|
إعلام الهلال لا يمثلني مساء الخير جميعاً :rose: بداية كنت خايف من قبل المباراة من تخدير الإعلاميين الهلاليين للاعبين الهلال خصوصاً أن أغلب الإعلاميين طايحين على لاعب لاعبين منها مصلحة وتلميع وأيضاً عشان يسرب له أخبار النادي يكسب فيها سبق صحفي، على سبيل المثال: سالم الدوسري ومنيف الشهراني!! للأسف، تويتر كشف لنا كثير من الإعلاميين هلاليين وغيرهم دخلوا الإعلام بالبراشوت ويملك المؤهلات التالية فقط: - أخطاء إملائية قليلة - فاضي وعنده وقت يطارد الأحداث - حساب في تويتر! يعني اللحين بدال ما تخدرون النصر بالمدح المبالغ فيه،، تقومون تنفخون في اللعيبة بعقلية مشجعين مراهقين لين ما صار اللي صار الكل شاف اللعيبة بدون روح وبخوف شديييد وأخطاء في التمرير ترفع الضغط عموماً، أنا ما ألوم سامي صراحة لأن اللاعبين خذلوه لكن بألومه إذا ما غربل الدفاع والحراسة في فترة الإنتقالات الشتوية وإذا ما ريح العابد ع الدكة من المباراة الجاية على طاري العابد، خيب أملي في المباراة وكان الحلقة الأضعف ونحر الهجوم الهلالي.. الآدمي مهب طبيعي يا جماعة!! أول ما توصل له الكرة يا يوقف عليها وتنقطع أو يطولها على نفسه وبرضو تنقطع! مباراة اليوم للأمانة ما فيها إلا نيفيز شاد حيله والباقي مختفين تماماً تحياتي لكم |
ليه اخوي فيه اعلامين هلاليين يمثلونا خير تمثيل . وين راح الكاتب الكبير صالح السليمان والكاتب الكبير صالح الهويريني والاعلامي الرايع عادل التويجري وعبدالعزيز الهدلق واحمد الرشيد وفهد الروقي الخ الخ اعلامين كثر ولا تبخس حقهم |
إقتباس:
لهم أسابيع وهم يهايطون ومسوين يطقطقون على النصر بأسلوب مشجعبن جالسين ع الرصيف ولا واحد طلع وقال لازم الهلال يحترم النصر اللي لولا لطف الله لأكلناها تاريخية اللاعبين بشر زينا يتأثرون بالنفخ الإعلامي وكلهم يتابعون الجرائد والبرامج وتويتر غير النفخ من الصحفيين اللي متلزقين في اللعيبة فكان طبيعي المستوى السيء والتوهان اللي صار أمس لأن اللاعب يتوقع أنه بيقابل نجران وإلا التعاون |
أجـواء مباراة أمــس ...... مثل أجواء مباراة العصر قبل 3سنين !! للأسف شاهدنا تغريدات لا فائدة منها وتوجيه الرأي العام لها ولنعلم بأن اللاعبين عندهم أجهزة ذكية ويطالعون مواقع التواصل الإجتماعي وكلمها خاصة أنه طلع لنا بعض مبزرة تويتر مسوي فيها صحفي وينقل أخبار من النادي ومنها كذلك يطقطق ويكثر عدد متابعين وشهرة وبزوطـه الضجيج الإعلامي ليس لصالح الهلال دائماً ولا ينفعه بشيء بل يضره لكن هذا درس لهم ...هذا إذا اعترفوا بخطأهم .....!! مع أني ما ظنيت,,, لأنهم الآن مسوين فيهم ناقد فني ويضع المسؤولية على المدرب... يا إعلام تراكم تحت المجهر والنقد ....!! ولا أنتم أحسن من غيركم |
إقتباس:
حتى المصورين صار لهم متابعين ويرتوتون لهم الثرثرة ضيعت الهلال ما أنسى الحميداني اللي ما بقى إلا يسوي لقاء مع طيور الجنة!! خلاص عرفنا أنك نائب الرئيس وبتصير مشهور.. ليش الطفاقة؟! |
وكذلك قبل مباراة النصر كانوا يقولون أن النصر قابل فرق سهلة طيب هو قابل فرق سهلة لكن لم يفقد 3 نقاط مثل ما فقدناها امام الرائد هذه المقولة ذكرتني بمقولة أن سامي لم يتم اختباره .....!! قبل مباراة الإتحاد وبالفعل كسبنا بخماسية رائعة -بفضل الله - من روج لمقولة ما قبل مباراة النصر يتحمل ذلك والحميداني بكل لقاء وتصريح يظهر وكثرة وعود ....! فليس المطلوب أن تعد بل أن تعمل وتركز وبعدها تتحدث ....!! ليعرف الواحد متى يتكلم ومتى يصرح ... وإذا كان إدارة الهلال هدأت من التصريحات وظهور المتحدث الإعلامي فحديث نائب الرئيس الجديد يشق هذا الهدوء .....!! يبدو هو أخذ دور النائب والمتحدث الإعلامي |
| الوقت المعتمد في المنتدى بتوقيت جرينتش +3.
الوقت الان » 05:59 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd