|
أجـانب الهلال سبب الخسـارة ..؟ وأجـانب النصر سبب الفـوز !! وأنت الحـكم .. بأختصار .... اولا الكثير يقول سبب خسارة الهلال يتحملها ؟؟ الحارس / عبد الله السديري ..؟؟ وأنا اقول ..؟ لو تم جلب افضل حارس في العالم مع اي فريق. بوجود محاور مهزوزه ودفاع مرتبك ومهزوز مثل الحاصل مع الهلال..؟ لتسبب في ارتباك الحارس مهما كانت قوة ومستوى الحارس ,, والعكس صحيح. في حال وجود دفاع ومحور قوي ومتمكن فأنه كفيل بعدم تكرار تلك الاخطا الفادحه بغض النظر من يكون الحارس . ثانيا تمنيت تواجد لاعبين النصر الاجانب ضد الهلال !! فربما تنتهي المباراه اقلها بالتعادل لانهم نقطة ضعف و لا يملكون نصف الروح القتاليه التي ظهرت مع احتياط النصر المحلي .. ولكن ..؟ الفرصه أتت لهم اجباريا . فتألقوا وابدعوا وانتصروا .بعزيمة وروح فقط . واختلف تماما مع من يقول انه تكتيك وفلسفة مدرب !! لأن هذا النصر منذوا القدم ليومك هذا ..يحترق في الملعب من اجل تحقيق الفوز على الهلال فقط. واذا فازالنصر قالوا: تكتيك مدرب وفكر اداره ,,واذا خسر قالوا التحكيم واللجان ضدنا ,, والماضي والحاضر..خير دليل . ثالثا هرماش ,,وكاسيلو ,,؟؟ بقاهما في محور الهلال ؟ نقطة ضعف للهلال ؟ وتمنيت لو الفرج والقرني حل مكانهما ,,حتى نقول الجود من الماجود . وكذلك تمنيت تواجد الموهبه عزوز بجانب نيفيز وسالم الدوسري وفي الامام ناصر او ياسر وفي قلب الدفاع الحافظ والكوري وفي الاطراف الشهراني والدعيع عند هذا سوف اراهن على فوز الهلال .. خصوصا في الدوري المحلي .. لحتى جلب محاور على المستوى الاسيوي. رابعا اللاعب المحبوب عند الجميع والخلوق محمد الشلهوب كثر الله من امثاله اعطى للهلال مالم يعطيه لاعب اخر وقدم كل مالديه ,, ولن يقدم افضل مما كان مهما كان ,, والمجامله في استمراره بهذا المستوى ليس بصالح الهلال !! خصوصا هذه السنه .. وسجل عليه اكثر من علامة استفهام ..؟؟ برغم المهاره النادره والفكر الراقي الا انه ..وللاسف اصبح وجوده منطقة عبور في وسط الهلال ..!! نظرا لسهولة المرور وقطع الكره من امامه بسبب ضعف اللياقه مع كامل حبي وتقديري لهذا الموهوب حفظه الله ورعاه. خامسا الفرح المبالغ فيه المواكب لخسارة الهلال النقطيه فقط ؟؟ والاستمتاع الغير محدود في الصداره المؤقته ..تعلمنا وتذكرنا جيداً كيف كانت ؟ افراحنا في صدارة الزعيم طوال الاعوام الماضيه التي كنا نعيشها وغيرنا يتجرع الحسره والمراره ولكن ؟ أفراحنا تختلف عن افراحهم كثيرا كونها في نيل البطولات واعتلى المنصات والتتويج في الذهب ولله الحمد والقادم افضل أن شاء الله تعالى . والحمد لله على كل حال .....لكم كل الود . |
نقطه اضافيه ..؟؟ تحطيم الارقام القياسيه في اقوى دوري عربي واسيوي بتواجد الفيفا..؟؟ ااتى بعد فوز النصر على الهلال ,,ولو حصل العكس ..اكتفى الاعلام بهذا العنوان ..؟ ( حكم ايطالي مشبوه سلب نقاط النصر للهلال وهذي عادة الهلال يستنجد بالاجانب ) |
اختصر عليك الموضوع النصر لعب 3 محاور وقفت نيفيز والاطراف ماتقدموا للهجوم ولعب على التمريرات خلف المدافعين وفاز الهلال لعب بدون خطة بدون تكتيك أكثر لاعبين مرروا الكرة في الهلال الكوري والمسلم والنكبة السديري كاستيلوا يوزع على الاطراف في وسط الملعب الهلالي مفعل مثل النصر تمريرات طويلة وهرماش تقدمة في الوسط أكثر من تراجعة لدفاع شكرا |
الحارسس هو من يغطي اخطأ الدفاع المرشدي كان مدافع ايام الدعيع ولم ينتقد ماجد المرشدي والكابتن محمد غني عن التعريف غطا الاخطاء لاكن السديري لم يغطي اخطائه واخطاء الدفاع |
اتمنى من المباراة الجايه يلعب السبيعي اساسي |
والله الفريق بكبره فاشل يعني لو تسأل أي شخص من اقوى واحد في الهلال ؟؟؟؟ بيقولك نيفيز لاعبين النصر المحليين فازو علينا بفريقنا الكامل! والله مانستاهل حتى المركز الثاني يعني بكل المباريات السابقة اشوف اخطاء فادحة والاعتماد على تياقو نيفيز والله شيء يقهر |
اتفق معك في معظم ما ذكرت ولكن يجب على سامي إعادة الفرج للوسط الايسر والشهراني للظهير الايسر وتصعيد البريك والبقعاوي للظهير الأيمن وبيع عقد البيشي اذا كان غير مقتنع فيه فما يحدث من تغيير في مراكز الاعبين يقتل مستوياتهم ويقتل متعة الهلال فقط عودوا بالذاكره لمباراة العين الوديه واستمتعوا بالهلال الفضل والقرني للمحور بدلا من كاستيلو وهرماش ويتم بيع عقد الغنام الدعيع بديل للكوري المرشدي بديل للمسلم السبيعي بديل للسديري الفرج او عزوز وسط ايسر وسالم ايمن ويكون الفريق بخير وشكرا |
إقتباس:
والله ثم والله لو يعلب النصر في 5 محاور ..؟؟ فلن يتصدى للهلال 11 لاعب مقابل 11 ولكن ..؟؟ المصيبه حينما يستلم هرماش الكوره ويدور حول نفسه 5 مرات ثم يرجعها للحارس ..!!!!وش الفائده ..؟؟ واذا تقدم يحاول ان يسجل هدف بمعنى اصح مافيه مخ كويس ..؟؟ وكذلك كاسيلو يحنما يستلم كوره يرجعها للدفاع والدفاع يرجعها للحارس ..؟؟؟؟ والحارس من كثر ترجيع الكور اليه يدوخ راسه ويرتبك لان الجمهور من جهه وامهاجمين من جهه اخرى ,, والهلال يحتاج الى محور مثل رادوي يمررها للمهاجمين بالمقاس وانت وضميرك .. حتى النصر طبق اسلوب الهلال في الاعوام الماضيه ونجح بدون اجانب اما الهلال مع هرماش وضعه ماش في ماش ,,,,,وشكرا لمرورك |
اكيد مدرب النصر مايحتاج الاجانب لانه يدور مدافعين يقفل بهم لي ضربه جزاء ماحسبت ولي تسللل على نيفيز غير صحيح منفرد الاعب بالمرمى الهلال اتفق معك انه لم يقدم قد تكون فتره التوقف والارهاق واضح على سالم والشهراني مع المنتخب لاكن السديري يتحمل الخساره 10000% خروج خاطى في كورتين حتى لو اخطاء المدافع خلك في مرماك خصوصا في البلنتي الي جاهم هديه |
كاستيلوا هرماش الكوري السديري خذلوك ياسامي من بدايه الدوري حتى بفوز بعض المباريات بمجهودات نيفيز وسالم وناصر.. عاده سنويه مكابره وعناد على حساب الهلال يعتقدون هم الفاهمين فقط يضحكون علينا في اشباه لاعبين اجانب طبعا استثناء نيفيز من لايريد ان يخدم الهلال وجمهور ويدفع بجلب افضل اللاعبين سواً اجانب او محليين فليرحل مشكوراً من بدايه الدوري وهم نكبه الفريق ومع ذلك يكابرون على حساب الهلال!! من بدايه الدوري وضعف الهلال واضحه لجميع الاعيان بكل مباراه السديري نكبه ومرتبك ودفاع شوارع بقياده الكوري والله السبيعي افضل من السديري بكثير يكفي انه كان شايل لوحده الاتفاق مشكله الهلال وسامي يكابرون على حساب الهلال ويبحثون عن لاعبين اجاني كويس ورخيص!!! ياجماعه شفنا الدفاع والحراسه بجميع المباريات نكبات وغير مطمنه (( كيف بيكون وضعنا بالاسيويه )???!!! الله يستر من المرشدي للمسلم للكوري والعكس نردد ياليل ماطولك فتره تسجيل الاجانب على الابواب الكوري هرماش كاستيلوا السديري ياقلب لاتحزن من الكوري للمسلم للمرشدي ردد ياليل ماطولك من ثلاث سنوات على هذا المنوال ضعف الهلال اجانبه الثلاثي ومستوياتهم الاقل من العاديه عندنا شباب افضل منهم حرام يدفع لهؤلاء الاجانب رواتب ضخمه على مستويات لاعبي حواري. الهلال بحاجه الى قلوب دفاع مثل اسامه لمولد واجانب صح يعملون فارق بالفريق مثل نيفيز اما اجانب عاله على الفريق فهذا ظلم للهلال وجمهوره نتمنى من ابن مساعد ومن سامي ان لايكابرون في الاجانب وفي الحراسه لان من بدايه الدوري ومستوياتهم عاديه كيف وضعنا بالاسيويه بهؤلاء الاجانب وبهذا الدفاع الشوارع من 3 سنوات ودفاعنا من سيئ الى اسوء والله ظلم وحرام ابن مساعد اذا مايريد يدفع ويجلب لاعبين صح..فيه الكثير يريدون يخدمن الهلال لأجل الهلال وجمهوره. من الظلم يخذلونكم ويخذلون سامي اجانب لاعيبه حواري وحارس نكبه. تكفوووون يااداره الهلال بقياده بن مساعد انقذوا الهلال من هذه المهازل الجمهور مقهوووور وصابر على تخبطات من 3 سنوات وفوز ياتينا باالبركه. الهلال بحاجه الى اجانب اجانب اجانب يعملون فارق بالفريق لا لا لا اجانب عاله على الفريق. يااداره لاتضحكون على انفسكم وعلى الجمهور الهلال بإحضار اشباه لاعبين. فرق بالدوري اقل من الهلال امكانيات بكثير احضرت افضل الاجانب. والزعيم يمثله اشباه لاعبين. نعم الآن وصل بنا الحال مثل الفقراويه بمواسم سابقه(( اداره متخبطه ومكابره )) الله يعين على آسيا الخوف مثل كل سنه انتكاسه بسبب مكابره الاداره تكفوووووووون يامسؤلي يارجالات الهلال الحال ماينسكت عليه هذا اذا انتم تحبون وتعملون وتعشقون الهلال وجمهوره لابد من التغيييييييير فتره التسجيل الثانيه... فأن لم يتم فعلى الهلال السلام هذه السنه محلياً واسيوياً |
انا ضد تحميل الدفاع او الحراسة المسؤلية كامله !!! المفروض يكون فيه تقييم لكل لاعب والشغل اللي سواه في الملعب لأنه كرة القدم هي لعبة تعتمد على 11 لاعب ما هو دفاع وبس !!! وين العابد في هذا الموسم كله ؟؟؟؟؟؟ ليه لعب سالم الدوسري في الفترة الاخيره صار عقيم ولا منه خطر ؟؟؟؟؟ وش هي مهام هرماش بالضبط ؟؟ هل اتقن هرماش مهمة اساسية في الفريق ؟؟؟؟ هل أظهرت الهلال يمكن تشيل الفريق في المبالريات الصعبة ؟؟؟ هل نفيز والشمراني يكفون للهجوم في ظل تواضع المساند السعودي لهم ؟؟؟؟ وطبعا الهلال في الاخير مافيه قلوب دفاع اصلا في الهلال ..السديري معذور جدا جدا .. يا ناس حارس توه طالع من الاولمبي تحطه في فريق يلعب بدون دفاع !!!!!!! |
إقتباس:
والله انكككككككككك صادقق :( |
إقتباس:
كلام منطقي اللاعب ودك تحطه في خانته الصحيحه التي يبدع فيها .. ولابد من الاستفاده من المباريات الوديه الاطلاع عليها ان كانت مسجله .. واكتشاف التكتيك المناسب وتطبيقه فهذه احد الحلول الجاهزه التي بيديك خاصتا ان نادي العين ند قوي . |
ثلاثي الهلال هرماش وكاستيلو والكوري مقااااااااالب وسامي لازم يتعلم من أخطاءه أنت يا سامي اجتهدت وما قصرت وكان اجتهادك خاطيء فلازم تصحح الخطأ .. وحتى لو كان هناك ما فيه لاعب على الأقل على قدر الطموح مو لازم تتعاقد مع لاعب يكون عله بالفريق ..يكون الاكتفاء بثلاث أجانب على مستوى لا سيما وأن الهلال يملك لاعبين محليين على مستوى عالي وتحتار مين تلعب فيهم .. لا زلت عند كلامي بأن الهلال محتاج لصانع لعب حقيقي 100% في ظل وجود 3 من أفضل مهاجمي المملكه الشمراني وياسر والسالم يعني قوه ضاربه بالهجوم والمهاجم محتاج لمن يصنع له ونيفيز لا يعتبر صانع لعب حقيقي 100% هو وسط ذو نزعه هجوميه ويصنع اللعب في بعض الأحيان ... إذن ما يحتاجه الهلال هو كالتالي مدافع صلب ..ومحور مقاتل ..صانع لعب ..بالإضافه لتواجد نيفيز ..وإن لم يتوفر صانع اللعب يكتفى بالتعاقد مع لاعب سريع على الأطراف ويجيد الاختراقات ... وإن أراد سامي أن نزوده بالأسماء مستعدين بس وين اللي يقتنع ؟!!.. |
إقتباس:
من كان يلعب في المحورالهلالي حينها ..؟؟؟؟؟ حتى عيوب المرشدي ودفاع الهلال غطاها محور الهلال حينذاك .. هرماش يتميز فقط في الاختفاء تماما اثناء الهجمه المرتده على الهلال وهذي نقطة ضعف الهلال ,,شكرا لك |
| الوقت المعتمد في المنتدى بتوقيت جرينتش +3.
الوقت الان » 05:09 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd