فيه حل مؤقت للدفاع ي سامي واتمنى الاستفاده من ماجد المرشدي في هذي الخانه ..... السلام عليكمم كلنا شفنا دفاع الهلال هذا الموسم وكذلك مستوى السديري الي من العيب انه يكون حارس بنادي الهلال المهم الهلال يعاني من الدفاع بشكل كبير صراحه قلوب الدفاع منتهيه بشكل فضيع والشهراني تراجع مستواه والفرج وجوده مثل عدمه ولكن استغرب من سامي اصراره ع دخول الفرج الاعب الي مع احترامي له هو الاعب رقم 12 للفريق المنافس ممر سهل لجميع الانديه وغير كذا الى الحين مادري وش نفعه بالتشكيله لادفاعيا ولا هجوميا سيئ تمريرات مقطوعه وتعطيل للهجمات وبطئ في الرجوع وممر سهل جدا للاعبين وبهذي الحاله انا من وجهة نظري لو يسفيد سامي من المرشدي كظهير ايسر مثل مافعل كوزمين في موسم 2007 عندما وضع المرشدي ظهير ايسر والمفرج قلب دفاع صحيح المرشدي هجوميا يمكن مايفلحح بس بالدفاع بيخدم الفريق وخاصه انه منتهي دفاعنا اتمنى تجربته في هذي الخانه لين نشوف لنا حل في الدفاع وتظبط الامور وكذلك سلطان الدعيع لاعب شاب ويقدم مستويات حلوه واتمنى اشراكه واعطائه الفرصه وخاصه ان المباريات القادمه كلها مباريات مب قويه ويستطيع سامي ان يجرب اكثر من خطه وتكتيك بالدفاع كذلككك اذا اشرك سامي عبدالله السديري في الحراسه فهذي سقطه تاريخيه لسامي كمدرب امس بصراحه ماحمل المسلم الهدف الاول ميه بالميه بل احمل السديري بخروجه الخاطئ لان المسلم تورط بالكوره مايقدر يرجعها للسديري ولايقدر يخلصها برجله لان السديري جاء قدام المسلم واربكه وكذلك الهدف الثاني البلنتي خروج السديري ماكان له داعي ابد حتى اسوء حارس بالعالم ان لم يكن السديري مستحيل يخرج مثل هذا الخروج الي تسبب بخساره الفريق واتمنى تكون الخطه كذا في المباراة القادمه السبيعي المرشدي-الدعيع-المسلم(لايقاف الكوري)-الشهراني كاستيلوا-هرماش الشلهوب-نيفيز-سالم ناصر كل ماكتبته يعبر عن وجهة نظري واسف اذا اخطيت بشئ وبالتوفيق للزعيم في باقي المباريات |
من بعد ماضبطت مع مدرب المنتخب عند وضعه المدافع محور والظهير محور ولم يلج مرماه أي هدف في هاتين المباريتين ليش لا ع الاقل حل مؤقت إلى الفتره الشتويه |
المرشدي ضهير ايسر هههههههههههههههه اخس ياربرتو كارلوس الهلال امس ماكان بمستواه مو من قوة النصر فاز هذي الزبده |
الخلل الدفاعي من بداية الدوري والدليل كل مباراة يستقل المرمى هدف او هدفين الروح معدومة بالفريق يعجبني الروح القتالية للنصر لو يعطي الهلال ربعها كان حققنا كل البطولات المحلية الخارجيّة |
ليشش يجرب المرشدي وش هالترقيع والخنبقة رجعو الشهراني لمركزة الاساسي وصعدو محمد البريك واتمنى تكون التشكيلة في اللمباراة القادمة السبيعي الشهراني ـــــ الدعيع ـــــ المسلم ــــ البريك كاستيلو ـــــــــــــ هرماش عزووز ـــ نيفيز ـــ سالم الشمراني واتمنى ركن العابد والسديري ع دكة الاحتياط |
يا حبيبي الحل سهل و موجود السبيعي بالحراسة و السديري ينزل للأولمبي و الواكد يصعد ، الفرج ماينلام ياخي مو مكانه و غصب نخليه ظهير !! الشهراني يسار و البيشي يمين و الحافظ قلب دفاع و صلى الله وَبارك ، العابد بعد مستواه منخفض لازم عزوز يأخذ فرصته ، أنا ما يقهرني الا شي واحد يا جماعه ، سامي مدرب سعودي يعني مو اجنبي مايعرف الفريق و يقعد يخبص على مايعرف المجموعة ، عندك نقص او انخفاض مستوى طيب شوف لاعبين الأولمبي اللي كل شوي جايبهم يتمرنون مع الفريق الاول ، قسم بالله شي يقهر |
خط الدفاع يجب فيه الاستقرار والتفاهم بين قلبي الدفاع مع الحارس وكثرة التجارب فيه ضررها اكثر من نفعها ان ارى لو يستمر الرباعي مع ايعاز للمحاور بالمساندة القوية لهم اما الحارس ممكن الاستفادة من السبيعي في المباريات القادمة |
ضد تشكيلتك اللي حاطها المهم يرجع الشهراني يسار ويكون ظهير ايمن البيشي او غيره قلب الدفاع يكون المرشدي مع الحافظ على الاقل المرشدي اسرع من المسلم لكن احسن السيئين |
أتمنى تجريب السبيعي بالحراسه والشهراني يسار والبريك او البقعاوي يمين وقلوب الدفاع المرشدي والدعيع والفضل والقرني محاور والفرج او عزوز وسط ايسر وسالم ايمن ونيفز وناصر خلف بعض او ياسر والسالم بدلا من القرني وناصر . وشكرا |
وليش كمان يقعد يجرب وعندك الشهراني اصلا ظهير يسار ويرجع البيشي او البريك او البقعاوي يمين اول خطوات التصحيح بالدفاع رجوع الشهراني يسار لان نصف قوته يفقدها بمركز الظهير اليمين وبكذا بدل لايكون ثغره صارت ثنتين اما الكوري يارب ما يلعب نهائيا مو بس المباراة الجايه جيبوا الدعيع يلعب وربي افضل منه زياده على ذلك الدفاع التنظيم الدفاعي اتمنى من سامي يشوف حلقة اكشن امس وتحليل الشنيف على دفاع الهلال يعطيك العافيه |
أقسم بالله عندنا نجوم بالأولمبي بس ينتظرون أحد يعطيهم فرصه ، يا سامي انت ابن النادي و تعرف أهمية تصعيد لاعبين للفريق الأول ، العابد مستواه سيء عندنا عبدالكريم القحطاني أفضل بديل حاليا ، خالد الكعبي ، عبدالله الشماخ ، محمد البريك والله نجوم و مواهب بس عطهم الثقه لا تقتل الفريق بالمكابر و العناد ولا تصعدهم للتمارين مجرد زيادة عدد اذا مالك نيه تستفيد منهم ، تفائلت فيك خير يالذئب اول ماصرت مدرب قلت بتركز على هالشي لكن للأسف يبدو أني اخطأت . الحافظ و عطيف و السبيعي و السالم الى الان لم تتاح لهم الفرصة اذا لماذا تم التعاقد معهم ؟ |
الوقت المعتمد في المنتدى بتوقيت جرينتش +3.
الوقت الان » 05:24 AM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd