|
بعقلانية وهدوء .. ليش خسر الهلال وايش الحل ؟ تحية إلى كل الزعماء ... اول شي هارد لك لنا ع هالخسارة الي باذن الله تكون اخر خسارة وحافز للفريق للرجوع للصدارة ... لكن انا شفت تعليقات وأراء بعض الجمهور ع الخسارة وشفت منها العقلاني والمنطقي وشفت العكس الإنفعالي والعاطفي ... ف حبيت بختصار اطرح رأيي لكم عن المبارة >< أنا اشوف ملخص المباراة "هذي تحديدا" أن لاعبي الهلال إجمالا كانو خارج الخدمة ولم يقدمو جزء من مستواهم الحقيقة .... طبعا فيه لاعبين هم خارج الخدمة من قبل هالمباراة ويرتكبون أخطاء ساذجة وقاتلة من بداية الدوري لكن كانت الامور ماشية بالبركة وظهرت بشكل ملحوظ في المباريات الكبيرة كــ الإتحاد والأهلي واليوم النصر ، وهم تحديدا متوسطي الدفاع والحارس (واعيدها الف مرة مع الحارس هذا بالذات حطها مليون خط احمر) .. ياخي ليش المكابرة الحارس شخص محترم ولطيف والف نعم فيه لكن امكانياته والله جدا ضعيفة ولحد يجيني يقول لا الحارس خامة كويسة بس يحتاج مدرب حراس كويس :ranting: .. (لا) الحارس إمكانياته جدااااااا متواضعة ، وليس لمستواه الحالي الضعيف أي علاقة بمدرب الحراس ،، يعني انا اكيد مقر باهمية دور مدرب الحراس الكفؤ ، لكن هذا لما يكون عندنا حارس حليو وجيد ويخطي اخطاء بسيطة ويحتاج من يوجهه .. ياخي الحارس السديري هذا يخطئ أخطاء ساذجة لايرتكبها لاعب ناشئ والمصيبة يكررها !! وقالوها الدعيع اسطورة الحراسة والمحلل الفذ الشنيف عن السديري انه يرتكب اخطاء قاتلة وساذجة وتافهه تدل على ضعف امكانيات .. طبعا كملوها عاد الدفاع الحديدي حقنا الكوري والمسلم والمرشدي سابقا .. الوضع في الهلال على مستوى الحراسة وخط الدفاع مخيف جدا ولا ابالغ ابدا .. هذا وضعنا ف الدوري وكذا محد ينافسنا الا النصر ، اجل كيف لو الإتحاد ف عزه والشباب مولع !! وكيف لين لعبنا ف آسـيـا ؟؟ آآآآآه بس وينك يادعيع! :cry: الدفاع والله كله يبي له تغيير شد بلد ، حتى الأظهرة مش ولا بد عندنا مشي حالك يالله تهون مع بلاوي السناتر والحارس الكارثي ... انا ماني متشائم مع بقية لاعبي الهلال مثل بعض الإنفعاليين الي عند اول خسارة يقول اكرش الفريق كله والمدرب ! بالعكس ع مستوى خط الوسط والهجوم الوضع جدا مريح ومطمئن بالرغم من الانخفاض الطبيعي والي يحصل احيانا ف مستوى بعض لعيبة الوسط مثل سالم والعابد .. لكن بشكل عام الوضع جيد ، بإستثناء المحور كاستيللو الي اشوفه مهو فارق مع الفريق او مسوي إضافة حقيقية ف مركزه ك لاعب اجنبي! الزبدة .. انا اشوف الحراسة والسناتر لازم يتغيرون ،، فيه حل مو معقول نقول هذا الي عندنا وخلاص بـ تعدلون ان شاءالله ف المستقبل ..الحل موجود (الحافظ المحترف ف البرتغال) ليش جايبنه ب ٩،٥ مليون ريال اجل ؟؟ ليش مايلعب ماراح يجي اسوأ من الباقين بالعكس من مسيرته بين انه لاعب واعد .......... يعني >> الهلال مفروض يضبط وضعه فالمباريات القادمة ويستغل السوق الشتوية لجلب قلب دفاع اجنبي بدل الكوري يلعب مع الحافظ وخلفهم الحارس السبيعي (او شراحيلي لو عاد) بالإضافة إلى جلب محور اجنبي مميز بدل النايم كاستيللو ، وبكذا انا اشوف وضع الفريق ان شاءالله افضل بكثير |
المحترف الكبير اللي يدابك وماتدري وش مركزه كابتن خرباش قصدي هرماش محترف مضحك !!!!!!!! |
أولا انا على قناعة ان هرماش ماهو اللاعب الفلتة في مركزه ولايجي نص رادوي ... مانختلف ، لكن صدقني هرماش لو كان معه محور صاحي زي الناس بتشوفه احسن بكثير ... عموما انا مدري ليش مركز لي ع هرماش ومخلي الحارس الكارثي والدفاع المهلهل! |
السلام عليكم هاردلكم يا زعماء مجمل الكلام اخطاء فردية استغلها النصر وروح اللاعبييين (صفر)داخل الملعب نتمنى من الكوتششش سامي تصحيح الاخطاء |
للاسف المجاملات تلعب دور في نادي الهلال للاسف جاملنا سامي ونبغاه يتعلم التدريب على حسب الكيان عشان كذا لازم تذوقوا الخساير النصر طبق طريقة الرائد وهزمنا ترى اللي يتكلم على المسلم والكوري ترى مو ذنبهم اذا ماعندهم مدرب صاحب تكتيك للاسف كل كورة من حسين عبدالغني خطره علينا وسامي شاهد ماشفش حاجة واكبر مثال على ذلك : الهلال ايام العجلاني كان ينهزم بالخمسة والدفاع شوارع ولما جاء بعده المدرب البرازيلي باكيتا حقق الهلال البطولات وصار اصعب دفاع السديري والمفروض يرجع للدكه ويلعب السبيعي واتمنى ايجاد مدرب حراس كويس مشكلتنا في المدربين |
تباعد خطوط الفريق امس امر محير فراغ كبير بين الدفاع والوسط وضعف وبين المحاور والاجنحه ونيفيز , وناصر طبعا كان معزول لحاله ولاننسى انه كان فيه حارس طفل انا اسف للكلمه لكنه طفل من اول الموسم وسامي يسلك له ويسانده مركزك حارس مو ليبرو مع كل انفراد ولا كورة بتطلع ياشيخ امر مقرف السديري امس الدوري لازال طويل اتمنى من سامي يراجع حساباته وبالتوفيق للازرق |
السديري من بعد مباراة امس اشوف انه ما يستحق يلعب اي مباراة اساسي الكويس فيه انه صغير يعني فيه امل انه يتحسن بشرط ان يدربه مدرب حراس مخضرم لان اغلاطه بصراحة غريبة. دايم يتقدم بتوقيت سيئ جداً واللي ينتقدون المسلم والله انه ممتاز وله مستقبل كبير بس شوفوا كم مره نكبه السديري وتقدم الفتره الشتويه لازم نتعاقد مع ظهيرين ومحور محلي ونتخلص من احد المحاور الاجانب ونستبدله بصانع العاب عنده حلول فرديه زي التون جوزيه . نيفيز ممتاز بس تحت الظغط يختفي |
هاردلك للزعيم وجمهورهـ الأوفياء |
إقتباس:
بصراحة غريب كلامك يعني في الهدف الأول سامي هو اللي قال للمسلم انه يرجع الكورة للحارس بالطريقة اللي جا بسببها الهدف الأول !!!؟؟؟ ولا الهدف الثاني تتوقع ان سامي هو اللي قال للحارس انه يطلع من مرماه بهالطريقة الغبية ويكسر لاعب النصر !!!؟؟؟ بصراحة كلامك غريب .. اتمنى ما تتحامل على المدير الفني للفريق بهالطريقة وخاصة اننا بوسط الموسم والجميع يحتاج لدعم الجمهور سواء كان اللاعبين أو المدير الفني |
*الحارس مافيه احد ينافسه على المركز ولذلك نشوفه بذا المستوى التعبان .. *يحيى المسلم ظلمه سامي يوم لعبه مباراة نفسية من الدرجة الاولى ولاتعتمد على التكتيك .. المفروض ينزل المرشدي مكانه حتى لو كان المرشدي اسوء منه .! *كاستلو من اول ماجا وانا ماقتنعت فيه ولا زلت اقول ان الغنام افضل منه لو يلعب بنص رجل .. *العابد خمس مباريات الى الان مستواه من سيء لاسوء والسبب غير معروف يبيله ينرك على الاحتياط الين الله يسهل. سالم الدوسري يفترض ينزل الشوط الثاني ويكون الشلهوب متواجد الشوط الاول لانه مجهد وهدوا حيله في المنتخب ولذلك معذور لو ماقدم شي في المباراة. .. بشكل عام الفريق امس كله نازل مستواه وطبيعي يكون المستوى نازل طالما ان فيه لاعب قتل ام الفريق بالدقيقة 6 من الشوط الاول ولخبط اوراق الفريق صار الضغط من بداية المباراة . .. هاردلك للهلال والهزيمة مهب نهاية المطاف .. ونذكر يوم يفوز النصر علينا اخر مره (العصر) في النهاية الهلال اخذ الدوري . |
عن نفسي من الموسم الماضي وانا ضد الحارس عبدالله السديري وطلعاته الطفولية اما عن الدفاع فحدث ولا حرج !!! سامي الجابر يتحملها كامله وهو المسؤول على مايحدث من تخبطات و استهتارات وعدم الاهتمام بالهلال .. يكفي مجاملات على حساب الهلال ,, الهلال اهم من سامي و السديري و الدفاع الفاشل الطفولي . |
إقتباس:
وبعدين أبي أفهم كيف جاملنا سامي ؟! هذا هو ما شاء اللهـ جاب البطولهـ الوديهـ اللي لعبها ~ وفاز فـ 7 مباريات ومن ضمنها ع منافسينهـ التقليدين مثل الإتحاد والشباب وبنتيجهـ تاريخيهـ وتعادل مع الأهلي .. وخسارتهـ مباراهـ أو مبارتين ما يعني إننا ننسى اللي سواهـ قبل !!! جاوب كيف جاملناهـ ع حساب الكيان ؟! مب هو راح لأوروبا وأخذ خبرهـ بالتدريب ... مب هو اللي شهد لهـ الداهيهـ جريتس بـ إنهـ مدرب من طراز مميز وذكي !!! ولا بعد هذولهـ جاملوهـ بس ع حساب إيش هالمرهـ ؟!!! أعيد وأكرر اللي يحمل سامي فقط الخسارهـ عن نفسي أشكـ بهلاليتهـ ~ لان ما في هلالي عاقل ووفي يتهم سامي ويندم إنهـ درب الهلال !! بـ اللهـ مين اللي يلعب بالملعب سامي ولا لاعبينا اللي ما ندري وين اللهـ قطهم أمس ؟! سوا اللي عليهـ كمدرب وأعطاهم الإرشادات .. مشكلهـ اللاعبين اللي طبقوا الكلام !!! سامي من المستحيل إنهـ يتعمد خسارتهـ من النصر لأن عارف إنهم ما رح يرحمونهـ بـ الضغط عليهـ .. و بـ إذن اللهـ هالضغط رح يتحول لصالح الهلال ~ فـ فكرنا كل ساعهـ قالين الهلال يجامل سامي !! اللي يقول الهلال جامل سامي يعطني دليل مقنع مب بس كلام !!! عواافي ع الطرح ~ |
فعلا فرق بين المدرب الحافظ والمدرب الفاهم : احد يقتنع بالسديري والا الدفاع المتهالك . |
إقتباس:
صدقت .. من الظلم رمي الخسارة على سامي وتحميلها له بالرغم من كوارث السديري والسناترة الي شفناها .. يمكن عشان نكون منطقيين كمان ومنصفين نقول صحيح سامي يتحمل مسؤلية إشراك الحارس الضعيف والمرتبك السديري بدل السبيعي .. لكن اعود واكرر لو تجيبون مدرب حراس يوفنتوس ولا تشلسي ماراح ينفع مع السديري نهائيا ، لأنه ببساطة هذي امكانياته ليش نحاول نسلك ل بعض ونلعب على أنفسنا ونقول لا الولد كويس وخامة جيدة !!! ياعمي اي خامة واي كويسة .. ليالي العيد تبين من عصاريها والله من تشوف اصلا وقفته ف الباب وطريقة خروجه للكرة تعرف انه ماهو حول الحراسة ... ماودي اقسى اكثر لكن والله السديري مهو مكانه الهلال ، يعني ممكن الشعلة ولا النهضة يجي |
ياعمي بلا الحافظ بلا خرابيط والله انه مقلب شفت له مباراه مع الأولمبي ضد الأتحاد انه نكبه لانكذب ع بعض ياخي اسامه المولد وكريري فرصتنا حاليا ومافيه غيرهم لازم الأداره تتعاقد معاهم وتصرف الكوري وتجيب مكانه قلب دفاع زي العالم والناس ويغيرون كاستيلو بجناح ايسر او ظهير ايمن ويرجع ياسر الشهراني مكانه يسار والعابد يدفي الدكه لين يتربى ويعرف ان النادي اكبر منه وثاني شي لازم الشمري ياخذ فرصه او السبيعي رغم اني مني مقتنع بالسبيعي لكن افضل من السديري الله يعلن الواسطات بس متى تجي الخصخصه الي لهم سنين وهم يدرسونها وماخلصو لعل وعسى يمسك النادي واحد مايجامل ويفكنا من اشباه اللاعبين وسامي مايبغى يعترف انه اخطأ يقول اللاعبين خذلوه !!! ياخي انت خذلتنا قبلهم 10 جولات وانت عارف ان الدفاع والحراسه ابوكلب ولازلت تكابر لمتى لا ويقول الهزيمه راح تكون انطلاقة الدوري يارجال لو استمر النصر ع مستواه راح عليك الدوري مثل الفتح العام الكل استهان فيه وطار بالدوري وخلك انت يالي تكابر بدفاعك وحراستك السيئه من سنتين وحنا نطالب بغير السديري وتغيير الدفاع |
| الوقت المعتمد في المنتدى بتوقيت جرينتش +3.
الوقت الان » 05:08 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd