ابشركم لقيت حل ( لمشكلة الحراسة في الهلال ) كل شي ممكن يتعدل
 

لا يختلف احد ان الحراسه في الهلال تحتاج للكثير من العمل بعد ريل الاسطورة الدولية محمد الدعيع
الحل وبكل بساطة وبدون مقدمات مطولة لابد ان نعلم ان بالتدريب تستطيع تطوير اي لاعب
هذا جهاز يستخدم في انديه عالمية وكبيرة الجهاز حاص لتدريب الحراس والحمد لله فيه مقطع فيديوا لهذا الجهاز
اتمنى ان يصل للكوتش سامي للنظر في امكانية الاستفاده من هذا الجهاز

اترككم مع رابط اليوتيوب

‫فيديو : شاهد جهاز رائع يستعمله أتلتيكو مدريد لتطوير مستوى حارسه‬‎ - YouTube

كل الشكر لاخونا abo azoz_502 روم الزعيم الرسمي بالبالتوك
اخوكم RoyaL alhilal


هذا رد احد الاخوة على موضوعي فيه رابط للاسعار صراحة انصدمت من رخص المنتج اعتقد اي فريق بالعالم يقدر يجيبة بدون تعب

من رأيي المشكلهـ ليس بالحارس ،، الأهداف يتحملها كل من الدفاع وخط الوسط والحارس !

يعني مب الحارس فقط ! ،،، أما بخصوص الجهاز فمن رأيي روووعهـ كثييير ورح يفيد
بتطور وقلهـ إستقبال الهلال للأهداف ~


أتمنى فعلا وجودهـ بنادي الهلال والإستفادهـ منهـ ~


اللهـ يعطيكـ العافيهـ ع الطرح ~

جهاز رائع اتمنى احضاره

بالنسبة لسعودية كول تقول المشكلة بالدفاع صحيح اتفق معك وهذا لا يمنع ان الحارس يصحح اخطاء دفاع ويعطي الثقة فيهم

يعني دفاع النصر كان شوارع في اغلب المباريات لكن عندهم حارس يصحح اخطاء دفاعه

والان مع اخر مبارتين احس دفاع الهلال تحسن نوعا ما تبقت الحراسة والجهة الهجومية اليسرى (نواف العابد)

والله الجهاز بطل ...
اتذكر الهلال شرى جهاز تكلفته عالي لتحسين المناولات والاستقبال الصحيح للكوره
بناء على طلب الكابتن سامي الجابر
وما اظن بيبخل في الجهاز .. للاعبين الحراسه
قفله
وصلوها للادارهـ لاهنتم ...

ياجماعه الي قريب من البيت الهلالي

لايبخل على الكيان بمثل هالجهاز وصلوه لسامي او الاداره

نبيه قبل نهاية الدور الاول والله نعاني من الحراسه

الجهاز رائع
ولكن من وجهة نظري لا ارى ان هناك مشكلة في الحراسة
بل في الدفاع

روعه ما شاءالله اتمنى الاداره تجهز واحد لحراسنا

يعطيك العافيه

الجهاز بيرفع بإذن الله من مستوى حراستنا المتواضعه جدا خصوصا عندنا حراس شباب واعدين مثل الواكد وابو ملحه
يحتاجون فقط للتطوير من مستواهم ..

الموضوع يحتاج تثبيت ولا أحد قريب من البيت الهلالي يوصل له هالجهاز ..

وجهة نظرك ونحترمها

بس البلاء كله من الدفاع والحراسه اقل شيء خل احد الاثنين يتحسن مب كلهم سيئات
الحراسه اذا كانت افضل غطت على اخطاء الدفاع والعكس صحيح

جهاز ممتاز لتطوير الحراسه
اتمنى من السير سامي يستخدمه
...

جهاز الفوتوبونات ماجاء ، وهذا اقل منه تكلفه وماتوقع بيجي
مشكلة الادارة تبي كل شيء يصير طبيعي بدون تدريب
ترون اللعيبة عندنا بس موهبة ، يحتاجون لمثل هالاجهزة اللي ينكرفون فيها وتصقل مواهبهم
لا وتجعل ردة الفعل سريعة من ناحية التصدي او التمرير السريع وهذا اللي بيساهم في بناء الهجمة السريعة
وراح تعزز اللياقة البدنية كمان دامهم ينكرفون

نحتاج لمثل هذه الاجهزة في كل اندية البلد
لازم المنافسة تكون على اشدها عشان نقدر ننافس على اسيا
اما في وسط تدهور الاندية فالهلال متضرر لانه مو متعود على المباريات القوية
واللي يصطدم بها في الادوار النهائية باسيا

روعه ما شاءالله اتمنى الاداره تجهز واحد لحراسنا

يعطيك العافيه

اتمنى من جميع اعضاء شرف النادي تقديم هذه الاجهزة للسير سامي

الدفاع عن المرمى يبدا من الهجوم

المشكلة ليست في الحراسة

كلام جميل وموضوع رائع ولكن تظل الحراسة موهبة قبل كل شي
وهذه الاجهزة لاتولد الموهبة بل تصقلها وتطورها
فنحتاج الى موهبة في الحراسة كي نصقلها وننميها ونطورها
يمكن نحاول مع شراحيلي اما السديري فينقصه الكثير من الخبرة
لايزال يحتاج للمشاركة اكثر واكثر اتمنى اعارته ولو لموسم كي يتعلم
ويعود لنا حارس كفؤ لنادي كنادي الهلال
اخيرا تقبل مروري وشكرا لك والسلام خير ختام

يعطيك العافية
فعلاً جهاز جداً ممتاز بس المشكلة هنا وانا اخوك من يوصلة لسامي ابوعبدالله وش بيدريه عنه هذا القهر ولا ليته يكون احد خياراتهم بالتدريب هالجهاز يعطيك العافية يابعدي ومشكور وماقصرة واتمنى يوصل هالجهاز لابوعبدالله ...
الله يوفق زعيمنا بمباراة الديربي
وبأذن الرحمن النتيجة لزعيمنا تاريخية يالله ياكريم والله الله بالحضور ياحلوين ..
مشكورين جميعاً ،،

والله الجهاز مرررررره راح ييكون مفيد بس هذا الجهاز يعتمد على التسديد ولاكن الكرات العرضية أو الركلات الركنية !!

حارسنا وزنه زايد وثقيل ماينط زين
ويطلع بتوقيت غلط
الله يرحم ايامك يالدعيع

فكرة جميلة جداً أتمنى أن يستفاد منها في تدريبات الحراس

كلامك روعة والله


خاااااااصة اخر كلمة قلتها

واكبر دليل على صحة ما تفضلت به قبل سنتين اعتقد يوم سافر الهلال لبطولة ودية وفاز فيها على زنيت الروسي وجاب عليها الدوري على ما اظن


المباريات الكبيرة هي الي تخلي الفريق يعطي اكثر


اتمنى مواجهة اندية تعتبر التوب في بلدها وحتى الفرق الصغيرة طبعا اللي تنافس على متذيل الترتيب حتى لا تهبط مثل اندية ايطاليا تشوفها تعتمد التقفيل وهذا اللي يحتاجه الهلال لانه قوي هجوميا لكن يحتاج لاندية تقفل امامه عشان يعرف كيف يفكك دفاعها مثل ما صار مع الرائد عمل خطة الكاتيناتشو وتفوق علينا طبعا اكيد في فرص سهلة وضاعت بأيدينا لكن ما يمنع انهم طبقوا الخطة السليمة واللي أهلتهم للفوز وتحياتي





يوما ما ستشرق شمس الزعامة من جديد 54

أعتقد أنه الرائــــــــــد أستخدمه قبل مباراته مع الهلال داك اليوم مع الحارسهم الكسار
علشان كذا فازو علينا
هههههههههههههههههههههههههههههههههه

, .. اذا رجـع خآلد شرآحيلي , .. اعتقــد رآح تنحل مشكلـة الحرآسة .. مع آنه عندنأ .. فايز السبيعي .. بس مدري ليه فايز احتياطي ,, السديري هو جيد بسسسسسس مو الحارس الي يعتمـد عليه ..

الجهاز ممتاز لكن عندك حارس مفهي يبغالة فرمتة

المشكلة ليست بالحراسة لأن عندنا حارس ممتاز ويحتاج الفرصة فايز السبيعي لو أخذ الفرصة لكان نطالب بة أساسي

لكن الشكوى لله

الجهاز رائع وممكن الاستفاده لتطوير الحراس
واتمنى انه يصل للكوتش سامي
وشكرا على النقل

اتذكر ان بعض اعلامي الهلال ولعل ابرزهم ناصر الجديع ان سامي الجابر طلب جهاز ( الفوتوبونات ) فأين هو الآن...!!!!!:bv: واو المسألة كتابة فقط .... s13ss13s

اتمنى من ابو عبدالله احضارها وايضا جهاز الفوتوبونات الي سبق ان تكلم عنه بعض الاعضاء ليستفيد منه جميع لاعبي الهلال ويكون الهلال السباق دائما فيما يعود بالنفع على جميع منتسبيه ومجتمعه وشكرا

الله يعطيك العافية الجهاز ممتاز جدا واتمنى الإستفادة منه بغض النظر عن ضعف اوتألق الحراس فهو مفيد

الجهاز بيرفع بإذن الله من مستوى حراستنا المتواضعه جدا
خصوصا عندنا حراس شباب واعدين
يحتاجون فقط للتطوير من مستواهم

جهاز في قمة الروعة

وماهو صعب ع الاداره تجيبه

يمكن يكون الحل فيه ( تطوير ورفع مستوى الحراس بالنادي )



يعطيك العافيه أخوي ، يحسب لك هالموضوع وما قصرت



يارب وفق الزعيم ~

لو يجي الدعيع مدرب حراس يمكن تنحل المشكله

اخوي تدريب الحراس علم لوحده مو بس شوت والحارس يمسك.
الحراسه حتى خطواتك قبل تطير على الكوره يجب ان تكون محسوبه.
اذا الكوره يمين وين الرجل اللي تركز عليها وتقفز وين اليد اللي تمدها وتعطيك اطول مسافه
يمكن توصلها وتستفيد من طول قامتك ويدك مع القفزه بالقدم المناسبه. وهل الحارس مثلا ياخذ خطوه مثلا يمين او خطوتين ثم القفز وهل الحارس عنده قدره لتحديد هالاشياء بدقه قبل وصول الكره والا تفكيره بطيء وقراراته بطيئه. يا كثر مهارات الحراس والله ما تقدر تعدها او تشرحها بسهوله.
هالجهاز ينفع لتعليم الحراس الضربات الحره وكيفية التصدي لها لكن من يعلم الحارس مهارات التصدي وفهم اسلوب الضربات اللولبيه وحساب الوقت قبل القفز وتوقيت القفز.
بصراحه حارسنا فيه مشكله عنده في كثير من القرارات .. خروج غلط. اتجاهه للكوره احيان تحس تقول ويش وداه هناك والكوره هنا. تحسه راح بوادي والكوره بوادي.. الله يعينه بس ويصبرنا وعسى يرجع شارحيلي.

يعطيكم العافيه جميعا
اعتقد الكل اتفق ان الجهاز مفيد وسعره جدا جدا جدا رخيص
وش المانع اننا نجيبه فكل مانقدم في المنتدى من مواضيع ليست الا لهدف واحد الوصول بالزعيم لذروة المجد التي في نظري لانهاية لها
اكرر ارجوا من لديه صلة بادارة النادي او الكوتش سامي يعرض عليه الامر واحنا معاه في مايقرر

ياليت والله هذا الفيديو يوصل للكابتن سامي الجابر

لا ربما يساهم في حل مشكلة الحراسة و تطوير مستوى حراس الهلال

هذا مفيد جدا في التصدي للتصويبات من جميع الزوايا
لكن من وجهة نظري ان مشكلتنا في الحراسه هي
عدم التمركز الجيد والخروج الخاطئ مثل ماحدث مع السديري
في هدف الاتحاد الاول وهدف الشباب

موضوعك انزرف من الفقراويين


جهاز لتطوير الحراسة هاام للقريبين من الادارة - منتديات نادي النصر الرسمية





عايشين على السرق

شي جميل يسفيدون الحراس بالتمارين
بالتوفيق للهلال

اتمنى إحضار هذا الجهاز
شكرا على الطرح

يعطيكم العافيه جميعا
على هالتواجد الرائع