كل شي كان كوسي الا الحارس والدفاع المسلم نكبنا بهدف والسديري نكبنا بهدف والكوري نكبه ايضاء يجب تغيير الكوري وتعين مدافع خارج اسيا وتبديل المسلم با المرشدي والسديري بدل السبيعي وانا اضمن لكم الدوري واسيا ونسيان الحارس اذا امتلك احد لاعبينا الكره بعدم ترجيعها اليه وتغير ايضاء الفرج بدل الشهراني ومركز الشهراني الحالي تعيين فيه البيشي لازم نعطيه فرصه

1-هـرمــاش ثـم هــرمــاش ثــم هــرمــاش ... هو العله المزمنه... إحراج للدفاع( ولا مره استلم من الدفاع كوره عشان يبني هجمه) تعطيل للهجمات ( اذا فيه هجمه مرتده للهلال عطل اللعب ورجع الكوره للخلف) دولي ولايعرف ينظم الوسط . 2- سامي ..بعد ماتعبوا لاعبين النصر بدل تبديلات اراحت لاعبي النصر(مدرب النصر نزل لاعبين سريعين بعد تعب اللاعبين)وين عبدالعزيز الدوسري 3- السديري الكلام فيه ضايع واللي حطه بالهلال اشد منه ضياع

رسالة الى سامي



هل ترى فايز السبيعي ام ماذا ؟؟؟؟؟؟؟؟؟؟؟؟؟؟؟

عندما يكون لديك حارس مرمى متمكن وشجاع ستجد دفاع قادر على تطوير نفسه وتصحيح اخطاءه والتاريخ القريب لدفاع الهلال يؤكد ان هذا المركز تناوب عليه الكثير من الاسماء ربما اقل امكانيات من الاسماء الموجوده لكنهم لم يكونو مشكله لا تجد حل كما يحدث الآن
مع السديري
العنزي حارس النصر لايقارن بعملاق آسيا الاسطوره(الدعيع) ومع ذلك خلق الفارق بجميع مباريات النصر باستثناء مباراه الاتفاق 2/2
هاردلك ازرقنا ومبروك لجارنا النصر
المدرب القدير سامي الجابر نحن معك وثقتنا في قدراتك لاتتوقف على مباراه او حتى بطوله دوري
تحياتي

تــــــــــــــــــــــــــــــــــبــــــــــــــــــــــــــــــــــــــــــــــون الـــــــــــــــــــــــــــــصراحـــــــــــــــــة

الهــــــــــــــــــــــلال لعــــــــــب مـــــــــــــبـــــــــــــــــــــــــبارة أمـــــــــــــــــس بـــــــــــــــدون (تـــــــــــــــــكــــــــــتيك)

ااااه ياسامي
المشكلة في دفاعات الهلال فقط
عيدو المباراة
دفاع جبااااان موعارف يخلص كرة سهلة

السلام عليكم

هاردلك الخسارة المتوقعة في ضل المستوى السي و فترة التوقف المتكررة لكن هذا مايبرر مستى الدفاع النكبة
صدقوني لو كان المرشدي و الزوري موجودين ماكان صار ذا الشي لكن مبارة مكتوبة ولابد لنا ان نرضى بالخسارة مثل مانرضي بالفوز وماهي نهاية مشوار والحمدلله علي كل حال

بعدين استغرب من اللي يهاجمون سامي ترى سامي سنة اولي تدريب يعني ماراح احكم عليه حتى سنتين بالتدريب وهي طبعا قليلة

المسلم طالبتوه بدل المرشدي وهاهو يبدع في الدفاع ارتباك زائد تمرير للحارس نكبة بكل ماتعنيه الكلمة
ماني عارف كيف اتعاقدنا مع ذا الكوري بس الله يستر من القادم

كاستيلو مايستحق ان يلعب مع الزعيم ذي 10 مبارة
نواف العابد لازم يتركن احتياط وعنده الشلهوب و عزوز

حلنا لابد نفعل هاشتاق ونطلب كريري والمولد
كريري افضل بكثير من كاستيلو شوفو مستواه مع المنتخب بس حرام مانتعاقد معاه حل جذري للدفاع النكبة
المولد لاحد يقول كبير في السن واصابته والله لو ناديه يقدر يعالجه كان عالجه في افضل مستشفى ولو جا للزعيم راح يتغير وراح تشوفن ابداع ومافي خوف ولا اهتزاز وقوة ولا الهدف الاول امس والله مايجي الا من الخبلان

طيب تقولو ليش والحافظ وين راح راح اقلب المولد و الحافظ لازم يكونو في الدفاع منها كسب خبرة
ودفاع متماسك

اما كاستيلو و الكوري فمكانهم اوت اوت اوت
ونستفيد من ان نجيب مدافع افريقي او برازيلي ونجيب معاهم لاعب العين عموري

وسلامتكم

النصر والصداره " المحليه " !



بعد خروج الهلال من اسيا قالوا بالتحديد الهلال " نادي محلي " !


سنوات عديده وهم يحاولون على البطولات " المحليه " و عندما تصدروا اعتبروا
هذا " انجاز " < الحرمان و مايفعل !


الهلال بـ صدارة الدوري ؟ دوري جميل " ضعيف " !
النصر بـ صدارة الدوري ؟ دوري جميل " مثير وممتع " !


لماذا ؟ لانهم تعودوا دائماً في الصدارة " الهلال " وعندما احتل الصدارة
نادي اخر قالوا " ممتع "


الهلال انتصر ؟ دائماً وابداً " التحكيم " !
الهلال خسر ؟ لم يتكلمون عن " التحكيم " ابداً #ياساتر !

اخيراً : اذا خرج الهلال من اسيا قالوا فريق " محلي "
وعندما تصدروا دوري جميل " المحلي " جن جنونهم


#تناقض !
#حرماان_15_سنه


PIN:2ADC42BF
@Ghrbh_

بسم الله الرحمن الرحيم

السلام عليكم ورحمة الله وبركاته ي زعماء وزعيمات


* اول شي هارد لكم الخساره ولازال الدوري طوويل

* كثير من الجماهير الهلاليه بالمنتدى وخارج المنتدى اشوفهم حكمو على سامي الجابر انه مدرب فاشل (ومتدرب)
واظن اللي يحكم على مدرب من 10 جولات هذا انسان الكوره بوادي وهوا بوادي ((خاصه اذا كان المدرب يقدم مستوا وسامي فاز بالخمسه والاربعه على الاتحاد والشباب وهذي مو اي مدرب يسويها))

* نعم سامي غلط في مباراة النصر بس ان شاءالله تكون هذي قرصة اذن ويحسن وضع القريق مع قدوم الانتقالات الشتويه

* السديري مع احترامي الشديد له كشخص (( بس كلاعب حتى مع فريق حارتنا ماخليك تلعب )) كل الناس تتعلم من احطائها الا انت تزيد اخطاء

* المسلم مااخس من المرشدي الا انت

* سامي انت كابرت كثيرا بعدم اشراك السبيعي وهوا افضل من السديري بمليووووون مره

* سامي انت كابرت بعدم اشراك الحافظ وهوا افضل من المسلم والمرشدي ... اقل شي عطيه فرصه يلعب

* الشمراني اتمنى دعم هذا اللاعب اللي يقدمه للهلال شي كبير والجمهور اللي يقدمه لهذا اللاعب شي قليل جدا جدا جدا ,,, فهوا سجل قدام الاتحاد والاهلي والشباب والنصر ,, هوا يسجل ويصنع وبعلب بروح واصرار ولايحب الخساره ابدا ,, اتمنى دعمه من الامه الهلاليه

* العابد وقعت العقد واخت فلوسك وسحبت على الفريق ... اتمنى من سامي سحب اشارة الكبتنيه من العابد ,,, انا اعرف الكابتن اللي يوجه فريقه ويتناقش مع الحكم ويكون فيادي في الملعب وشخصيته قوويه ,,, اما العابد زاد وزنه ونزل مستواه ويلعب مباراه كامله ومانشوفه بالملعب

* مع كل الظروف الخاطئه اللي تصير من الكوتش سامي اتمنى ان ندعمه ونجي نهاية الموسم ونحاسبه على كل شي ,,, ي زعماء لاتعطون فرصه لجماهير الاصفرين والطحالب الهجوم على سامي فهذا مرادهم ,, سامي عنده شي كبير يقدمه للهلال ولكن يحتاج الدعم ,,, شفتو هجوم فيصل بن تركي عليه وهجوم جماهير الانديه الاخرى فلا تكونو مثلهم

الدوري لسى طووويل ويستطيع الهلال تحقيقه ومافي شي صعب على الزعيم وعلى سامي

* الكوره فوز وخساره واي فريق بالعالم لازم يخسر ,,, وان شاءالله تكون هذي الخساره خيره عشان تعدل اوضاع الفريق


** هذا مقطع للمعلق احمد الطيب وكلامه عن الهلال في مباراة يرشلونه امس

http://youtu.be/ZpOOrfhWGrg

ماهو رأيك في التنظيم الدفاعي للفريق ؟ وأيضاً ماهو رأيك بسرعة بناء الهجمه والارتداد للهجوم
بتعاون (خط الدفاع - خط الوسط - خط الهجوم) ؟ وهل ترى بأن المدرب وفق في التبديلات التي أجراها ..؟
-التنظيم الدفاعي فاشل بسبب تباطؤ اللاعبين وبرودتهم
-يجب ان يحظرون مدافع بدل الكوري ومدافع محلي صلب

ماهي أبرز السلبيات والإيجابيات التي دونتها على أداء الفريق خلال المباراة ..؟
-الحارس وكثرة اخطائه التي لا تعدل فيجب على المدرب ان يجعل الحارس فهد الشمري بديل له فهد حارس مبدع
- تباطؤ الدفاع

ماهو تقييمك لآداء لاعبي الهلال ، ومن هو اللاعب الذي ترى أنه كان من نجوم المباراة ؟
ومن اللاعب الذي ترى أنه لم يقدم المستوى المأمول ؟
نجم المباراة عادل هرماش
الاعب الذي لم يكن في مستواه العابد\

ماهي رؤيتك الخاصه عن المباراة (( مساحة حره للعضو ))؟
الهلال في مستوى سيىء جدا فيجب على سامي ان يصحح اخطائة

السلام عليكم صبحكم الله بالخير ... تمنيت هـ المواضيع تكون مطروحه من قبل عشان جمهور الهلال يبدي رايه الفني مابعد كل مباراه ....
بالنسبه لي انا أقول التوفيق بيد الله سبحانه اولا واخيرا والهلال بكل صراحه لم يظهر بربع مستواه المعهود عنه في المباريات السابقه ... وانا حللت هـ الاشياء لعدة اسباب ... السبب الاول أن الفريق لم يهيء التهيئة النفسيه الصحيحه وشفنا الارتباك الواضح طوال فترات المباراهه ... السبب الثاني ضعف منطقة الدفاع والحراسه وخصوصا وأتمنى من الاداره بما أن فترة الانتقالات الشتويه على الابواب انها تبحث عن بديل للكوري اللذي اتضح انه ضعيف في ارتداد الهجمات على مرمى الهلال بالاضافه للمدافعين السعوديين الموجودين في قائمة الفريق أتمنى تغير جذري لخطوط الدفاع وانا اقصد المسلم + الكوري + المرشدي + الزوري..... السبب الثالث أن مدرب النصر قرأ المباراه جيدا ولو ترجعون لشريط المباراه وتناظرون الشوط الثاني خصوصا بعد تغيير نواف العابد واشراك اللاعب محمد الشلهوب قام المدير الفني لنادي النصر بأشراك يحيى الشهري ... لأنه عارف ان محمد الشلهوب ضعيف في المنطقه الخلفيه .... والسبب الرابع هو عدم خبرة الكأبتن سامي الجابر في المجال التدريبي ابو عبدالله يبيله وقت على شان نحكم عليه واتمنى م احد يقسى عليه بهـ الفترهه نبي نسانده ونوقف بصفه ... والسبب الخامس هو تغيير سالم الدوسري اللي كان الفريق بحاجه لاختراقاته في الجناح الايمن المفروض بدل نواف العابد مايشرك محمد الشلهوب يشرك يوسف السالم ... ويخرج عادل هرماش اللي كان تايهه طول المباراه ويشرك محمد الشلهوب ... ونتذكر ايام كالدرون كان يشترك محمد الشلهوب في مركز عادل هرماش وكان ناجح بهـ المركز خصوصا ان محمد الشلهوب عنده اللعب باللمسه الواحده الي يقدر من خلالها الفريق فك اشتباكات الدفاع للخصم .... وبهـ الطريقه وبهـ التغييرات يتحرر كل من تياقو نيفيز وناصر الشمراني ... انا اشوف الكابتن سامي الجابر يخاف من المغامرهه في اكثر الاحيان ... ي كابتن سامي الخساره بواحد مثل الخساره بعشره ... المفروض حررت لاعبين الوسط من الرقابه باشراك الشلهوب لانه مهاري بدل من هرماش ... وانا مع الكابتن سامي باخراج نواف العابد لاكن المفروض بدل نواف العابد يوسف السالم لتمكن الاخير من الكرات الهوائيه وتحرير ناصر الشمراني من الرقابه والابقاء على سالم الدوسري الي كان مشغل الجه اليسرى بالاضافه بالتعاون مع الشهراني ولو تلاحظون ان ياسر الشهراني بعد تغيير سالم الدوسري ماشفناه يتقدم كثير وكان الفريق بحاجه لهـ الشي لان الكابتن سامي اخرج العنصر النشط الي هو سالم الدوسري ......

امنيه من الكابتن سامي الجابر .... السديري هذا مافيه حارس غيرهـ ؟؟؟؟؟؟؟

ومشكور اخوي على الموضوع اللي اكثر من رائع

لقد هرمنا وتعبنا ونحن صابرين على هذا السديري الى متى !!


بالمختصر كل مشاكل الهلال في هذا الحراس وهنا تتأكد المقولة الحاااارس نصف الفريق.