|
الــ 57.5 % من الفريق نقطة الضعف التي اعتمدها كارينيو - رافع الرويلي الـ 50 % الأقوى في العروبة السلام عليكم ورحمة الله وبركاته صدق كل من يقول حارس المرمى هو نصف الفريق لو قلنا الهلال خط الوسط والهجوم هم اللي شايلين الفريق ومبقينه بمركزه الحالي ولو قلنا الحارس يشكل 50 % و الدفاع 15 % والهجوم والوسط 35 % فأمر مؤسف أن يكون زعيم الكرة السعودية والآسيوية يعول على قوة 35 % من الفريق لتحقيق الفوز العروبة والرائد والتعاون مااشوف فيهم النجوم اللي يشيلون الفريق عدا كم لاعب لا يتعدون 3 او 2 بكل فريق لكن وضعهم الممتاز اللي اثار اعجاب الجميع يرجع لمستوى ال 50 % من الفريق ألا وهو الحارس الكسار ورافع الرويلي حراس كبار أنا معجب فيهم الثنيان ممتاز بس بصراحة اشوف الاثنين الرويلي والكسار أفضل منه فريق النصر يمتلك خانة ال 50 % المهمة + ال 15 % المهمة الثانية فريق الهلال شيء مؤسف لكن يفتقد لـــ 57.5 % من الفريق اذا طلعنا الاظهرة من حسبة الدفاع لأني اشوف الأظهرة كويسين نوعا ما يعني الهلال لعب أغلب مبارياته باعتماده الكامل على خط الوسط والهجوم ! في الدفاع والهجوم وكل شيء ! كل ال 10 مباريات السابقة مانشوف ادوار كبيرة للدفاع وللحارس لأن خط الوسط ماسك اللعب و خط الدفاع والحارس ماتجيهم كرات كثيرة يثبتون أنفسهم وتظهرهم على حقيقتهم انهم مب كفؤ لخاناتهم في مباراة النصر والهلال النصر هرب من خط الهجوم والوسط وراح يلعب على العمق الدفاعي والحارس أي الــ 57.5 % الأضعف من الفريق وطلع فضائح الهلال بتلك المنطقة والله لو كل الاندية تلعب معنا بالطريقة اللي سواها النصر بنروح فيها الحل هو ايجاد النسبة المفقودة من الفريق الــ 57.5 % الأضعف في الفريق أتمنى جلب الحارس الكبير رافع الرويلي أعضاء الشرف ان شاء الله أبدا مب مقصرين |
الحارس نصف الفريق بشرط ان يكون الفريق يلعب بشكل تكاملي لكن تخيل ان الحارس بوفون وكل شوي يخطي الدفاع في التغطية او يجلي كورة او يسجل هدف في المرمى او ......... بالله وش يسوي بوفون الدفاع الهلالي اربك السديري بأخطاءه وبإعادته الكرة بداعي وبدون داعي السديري لديه اخطاء لكن الدفاع ساهم في زيادة اخطاءه |
في مباراة الشباب ما شفنا كور خطرة على مرمى السديري وبنفس الوقت ما شفنا اختبار حقيقي على الدفاع وكنا نثني على لاعبي الدفاع بعد المباراة ما فعله سامي لما ثبت رباعي خط الوسط قضينا على أظهرة الشباب القوية وأطراف ومحاور الشباب وحتى هجومه ....!! لأن كل خطوط الفريق تكاملت وكل خط فريق يبني قوته على تعاون الخط الذي أمامه .....!! وشاهدنا كرة الجماعية كل الفريق يدافع حتى هجومه ووسطه وتلقاهم يقفلون ويضيقون المساحات ...ويضغطون على حامل الكرة لإستعادتها ... لكن عندما تفتح محاورك ويندفع أطراف الوسط ولا تجد لهم تراجع ومساندة دفاعية أكيد بتكثر الأخطاء حتى لو صار حارسك هو حارس البايرن !! تقديري لك |
عشان كذا قلت المضروب عند الهلال 57.5 ومب النص 50 % لكن ممكن صح عليك كان مفروض اعطي قلوب الدفاع نسبة أكبر من 7.5 % لأن صدق مؤثرين ولاعبين بحسبة الفريق |
أخوي صاروخ ريفالينو أنت تدعم كلامي بأن الهلال يعتمد على خطوط الوسط والهجوم في الدفاع لكن اذا صار الفريق الخصم يلعب بطريقة الهجمة من الخلف بكرات هوائية ساقطة عند العمق الدفاعي المهزوز هنا يكون الخصم انتقل لنقطة ضعفك اللي قلت عنها ال 57.5 الضعيفة من الفريق وصار يضربك بها |
ماجاء في بالي يوم من الايام أشوف حراسة الهلال بهذه الحاله التي يرثى لها ، من المفروض أول مااأوقف شراحيلي جلبنا حارس مستواه مشرف الاداره هي من أوصلت الفريق لهذا المستوىـ الكسار والثنيان كنا قريبين من التعاقد معهم لكن عدم الجديه في التفاوض طيرتهم علينا من بعد ماشبعنا نكبات من السديري اتت بالسبيعي الذي لايزيد مستواه عن السديري وضعته بجانب المظلوم الشمري الذي فقد مستواه بسبب دكة الهلال . يجب ع الاداره من الان التصحيح : التعاقد مع حارس ومدرب حراس واحضار اجهزة الحراسه الجديده للتطوير من مستوى الحراس .. |
اخوي الهلال محتاج: مدرب حراس كا محمد الدعيع ٢- الدفاع والدفاع والدفاع الهلال محتاج محتاج كبتن وقائد مدافع ٣- الهلال محتاج محور دفاعي وقائد كرادوي الصراحة الهلال محتاج محور دفاع واقولك اذا فيه ذولي اضمن لك من بعد الله الدوري والبطولات هلاليه باذن الله |
مشكلة الهلال انحصرت في الحارس وقلبي الدفاع والمحور الدفاعي اذا تعدلت المشكله هذي سوف نشاهد الهلال بدرا |
بكل الود مشكلة الدفاع تنظيميه وليست عناصريه إعادة الشهراني يسار مع الزوري وإعادة الفرج للوسط الايسر مع العابد ومنح البريك والبقعاوي ومشعل الحوطي فرصة اللعب بالظهير الأيمن ويكون الدعيع والمرشدي مدافعين والفضل والفرحان وفلاته محاور يجعل الفريق جيدا في الخطوط الخلفيه اما الحارس فالمسئول عنه ليس سامي هناك مدرب حراس هو من يختار شكرا لك |
الموسم هذا انسى ان العروبه يفرط في رافع .. انا خالي عضو شرف العروبه والنادي متمسكين فيه وحتى رافع نفسه الموسم هذا يبي العروبه .. انا اعرفه معرفه شخصيه وهو يبي العروبه الموسم هذا والموسم الجاي يفكر بالانتقال على حسب العروض اللي عندهه .. وتراه اتحادي صميم لكن فيه شي اسمه احتراف .. * مع ان المادهه تغير كل شي بالوقت هذا * |
وش نقول بس لنا سنه وحنا على نفس الهرجه ماحد سامعنا الاداره ماتبي تدفع تبي اللاعب يجيها مجاني وراتبه اقل من ماكان عليه باسابق بكثير علشان يجينا لاعب قطعت الامل ان بيجينا لاعب محلي او اجنبي كويس لاني عارف ان الاداره ميتتههه |
المشكله في مدرب الحراس السديري ما يعرف يصير قشاش لاي كوره ترجع من الدفاع له هذي من ابسط اساسيات الحارس لكن مدرب الحراس عليه استفهام كبير يعني يشوف السديري اخطائه بكل مباراه ويرشحه للحراسه والسبيعي مركون احتياط مصيبه اذا هو مدرب حراس |
انا اطالب بحارس العروبة رافع الرويلي حارس مبدع وممتاز محل السديري وشوفو راي محمد الدعيع في رافع الرويلي ‫رأي محمد الدعيع في حارس العروبه رافع الرويلي‬‎ - YouTube |
والله ان الرويلي افضل حارس بالدوري ودفاع العروبة سيء لو انه مو فيه كان العروبة الاخير ومافيه على الاتحاد وتعادل الاهلي والنصر والله الحارس كويس لازم يجي مهم |
إقتباس:
صادق المادة تغير كل شيء .. صحيح الحارس رافع الرويلي اتحادي صميم وهو حاضر مباراة الهلال والاتحاد الي بالرياض مدري مباراة الخمسة او الموسم الماضي ويدل على ذلك انه متيم بالاتحاد بس المال و المستقبل اهم من الانتماء ترى انتهى شيء اسمه انتماء وخير دليل الي نشوفه من الانتقالات للاعبيين الموسم ذا وانا تابعته بدوري ركاء العام الماضي ما شاء الله عليه ... حارس مبدع الله لا يضره .. واتمنى من كل قلبي اني اشاهده بشعار الهلال مع تسريح بعض الحراس الي حرام يلبسون شعار الهلال .. |
| الوقت المعتمد في المنتدى بتوقيت جرينتش +3.
الوقت الان » 06:03 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd