|
علة الحراسة الهلالي ليست بالسديري بل في ،،،،، بسم الله الرحمن الرحيم السلام عليكم ورحمة الله وبركاته الكل يوجه اتهامات ضعف الحراسة للحارس عبدالله السديري مع اني اشوف الحارس يملك امكانيات كبيره تأهله ليكون افضل حارس في المملكة وحاولت البحث في موضوع اشكالية الحراسة في الهلال ووجدت سبب واحد خلف هذا الضعف في العرين الازرق وهو : مدرب الحراس جورج هوسبش عندما كان موجود ايام قيريتس كان الهلال يقبل اهداف كثير وحوالي 90٪ من مباريات الزعيم يسجل في مرماه وقبلنا في عهده اهداف كبيره مع الغرافه 4-2 ومع النصر 5-3 ومع الاهلي 3-3 ومن مسكرمان الايراني 3-1 والان جميع مباريات الهلال نقبل اهداف ماعدا مبارات العروبه ،،، فهذا يعني والعلم عند الله ان السبب في امكانيات مدرب الحراسه التدريبية وانها ليست بالامكانيات التي يطمح لها جمهور الزعيم فأتمنى ان يتم اختيار مدرب اخر للحراسه لان هذا الالماني لم ينجح لا مع قيريتس ولم ينجح مع سامي حتى الان على الاقل هذي وجهة نظري واتمنى ان ينال الموضوع اعجابكم والسلام عليكم ورحمة الله وبركاته |
يعطيك العافيه موضوعك مميز |
كلامك سليم وانشالله نشوف تغيير بمدرب الحراس وبتوفيق للهلال |
إقتباس:
|
كلامك صحيح لذلك اتمنى ارى الدعيع يحل محله يعطيك العافيه |
إقتباس:
|
إقتباس:
|
لا والله وأنا أخوك المشكلة بـ عبدالله السديري فالسابق أيام قيريتس كان حسن العتيبي الحارس وكان يتصدى للكور الصعبة ولكن يجيب العيد بالكور السهلة والسديري بدايتة كانت أكثر من رائعة وكنا نقول جانا شبية الدعيع ولكن بدأ مستواة في تنازل لسبب واحد ضمن الخانة وعندة روح إنهيزامية ,,, الحارس نص الفريق أول قوتنا كانت بالأسطورة محمد الدعيع كان يوجة الاعبين وأذا أحد أخطأ يقوم عليهم كان هيبة أسد الأن لابد إعطاء الفرصة للسبيعي وكلنا نعرف مستواة ولكن يبغالنا نصبر علية اللي خلانا نصبر على السديري كل هالفترة يخلينا نصبر على السبيعي ... والله ماكنا شايلين هم الحراسة وقت بروز خالد شراحيلي لكن الحمدلله على كل حال قدر الله وماشاء فعل وراح الكثير وبقي القليل وراح يرجع بأذن الله أحسن من أول وينسينا الحراسة ... أشتقنا لـ خالد شراحيلي .. السديري يبغالة قرصة أذن مباراتنا الأخيرة مع الشباب كان بيجيب العيد لو لاعب أسرع من نايف هزازي كان شخمط السديري وسجل هدف لكن الحمدلله عدت على خير ودائمآ يخطي هالأنسان مادري وش الحظ اللي عندة ياحظ ياواسطة قوية .. الأن الفريق كلة تمام الا الحراسة بأي أرتداد أو عرضية يدنا على قلوبنا ليس خوف على الهلال بل الخوف من السديري يطلع بأوقات غبية وعلية بعض السلبيلت نرجو من الكوتش سامي عدم المجاملة بالحراسة عندنا السبيعي والشمري لابد إعطاء واحد منهم الفرصة السديري أخذ الفرصة بما فية الكفاية ولم يعتدل |
إقتباس:
|
صحيح كلامك لكن عبدالله بعد لازم يشوف له حل لـلنفسه يقدر يقول للـ الكوتش هذا م يعرف يدربني لكنه هو م همه عادي عنده م تفرق تطور ولا م تطور لان مافيه احد ينافسه في الحراسه أتمنى م يشوف موضوعك لانه بيقول خلاص الجماهير م تشوف الغلط مني تشوفه في مدرب الحراس شكرًا ع الموضوع أخي الكريم |
الحقيقه أن الأثنين مو بمستوى زعيم اسيا ، الالماني / مدرب متواضع جداً وما أشوف أي اضافه اضافها للحراسه عندنا بعكس هيجيتا حق النصر .. عبدالله السديري / يبدو إننا استعجلنا عليه كثير واعطيناه ثقه بوجوده حارس اساسي لنادي القرن وبالدكه موجود منهم اكبر منه سناً وأكثر خبره ، هالشيء مفروض يشجعه حتى يطور من نفسه لكن للأسف مستواه قبل يكون اساسي افضل بكثير ممكن بسبب ضمانه الخانه هالشيء سبب له قلق حسب مانشوفه في كل مباراه متوتر ومرتبك . أتمنى بالمعسكر الاعدادي في التوقف بعد مباراة نجران منح الثقه للسبيعي بالوديات لأن بعدها عندنا مباراة الغريم التقليدي وافضل فريق بالدوري اذا تخطيناه ضمنا الدوري بإذن الله .. |
نحتاج مدربين مع الكوتش سامي مدرب مدافعين ومدرب حراس مدرب المدافعين يدرب مدافعين الفريق الاول والشباب حتى يتم الانسجام و التفاهم مع بعضهم ومدرب حراس يدرب حراس الفريق الاول والشباب والالومبي حتى يكون هناك تنافس فيما بينهم بين الحراس يعطيك العافية |
كلام جميل اشكرك على موضوعك . نتمنى فعلا الالتفات الى مدرب الحراس لانه الاصل بالموضوع . تابعو تالق عبدالله العنزي وابحثو عن المدرب الذي يدربه انه افضل حراس العالم هيجيتا . |
العنزي تركز عليه لجنة المنشطات وختشوفون النتيجه |
فعلاً كلام سليم مهما كان مدرب الحراس له دور في رفع مستوى الحراس وكلنا شفنا كيف تغير مستوى العنزي بعد ما كان يصيح مع الكور الاشكال والالوان اللي تدخل مرماه |
| الوقت المعتمد في المنتدى بتوقيت جرينتش +3.
الوقت الان » 08:46 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd