خالد عزيز !!! - نادي الهلال السعودي - شبكة الزعيم

وليد القحطاني · #1 27/11/2013, 02:28 AM

السلام عليكم

بغض النظر يا أخون عن اللي صار قبل .. لكن جميعكم تعلمون ماذا كان يقدم هذا اللاعب ..
بقولها بالعاميه / كان يحفر الملعب تحفير ولاعب قوي وبنيته قويه ..

تابعت لقاءه في صدى الملاعب ويقول / أنا قادر ألعب 4 سنوات قدام

صدقوني لو طلبه سامي ما أعتقد راح يرقض .. خالد عزيز كان قوة في محور الهلال

فقط شاهدوا هذا المقطع وتذكروه

‫خالد عزيز Vs الاتحاد‬‎ - YouTube

لكم تحياتي

(فديتني هلاليه ) · #2 27/11/2013, 02:48 AM

انا معك في كلامك واحس ان اللاعب يبي يرجع للهلال عطوه فرصه اخيره واذا ما خاب ظني بيخلونه في الخزنه ويقفلون عليه

هلالى 24 ساعه · #3 27/11/2013, 02:48 AM

احبه بس ادمي مرررره متعب ومو منضبط ابدا

الله يوفقه وربي حرااام موهبه في انسان زي خالد عزيز

فهدFF · #4 27/11/2013, 03:11 AM

الله لو يرجع ويجيب معه خميس العويران ويمرون ع صالح السلوومي بطريقهم واذا البنزين يووصلهم يمرون ع منصور المموينع
الصلاح من الله بس

muaaz taha · #5 27/11/2013, 03:24 AM

صراحه فرصه ان يرجع اللاعب مو خسارانين شي ...لان المحور المحارب هذا اللي نحتاجه

خيال تبوك · #6 27/11/2013, 03:26 AM

اخوي عزبز انتهى خلاص مستحيل يرجع ياليت نقفل موضوع
لاعب دمر نفسه

نآآيف · #7 27/11/2013, 03:51 AM

مهبول انت ؟
صاحي ولا وش وضعك ؟

ياخي عقول مدري كيف تفكر

ahmad07 · #8 27/11/2013, 04:04 AM

ليش لا ليه ما يرجع
الكوري عاطل ويرعى وعطيناه فرصه وقفت على خالد عزيز

ABO-BALSH · #9 27/11/2013, 05:56 AM

على فكره ترا خالد عزيز كبر رادوي واصغر من كريري

ياليت يرجع لان مشكلته كانت مع مدربين غير سامي

مع سامي بيرجع ويمسك نص الهلال عزيز اخطاء وخرب على نفسه

والهلال ماراح يخسر شي يرجع ويتمرن وينظبط ويلعب تدريجيا ونحكم عليه

فديتك والله · #10 27/11/2013, 06:08 AM

إقتباس

الرسالة الأصلية كتبت بواسطة فهدFF


	الله لو يرجع ويجيب معه خميس العويران ويمرون ع صالح السلوومي بطريقهم واذا البنزين يووصلهم يمرون ع منصور المموينع الصلاح من الله بس

نسيت نواف التمياط وصفوق والحبشي وعبادي الهذلول الله يهديك اخوي

قبله الدوخي يبي يرجع الهلال يا حبيبي من باعك بيعه لاعب وصل للنصر وش عاد تبغي فيه

باعك وانت محتاجه

نسيت ضربه لهزازي متعمد حتي يطرد

الحلم لازرق · #11 27/11/2013, 06:24 AM

لاعب باع فريق بحجم زعيم اسيا وش ترجي منه ، خله يخيس بالحواري الحين حتى نادي الجيل مايضمه هههههههههه

عبدالمحسن االقحطاني · #12 27/11/2013, 06:29 AM

عادي خالد عزيز يرجع للهلال مرة ثانية وناهله بتدريب مكثف من ناحية اللياقة فيه لاعيبة كثير غابوا موسم او موسمين ورجعوا ولو نعيد عمر الغامدي الجندي المجهول صدقوني المسالة ماهيب بذيك الصعوبة

عبدالكريم ع ج · #13 27/11/2013, 06:33 AM

مجرد التفكيربخالد عزيزاوخميس العويران أوأي لاعب مبتعد مؤشرلإفلاس الهلال

وهذا مالانرضاه ولايرضاه أي محب حقيقي للهلال الكيان والعشق
خالد عزيز مالقى نادي يضمه حتى من أندية الدرجة الأولى والثانية وتقول يرجع
أشوى أن الكلام هذا من بعض الجماهيراللي يتحدثون عادة بالواقع والشطحات
وإلالوكان هذا الكلام من إدارة أومدرب أوجهازأداري أوأعضاء شرف كان صارت علوم
لان هاللاعب بالذات ماينفع لاعب (عقليته) فكيف يرجع للهلال بعد أن بلغ من الكبرعتيا

الشعيفاني · #14 27/11/2013, 06:34 AM

ياليت يرجع
ياشيخ لو ماهو منظبط خله بس يلعب مباريات

يكفيك انه ع عز نور كان يحطه بجيبه ومايتنفس نووووووووور

لو استمر ع انظباطه كان افضل محور باسيا

ياليت يرجع حتى لو مو منظبط احسن من الكديش المنظبطين

للمعلوميه يوسف الثنيان ماكان منظبط وهو اسطوره الهلال

hilalicanada · #15 27/11/2013, 06:46 AM

خائن للهلال... ومايستاهل يدخل النادي... يعلمنا اول وش سالفه تحويل الفلوس من العويران و البزنس اللي كانو مسوينه مع البلوي.. وبعدها نتفاهم