حارس مانشستر سيتي (جوهارت) وعلاقته ب السديري ..
 

بسم الله الرحمن الرحيم


قدر الله وما شاء فعل .. وهارد لك للكيان الازرق

الفريق امس علامة استفهام كبيره للاسف .. العيب الاكبر بالمنظومه وليس الافراد باستثناء السديري

فلذالك حبيت اوضح انه مو عيب اذا اخطأ شخص مقتنع فيه انت انك تتنازل عنه وتركنه احتياط

http://store1.up-00.com/2013-11/1385441271761.jpg

http://store1.up-00.com/2013-11/1385441271862.jpg

ولنا مثال بمدرب مانشستر سيتي التشيلي (بلغريني) كيف تعامل مع حارس منتخب انجلترا (جوهارت) فالحارس اخطأ مره ومرتين وثلاث وتتكرر نفس الاخطاء فما قدامه حل الا انه ركنه احتياط واستعان بالحارس الاحتياطي اقل منه مستوى بكثير

هذاا اللي لازم يتعامل معه سامي من اول الموسم يجامل السديري والعابد ويرفع معنوياتهم وهم سيئين لاكبر درجه للاسف..

..

وبالنسبه لباقي المباراة اشوف سامي اخطأ بتهيئة الفريق نفسياً اول شيء واخطأ بتباعد خطوط الفريق فشفنا كيف الدفاع بعيد عن كاستيلو وهرماش والمحاور ايضا بعيدين عن وسط الملعب وناصر وهذا اللي سبب ربكة الدفاع وكثرة الاخطاء بالتمرير بالخلف


كلنا معك سامي بالحلوه والمُره ونتمنى تتعدل الاخطاء ونرجع لسكة الانتصار من مباراة الشعله القادمه فخسارة ديربي وثلاث نقاط ليست بالمعضلة الكبيره .. نثق فيك يالكوتش

أنا ضد المعسكرات القصير ألتي تتخلل فترات التوقف ماغير تزيد الأرهاق والتنقل والسفر مرهق حتى لو دولة قريبة وتعرف ربعنا وارتباطهم العاطفي بعوائلهم

هذي نقطه ثانيه بالنسبه للمعسكرات .. بس كان بطلب من سامي يعني كان يشوف ان الفريق بحاجة المعسكر

باعتقادي مانحكم على نجاح المعسكر ولا فشله من مباراه وحده وديربي ..

السسسسسسسسسسسسسسسسسسسسسسسسسسسسسسسسسسسسسديري : ( الهلال اكبر منــه ):

سيء سيء سيء سيء سيء , مراح يتطور ابدا ابدا ابدا .. , بعدين من بداية الدوري نفس المستوء ياخي احس مافيه احد من الجهاز الفني يجلسسسس يلومه او يعلمه اخطائه تحسهم يمشون الوضع معه على طول على انك افضل , ..

الي يرفع الضغط انه يقول ان اللاعبين خذلوه ياعمي انت خذلتنا من الجوله الأولى بس نجاملك لعل وعسى تتحسن
اضعف فريق بدوري الدجه الثانيه لو يلعب مع الهلال يعرف كيف يسجل كوره طويله يضرب العمق السديري يطلع والمهاجم يسحب فيه ويسجل فما بالك بمدرب داهيه مثل كارينيو
كل جوله الاهداف الي تدخل السبب فيها السديري اولا والدفاع ثانيا
انا بصراحه احمل سامي الخساره لأنه هو الي حط التشكيله وسوى الخطه هذا اذا بالأساس كان فيه خطه
ما ادري الفريق يلعب مع الأطراف او مع العمق او هجمات مرتده تحس انه حط التشكيله وقال العبو وزي ماتجي تجي لا قراءه خصم ولا لعب ع نقاط الضعف ياخي انت شايف ان عمق الدفاع النصراوي قوي خصوصا ب3 محاور العب مع الأطراف وركز ع خالد الغامدي
اتمنى انه من المباراه الجايه يرجع الشمري للحراسه ويعطيه فرصه مثل ابو الشباب واتمنى يرجع البيشي مكانه او يلعب الدعيع بالظهير الأيمن ويرجع الشهراني يسار خلاص لمتى التجارب 10 جولات مو عارف يسوي خطه والله ان توماس دول افضل منه ع الأقل نحس بمتعه خصوصا بالمبارايات القويه

السديري بداياته بالهلال كانت تبشر بالخير .. والمواسم الاخيره كان يجتهد ويكافح لان شراحيلي كان ينافسه وبقوه

هالموسم الرجل ضمن الخانه وحط رجل على رجل قام يستهبل ويلعب بمشاعرنا مع احترامي

طفح الكيل منه

لا ماخذلوه اللعيبه ولا شي السديري اخطأ لين جت الضربة اللي توجع وبسببه .. واتفق معك بمسالة ارجاع البيشي خلاص لازم يرجع يعتمد عليه سامي والشهراني يرجع يسار

سامي فهالمباراه ايضا اخطأ فيها مثل مباراة الرائد

لكن ان شاء الله ترجع الامور لصوابها ويرجع الفريق لوضعه ويتحسن بقادم الجولات

كرم جوهارت

حرام حتى تحط مقارنه

السديري لاعب عمره صغير وخبرته قليله جدا والحارس يحتاج للخبرة اكثر من باقي اللاعبين
والمستقبل قدامه ومن الخطأ الاعتماد عليه اساسي في هالوقت
وفي هذا العمر لان كذا سنخسره من الان والمفروض سامي ينتبه لهالنقطه

حاس بغبنتك .. هارد لك صديقي

بارجال خلنا من الدبلوماسيه شوي .. ليه العنزي شايب ولا خالد شراحيلي الموقوف شايب ؟

كلهم صغار بالسن ومبدعين

السديري بالعربي مو مهتم بنفسه ولا عنده نيه هالموسم

الله يعين ،
الوسط والهجوم تمام ،
اما الحارس كل هجمة تخاف تجي هدف
والدفاع عندهم ثقة يتناولون عند الباب وكل واحد أسؤا من الثاني
معقولة ١١ هدف من عشر جولات
وحتى الاحتياط سيئ نفس مستوى الدفاع والحراسة يعني مالنا إلا السديري لين يجي شراحيلي وربك يفرجها

الدفاع مثل ماقلت الخلل بالمنظومه مو بالافراد لان كل الدفاع كلهم نفس الاخطاء

والسديري زود الطين بله للاسف