|
انقذوا الهلال .... أنقذوا الزعيم قبل الكارثة بسم الله الرحمن الرحيم .. ياجماعه ادري ان الدوري طويل وادري ان الوقت مبكر جدا على الاحكام وانا مااتكلم هنا بسبب نتيجة مباراة فقط .. اقسم بالله ان اللي يحصل في الهلال شيء مخزي وشيء خطير وقنبلة موقوته دفاعنا شوارع شوارع وخطوط سريعة بعد والله العظيم اني من سنوات طويلة ماعمري خفت كثر خوفي في مباراة النصر خلونا واقعيين شوفو مستوى النصر كيف وشوفو مستوانا شوفو دفاعنا وقارنوه بدفاع الاهلي والشباب والنصر وغيرهم اتركوا المقارنات ،،، شوفوا كم هدف في مرمانا ب10 مباريات 11 لازم مانسكت على المهزله اللي صايره والله العظيم ان هلالنا يسير الى المجهول اذا ماانحلت المشكلة الدفاعية والحراسة في الفترة الشتوية وماعادت لنا صدارة الدوري لازم يكون لنا كلمة وزي ماكان لنا كلمة وانقذنا الزعيم من كومواريه ودول وغيرهم بامكاننا انقاذ الزعيم متى مااحتاجنا |
كل خسائر الهلال تتحملها الاداره كان بين ايدهم فهد الثنيان فرطوا فيه عشان التعاون زاد المبلغ لو كنا نملك ع الاقل حارس مستواه جيد ماكان انهزمنا بالدور الاول خسارتين !! |
والله معك حق صراحة الوضع يخوف 10 مباريات والفريق يلعب بلا هويه والحراسه والدفاع من جنبها الفريق يلعب باجتهادات لاعبين سالم ونيفيز في مباراه الفقر سيطروا على الاثنين واختفى الوسط الهلالي |
10 مباريات بلا هويه !!!!!!!!!!!! شكلكم تتابعون الاتحاد هههههههههههه ي حبيبي ماشفت الهلال قدام الاتحاد والشباب !! قسم بالله انكم مدري كيف جحدتم سامي انتبهو لا يوسوسون فيكم الاعلام الاصفر اخطاء بسيطه راح تنحل ان شاء الله |
الا و أنت الصادق بلا ادارة شر البليه ما يضحك |
أين هو رئيس النادي و اذا لم يكن رئيس النادي قريبا من الاعبين في كل مباراة فلا تلوموا احدا على الخسارة انظروا الى نادي الفقر و ما يفعله ذلك الرئيس ليتنا نتعلم ( حسبي الله ونعم الوكيل ) |
شكله من الاصفرين رح حبيبي موقعكم وكنا متعادلين وبالحظ فازو بخطه معينه كورات طويله في العمق وكنت أقول ووصي ان الواجب نلعب بنفس ألطريقه الي لعبها قدام الشباب بدون فتح العب وترك المساحات بين الدفاع والحارس الدفاع والضهيرين والمحاور يثبتون. وترك الوسط والشمراني يتولون الهجوم وراح يفيده سرعة العابد وسالم الدوسري لو مدرب الهلال يلعب بهاذي الطريقة صدقني ماراح يترك مساحات خلفه راح تشوفون تقل اخطاء الدفاع |
مشكلة الهلال مايقتنع بالاعبين المحليين ابدا على اساس المسلم و السديري والمرشدي و الزوري و الفرج مستواهم اوروبي والله 3 او 4 انتقالات محليه للهلال .. كافيه بأنها تعدل اوضاعنا في آسيا خاصه |
إقتباس:
انت متأكد اننا الافضل بالمباراه ؟؟ والله لو تعادلنا مع النصر انا اول واحد بقول مانستحق التعادل الهلال لعب مباراة سيئه جدا واي شخص فاهم كوره ماراح يقول غير هالكلام نخلي التعصب عنا شوي ونتكلم بواقع |
والله مستوى يخوف وخليها على الله لا حراسه ولا دفاع ولا محور |
إقتباس:
جب لي مبارتين ورى بعض ثبت فيها مستوى الفريق للافضل ... ما فيه واي اخطاء بسيطه الا كوارث عندك مكابرة الاستمرار باشراك السديري لاهو اللي حسن مستواه ولا هو اللي فكونا منه ... الدفاع هذا مشاكله من بدا الموسم ... وفي مباراه الفقر ... الفريق طاح لك بمشكله جديده وهي اعاده الكره للحارس تكررت اكثر من 10 مرات ان لم تكن اكثر من ذلك ... المقصد من كلامي وانا اخوك ان الفريق يحتاج الكثير وابو عبد الله باذن الله ادرى من الكل... |
من يقول بإمكاننا إنقاذ الزعيم مثل ما أنقذناه من كوامبوريه ودول وغيرهم فهو يحضر للقادم فتوقع بعد فترة تأتي مطالبات حمقاء بإقالة سامي .....!! حتى نكمل للسنة الثالثة على التوالي ... مسلسل تغيير المدربين في منتصف الموسم فيضيع الموسم ويضيع حتى البطولات الخارجية ....!! سامي هو الأنسب حالياً الإعلام كبر .... موضوع الخسارتين بينما مدرب الإتحاد والأهلي والشباب بل مدرب النصر العام الماضي .....! تلقى خسائر .......!! حذاري من المهبل المسوين فيها محبين للهلال ثم يدخلون بدوامة جديدة سامي هو الأنسب حالياً والأقدر على تحصيح ما عندنا استعداد نأتي بمدرب جديد أو سابق ويبدأ رحلة التجارب والتخبيص....!! ما عمله سامي يعتبر مميز حتى الآن مع الأخطاء الموجودة .... هذا وهو مدرب وطني وإبن البلد .....ومعروفين ما عندنا مدربين وطنيين مميزين ...!! النصراوية اصبروا على كارينو وقبل ذلك كان سبب ضياعهم تغييرهم المدربين كل وسط موسم .. مع أنهم جابوا أسماء مميزة في التدريب لكن التخبيص ضيعهم فلا نكون مثلهم |
المشكله الكبيرة عندنا هنا الدفاع والحارس .. هم اللي مايعتمد عليهم ومثل ماقلت قنبلة موقوتة دااائماً هدايا منهم للفريق الخصم بسبب ارتباكهم وعدم ثقتهم بأنفسهم أما الوسط والهجوم مو مقصرين ,, سامي ماقصر وصنع فريق هجومي جميل كما تعودنا في الهــلال ولكن لم يركز على تنظيم الدفاع وتغيير الحارس لكثرة أخطاءه !! وأيضاً نعتب على رئيس الهلال وعدم وجوده مع الفريق او مرافقته إلى هذه الجوله !! عنده ظروف طااارئة يتنازل عن الرئاسة والله يعطيه ألف عافيه !!!!... وكذلك شارة القيادة اوالكابتنية نفتقدها بالفريق .. أتمنى تواجدها عند لاعب لديه مقومات التحميس وبث الروح .. كنت اشوفها في رادوي سابقاً "ربي يشرح صدره للإسلام وكانت لدى ياسر ولكنها اختفت يمكن لسبب قلة مشاركاته مع الفريق !! هرماش ممكن يجي منه روح القيادة وتحميس الفريق ..أو نيفيز ! نتفائل خير بإن راح يكوون تغيير بالانتقالات الشتوية ولكن الآن يجب علينا ان نقف مع الفريق قلبـــاً وقــالبـــاً وان لانقوم بمهاجمة لاعبينا وسامي بهذا الوقت الحساس .. بكره مباراة مهمه وأتمنى التركيز فيها وحضور جماهيرنا والتشجيع والمؤازرة وبلااااشي مواضيع محاسبة وتحبيط وتحطيم الآن .. بإذن الله البيت الهلالي يدرك وجود تلك الثغرات ويعمل على دعمها بالقريب العاجل ان شاء الله آسفه على الإطالة والله المستعان |
سوف يصبح كل ناقد هنا مندس سوف يضيعنا مطبلوا الاداراة من الافضل ان نصمت حتى بعد خسارة النقاط القادمة لابد ان نصمت من أجل ان سامي المدرب والادارة بن مساعد اصمتوا نحن لا نحب الهلال نحن مندسووون اصمتوا ودعوا المطبلووون يصفقون ويقولون ياسامي جرب السديري لم يخطأ كثيرا 10 مباريات لا تكفي لتصحيح الاخطاء العابد 10 مباريات لا تكفي لعودة المستوى كاستلوا مدفوع فيه فلوس لابد ان يلعب ولو كان مفلس هرماش يلعب بمزاجه يهاجم ولا يلتزم بتعلميات المدرب القرني يترنح احتياط الفرج يضيع في الظهير وهو مبدع في الوسط |
سبحان الله وبحمده نعم الهلال وضعه غير مطمئن ومبارة الشباب والاتحاد ليست بمقياس فالفريقين وضعهما سيئ الهلال يحتاج لحارس جيد ومحور دفاعي وظهير أيمن ولاعب وسط متميز بجانب نيفيز في ظل تراجع مستوى العابد وكبر سن الشلهوب وقلب دفاع صلب . فترة الانتقالات الشتوية باتت قريبة والهلال يحتاج للاعبين محليين وأجانب متميزين وإلا فإن فرق دوري جميل لن ترحم الزعيم وسوف يعاني زعيمنا كثيراً. النصر تعاقد مع مدرب متميز للحراس وأحضر لاعبين محليين في الوسط ذوي روح وكفاءة عالية وهذا ماكان يفعله الهلال في السابق مما جعله يتزعم آسيا . تصحيح وضع الفريق مبدئياً ليس مستحيل بشرط ركن أي لاعب ينخفض مستواه في الدكة واللعب بلأجهز والابتعاد عن المجاملات والاستعانة بلاعبي الاولمبي . ختاماً زعيمنا لن تسير وحيداً بإذن الله فنحن معك في الانكسار قبل الانتصار:alzaeem: |
| الوقت المعتمد في المنتدى بتوقيت جرينتش +3.
الوقت الان » 03:15 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd