كفايه يا جماهير الهلال !!
 

السلام عليكم ورحمة الله وبركاته ,,
انا بطبعي لا اجيد المقدمات وسادخل بالموضوع مباشرة ...
الملاحظ والاكيد ان للهلال جمهور يعشق لحد الجنون , بل الجمهور من شدة عشقه للهلال لا يقبل اي اساءه تصل للهلال او لادارة او لاي طرف في الهلال ، وان حصلت اساءه تجد الجمهور يحارب ليل نهار للرد واخذ الحق بيده. ولكن !!
نجد هناك الكثير من الاعضاء في هذا المنتدى العظيم من كثر حبهم للهلال نسوا ادوارهم الرئيسية كجماهير واصبحوا يتدخلون بشكل او اخر في التدريب والتشكيله لدرجة انك تحس ان لهم خبرة طوووويلة في التدريب.. ياجماعة الخير ترى الانتقاد وابداء الرآي اسهل منه مافيه , وكل واحد له الحق يقول رايه لكن لاننسى دور المشجع الرئيسي وهو التشجيع والدعم.. اسالكم بالله وابي اجابه بضمير.. كم مره في اليوم او حتى بالشهر تشوف موضوع محفز للاعبين ودعمهم ؟؟!! انا ابصم لك بالمليون انك ما تحصل موضوع واحد وان حصلت تلقاه موضوع تصاميم للاعب معين يعني موب حتى دعم.. عندنا ناس ماتصدق اللاعب يغلط على طول يفتح المنتدى وخذ لك تحطيم ويبغى اللاعب يتنسق.. رسالتي لجمهور الهلال ،، رجاء اتركو الامور الفنيه للمدرب وحاسبوه بعد الموسم مو الان. والتفتو للاعبينا اللي والله ينتظرون منكم اكبر من كذا , ترى اذا انت تبي من الاداره تقوم بواجباتها واللاعبين يؤودون اللي عليهم والمدرب كذلك ,, انت الدور الرئيسي ما قمت فيه اصلا. قبل لا تنتقد وتحلل شف نفسك وش تسوي بعدين فكر في الانتقاد..
اسف ااذا كان هناك اي اخطاء ولكن قلت اللي يقهرني ومتاكد يقهر الكثير من جمهور الهلال العظيم.
تقبلوا تحياتي،

والله من حبنا للهلال ونتمنى نشوفه باحسن مستوياته يمكن نشطح شوووي بس تاكد أنه من عشقنا لها الكيان

ومعاك حق كل شخص له دوره المدرب واللاعبين بالملعب والجماهير بالتشجيع والإدارة بالتخطيط وتذليل المصاعب

ولكن المنتدى متنفس لنا كهلاليين نفرح ونحزن ونحتفل ونحلل وننتقد ولكن تأكد أنه كله من أجل الهلال ومصلحة الهلال

فوق الجميع لكن هنا نفكر بصوت مسموع ونحاول نوصل صوتنا للجماهير الآخرى بأن الهلال خلفه جمهور محب وواعي

ولكن لن ندعي المثاليه وهي مجرد أراء ليست ملزمه للفريق

يعطيك العافيه

صدقت يالغالي

ومشكور يا أبو راكان على الموضوع

انا اتفق معاك يالغالي في موضوع ان المنتدى هو المتنفس للجماهير وللجماهير حق الانتقاد والتحليل , لكن مايكون هذا هو الدور الرئيسي للمشجع . بمعنى ان اللاعبين يحتاجون مننا كجماهير الدعم اللي يوازي الانتقاد او اكثر بعد..
ابي منك تشوف المواضيع اللي في المنتدى الان , وعلمني اذا حصلت موضوع واحد عن دعم اللاعبين او المدرب؟
اشكرك على مرورك !

باعتقادي هذي اهم احد الاسباب ..
شكرا يالغالي.