|
خاص : السبب الرئيسي للخساره ,, الخلطه السريه لعودة الزعيم الملكي افضل مما سبق ,, ادخل وشوف واللي متشائم ضروري يدخل .. ! بسم الله الرحمن الرحيم .. هارد لكم ياملوك والعوض في المباريات القادمه .. رآآح اختصر عليكم الموضوع .. اتوقع نحن كجمهور نحتاج للواقعية كثيرا حتى نسير بالفريق للأفضل .. فـآلكل اصبح يرمي بالسبب الى هنا وهناك واختلفت الاسباب واتفقت في حاجة الفريق لحآرس افضل في المرحلة الحالية حتى يتعلم السديري من اخطائه .. خلاصة الموضوع .. السبب في خسارة الفريق اليوم يتمثل في عدم ظهور بعض اللاعبين بمستواهم المعروف مما تسبب في اعاقة الفريق بأكمله الا في بعض الفترات رأينا الفريق يتحسن نوعا ما .. نواف العابد .. سلمان الفرج .. خارج التغطية تماما مما ساهم في شل الجهه اليسرى بأكملها وهذا يؤثر على الفريق كـ كل والقدر اراد انهم يكونون في جهه واحده .. مثال بسيط لو اجيب لك لاعب " أعرج " هل سيظهر بالمستوى المطلوب .. الا اذا لعب على الواقف واستخدم قدمه السليمه من الممكن ان يؤدي نسبه بسيطه بالتمرير فقط .. ( هذا ماكان عليه الفريق ) .. كلما اراد الفريق ان يقف على قدميه ظهر لنا نواف وسلمان الفرج بأخطاء قاتله وبدائيه تحبط اللاعبين الآخرين وارجعوا للمباراه .. من الممكن ان يتسآئل احد عن انه لا يمكن ان نحصر فشل الفرييق في لاعبين .. اقول له الديربيات تلعب على جزئيات بسيطه ونفسيه .. فضلا عن الخطأ الذي حدث بداية المباراة من الدفاع .. لكن عاد الزعيم لشيء من مستواه واستحوذ على الكره لكن كما ذكرت سابقا بعض اللاعبين خذلو الفريق .. ناصر الشمراني ايضا لم يقدم المأمول في الشوط الأول وحدث اكثر من سوء تفاهم بينه وبين سالم .. في النهايه اقول .. من الخطأ ان نرمي بالهزيمه ونعطيها مجالا واسعا حتى شملت جميع اللاعبين الأجانب .. نحن نعرف مستوى فريقنا الحقيقي وانه لم يظهر بالصوره المطلوبه .. لماذا كل هذا الجلد من " البعض " .. اعتقد من وجهة نظري الحل هو .. جعل ياسر الشهراني في الظهير الايسر وسلطان البيشي في الظهير الأيمن .. وادخال عبدالعزيز الدوسري بدلا للعابد الذي لا بد ان يوضع على دكة البدلاء حتى يراجع نفسه .. والابقاء على يحي المسلم ومع تغير الاظهره سيتحسن الكبتن يحي كما امتدحناه سابقا واذا لم يتحسن هناك عبدالله الحافظ ينتظر الفرصه .. في النهايه ما احببت قوله ان الحلول موجوده ولا خوف على الزعيم وهذي اول مباراه بعد التوقف والوقوف مع الفريق على الحلوه والمره مطلوب ... وانا اراهن ان الزعيم سيكون له شأن |
احسنت لا اعرف مالسبب في ترك هرماش لمركزه والذهاب للهجوم لازم نقف مع فريقنا وعدم التجريح للاعبين تحياتي |
سامي يحتاج للخبره والغلطات راح يستفيد اكبر غلطه بالفريق اليوم دفاع الفريق يرجع الكوره للحارس والحارس مرتبك والمدرب ومساعده ماينبهون على هالشي ياليتك تركز على الشوط الاول وتقتنع ان الفريق غائب ولم يعد ذهنيا ولا نفسيا للمباراة حتى التمرير اللاعب مايعرف يمرر الكوره الصح واذا انظلق بالكوره سقط الاخطاء لابد ان يتلافها سامي ولابد ان يركز سامي ويستفيد من الاخطاء |
والله انك رهيب وتحليلك منطقي جدآ بس ترا السديري كب العشاء كالعاده وش المانع ما يحطون الحارس السبيعي الي شروه من الاتفاق ؟ |
بداية التصحيح إعادة كل لاعب لمركزه الأساسي وإعادة مشاهدة مباراة العين الوديه للأسف الحل لمشكلة الدفاع موجود وسهل ولكن من يقنع سامي بعدم جدوى تغيير مراكز الاعبين أتمنى ان يكون لدى سامي الشجاعه في ان يلعب بالشهراني ظهير ايسر وان يمنح البريك او البقعاوي فرصة المشاركه بالظهير الأيمن اذا لم يكن مقتنعا بالبيشي فقد ملينا من سياسة الترقيع وقتل موهبة الشهراني وهو ظهير ايسر باللعب يمين والفرج وهو وسط ايسر (يفكنا من هبوط مستوى العابد) ظهير اما المسلم فانا ايقن انه ليس بأفضل من المرشدي وقلتها سابقا واعيدها مع كامل الاحترام للجميع ان نلعب حتى بدون ظهير ايمن افضل من ان نخسر الظهيرين ونقضي على مستوى لاعبين وفريق أيضا الفضل جيد ان لم يقتنع سامي بالغنام والقرني .... شكرا |
السبب واضح من بداية الدوري ليش المكابره قلبا الدفاع والحارس وهرماش لا يستحقون بالتشكيله الاساسيه ودائماً تتكرر الأخطاء بهذا الأسلوب |
صح لسانك ما عندي زود على كلامك . |
يوجد لاعبين لا يستحقون اللعب للزعيم السبيعي احتياطي للسديري ياللعجب |
السديري ويحيئ المسلم ورب الكعبة مكانهم مو بالزعيم. |
إقتباس:
والسديري من العام غاسلين يدينا منه بسس ماحد هامه الفريق قد ماهمتهم المجاملات وش سبب اصرار سسامي على المسلم والفرج ! كاستيلو ! لو يلعب القرني افضل يلعب الشهراني يسار ويلعب البيشي يمين ويلعب الدعيع قلب دفاع مع الكوري والله يعينا يلعب السبيعي بالحراسه يمكن يكون افضل من هالححارس ! سسامي احيانن يخمبق المفروض التشكله من اول كذا >> السبيعي هوان المرشدي ولو انه نكبه بس الشكوى لله افضل من المسلم الشهراني والبيشي سالم والشلهوب وتياقو وناصر القرني وهرماش |
اختصاار الموضوع المسلم والسديري نكبوهااااا مراح يزبط الحال الى بجلب مدافع عمر هوساوي والمولد فرصه متاحه للهلال وحارس ي العويشير ي الكسار ي الرويلي الحين الشهراني يرجع ظهير ايسر والبيشي ايمن والسبيعي حارس واتمناا يوسف السالم ياخذ مكانه بدال ياسر |
ارى مشكلة الهلال تكمن بالدفاع وللأمانة اليوم كان النصر افضل من الهلال بكثير دايم هكذا حال كورة القدم بس لابد من العمل الجبار في إصلاح الأخطاء لتكوين فريق متماسك للبطولة الآسيوية |
| الوقت المعتمد في المنتدى بتوقيت جرينتش +3.
الوقت الان » 12:20 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd