مبروك للنصر وبالنسبة لي اول مباراة يفوز فيها الجار واقتنع بالهزيمة فقد كانوا أفضل ولم تتم الاستعانة بصافرة صديق
هارد لك وحظ اوفر للزعماء والحمدلله انها ثلاث نقاط ستكون ان شاء الله لقاح البطولة
نقاط على السريع :
سامي حالياً مدرب محترف للهلال وعلى الادارة ان تتعامل معه على هالاساس لو حدثت هذه الاخطاء من مدرب آخر لجلست معه الادارة وناقشته لكنها لاتفعل ذلك مع سامي وهو في اول خطواته التدريبية ويحتاج للنصح وايضاح الاخطاء
الكوري لعب بجسمه اليوم اكثر من راسه وقدميه والسديري على اخطاءه لعب بقدميه اكثر من بعض الوسط والهجوم والمسلم مرشدي جديد
اعادة الكرة كل مرة من منتصف ملعب النصر للحارس وبشكل متكرر قتل الهجمات الهلالية وزاد ارتباك الدفاع والحارس
الدفاع الهلالي مع كل كرة طويلة تحس اللي جتهم قنبلة وليست كورة خررررشة وربكة غريبة
التغييرات وخاصة اخراج سالم ان لم يكن مصاب هو خطأ فني فسالم مفتاح لعب بماانك انزلت القحطاني وكان الاولى اخراج كاستيلو او هرماش
الشلهوب بعد غياب يلعب في مباراة مثل هذي والفريق متأخر بهدف ومع فريق واضح انه متفوق لياقياً خطأ آخر من سامي وكان الاولى نزول عزوز ان كان جاهز
على سامي ان يجرب لاعبي الاولمبي والشباب في الخانات التي كثرت بهاالاخطاء كقلبي الدفاع والاظهرة وحراسة المرمى وليتذكر انه برز عندما اعطوه الفرصة مع نجوم كبار وهو صغير السن

مباراة للنسيان والحمدلله انها ثلاث نقاط واتمنى الاستفادة من احداثها فالقادم أهم ولازال الدوري لم ينتصف واسيا لم تبدأ

إقتباس الرسالة الأصلية كتبت بواسطة عذب السجايا الكوري لعب بجسمه اليوم اكثر من راسه وقدميه والسديري على اخطاءه لعب بقدميه اكثر من بعض الوسط والهجوم والمسلم مرشدي جديد اعادة الكرة كل مرة من منتصف ملعب النصر للحارس وبشكل متكرر قتل الهجمات الهلالية وزاد ارتباك الدفاع والحارس الدفاع الهلالي مع كل كرة طويلة تحس اللي جتهم قنبلة وليست كورة خررررشة وربكة غريبة التغييرات وخاصة اخراج سالم ان لم يكن مصاب هو خطأ فني فسالم مفتاح لعب

اشكرك على هذا الطرح المميز والقراءة الصحيحة 100% واتفق معك تماماً بمضمونه وعنوانه .
الخلل واضح واتمنى معالجته خلال فترة التعاقد الشتوية بجلب مدافع صخره واثق من نفسه .

بإذن الله تكون خيره للزعيم ولقاح نحو الفوز ببطولة الدوري .

الاجمل مرورك
وحظ اوفر اخي الكريم

شكرا على الطرح الراقي
ومفتاح الدفاع لاي فريق هو المحور ولو عدنا بالذاكرة لبطولات الهلال مع جريتس لوجدنا البطل رادوي وقبله خالد عزيز وخميس العويران ....
خط الدفاع الاول هو المحور وافضل لاعب محور هو ابراهيم غالب وصعب مجيئه للهلال وسعود كريري رغم السن لاكن لاعب منظبط ويملك الروح والثقة واتمنى قدومه للهلال فى فترة الانتقالات الشتوية

إقتباس الرسالة الأصلية كتبت بواسطة mo3od شكرا على الطرح الراقي ومفتاح الدفاع لاي فريق هو المحور ولو عدنا بالذاكرة لبطولات الهلال مع جريتس لوجدنا البطل رادوي وقبله خالد عزيز وخميس العويران .... خط الدفاع الاول هو المحور وافضل لاعب محور هو ابراهيم غالب وصعب مجيئه للهلال وسعود كريري رغم السن لاكن لاعب منظبط ويملك الروح والثقة واتمنى قدومه للهلال فى فترة الانتقالات الشتوية

مرورك الاجمل وحظ اوفر
اخي الكريم
اغلب هجمات النصر لادخل للمحاور فيها
كرات طويلة مع ربكة وخرشة دفاع ورجة وتسرع حارس مرمى وهدف او هجمة خطيرة
المحور مهم لاي فريق لكن لو عاد دونقا كابتن البرازيل السابق في قمة عطاءه وجاء للهلال او ( رادوي ) امام الدفاع الحالي فلن يفعل شيء
اخطاء تتكرر كل مباراة وبنفس الطريقة تدل على انهم لايملكون الموهبة ولا الحس الدفاعي فلوكانت مرة او مرتين لقلنا ظرف معين لكن التكرار بهذه الطريقة ليس لها الا معنى واحد هو ان فاقد الشيء لايعطيه
لا الكوري ولا المسلم ولا المرشدي هم ضالة الهلال

اليوم لفت نظري ارتباك لاعبين الهلال بشكل رهيب
السديري وعارفينه من صار اساسي وهو مرتبك اما الباقي لييه الارتباك !!

ترى النصر 11 لاعب وأنتم 11 لاعب !!

الناحيه النفسيه للاعبين اثرت اليوم ع لاعبين الهلال بشكل كبير وساهمت بالخساره والمستوى الهزيل

السديري اصبح محور من كثر مايوزع كور للدفاع وترجع له !

ي كوتش انت قدها واهديت الهلال هجوم ناري لكن مافي اي مشكله ولا هو تقليل منك ي الاسطوره لو تجلب مدرب خاص بالدفاع لتنظيم الدفاع

مع التخلص من السديري وجلب فهد الثنيان بالشتويه

لقاح نحو الدوري ان شاء الله

بداية التصحيح إعادة كل لاعب لمركزه الأساسي وإعادة مشاهدة مباراة العين الوديه
للأسف الحل لمشكلة الدفاع موجود وسهل ولكن من يقنع سامي بعدم جدوى تغيير مراكز الاعبين
أتمنى ان يكون لدى سامي الشجاعه في ان يلعب بالشهراني ظهير ايسر وان يمنح البريك او البقعاوي فرصة المشاركه بالظهير الأيمن اذا لم يكن مقتنعا بالبيشي فقد ملينا من سياسة الترقيع وقتل موهبة الشهراني وهو ظهير ايسر باللعب يمين والفرج وهو وسط ايسر (يفكنا من هبوط مستوى العابد) ظهير اما المسلم فانا ايقن انه ليس بأفضل من المرشدي وقلتها سابقا واعيدها مع كامل الاحترام للجميع ان نلعب حتى بدون ظهير ايمن افضل من ان نخسر الظهيرين ونقضي على مستوى لاعبين وفريق
أيضا الفضل جيد ان لم يقتنع سامي بالغنام والقرني .... شكرا

والله مافيه لاعب اربك الدفاع الى المسلم يرجع الكور ويرجع ويرجع ويرجع والسديري المرجوج
غير ذلك هذي مباريات ديربي لك يوم ويوم عليك قد تفوز بصعوبه وقد تخسر بصعوبه

السديري اهداهم النقاط وفتره التوقف اثرت على الفريق

اهلا بك


اتفق معك بما ذكرت وطرحت

فكر راقي وطرح مُفيد


اتفق بشده مع ما ذكرت هنا

على سامي ان يجرب لاعبي الاولمبي والشباب في الخانات التي كثرت بهاالاخطاء كقلبي الدفاع والاظهرة وحراسة المرمى وليتذكر انه برز عندما اعطوه الفرصة مع نجوم كبار وهو صغير السن



دمت بود

إقتباس الرسالة الأصلية كتبت بواسطة عاشـ يـ 20ــاسرــــق اشكرك على هذا الطرح المميز والقراءة الصحيحة 100% واتفق معك تماماً بمضمونه وعنوانه . الخلل واضح واتمنى معالجته خلال فترة التعاقد الشتوية بجلب مدافع صخره واثق من نفسه . بإذن الله تكون خيره للزعيم ولقاح نحو الفوز ببطولة الدوري .

خللك من الصخور ذلحين لو تبي صخره بعدين جبها خل اللاعبين فحالهم .........
الي دمر الهﻻل شي واحد وقلته بصراحه وانتم مكابرين ﻻتقولوه بس انا اقوله

النادي الاهلي هو السبب في تدمير الهﻻل ...... اخذ الهوساوي واضعف دفاع الهﻻل ..... وراح يمد النصر بﻻعبين ....وكمان تنازل عن مفوضات الشهري لعيون النصر ..... آه بس يابو كلبشه راحت ايامك ......الاهلي هو السبب هوالسبب الي كلنا عارفينه ونكابر عشان مانقوله ...... رحيل هوساوي سبب ازمه للهﻻل بالدفاع وهذه الحقيقة التي تبكيني كل ماشاهدت دفاع الهﻻل بهذه الصوره .....سامحوني بس حبيت افضفض بالي في قلبي ويعورني من الاهلي وخطفه للهوساوي .....يعني لو رفعنا العرض لاسامه ماكان احنا بهذي البهذله بالدفاع .....

لحظه يابو الشباب عﻻ ايش طرح مميز .......
عشان جالس يتهكم بﻻعبين الفريق .......ﻻ وبعد هﻻلي مميز حاطين لك ...
خﻻص ياشيخ تتكلم عن ابعاد وتغير في الوقت هذا ....
ياخي حرام عليك ترا اللاعب بشر وله اخ واب وام جالسين معك بالمنتدى يوصلو ردود افعالكم له بدون شك .........

إقتباس الرسالة الأصلية كتبت بواسطة الحلم لازرق اليوم لفت نظري ارتباك لاعبين الهلال بشكل رهيب السديري وعارفينه من صار اساسي وهو مرتبك اما الباقي لييه الارتباك !! ترى النصر 11 لاعب وأنتم 11 لاعب !! الناحيه النفسيه للاعبين اثرت اليوم ع لاعبين الهلال بشكل كبير وساهمت بالخساره والمستوى الهزيل السديري اصبح محور من كثر مايوزع كور للدفاع وترجع له ! ي كوتش انت قدها واهديت الهلال هجوم ناري لكن مافي اي مشكله ولا هو تقليل منك ي الاسطوره لو تجلب مدرب خاص بالدفاع لتنظيم الدفاع مع التخلص من السديري وجلب فهد الثنيان بالشتويه

ياخي وش هالعقليه كيف جيب مدرب للدفاع من جدك انت ......تمدح ساعة بالمدرب وترجع تمسح به الارض وش هالكلام .........

خﻻص اخطأ السديري بيتعلم من خطاه والسديري حملتوه فوق طاقته انا استغرب هل انتم هﻻليون ام مندسون

كان بالامكان أفضل مما كان لولا خطأ السديري بالوقت القاتل !!

خير والحمدلله على كل حال ,, سـامي لابد انه يركز بتنظيم الدفاع صح
ووضع السديري بالدكه وتغييره بالسبيعي ..
وان شاء الله يتم جلب مدافع صلب بالفترة الشتوية لانه بجد مااحس عندنا مدافع قمـه ويعتمد عليـه ..

ان شاء الله نثق بعودة الزعيم في المباريات المقبلة وتعثر النصر
الهـلال يمتلك ثقافة العوده سريعاً والحمـدلله
لأنه بطـل ويجب علينا ان نكون مع الفريق ونجومنا وسامي قلبــاً وقالبــاً
وشكـراً لك أخوي على موضوعك وملاحظاتك اللي بمحلها

فعلا سامي مدرب محترف ويجب مناقشته .. اليوم اشباح في الملعب وليس لاعبين

إقتباس الرسالة الأصلية كتبت بواسطة عذب السجايا مرورك الاجمل وحظ اوفر اخي الكريم اغلب هجمات النصر لادخل للمحاور فيها كرات طويلة مع ربكة وخرشة دفاع ورجة وتسرع حارس مرمى وهدف او هجمة خطيرة المحور مهم لاي فريق لكن لو عاد دونقا كابتن البرازيل السابق في قمة عطاءه وجاء للهلال او ( رادوي ) امام الدفاع الحالي فلن يفعل شيء اخطاء تتكرر كل مباراة وبنفس الطريقة تدل على انهم لايملكون الموهبة ولا الحس الدفاعي فلوكانت مرة او مرتين لقلنا ظرف معين لكن التكرار بهذه الطريقة ليس لها الا معنى واحد هو ان فاقد الشيء لايعطيه لا الكوري ولا المسلم ولا المرشدي هم ضالة الهلال

كانك تتفق معي بما ذكرته آنفا ولكنك تكابر ان تقوله كما كنت انا اكابر مثلك وهو

ان النادي الاهلي هو السبب في تدمير الهﻻل ...... اخذ الهوساوي واضعف دفاع الهﻻل ..... آه بس يابو كلبشه راحت ايامك ......الاهلي هو السبب هوالسبب الي كلنا عارفينه ونكابر عشان مانقوله ...... رحيل هوساوي سبب ازمه للهﻻل بالدفاع وهذه الحقيقة التي تبكيني كل ماشاهدت دفاع الهﻻل بهذه الصوره .....سامحوني بس حبيت افضفض بالي في قلبي ويعورني من الاهلي وخطفه للهوساوي .....يعني لو رفعنا العرض لاسامه ماكان احنا بهذي البهذله بالدفاع .....