|
تعادل بطعم الانتصار الحمد لله على كل حال ،،، |
الحمد لله على كل حال مباراة ظهر فيها كاستيلو الدوري لسه عليه ولسنا بصدد الدوري فقط وامامنا بطولات أخرى نصبر ونتعلم من غيرنا بدون استعجال |
سامي يعتمد على الاجنحه كثير لكن العابد مستواه دمار اتمنى يفكر بتكتيك ثااني والقادم احلى باذن الله |
يا نااااس هدوا الهلال مسيطر على كامل المباراه مرتدات وعرضيات وتسحيبات الحظ كان ضدنا بس وبعدين هذا كله مكتوب ومقدر هدوا هدوا يا زعماء هذه من اول التعثرات جينا ضد الفريق اجل التعثرات القادمه وش بنسوي نحذف سامي بالقوارير ان شاء الله ما فيه تعثر غير هذه التعثرات الماضيه المتصدر نفسه مو طويل الدور الثاني اتوقع نتصدر وبقوه المباراه القادمه النصر والشباب يا تعثر اللي الاعلى منا يا تعثر الاسفل منا ولا تعثر الكل ان شاء الله الشباب والنصر تنتهي تعادل 2 * 2 وحنا نفوز بأذن الله نبتعد عن الشباب ونقترب من الفقر ان شاء الله الدوري لنا ما يهذري المهذري الا من حر السخونه رجل المباراه هرماش وبعدين الشلهوب يعطيك العافيه بالتوفيق للملكي |
بسم الله نفس الاخطاء تتكرر وقلناها سابقا مشكلة الهلال في التكتيك وطريقة سامي في اللعب أنت لديك قلبي دفاع بطيئين اذا ثبت المحاور والعب من العمق تكتيك بدائي أرهق فيه سامي الأظهرة ورأس الحربة كيف تطلب من لاعبين اثنين فقط اللعب على الطرف من اليسار العابد والفرج يكفي ثلاثة لاعبين للتغطية عليهم بدون اي جهد من اليمين الدوسري و الشهراني يكفي ثلاثة للتغطية عليهم وبقية الفريق ضائع |
التشكيله المثلى للهلال السبيعي الشهراني - الدعيع - هوان - البيشي كاستيلو - هرماش نفيز- الفرج - سالم (او عزيز او الشلهوب )= (يحتاج ان يرى العابد دكه الاحتياط ) الشمراني *غياب نفيز اثر على الهلال لكن نحتاج ان يكون لدينا اكثر من حل بدل نفيز **التركيز على سالم بعدم ابقاءالكره معه حتى لايسبب صابه بالاضافه لن الملعب ليس به هو فقط . |
ملينا واحنا نقول المباراه الجايه احسن من للي قبلها الى متى هالدفاع الى متى هالحراسه قسم بالله شيء يقهر ويرفع الضغط والله العظيم اتمنى من سامي الجابر يجهز ( المرشدي - الزوري - تياقو نيفيز ) للمباراه الجايه ضروري هالثلاثه يلعبون بالمباراه الجايه |
السلام عليكم ... تعادلنا اليوم أشبه بالفوز صراحه ... الحمدالله على كل حال نعم سامي وفق بالتغيير بالشوط الثاني بس كان متأخر جدا وتغيير طريقه اللعب ايضا متأخره جداا من مباراه الأهلي وطريقة لعبه مع الهلال عرفوا كيف يوقفوا لاعبين الهلال وخط وسطه القوي وانتهت بالتعادل وطبقوها فريق النصر وفازوا مستوى ونتيجه وطبقها فريق الشعله وانتهت بالتعادل .. ولله الحمد وهذي الطريقه هي :- (الضغط على حامل الكرة ) لاحظنا اليوم كيف الشعله ضاغط على اي لاعب معه كورة فيه مدرب بدوري جميل قال: من المستحيل ان تفتح اللعب مع الهلال والحل الأمثل للهلال الضغط على حامل الكرة لكن فيه حلول من ضمنها اللمسه الواحده والاختراق الفردي اللي اليوم شفناها بس متأخره جدا من كابتن سامي تقدمنا كثير للأمام وكسبنا فاول احرزنا منه هدف ثمين سامي الحلول موجودة تمنيت انك فعلت هذي الحلول من مباراة النصر وتكررت مع الشعله ... من الان ياكابتن سامي انسى انك تهاجم كالعاده الفرق بتقفل دفاع وتضغطك على حامل الكرة لأنهم عرفوا كيف يوقفون فريق الهلال الحلول موجودة عندك ياكابتن سامي استخدمها !!!!! |
الفريق يحتاج الى الكثييييييير الدفاع سئ سئ الفرج مايصلح ظهير البيشي يرجع والشهراني ايسر سالم الدوسري لازم يركز على مصلحة الفريق لاعلى اثبات ذاته الدوسري مكان العابد عدم تراجع الشمراني التعاقد مع مدافع صلب والتوفيق بيد الله |
الله يستر لايعود زمن عبدالله بن مساعد 2004 والخمسات |
السلام عليكم صراحة اليوم كان هلالنا غاب. وللأسف الكوتش يخيب الآمال والسبب مجاملاته بداية في المسلم الكارثي والشلهوب على حساب الدوسري كنت أتمنى ان يترك الكابتن سامي خوفه ويبدأ بخطة هجومية ويلعب بتشكيله مكونه من السبيعي رغم غلطه الهدف الاول الا انه ارحم من السديري الشهراني الحافظ الغنام الفرج ، حسب المتواجدين الوسط هرماش والقرني ع الدوسري و س الدوسري العابد الهجوم الشمراني المهم ما فات فات ويجب ان نفكر في القادم وهو الأهم وبداية التصحيح قبل الانتقالات التشويه عوده الثلاثي الزوري والمرشدي و القرني ولأنه بصراحة يازين غلطا تهم ولا الكوارث اللي صايره امنيه عودة بريق الزعيم مرة اخرى وما أقول الا الله يا زمن اللي صرنا نخسر و نتعادل من فرق ما تسوى |
لماذا اللعب ب 4 5 1 اذا كان عندك جناح مثل ويلهامسون ومهاجم كياسر القحطاني ايام 2007 العب بهذه التشكيلة لكن اذا كان الجناح لايستطيع الاختراق مع الاطراف لماذا المكابرة اتمنى هذه التشكيله 4 4 2 السبيعي الشهراني......الدعيع( الحافظ ).........هوان.........البيشي كاستيلو.........الغنام نيغيز.........................................هرماش السالم.......الشمراني او السبيعي الشهراني..........الدعيع ( الحافظ )...........هوان.........البيشي كاستيلو عزوز. هرماش نيفيز السالم.....................الشمراني |
بسم الله الرحمن الرحيم للأمانة انا تابعت الشوط الثاني فقط لكن اللي لاحظته على الفريق الهلالي سلمان الفرج لايصلح ان يكون ظهير ايسر مكانه المحور وتكثر تمريراته الخاطئه والقصيرة وارجاع الكورة كثير للخلف اتمنى يتدارك هالشي ياسر الشهراني اتمنى يرجع لمركزه الأصلي وهو الظهير الأيسر عادل هرماش محور جيد لكن يعيبه البطء فريقنا يحتاج كثير من الجهد خصوصا بـ منطقة الدفاع والوسط |
الحمدلله على كل حال بصراحه الهلال بعد مباراة اليوم راح يجبرنا اكثر على ان نحط يداتنا في قلوبنا مع كل مباراه راح يلعبها . الجابر اخطآ في قرائة المباراه قبل وبعد المفروض يلعب بمهاجمين من بداية المباراه ناصر معاه ياسر او يوسف . يعني قد لعبت امام الرائد بمهاجم وحيد ومقفلين عليه ايضا مع التعاون لان بصراحه الافرقه المتآخره دايما تلعب دفاع امام الفرق الكبرى وسامي المفروض كان يعرف هذا الشي ويلعب بمهاجمين من بداية المباراه لتفكك دفاع الشعله خصوصا من التقفيل الزايد ع ناصر الشمراني وايضا اخطآ في تآخير التغييرات وفي الاخير ان شاءالله نعوض في مبارياتنا القادمه |
الحمد لله على كل حال بصرآحه مُباراه أيضاً للنسيان فريق نفسياً غير جاهز إخفاق جديد للأسف أتمنى أن لا نفقد الثقه في هذا الموسم والتدارك قبل أن يفوت الفوت |
| الوقت المعتمد في المنتدى بتوقيت جرينتش +3.
الوقت الان » 07:56 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd