~ بسم اللهـ الرحمن الرحيم ~

أنشودة الشايب لسمير البشيري.wmv‬‎ - YouTube

كح كح فيوزاتي ضاربهـ ولازم أعلق ع هالنشيد لأنهـ المنشد سمير البشيري
ظلمنا نحن البنات

1)- يوم قال : تلبس عبايهـ ضيقهـ وموضهـ شيال تكشف الوجهـ وألوان الشعر !!

لا لاهـ أي ألوان وشيلهـ تقصدها ! الشيلهـ طارت بمهب الريح والشعر صار
أصلع
هالإسبوع كنت أمشي بالجامعهـ مع وحدهـ من شلهـ الإنس ، شفنا وحدهـ
تمشي قدامنا لفت إنتباهنا إنها محلقهـ شعرهـ من اليمن واليسار وفالنص مخليا
شعر ! <<< فيها خير واللهـ خلتنا نعرف إنها بنت

المهم صديقتي قاعدهـ تقولي شوفي شوفي هالبنت ! قلت لها بصوت عالي: أي
بنت ؟! قصدكـ الصلعهـ ! ،قامت البنت أقصد الصلعهـ لفت علي ( بوجهـ غاضب
) وقالت : تتكلمين عني ؟! قلت لها : واللهـ أنا قاعدهـ أتكلم عن وحدهـ صلعهـ
فهل أنتي صلعهـ ؟! <<< أتقن فن الإستغباء والإستهبال

قالت : لا واللهـ أنا ماني صلعهـ ووو..... قبل ما تكمل قلت وأنا أضحكـ : أجل
إكلي هواء وإنقشعي ! <<< مابهـ إسلووووب سنع عندي

ومشينا وتركناها وطبعا أخت العرب اللي معاي قلبها طاح وفتحت لي محاضرهـ
، هذول لازم ما تتكلمين معاهم بهالإسلوب ! وأنا طنش تعش تنتعش !

اللي فجأني صراحهـ شفتها بالسكن مع شلتها ( وحدهـ لون شعرها أزرق
والثانيهـ بنفسجي والثالثهـ واللهـ ما أدري وش يسمونها ، أنا شخصيا أسميها أبو الشباب )

المهم كانوا يضربون بنت ضربن سنع ( في الساحهـ العامهـ
بالسكن) لدرجهـ إنا قاعدين نسمع البنت أقصد الضحيهـ تقول واللهـ ما أعودها !!! =(

المهم أخت العرب يوم شافتني مع شلهـ الإنس مارين جنبهم ، جت عندنا وقالت
بصوت عالي لصديقاتها تستاهل هذا جزاها ، ما حد قالها تقول عني صلعهـ !
<<< هنا قلبي الصغير سقط من الرعبهـ

وطبعا أنا اللي أكلت هواء ومشيت وسويت نفسي إني مب خايفهـ ولا شيء ~
>>> ما سويت شيء لأني خفت من أبو الشباب اللي معاهم ما شاء اللهـ
كأنها جدار متحركـ وكلهم حجمهم عائلي *~* يعني أكيد لو نطقت بحرف بروح
وراء الشمس وأنا طبعا ماني مستغنيهـ عن حياتي وبعدين فكرت وش بيصير لو رديت ! أكييييد لو وصلت الإدارهـ رح يكون فيها
إنذار أو فصل ! فالأفضل أبعد عن الشر وغني لووو

المهم اللي عرفتهـ إن الإدارهـ تصرفت معاهم ، والأكيد إنهم هفوا إنذار فقط لأني لازلت كل يوم أشوف خشتهم

عموما شفتوا كيف ظلمنا المنشد البشيري ؟! حنا ما عندنا موضهـ الشيال اللي
تكشف الوجهـ وألوان الشعر ؟! لأننا ما عندنا شعر أصلا !!!

للأمانهـ أنا ما ألبس النقاب إلا إذا كنت في محاضرهـ يلقيها دكتور أو رايحهـ
للباص ! أما بالجامعهـ فما ألبسهـ لأنها مب مختلطهـ وفي حالهـ شفت عامل
نظافهـ غطيت وجهي بالشيلهـ =)

2)- يوم قال تطبخ لها الخدامهـ !!!

ظلمتنااا حنااا ما تطبخ لنا الخدامهـ بس
حنا خليناها تذبح أطفالنا !!!
1)- قتل الطفلهـ إسراء !
2)- قتل الطفلهـ تالا !
3)- قتل الطفلهـ لميس !
وغيرهم الكثييييير ( رحمهـ اللهـ عليهم) ~

السؤال اللي يطرح نفسهـ مين المسؤول عن موت هالأبرياء ؟!..
مب الأم والأب !! مثال الطفلهـ إسراء واللهـ حارق قلبي موتها ><

‫لقاء مؤثر مع أهل الطفلة المقتولة على يد الخادمة الأثيوبية‬‎ - YouTube
ركزوا فالدقيقهـ 2:7 ثواني ! يوم قال لأن الشغالهـ تنام معها !


باللهـ مين السبب بموت هالطفلهـ ! مب الأهل ؟! كيف يخلونها تنام مع الخدامهـ ؟!
نفسي أعرف متى الناس بتتعلم من أخطاء غيرها !!!
يا بشر مب مليون قصهـ نسمعها ونشوفها عن جرائم الخدم ضد الأطفال ، ليهـ ما
يتبون ويفهمون إن الثقهـ العمياء فيهم لها عواقب وخيمهـ ؟!

وتقولون الشغالات ما يخافون اللهـ ! يا شيخهـ ويا شيخ إنت وياهـ ، لو يهمكم أمر
عيالكم صدق كان ما قطيتوهم بين إيدينهم وتركتوا الخيط والمخيط لهم !

المفروض الشغالات ما يتحاسبون لحالهم ،المفروض الأهل يتحاسبون معهم عشان
يكونون عظهـ وعبر لباقي خلق اللهـ واللهـ لا يحرمون يقطون هالأبرياء بين يدين
هالمتوحشات

شفتواااا كيف ظلمنا المبدع سمير البشيري ؟!
حنا ما تطبخ لنا الخدامهـ حنا تذبح أطفالنا !

للمعلومهـ الشغالات أكيد لهم دوافع للقتل بهالوحشيهـ لكن مب معنى كلامي إني
أؤيدهم بتصرفهم ! لكن رأي إن اللي يتحمل الجزء الأكبر من هالبلاوي هم الأهل !
دم هالأبرياء رح نتحاسب عليهـ يوم القيامهـ فـ رفقا يا بشر بهم =<

ختاما : سؤال لشباب هل ظلمكم المنشد سمير البشيري ولا كفى ووفى ؟!
وسؤال للبنات هل توافقوني الرأي بإنهـ ظلمنا بوصفهـ لنا بهالشكل أمام الشايب ولالا ؟!

يوهـ يوهـ نسيت أقووول تراااا رأيي أقصد بهـ بعض البنات وليس الجميع =)
>>> مثل مافي الطالح في الصالح ^_*
~ سلملم ~