|
وانكشف الغطاء شكررراً سااامي وانكشف الغطاء شكررررراً سااااامي شكراً سامي لانك بينت لنا ماكنا نعتقد انهم اناس مخترعين وعباقره من مدربين ياتون الينا بثقافتنا المضمحله وهم يعلمون اننا لانفقه شيئاً من عالم المستديرة! بعدك اصبح الشارع السعودي يهتم بالتفاصيل الصغيره واصبحت النظرة لعالم التدريب نظرة مختلفه عن سابقتها ، كنا ننظر اليها كانها براءة اختراع بعدك عرفنا او اكتشفنا مانملك وانه ينقصنا الثقه والجراة في اتخاذ مثل هالامور . يحق لنا ان نفتحر فيك لانك مثال نتشرف به امام جميع الدول . بالامس من كان يصفونه بالداهية يلعب امامك بطريقة دفاعيه لاتختلف عن الفرق الصغيرة 3 محاور وامامهم نور بادوار دفاعيه والراهب والسهلاوي في المقدمه لوحدهم !!!! وانا انظر في طريقة كارينيو اشعر بالفخر لانك اثبت لنا ان الطموح والثقه بالنفس والتعلم يصنع المستحيل طفرة كرويه في مجال التثقيف الكروي للشعب السعودي اوجدتها لنا ي سامي شكراً لك لانك اعطيتنا الثقه ان نعرف ونعلم قليلاً من خفايا كرة القدم ،وان نعرف كيفية عمل المدربين القادمين الينا بشمولية ، بعد ماكانو ينظرون الينا ع اننا لانفقه في كرة القدم شيئاً تملك الدافع والثقه والذكاء والدهاء ونعرف انك في مجتمع ليس نحن السعوديين فقط بل المجتمع العربي ككل نحارب الناجح ليفشل بعكس الغرب يساعدو الفاشل لينجح . لقد حاربت لوحدك وطريق النجاح بعد توفيق الله هو طريقك ، العالم لاتنظر لمتعة الكرة لدينا بل ينظرون لخسارتك لكي يتهربو من واقعهم وفشلهم الذريع في نظرتهم وفي اراءهم ،لاينتقدونك كمدرب بل ينتقدونك كشخص ، واني لااعلم انك تعاني وتشفق ع حالهم في نفس الوقت شكراً سامي في زمن انعكست فيه المعادلات ،،،،،،،، |
اشتغل التطبيل اقول انطم بس |
فخرك هـــــــــــــــــــذا خل نادي النصر ياخذ منك ثلاث نقاط يرحم امك يكفي هياط |
^ ^ ^ طلعووو المندسين والمندس تعرفه من عدد مشاركته من 2011 ( 5 مشاركات !! ) على العموم العبره بالخواتيم وسامي لديه اخطاء وراح يعدلها ان شاء الله وراح يرجع هلالنا وترجع الخمسااات الي خابرها |
إقتباس:
مع أحد نقزتوا وقلتوا يا مطبل يا مندس !!!! وين التطبيل بالموضوع ؟! عن نفسي أشكر صاحب الموضوع ع الطرح وأوافقهـ الرأي بـ أن سامي يملكـ الدافع والذكاء والثقهـ بقدراتهـ وبـ إن الجمهور الهلالي معاكـ بالخسارهـ قبل الفوز ~ وأتفق معاكـ النصر إتبع طريقهـ الفرق المتوسطهـ ( ما أحب أقول عن أي فريق ضعيف ) وهي الدفاع ~ ومعاكـ حق سامي محارب من الجميع والدليل ظهور اللي يحملونهـ مسؤوليهـ الخسارهـ مع إنهـ مب هو السبب الرئيسي للخسارهـ من وجههـ نظري !!!! عموما إن شاء اللهـ رح يستفيد الهلال من خسارتهـ هالمباراهـ ~ ختاما : أتمنى الإرتقاء بـ أسلوب الحكي مع الجميع وإختلاف الرأي أو الغضب ع النتيجهـ مب يعني إنا نغلط ونتهم خلق اللهـ يا مندس يا مطبل !!! شكرا لكـ وبالتوفيق للهلال إن شاء اللهـ ~ |
إقتباس:
ولكن خير الكلام ما قل ودل " عدد المشاركات مب دليل ع إنهم مندسين ولا لا " عن نفسي المندس أحكم عليهـ من ردودهـ وليس من عدد المشاركات =) اللهم آميييين ~ |
إقتباس:
#كلناآ مع سسآمي في الخسآره قبل الفوز , لكن ما نراه من سآمي شي مآ يفعله شخص ف العقد الثآني من عمره ! العآبدد كان من المفترض ان لا يشترك ابداَ , مع ذلك يشارك و قائد :) ! #اتمنى يعطي السبيعي فرصه , كذلك بدر المرشدي , خالد الكعبي ( احتياطي سالم ) البريك اللذي بلغت سمعته آفاق المنتدى , #المرتدات لآ يلعب فيها اي فرريق الا عندما يمتلك دفاع نآري لكي يصنع المرتدات و يتحمل الظغط و لا يفتقد تركيزه . #الكوري تشو , مدافع جدا ناجح , اتمنى بقائه مع جلب محور اجنبي صصلب كَ رآدوي مثلاً :cry: |
كلام ليس قدح في سامي بل شهادة بان سامي افضل من كثير من المدربين ..لعب بشكل دفاعي امامه ...وهذا حصل فعلا بس العنوان وبعض الالفاظ تشكك فقط .. |
اثارة مصطنعه... وموضوع يضرب على الوتر الحساس بسيمفونية ساميوﻻ النشاز باختصار...هﻻل سامي الكوتش يا سادة ليس هﻻل سامي الذئب.سام6...سامي الكابيتانو يحتاج سامي منكم الدعم والصبر انا غير متفائل بأي بطوله هالسنه...ﻷنها سنة سامي المدرب التجريبيه |
اشكر الجميع ع ارائهم سواءً بالسلب او الايجاب اعتقد ان اغلب الجماهير الان غايب في الطوشه او مع الخيل ي شقراء ع قولتهم لاكن مع ذلك انا باقول هالكلام لاني باشوف هلال ممتع وقادر ع تحسين اخطاءه الفرديه بوجود مدرب محنك كسامي الجابر اما ان تختلف ارائنا ع حسب المباريات لااعتقد انها من الصواب واشكر الاعضاء سعوديه كول وغيرها ممن فهم وجهة نظري وف الاخير الاختلاف في الرأي لايفسد للود قضيه |
ياحبيبي انت شكلك ماتابعت المباراة طبل يامطبل اي دفاع واي كلام فاضي تقولة ولاتمريرة صح مومعقولة يارجل كنا في حاجة الوقت كثير واذا كنتم بتقولون كان النصر يلعب دفاع لماذا دفاعنا يرجع الكورة اكثر من مرة للحارس كفاكم تطبيل الله ستر علينا والا كانت كوارثية في الدفاع اللي مدري كيف جاي وكفاية تطبيل كم لنا كورة خطيرة وكم لهم يارجال اي هجمة لهم ارت تخوووف من متا والهلال كان كذا وانت قاعد تمجد وتخلد ياحبيبي النقاط بتروح واحنا نطبل لاحول الله ولا قوة الا بالله |
| الوقت المعتمد في المنتدى بتوقيت جرينتش +3.
الوقت الان » 08:26 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd