|
إدعموا سامي .. بدون مُبالغة - كلنا نحب سامي لكن نحب الهلال - بمنظور آخر كارينو إنتصر - أخطئ لكن لا تستمر - لمن يفهم . بسم الله الرحمن الرحيم نقاط مُتقرقة : • مثل هذه النتائج في هذا التوقيت تُسعدني , على اقل تقدير انها تكشف للجمهور "المغلوب على امره" ان الدعم المبالغ به يؤدي الى هذه المهازل . • رسالة واضحة لسامي الجابر : ليّس العيب ان تخطئ لكن العيب ان تستمر في الخطأ . • جمهور الهلال "الواعي" ؛ كلنا نُحب سامي لكن نحب الهلال , المهزلة التي قدمت لا تُمثل الهلال بأي حال من الأحوال .. الخسارة يتحملها الجميع . • ان يخرج سامي في كل مؤتمر ليقول اقوى خط في فريقي هو الدفاع" ؟! هذا "استغفال" واستهتار يتحمل ضريبته الآن . • • ،، بمنظور آخر و(مختلف) لما حصل في المُباراة : - الـ9 جولات الماضية اختلفت عن عاشرتها مالذي حصل؟! بمنظور آخر .. هذا ما حصل - كارينو بدهاء استطاع ان يتحكم في المباراة مثلما يُريد . - مشكلة الهلال كانت تكتيكيا لا عناصرياً , سامي فشل في ادارة المباراة . - للاعبين الهلال اخطاء , نعم لكن فشل قراءة سامي للمباراة بالإضافة لتمكن كارينو في ادارة المباراة كما يريد , اظهرت الهلال بالشكل الهزيل . - قرأ المباراة قبل لا تبدأ استطاع ايقاف القوة العظمى بالهلال التي تبدأ بنيفيز مرورا بالأجنحة وانتهاءاً بناصر . - بوضعه لـ3 محاور بالإضافة لرباعي خط الدفاع ( شل ) حركة الوسط الهلالي كاملة ليجعل الحمل على الخط الأضعف بالهلال وهو الدفاع . - انتشار لاعبي النصر وطريقة ضغطهم على حامل الكرة اوقفت حركة لاعبي وسط الهلال وضغطت دفاعه . - وعندما اقول انتشار لاعبي النصر فحتماً هو السبب الذي جعل الكرة تصل لعبدالله السديري كثيراً . - وهنا نعرف ان تكتيك كارينو اوقف كل الكرات التي من الممكن ان تصل للهجوم , وضغط الدفاع لتصبح الحركة في الوسط مشلولة . - بمعنى : تكتيك النصر اجبر الدفاع ان يخطئ بجعل الحمل عليه الذي تسبب بارتباك وتشتت كبير لذلك "كانت المشكلة تكتيكية اكثر من كونها عناصرية" . - ضغط مُستمر , انتشار سليم , سيطرة مطلقة , استحق عليها مدرب النصر نجومية المباراة - (بمنظور آخر .. هذا ماحصل) . |
اخي الكريم ( الــعــيــب ) الى انت تتكلم عنه انك تنتقد مدرب فريقك وتفضل مدرب فريق الخصم عليه الأعلام الأصفر مأثر فيك تقبل مروري يا ( متشنج ) |
انا تكلمت عن المدرب من ثاني جوله و هوجمت كمندس المشكله الي يحب الكيان مثلي و مثلك ينعته محبي الفرد بالمندس ههههه الله يعينك بيجيك حملات شعواء يا صديقي |
إقتباس:
مع احترامي لشخصك انت ترى بعين من خلف رأسك |
إقتباس:
، واذا كان مدرب الخصم افضل ؟! شجع الشعله والعب ضد برشلونه وقول مدرب الشعله افضل : ) ترا مايعني انك تحب فريقك ابد - يعني انك " تطبل " . |
مثل هذه النتائج في هذا التوقيت تُسعدني , على اقل تقدير انها تكشف للجمهور "المغلوب على امره..... من حقك تفرح وتشوف ان الي يدعم سامي مغلوب على امره على قولتك وانا اشوف الي مايدعم سامي وينتظر الهزيمه هو (( خروف )) يصدق ويردد مايقوله اعلام الاصفرين وانا اشك انك فهد الهريفي هههههه اللهم لاشماته كل المواضيع ضد سامي وانا معهم هو عنده اخطاء ولكن موضوعك تدس السم في العسل ومن حقك افرح من قدك وانبسط لانك كنت تخاف ان يفوز سامي وتشوف الجمهور يتغنى به ومهما صار سامي اسطورة خالده وراح يعدل الاخطاء ويرجعك لوضعك الطبيعي انت وفريقك والعبره بالخواتيم |
... يعني بتقنعنا يا يزيد ان المشكله ليست في العناصر ؟ وجود السديري - ونواف العابد .. أليس خطأ من الأساس ؟ المشكله في بعض العناصر كهذين الاثنين خصوصا ولا نبرأ سامي من ناحية التكتيك فربما لم يقرأ المباراه جيدا .. ولكن كان عليه على الأقل اختيار عناصر أفضل والأسماء متواجده وجاهزه عموما نتمنى التوفيق للهلال في القادم شكرا لك يزيد ... |
إقتباس:
تطبل للمواضيع الى تجرح وتتهكم على اللعيبة والمدرب احكم بعقلك وليس بعاطفتك |
يارجال الفارق نقطتين مع الأصفر الصغير والعلة واضحة من الحارس ، يعني لوإنه ماتسبب بضربة الجزاء كان بتكون الفارق نقطة للزعيم ولكن رب ضارة نافعة أي تعادل لبني فقر مع مواصلة انتصارات الزعيم تسترد الصدارة . |
إقتباس:
والا تشوف بعين وحده تحت ظهرك؟؟ خخخخخخ |
إقتباس:
من رأي ما توفقت بقولكـ هالجملهـ !! ومن وجههـ نظري سامي ما غلط بالتكتيكـ بل غلط بـ إستمرارهـ بإبقاء بعض اللاعبين أساسين مثل السديري وعدم إعطاء بعض اللاعبين فرصتهم باللعب لين الحين مثل السبيعي ~ وقد يكون عدم لعب بعض اللعبين متعمد .. مثل يكون الدور الأول سامي مركز إن الهجوم هو اللي يكون قوي وبالدور الثاني قد يركز ع الدفاع إنهـ يكون أقوي بلعب اللي موجودين بدكهـ البدلاء ! عن نفسي أدور الناحيهـ الإيجابيهـ دايما فـ أي شيء ... فعشان كذا خسارهـ هالمباراهـ وردت فعل النصراويهـ وقول الأمير فيصل لسامي إنا فزنا عليكم من غير أجانب .. أتوقعها هي اللي بتكون السبب الرئيسي بـ إذن اللهـ لأخذ الهلال لدوري هالموسم ~ اللهـ يعطيكـ العافيهـ ع الطرح ~ إقتباس:
أنت بذات عندي سؤال لكـ : كيف حكمت عليهـ من ثاني جولهـ ؟! وهو فايز بأول 8 جوالات وبـ المستوى كان فـ تصاعد ( بـ إستثناء مباراهـ الأهلي والتعادل معاهـ ) ~ كيف تقدر تقول رأيكـ في سامي كمدرب من ثاني جولهـ ؟! يعني صراحهـ أول مرهـ أشوف أي مشجع يقدر يحكم ع المدرب من ثاني جولهـ !! |
يا سلام عليك تعجبيني بهالسؤال.. ١-المدرب السعودي لم يصل للاخترافيه انه يمسك نادي طول الدوري ويوزع الاحمال عالمباريات و يتعامل مع كل فريق بخطة مناسبه،،بل تدريب فريق كفزعه يتم فيها الشحن النفسي والمعنوي وشحذ الهمم.. ٢-اول مباراة كشفت عن سوء اختياره للاحانب عاد نيفيز وكشفت انه لم يستفد منه الفريق في المعسكر الخارجي فليس هناك منهجيه واللاعب لا يعرف دوره ومن هنا اتى الدروب عند العابد و الشهراني وهرماش ويالم والفرج وغيرهم،،معقول انحدار جماعي؟؟؟ ٣- واضح عدم انصياع اللعيبه للتعليمات،،هذا عيب فالشخصيه مطلوبه. ٤-فرض لاعبين ضعيفي الامكانيات والاقتناع بهم ٥-غياب المنظومة الدفاعيه. ٦-يا بنت الحلال بالكاااد فزنا على العروبه. |
طيب أنا بقولكك شيء كلامكك على عيني وعلى راسي ووجهة نظركك ونحترمها تخالفني أو توافقني : هل كارينيو لعب بتكتيكك النصر المعتاد في المباراة قدام الهلال ؟ الجواب لا غير التكتيك تقريباً 80 % طيب هل هذا الشي كويس ولا مو كويس ؟ الشيء دا كويس ومو كويس كويس لو تبغا تفوز مباراة أو إنكك تلعب في كاس ومو كويس تلعب في دوري طيب كيف ؟ المدرب الذكي واللي يدرب فريق كبير يجب عليه إتباع تكتيكك معين مع تغيير بعض الجمل التكتيكية هل يستطيع النصر المحافظة على هذا التكتيكك ؟ طبعاً مستحيل لأنه تكتيك مجهد ذهنياً وبدنياً ويعتمد على أخطاء قلوب الدفاع اللي تحت الضغط الخلاصة : كارينيو غيير من تكتيكه ومن تكتيكك النصر ككل عشان يفوز مباراة الأسلوب اللي متعود النصر عليه من فترة التوقف إلى الآن تلاقيه يشرب التكتيكك دا للاعبي النصر ونجح ولكن الحين عشان يرجع لتكتيكك النصر المعتاد يحتاج وقت ممكن يكون شوي طويل وسيندم على ذلكك ومباراة الاتحاد والشباب ستثبت كلامي إن شاء الله وشاكر لكك |
إقتباس:
1)-وليش ما يصير هو أول مدرب سعودي محترف ؟! سامي عندهـ المؤهلات إنهـ يكون محترف بالتدريب .. وأبسط دليل عملهـ كمساعد مدرب بـ أوروبا .. وعمل إداري بنادي الهلال وكان لاعب بالهلال يعني عارف الهلال عدل ومب غريب عنهـ .. متى بيوصل المدرب السعودي لمرحلهـ الإحتراف إذا كل شيء يسويهـ يظل بنظرنا إنهـ ما بهـ أمل يصير محترف ؟! 2)- نيفيز من اللي متصدرين قائمهـ الهدافين وقاعد يقدم مستويات مميزهـ بـ إستثناء آخر مباراهـ .. والدليل حتى فـ آخر مباراهـ هو من صنع الهدف لناصر ! فـ كيف تقول سوء إختيار الأجانب !! من الأجانب الكوري هو اللي من رأي إنهـ ما قدم شيء .. مغير معصب ع الفاضي !!! 3)- ع أي أساس قلت إنهـ واضح عدم تنفيذ اللاعبين لكلامهـ ؟!! عن نفسي ما شفت هالشيء بل العكس جميعهم يحترمونهـ وينفذون كلامهـ ~ 4)-هاللاعبين موجودين من قبل ما يصير مدرب للهلال ... ما شوفكـ إنتقد وهاجمت أي مدرب منهم من ثاني جولهـ فقط !! 5)- وبعد هذى النقطهـ يعاني منها الهلال من قبل لا يجي سامي .. الدفاع هو سبب خروج الهلال من آسيا وغيرها من البطولات ~ 6)- ههههههـ واللهـ ضحكتني فزنا بالكاد ع العروبهـ !!! أمركـ عجيب واللهـ كيف فزنا بصعوبهـ ع العروبهـ وحنا مدخلين 3 ومستقبلين هدف وحيد ! ما أنكر المستوى كان جيد لأنها اول مباراهـ بالدوري لكن ما فزنا بـ صعوبهـ بل العكس ناصر الشمراني واصل تسجيلهـ للأهداف ما شاء اللهـ نفس ما كان فـ المباريات الوديهـ ! ختاما : واضح إنكـ مب مقتنع بـ سامي كمدرب ولا تبي تقتنع رأيكـ وأحترمهـ ولكن أنا عكسكـ تماماً مقتنعهـ بقدرتهـ ع النجاح بالتدريب ولكن من رأيي محتاج من يساندهـ ويشجعهـ وينصحهـ إذا أخطاء مب يحبطهـ ويقلل من قدرتهـ ع النجاح ~ وبنشوف فـ نهايهـ الموسم من اللي وجههـ نظرهـ صحيحهـ =) بـ التوفيق لسامي والهلال والجميع إن شاء اللهـ ~ |
ياخوان انتم طايرين بالعجه وتهاجمون ابن الهلال ونجمه ومدربه اخجلو على انفسكم ترى نادي الفزعات وحثالت الانديه والمرتزقه يتشمت فيكم وبعدين الكابتن سامي مايحكم عليه الا بعد مرور سنه على الاقل والى الان ارى ان وضعه ممتاز مقارنه بالمدربين الي توالو على الانديه واولهم مدرب الحثاله اللي تمدحونه فيجب الوقوف مع الكابتن سامي ودعمه وهو شاف مافعله الكوري عسى ماكوري مصيول من افعال غريبه على زعيمنا وكنت اتمنى لو طرد بالكرت الاحمر والكابتن سامي لن يقبل لاعب هذي اساليبه وراح يطيره ونا كلي ثقه بالكابتن سامي |
| الوقت المعتمد في المنتدى بتوقيت جرينتش +3.
الوقت الان » 07:46 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd