|
الفرق بين الهلال والاهلي المصري !! السلام عليكم ورحمة الله وبركاته (مدخل) بما ان الفترة هاذي فترة توقف خولنا نسولف ونتناقش بكل عقلانيه يا زعماء صراحة قمت افكر قبل كم يوم بالأهلي المصري نادي متوقف عندهم الدوري من سنتين وفوق كذا في 3 الي 4 لاعبين منهم راحوا اعارة لنادي انجليزي بالدرجة الاولى او الثانية اتوقع المهم كل الظروف التي تمر عليه ,, خطف بطولة دوري ابطال افريقيا السنه هاذي والسنه الماضية. وهذا درس لكل شخص يقول ان نظام البطولة الاسيوية من صالح الاندية الكورية او اليابانية لان الدوري عندهم يكون واصل عند اخر جولاته. وانا حللتها في نفسي, العزيمة والقوه والروح لا تعرف المستحيل واتمنى الادارة او اللاعبين يطالعون موضوعي. (شطحه) الهلال نادي جماهيري كبير, اتمنى من الادارة تطبيق الاحتراف في حذافيره, وذلك بأن يعطى كل لاعب شنطة حجم وسط يستخدمونها عن السفر ويكون لونها ازرق وابيض وعليها رقم اللاعب مثل الاندية الاوروبية, ويعطى كل لاعب لبس رسمي (بدلة + كرفته) بحيث يكون لون البدلة اسود والكرفته لونها ازرق وعلى جاكيت الكرفته شعار الهلال بشكل صغير. (مخرج) اتمنى من الإدارة الهلالية عمل أكادميات للهلال في مختلف مناطق المملكة وذلك في ( الوسطى الرياض) و ( الشرقية الدمام) و ( الشمال حائل ) و (والغربية جدة ) و(الجنوب نجران) بحيث يكون مبدئياً عمل خمسة أكادميات وتأخذ لاعبين من سن 7 إلي 10 سنوات بحيث لو تستخرج هذه الأكادميات 10 لاعبين كل سنه على مستوى عالي جداً ويتم تحويلهم وتسجيلهم في الناشئين, وهذا الشي تخطيط للمستقبل أفضل ما نشتري لاعبين جاهزين وتكون أسعارهم غالية جداً. وان شاء الله يكون الدوري هذا من نصيب الهلال وبعدها نشوف سامي الجابر مدرب للهلال بشكل ثابت واتمنى السنه هاذي سواء كان الدوري من نصيبنا أو لم يكن بأن نعطي سامي الجابر فرصة لمدة موسمين واتمنى نجاح سامي عشان يمسك تدريب الهلال لمدة 10 سنوات قادمة ويكون عندنا استقرار فني مثل الاندية الأوروبية الكبيرة. شكرا لكم يا زعماء :smilie47: |
احييك على الموضوع المميز الي يقهرني ان اجانب فرقنا الخليجية افضل من اجانبهم لاكن لاعبين يؤدون دورهم على اكمل وجه شكرا لك |
بسم الله سؤال أخي الكريم هل تعتقد أن افريقيا كدوريات هي افريقيا كمنتخبات ؟ بالطبع لا الدوريات الافريقية سيئة وفقيرة وملاعب معظمها غير صالح للعب وابرز النجوم الافارقة يلعبون خارج افريقيا والأهلي المصري لو يلعب بالصف الثاني سيحقق بطولة افريقيا والدليل هو عدم تأهل منتخب مصر لكأس العالم منذ سنوات طويلة والسبب هو قوة المنتخبات الافريقية الأخرى ولو شاهدت لاعبيهم لوجدت أنهم يلعبون في الدوريات الاوروبية سواء الاولى او الثانية لذلك لا تقارن بين الاهلي الذي يلعب في افريقيا البائسة على مستوى الاندية وبين الهلال الذي يلعب في اسيا مع انديه قوية تعتبر معظمها اقوى من منتخبات بلدها |
بالنسبة للأكاديميات الهلالية من سنين مطالبين فيها محدٍ جابها |
الاهلي المصري حالة استثنائية بصراحة عندهم روح وعزيمة مو موجودة بكل اسيا وافريقيا |
مدري من وين طالعين بحركة ( مدخل - مخرج - قفله - شطحه ...... إلخ ) حسيت ان كاتب الموضوع قاعد يوصف مقر النادي للأعضاء |
والله ما لقاها الا الأهلي المصري اندية افريقيا اندية ضعيفة جداً ولا تقارن بأندية آسيا لا محترفين ولا لاعبين محلين ولا ملاعب ولا ميزانيات اي لاعب مميز على طول يحترف خارج البلد اعتقد المقارنة غير منطقية ابداً |
ياحبيبي الفرق ماهو توقف ولا يحزنون الفرق في اللاعب المحلي الاهلي المصري يملك منتخبين اساسي واحتياطي تعبنا واحنا نقول لاعبينا المحليين مستواهم سيئ للاسف صدقني عمر الهلال ماراح يجيب اسيا الا في حاله وحده وهي : الدفاع كله يكون من العناصر المحليه الممتازه وبالكثير اجنبي واحد ف المحور واثنين وسط واحد مهاجم للاسف الهلال كل محترفينه ف المناطق الخلفيه ماعدا نيفيز اسيا تحتاج دفاع محلي قوي وهجوم اجنبي ضارب غير كذا لاحد يحلم فيها |
الفارق االاهم بين الناديين هو الروح ...... الهلال يحتاج الروح حتى يكتسح البطولات.... الجماهير تحترق والاعبين بعضهم يلعب ببرودة وللامانه الهلال الموسم هذا مايبشر بالخير.... مشكور :) |
الاهلي المصري اعظم نادي عربي في التاريخ , ما وصلوا له هذا نتيجة 100 سنة من عقلية الانتصارات و البطولات و اللاعبين العظماء .. اشوف الاخوان هنا يقولون ما لقاها الا هو , القارة الافريقية ظروفها اصعب من اسيا و ملاعبها اسوء يمكن التشابه الوحيد بيننا اسيا و افريقيا هي قوة الفرق لكن العوامل الاخرى افريقيا تعتبر اصعب , و مع ذلك الاهلي المصري استطاع تجاوز كل هذه الصعاب و إحراز كل الالقاب على مدى كل هذه السنين . اتمنى في يوم من الايام نشوف نادينا في مثل عظمة الاهلي المصري بعد 100 سنة و ان شاء الله راح يكون افضل |
الاهلي المصري حقيقة حماس وروح لاعبينه العالية تستحق ان تباع وتشرى اما موضوع الاكاديميات فقد اتعبنا المطالبه بها اما الاخ اللي يقول الفرق الافريقية سيئة اعتقد انه غير متابع فالفرق التونسية والمغربية وجنوب افريقيا فرق عالية المراس والدليل الزمالك منافس حقيقي للاهلي ولم يتأهل لنهائيات الاندية الاقريقية من سنين طوال يجب ان نعترف بأن اللاعب المصري مقاتل دمتم بخير |
إقتباس:
لأن الأهلي المصري له أكاديميات منتشرة ومدربي الفئات السنية محليين على أعلى مستوى .... لو تم استقطاب كم مدرب فئات سنية من الأهلي الآن الهلاليين كأنهم مترددين في دفع عجلة ودعم الفئات السنية |
الاهلي المصري يتملك روح وحماس لاتوصف بصراحه نادي مميز رغم كل الظروف |
الاهلي المصري له سنتين مريح ليلعب بس خارجيا يعني غير مرهق،،، قسم بالله لو يلعب معه الهلال لتنتهي هلالية مستوى ونتيجه،،، الهلال ينافس على جميع الجبهات وطول الموسم يعني ينافس على الدوري والكأس وولي العهد ،، وزد عليها كثرة مشاركات المنتخب ووجود عدد كبير من لاعبي الزعيم،،،يعني إصابات وإرهاق وايقافات،،، الهلال اذا يبي الآسيوية وبسهولة وبهذا الفريق لازم يضحي بجميع البطولات المحلية ويركز على الاسيوية فقط،،، وراح يأخذها وبالسديري الحارس،،، انا عني ابي بطولة الدوري وأكيد الاسيوية،،، وبالاخير ما ابي اهضم حق الاهلي المصري وروح لاعبينه،،، |
الموضوع بسيط جدا جدا ,,, لاعبين الاهلي مضطرين يتميزون بالغصب والا يموتون جوع ولكن عندنا الى الحين واحنا نترجى اللاعبين يلتزمون بالتدريب وعدم السهر وغيره من المصايب وندفع لهم ملايين علشان يروح يصيف بها تقول انهم رجال الاعمال !! مع ان اللاعب مفروض مثل مقاتلين الصاعقة يكافح الى ان يوصل مستوى يشرف |
إقتباس:
لو قلت اعظم نادي عربي افريقي اتفق معك بس تقولها بشكل عام كذا ؟؟ ما فيه اي رابط او اساس يجعلك تضع الاهلي اعظم فريق عربي بهذه البساطه !! المنطق يقول الهلال اعظم فريق عربي اسيوي و الاهلي المصري اعظم فريق عربي افريقي و كلهم اندية القرن في قاراتهم !! اتمنى بس ما تكون متأثر بالاعلام المصري الذي دوما يجعل كل منتخباته و انديته هي الافضل و اللي ما فيه احسن منهم في كل شيء !!!!!!!!! |
لمن يقول اندية افريقيا سهلة وضعيفة اندية افريقيا صعبة وصعبة جدا هناك اندية تونس مثل الترجي والرجاء من المغرب والاندية العنيدة من غانا ونيجيريا والكاميرن وساحل العاج وغيرها كل هذه الدول لا تملك اندية قوية باي مبرر تبررون اخفاقاتنا في اسيا |
عوااااااااااااااااااااااااااااااااااااااااااااااااااااااااااااااااااااااااااااااااااااااافي |
بالعكس الأندية الأفريقية قوية جداً ولاعبيها المحليين لا يقلون قسمة عن المحترفين في أوروبا وأغلبهم راح نشوفهم في أوروبا بعد فترة من الزمن يكفي أن مازيمبي وصل نهائي كاس العالم للأندية..والأهلي المصري يحقق نتائج ومستويات رائعة في تلك البطولات .. الهلال يحتاج الحظ والدفاع المنظم فقط كي يفوز بالبطولة الأسيوية |
ياعزيزي الانديه الافريقيه ضعيفه اثيوبيه صوماليه كاميرونيه المحترفين فيها يجون بمبالغ بسيطه الاهلي المصري متفلت عليهم اكبر دليل الدوري المصري متوقف ويحقق الاهلي البطوله غير ذلك كل خوال افريقيا في اوربا وشف المنتخبات الافريقيه يمردغون مصر 25 سنه في تصفيات كاس العالم |
إقتباس:
هههههههههههههههههههه يخرب بيت سعادتك ع العموم انا الشطحة ما عجبتني ابد بالنسبة للمخرج اوكييييييييييييييي يوما ما ستشرق شمس الزعامة من جديد 54 |
إقتباس:
يا شين الفاضي الي يرد عليك بسماجه انت وين وحنا وين ؟؟ انا كاتب خلونا نتناقش بكل احترام وعقلانيه وانت لا عقل لا احترام ؟؟ قل خيراً او اسكت |
اتمنى ان لانبخس الناس حقها الاهلي المصري بطل بكل المقاييس ولمن يقول المنتخبات الافريقية تمردغ مصر بكأس العالم اقوله مصر خلال آخر 5 بطولات تتوج 3 مرات بطلة لافريقيا لاتقولون المنتخبات الافريقية ضعيفه بعد اتمنى من الاخ ماجد تقبل عودتي مجددا دمتم بخير |
إقتباس:
|
| الوقت المعتمد في المنتدى بتوقيت جرينتش +3.
الوقت الان » 04:48 AM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd