السلام عليكم ورحمة الله وبركاته

صدقوني اكتب وانا منقهر من حاجه

سامي الجابر من جد محب للزعيم وابن من ابناء النادي قبل لايكون مدرب

وصراحه الهجووم والوسط قويييه

لكن المحاور وين!!!!!

هرماش يتقدم ومايرجع وكاستلو بطيئ ذهنيا وبدنيا ولياقيا

من يتحمل الأهداف بأغلب مباريات الزعيم


احملها للمحاور

لذلك لازم الفتره الشتويه كاستلو برا+احظار رادوي لبى قلبه

وإحظار مدافع اجنبي مع الكوري بدال هرماش

اتمنى النقاش يكون عقلاني مانبي كلام خارج عن الموضوع

وشكرا

بالتوفيق للزعيم يارب العالمين

معليش أخوي بس رآح أسألكك ولا تفهمني غلط ولا تزعل مني

إنت إيش نظريتكك ومفهوميتكك للمحاور ؟

يعني إيش وظيفة المحور بالضبط ؟

وايش مفهوميتكك بخصوص المحور الهجوممي ؟

والحين بتكلم بخصوص هرماش وكاستيو :

كاستيو الواجبات اللي يأديها

تقليل الشوت من خارج الـ 18 ومنعها

منع الهجمات المرتدة من حالة دفاع الخصم الى دفاعنا وتوزيعها على الاطراف جهة الأظهرة

وقوف في مكان مناسب عند تعريض الكرة من الاطراف الى خارج 18 للتسديد

عيوب كاستيو

بطيء نوعاً ما ونلاحظ ذلك عند انقطاع الكرة من منتصف ملعب الخصم بسبب تمرير خاطئ عند استحوادنا على اللعب

وكم هدف بسبب هذا الشيء

.....................

هرماشش

مايسترو خط الوسط

توزيع اللعب من جهة لأخرى

محاولة قطع الكرة بسرعة او حصول على اخطاء تكتيكية

..................

وراح اكلمكك بعيوب الهلال بشكل عام

الاخطاء الفردية من قلوب الدفاع والاظهرة

الاظهرة تنطلق مع كل هجمة ولاحظت في مباراة التعاون ان الاظهرة مَ صارت تتقدم مثل اول اكثر الهجامت تقف ف منتصف الملعب

بشكل عام اجانبنا جداً ممتازيين ومَ شفت محلل فني الى الآن يذم في محاورنا وارجعوا للشنيف ونايف العنزي وغيره

......

مورينيو قال يوماً اتركوني السنة الاولى وبعدها حاسبوني على البطولات

انا ضد تغيير العناصر .... ونرجع لدوامة عدم الانسجام .....

اتفق معك ان اغلب الاهداف مشكلتها من المحاور..... والغريب ان الادوار الي موكلها سامي لهرماش ماتتغير في جميع المباريات

من ناحية انه يضغط على حامل الكره في نص الملعب ..... وبالتالي تفقده في التمركز الدفاعي ....

كاستيلو بطيئ دفاعيا .... وتاثير اثناء بناء اللعب شبه معدوم ....

في مباراة الاكوادور وكولومبيا الاخيرة لعب شكل جيد جدا في مركز المحور الهجومي .... ولاادري هو هذا مركزه الاساسي !!

الهلال ينقصه ظهير ايمن ووسط ايمن في حال غياب سالم والحلول المتاحه تصعيد البقعاوي والبريك ومشعل الحوطي للظهير الايمن وخالد كعبي للوسط الايمن ومشاركتهم بشكل متدرج او ظم ظهير ايمن الطائي عبدالرحمن الحسن
اما المحور فهناك نايف هزازي من القادسيه جيد او تصعيد المرشدي والقحطاني والنجعي ومهند فلاته وسلطان جمال وتجريبهم ببعض المباريات
اما الاجانب هرماش له ثلاثه مواسم والى الان فيه من يقول محور دفاعي ومن يقول محور هجومي ولكنه لا يقطع ولا يصنع . انا ارى أي لاعب اجنبي لا يبرز ك نيفيز مثلا لا نحتاجه نبقى على نيفيز ونمنح فرصه للاعبينا المحليين وسيكونون افضل من الثلاثه الاخرين تقبل اختلافي وشكرا

الهلال لا يحتاج لمحور هجومي
يجب ان يكون لدينا محورين دفاعيين

ارشح البيشي والدعيع لخانة المحور الدفاعي
يجب ان نجربهم في مباراه تجريبية اثناء فترة التوقف
السناتر راح يبدعون في خانة المحور الدفاعي

انا لي ملاحظات كثيرة على كاستلو

لكن مو وقته ننتقد الآن ونطلع عيوبهم

المطلوب منّا الوقوف مع اللاعبين جميعا

خانة المحور هي الركيزة الأساسية في أي فريق ولذلك حرص الكوتش على تواجد لاعبين أجنبيين في هذه الخانة، ولكن اللاعبان حتى الآن هما نقطة ضعف في الفريق مما تسبب في ولوج ثمانية اهداف وهي نسبة عالية في فريق كالهلال وهي قابلة للزيادة بلا شك.إذا لم يعالج سامي هذه الكارثة بدأ من مباراة الشباب فيريح ويستريح ويركز على محبوبة الهلال كاس ولي العهد.
كاستلوا حتى الان ليس المحور الدفاعي الذي يرتكز عليه!!
وهرماش ضايع في الملعب وينافس ناصر في الهجوم.
إذا كان الفريق يعاني من عدم انسجام خط الظهر وضعف في الاظهرة ويزيد الاوجاع المحاور فكيف سنحقق النتائج المتميزة والمريحة إذا ما علمنا ان الفرق ستنتهج خطة دفاعية مع الهلال لضمان اندفاع الفريق بثمانية لاعبين مما يتيح لهجمات مرتدة كثيرة ستسفر عن اهداف بالجملة والمباراة الماضية خير شاهد.اتمنى ان يستفيد سامي من الغنام بديلا عن كاستلوا قبل ان يعود للعيادة ولتكن مباراة نجران هي الاولى، وعطيف بديلا عن هرماش والحافظ بدديلا عن المرشدي والشهراني في الظهير الايسر والبيشي في الظهير الايمن وننظر كيف سيكون حال الهلال

مشكلة الهلال الكبرى في دفاعه وحارسه

اللوم جالس على كاستيو
بصراحه مو مقصر هذا اللاعب الأظهره تتقدم وهوه إلى يغطي
صحيح ثقيل نوعاً ما ولاكن صدقوني هذا اللاعب خورافي

مشكلة الهلال واضحة ومعروفة الا وهي الحراسة لان الحراسة عندنا زفت مافي حارس تقول انه كفو
كلنا شفنا الفقراويه حراستهم عال العال واذا على دفاعهم كلهم كديش بس حارسهم على مستوى عالي انا اعتبره الفريق كامل مونص الفريق لكن دفاعنا تقريبا نفسه من خمس مواسم ماتغير شي وماكان يجينا اهداف كثيرة الا هالموسمين خصوصا بعد اعتزال الدعيع وتنسيق العتيبي باختصار جيب حارس كفو مثل العنزي والرويلي واضمن لك تدخل المباريات وانت مطمن وشكرا ع الموضوع الاكثرمن رائع وبالتوفيق للزعيم الملكي

السلام عليكم الجميع يتكلم لمصلحة الزعيم ان شاء الله يعني لو يمحتوا بدون شطحات علئ احد من الاعضاء

موضوع مهم


وانا ارى ان هرماش يقدم مستوى ويبذل مجهود كبير لكن كاستيلو بطئ ولم يقدم مايشفع له
واتمنى تغييره فالانتقالات الشتويه


فيه محور بالدوري مميز جداً ولو جاه عرض من الهلال مستحيل يرفض او يفوت الفرصه


وقيمته السوقيه اقل من كاستيلو لاعب التعاون شادي ابوهشهش محور مميز واساسي بمنتخب النشاما الاردن ويعرف الدوري السعودي ومتأقلم وصراحه انا تابعت اللاعب من الموسم الماضي مع الفتح والموسم الحالي مع التعاون مميز ويساعد الدفاع بشكل كبير جداً


واكبر دليل انه كان يساعد مدافعين الفتح سيكوكو والنخلي وحقق معهم اللقب للموسم الماضي

اتفق معك في ناحية كاستيلو لازم يغادر ويحضر محور دفاعي قتالي حماسي

واتمنى ابعاد الكوري واحضار مدافع استرالي

وجلب ظهير ايمن محلي ووضع الشهراني ايسر

اوجلب المحور الاردني الي في التعاون شادي ابوهشهش بدلا من الكوري وجلب مدافع برازيلي صلب بدل من كاستيلو

وعليكم السلام ورحمة الله وبركاته

صحيح أتفق معك

المحاور هما نقطة ضعف الفريق لاكن اسمح لي اخالفك في تغيير هرماش وكاستيلو

أنا من وجهة نظري اذا بنغير المحاور نغير بس واحد والي أفضله يكون كاستيلو الطيب واحضار رادوي

أما هرماش فأتمنى بقاءه

صدقوني يا اخوان راح يكونون المحاور تمام ان شاء الله

أما اذا لم يأتي رادوي فأتمنى التعاقد مع محور دفاعي سعودي بحت ( مثلا ) لاحظوا يا اخوان مثلا يعني مو شرط

الي بقوله يطبق حرفيا ( سعود كريري )

بالنسبة للدفاع أنا أشوفه تمام باستثناء يجب تحويل ياسر الشهراني للظهير الأيسر والتعاقد مع ظهير أيمن سواء

كان محلي أو أجنبي

والحرااااسه لازم لها حل

مع اني متفائل بحل مشكلة خالد شراحيلي ان شاء الله

آسف على الاطاله

تحياتي