لاعب بس يقدم الي عليه وانت جالس تتجنى علينا وتقول حرب .. ياخي ماحنا ناقصين استفزاز يرحم والديك انت بعد .. اكتب موضوع زي العالم ولا اكفنا من خربشاتك الي مالها داعي

ياخي لا لاعب كبير ولا هم يحزنون وترى اللاعب الكولومبي كوستافو اللي كان معنا العام

الماضي يلعب بمنتخب بلده الله لا يرده ... مو أي لاعب يلعب مع منتخب بلده يعني إنه مكسب

وأنه لاعب كبير .. ياخي لعب مع الهلال عشر مباريات ماله أي تواجد أو حضور واضح

على خارطة الفريق ..بالعربي مقلب وأكلناه ... العالم مليان محاور وعلى مستوى بس أنت

فتح عيونك زين وأرخ ريالك وادفع بواحد يستاهل أفضل مليون مره من إنك كل ستة أشهر

وأنت جايب لي واحد تجربه ينفع وإلا ما ينفع !!...

أجانب الهلال بالموسم هذا مثل الموسم الماضي اللهم نيفيز هو اللي فرق بالفريق بس ..

والإداره تكرر نفس الأخطاء لاعبين من ثلاثة مواسم لا يقدمون أي إضافة عالات على الفريق

أتمنى نستفيد من محترفي أندية الخليج قطر والإمارات ونستقطب منهم ...

فعلا آراء غريبة !!!!! لاعب ممتاز جدا ولكن اللاعب المحور الدفاعي لايظهر بشكل كبير كما هو لاعب الهجوم أو الوسط الهجومي ،،، كاستيلو تغطيته الدفاعية ممتازة وتمريراته متقنة وتسليمه وإستلامه صحيح ،،، ماهو المطلوب من لاعب محور دفاعي أكثر من هذا ؟؟؟!!!! العلة هرماش اللي ماهو لاعب دفاعي ولاهجومي وأهم ميزة يجب أن يتميز بها لاعب المحور التمرير السليم وهو مايفتقده هرماش ، وتغطيته الدفاعية سيئ وهجوميا أيضا سيئ ، إضافة إلى الفلسفة والإحتفاظ الغير مبرر بالكورة ،،،