|
مشكلة الهلال الحقيقيه والحل ... بسم الله الرحمن الرحيم الكل تقريبا او لنقل الغالبيه العظمى (حتى اكون دقيق) يتفقون ان مشاكل الهلال مشاكل خلفيه بالدرجه الاولى فالسديري عليه اغلاط فادحه , والمرشدي مثل سابقه , والمسلم لاعب اقل من عادي حسب وجهة نظري ليس مكانه فريق عظيم كالهلال , والكوري جيد بس مو مستوى لاعب اجنبي , والفرج مركزه الرسمي ليس ظهير , والشهراني يبدع باليسار اكثر من اليمين فاغلب مشاكل الفريق مثل ما ذكرت ويعرف الكثيرين مشاكل دفاعيه والمشكله الحقيقه مع وجود هذه المشاكل , نشوف الفريق يهاجم بالمحاور والاظهره !! سلامات يبو اي هجمه مرتده للخصم خطره ومافي الا قلبي الدفاع وكاستيلو اللي مرات ما يلحق يرجع هذه مشكة الهلال الحقيقه , (( عدم اللعب بتكتيك وخطة تناسب امكانيات لاعبي الدفاع )) والحل من وجهة نظري , تقفيل المناطق الخلفيه صح , والهجوم بـ 5 لاعبين فقط , خصوصا ان معنا وسط وهجوم مبدعين ويقدروا يصنعوا الفارق لو ضبطنا دفاعنا والمثل يقول مد لحالفك على قد رجليك والتكتيك المناسب اللي اشوفه يناسب امكانيات دفاعنا : نهاجم فقط بالشمراني ونيفيز والاطراف سالم والعابد + هرماش وكاستيلو ما يقدم ابد ومثله الاظهره , بكذا نقوي الدفاع وما نخاف من المرتدات اللي ياما عانينا منها هالسنه وخير دليل على كلامي مباراة الشباب , افضل مباراة للهلال في الموسم من وجهة نظري , قفلنا ورى وما تقدموا الاظهره ولا المحاور , والخمسه المذكورين هجوميا كفوا ووفوا وقدروا يسجلوا 4 اهداف , اما انك تهاجم بعدد كبير وتسجل هدف او هدفين وتتلقم مثلها او اكثر ومن فرق ضعيفه ما راح تستفيد شي وفي نفس الوقت تظلم دفاعك اللي ما عرفت تساعده خصوصا مع ضعف امكانياته وبالتوفيق ,,, |
كلامك سليم ميه بلميه بس الهلال محتاج حارس مبدع مثل فايز السبعي والسديري ماله مكان في الهلال اذا استمر الوضع مثل ماهو ماراح نحقق بطولات وخصوص الاسيويه الي الجماهير ودالهلال يحققها وبتوفيق للملكي |
اتفق معك فيما ذكرت وأتمنى على سامي عدم العمل بسياسة الترقيع فهذا يقتل الفريق والاعب كل لاعب يلعب بمركزه ويتم تصعيد لاعبين من الدرجات السنيه للمراكز التي تعاني(ظهير ايمن ومحور) هل يعقل فريق كالهلال لا يوجد فيه ظهير ايمن منذوا عام2005 أتمنى ظم (ظهير ايمن الطائي عبدالرحمن الحسن ومحور القادسيه نايف هزازي) وتكون الأسماء الان على النحو التالي ظهير ايسر الزوري والشهراني قلب دفاع ايسر المرشدي والمسلم قلب دفاع ايمن الدعيع والحافظ ظهير يمين البريك والبقعاوي ومشعل الحوطي يشارك احدهما بالفريق الأولمبي ويكون اللعب شوط لكل لاعب المحور القرني والفضل والمرشدي والنجعي وفلاته والفرحان يلعبون بالفريق الأول والأولمبي الوسط الايسر الفرج والعابد الوسط الأيمن سالم وكعبي صانع لعب نيفيز وعبدالكريم الهجوم ياسر وعزوز وناصر والسالم وانتهينا ليش الاختراعات يتم تكليف الغنام والشلهوب بالعمل في الفرق السنيه والأولمبي ويتم بيع عقد البيشي وشكرا |
تسلموا على ردودكم وازيد على كلامي ان عناصر الدفاع فيها مشاكل وذكرت هذا الكلام في موضوعي والغالبيه ذكروه لكن بسأل جمهور الهلال : هل عناصر دفاع فريق النصر افضل من الهلال ؟؟؟ الاجابه على سؤالي هذا يوضح تماما على ان المشكله تنظيم تكتيكي دفاعي قبل اي شي اخر والدليل شوف عناصر دفاع النصر كيف عاديه ومع ذلك شوف كيف قوة دفاعهم لان فيه انضباط تكتيكي عالي للمحاور والاظهره وغيرهم , مباراة كامله ما وصلنا لمرماهم الا عدد يعد بالأصابع فكيف لو كان هذا التكتيك والانضباط مع الهلال ومع عناصره الحاليه اللي بلا شك أفضل من عناصر النصر ؟ |
وعلى الكوتش سامي الجابر ان يقتنع ان طريقته الهجوميه تحتاج دفاع جبار وحارس مثل الدعيع اما بالعناصر الدفاعيه الحاليه مع الحارس لازم تقفل صح دفاعيا , لا محاور تندفع لقدام ولا اظهره تقدم الا تقدم محسوب جدا |
أستغرب من يحصر المشكلة في الدفاع ..... وعندنا مشكلة لكن هل تريد تنتظر الفريق حتى يصل لمنطقة الجزاء ثم تختبر هل دفاعك قوي أم لا ؟!! الدفاع يبدأ من الهجوم ومن الوسط .....!! وأكرر الوسط .....!! وسط الهلال ضايع بكل معنى الكلمة ....!! شاهد مباراة الهلال والشباب لما كسبنا برباعية نتيجة ومستوى وانضباط الوسط لم يتقدم كثيراً المحاور والأطراف وحتى صانع اللعب ...!! وشاهدنا كيف لعب الهلال وكيف وصل للمرمى وكيف كتم الشباب ولم يجعله يرتاح لو لعب الهلال بإنضباط بخط الوسط ستجد انضباط لخط الدفاع ويخف الضغط عليهم ولما استطاع النصر حتى إرسال كرات طويلة لأن الكرة ليست بحوزته .... المهم يضبط الوسط وبعدها يبدأ يصلح في الدفاع إما بتغيير عناصر أو تغيير الخطة الدفاعية ......!! حافظ على نقاط قوتك وعززها ثم إبدأ تدريجياً |
^^^ صح عليك هذا الكلام اللي قاعد اقوله من زمان |
انا اذا شفت السديري بالباب اتشام من هالاحارس فكونا منه |
صح كلامك والاصح كذلك الدفاع يبي له تنظيم انا ما اشوف والا مدافع ماسك مكانه صح الكل يتقدم والكل يلعب على كيفه سالت هل دفاع النصر افضل ؟ انا اقولك مو افضل لكن مدربهم منظمهم صح ومعطي كل واحد وظيفته صح وانه يلتزم بمكانه مو كل لاعب يلعب بخانه غير خانته الاساسيه وان استمر سامي على هالوضع انسى يتعدل الدفاع شاهد دفاعنا في مباراة النصر الكوري شفته قاعد يلعب على دائرة المنتصف للملعب !!!!!!!! يعطيك العافيه |
| الوقت المعتمد في المنتدى بتوقيت جرينتش +3.
الوقت الان » 08:37 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd