|
مباراة ثلاث نقاط لا أكثر بسم الله الرحمن الرحيم السلام عليكم ورحمة الله وبركاته صباح/مساء الخير حبايبي الزعماء أول شيء هاردلك الهزيمة المستحقة البارحة من النصر ، والشيء الثاني ودي أتكلم بكم نقطة عن الأداء الهلالي بالمباراة امس.. نبدأ بأهم خط أو بالأحرى أكثر الخطوط فاعلية وخطورة ف الهلال إللي هو خط الوسط المكون من ( سالم ، نيفيز ، نواف ، وخلفهم هرماش ، كاستيلو ) خلوني أبدأ بهرماش إللي أتوقع حالته ما تخرج من أمرين إما أنه ما يدري وين يروح أو أنه بإيعاز من الكوتش سامي له أدوار هجومية وف الحالة هاذي فأنا أرى إنه ما يأدي أدواره بالشكل الأمثل ، نجي للمحور الدفاعي كاستيلو مشكلة كاستيلو هي كثرت التنقلات بين تمثيله للمنتخب وتمثيله للهلال وهذا شيء واضح على أداءه في بعض المباريات منها مباراة البارحة ظاهر عليه الارهاق والبطء الشديد بالتغطية وعنده مشكلة ثانية إنه متقدم كثييييييييييييييير والمفترض إنه يكون بالأغلب قريب من خط الدفاع ، نجي للثلاثي الناري ( نيفيز ، سالم ، العابد ) أولاً أنا ودي أكون منصف وأشيد بالتكتيك المحكم إللي انتهجه كارينيو مدرب النصر باقفال الأطراف وتضييق المساحات ف العمق لأنه ( سالم ، العابد ) يلعبون ع الاطراف ف الأغلب و ( نيفيز ) يلعب ف العمق ويحتاج للمساحة ، وثانياً الاجهاد اللي كان باين على سالم بعد معسكر المنتخب والعودة من الصين أما العابد فعلامة استفهام كبيرة على مستواه من بداية الموسم وبالنسبة لنيفيز ف اليد الوحدة ما تصفق وهو كان محتاج المساحة إللي ما كانت موجودة في ظل تضييق المساحات من قبل الدفاع النصراوي وكان من المفترض منه استخدام سلاح التسديد إللي ما استخدمه كثير البارحة . نعرج على الخط الثاني إللي هو الهجوم إللي كان متواجد فيه من البداية ناصر لوحده وكان بين 4 مدافعين ومحورين ف من المستحيل بيقدر يسوي شيء هذا غير إن الامدادات شبه معدومة له من صناع اللعب ، وبعد نزول الشلهوب وياسر لاحظنا تحرره قليلاً مما تسبب بتسجيله الهدف. والآن مع الخط الأضعف للأسف خط الدفاع بما فيهم الحارس أول شيء ممكن نلاحظه عدم الانسجام ما بين القلبين وعدم الانسجام ما بين الحارس والقلبين والارتباك الكبيرررررررررررر للحارس السديري والمدافع المسلم والخروج الخاطئ والمتكرر من الحارس السديري.. ف النهاية هي مباراة وعدت بخيرها وبشرها وأتمنى يستفيد الكوتش سامي من الأخطاء ويعدلها بأسرع وقت لأن البطولة الآسيوية ما ترحم .. وعذراً ع الإطالة أخوكم/ أبو مالك2005 |
اخي العزيز كلامك عقلاني بس احنا ناخذها من زاوية اخرى لم تراها انت اولا : هي ديربي ثانيا : هي على الصدراة ثالثا: مثل ماقلت ثلاث نقاط هذه المباراة هي انطلاقة النصر نحو الدوري واذكرك |
إقتباس:
الدوري بدري عليه تونا ف الجولة العاشرة والله يكتب إللي فيه خير للهلال s13s يعطيك العافية أخوي ع المرور والتعليق |
صحيح ثلاث نقاط اخوي بس مهمه جدا وصدقني هذا انطلاقه النصر للدوري |
إقتباس:
وجهة نظر أحترمها بس برضو الدوري بدري عليه شكراً للمرور والتعليق |
اذا بهالمستوي وهالاحباط لن نحرز اي بطوله |
إقتباس:
أوافقك الرأي المفروض ما تحبطنا هزيمة بالعكس المفروض تدفعنا للأمام شكراً على المرور والتعليق |
الثلاث نقاط هي الي الي بتقود النصر للدوري خلونا واقعيين النصر هو الاقرب للدوري والهلال الان اصبح نادي عادي يخسر من الرائد ومن النصر والله يستر من الشعله و النهضه خلوونا من المجاملات لسامي و السديري |
بالعكس خسرنا المباره بمستوى جيد لكن السديري ما قصر اعطاهم الفوز السديري يكرر نفس اخطائه امام الاتحاد كرر نفس الخطاء التقدم الغير مبرر له وقالها الشنيف مشكلة عبدالله لاهو الي يتقدم ويكمل ولا هو الي يبقى مكانه ويحاول يقفل في اعتقادي النصر ما سوى شي كبير في المباره سوى انه متراجع 90 دقيقه و على المرتدات ارتباك المسلم طول المباره بعد الهدف اعطاه عدم ثقه في نفسه اضافه الى محاولة لاعبين النصر وبالتحديد الراهب نرفزة هوان وحصوله على كرت احمر الهلال دائما يعاني من الفرق الي تقفل , لا توجد حلول والدليل الهدف الي احرزه الشمراني الفريق النصراوي كان متقدم والمساحات موجوده ف احرز الفريق هدف التعادل قبلها مبارة نجران ايضا كان مقفل و كاد نجران يسجل #شطحه : اتمنى الاستغناء عن احد المحاور اما هرماش او كاستيلو وجلب جناح ايسر |
إقتباس:
يا جماعة ترا والله إن الدوري توه بالجولة العاشرة كل العالم يقولون خلاص الدوري راح للنصر باقي معنا 16 جولة والله يوفق الزعيم الملكي شكراً على المرور والتعليق |
إقتباس:
معك في كل الكلام إللي قلته وبالنسبة لشطحتك انا من رأيي ما نغير بالأجانب أحد لأن مشكلة الهلال تنظيمية مو عناصر ما عدا مركز حراسة المرمى شكراً على المرور والتعليق |
الي يقول الدوري للنصر هذا مافي راسه كوره ياحبيبي الهلال شخط الانديه كلها العام وتصدر الدور الاول وفقد صدارته في الدور الثاني ولحقنا الشباب في النقاط لولا فارق الاهداف يمكن يخطف الوصافه منا على العموم يوم كان عندنا ويلي هامسون كان يفتح شوارع في دفاع النصر ويفكفك اي تكتل امامه حنا نعتمد على سالم والعابد سالم ممتاز لاكن العابد مزاجي ويخذل الفريق لذلك ترحيل كاستيلو الي اشغل امنا بمنتخبه وجلب جناح فايف ستار +كريري + مفاوضه رادوي ونقضب هرماش الباب وانتهينا رادوي وكريري يعطونك موسمين زي سلام عليكم هالثنائي يحكم لك الوسط ويشيل لك الدفاع ونجيب حارس اذا مارجع شراحيلي نجيب حارس متمكن وافضل الكسار |
سامي يحتاج لشغل كبير وتحسين نهجه الهجومي نبي نشوف جمل تكتيكيه تتذكرون هدف عزوز في النص وهدف الفريدي في النصر كلها من جمل تكتيكيه خورافيه |
اتفق معك في كونها ثلاث نقاط وخسارة مباراه او مباراتين لا تعني نهاية العالم بل وحتى البطوله انا لا يهمني بقدر مايهمني صنع فريق متجانس ووجود لاعب أساسي واحتياط لكل مركز لو كنت مكان سامي أقوم بظم محور القادسيه نايف هزازي وظهير ايمن الطائي عبدالرحمن الحسن لتغطية العجز في مراكز الفريق ويصبح التشكيل (الحراس 3 والزوري والشهراني ظهير يسار والمرشدي والمسلم قلب دفاع ايسر والدعيع والحافظ قلب دفاع ايمن والبريك والبقعاوي و مشعل الحوطي ظهير ايمن للفريق الأول والرديف ويكون الفضل والمرشدي والنجعي وفلاته والفرحان محاور بين الفريق الأول والرديف ويكون الفرج والعابد وسط ايسر وسالم وكعبي وسط ايمن ويكون نيفيز وعبدالكريم صانعي العاب والهجوم ياسر وعزوز وناصر والسالم هنا لن احتاج ان اقتل الفريق بتكليف الاعبين باللعب في غير مراكزهم وكل لاعب سيحفظ مهام مركزه بشكل الي ويبقى المحترفين من اختيار المدرب وأتمنى باستوس النصر وبول التعاون فقط ثلاثه محترفين وشكرا |
إقتباس:
كلام عقلاني ومنطقي جداً أنا معك بكل حرف قلته.. أشكرك على المرور والتعليق |
| الوقت المعتمد في المنتدى بتوقيت جرينتش +3.
الوقت الان » 09:04 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd