|
كما استعان اوكسير بك فلتستعن بمدرب للمدافعين فعلا لم أرى هلالنا بهذا الضعف الدفاعي مثل ماهو عليه اليوم ... فالملاحظ للجميع ان التكتيك الدفاعي الجيد غائب عن الفريق والمساحات الكبيرة بين المدافعين دليل على عدم تطبيقهم لنهج صحيح ... فالأهداف اللتي استقبلها مرمانا عادة ماتكون من فرص محققه أي ان مهاجمي الفرق الأخرى لديهم القدره للوصول لمرمانا من أسهل الطرق سواء كانت من أخطاء لاعبين ام أخطاء تكتيكيه. لذا لاأرى عيبا في أن يستعين سامي بمدرب خاص للمدافعين بحكم أنه لايجيد التعامل مع هذا الخط تكتيكيا كما وضح للجميع وكما استعان أوكسير به كمدرب للمهاجمين ...فالتخصص مطلوب متى مصعب حل الوضع. |
يا سلام لو يستعين بصالح النعيمه . |
اوافقك الرأي ماينقص الهلال حراس عملاق مثل طيب الذكر محمد الدعيع واتوقع السبيعي راح يتألق مع الفريق اذا اعطي الفرصه ياسر الشهراني مستواه نازل اتمنى اشراك البيشي في مباراه الشباب والزوري في الاظهره والقرني بدال كاستلو |
والله دفاعنا شوارع بصراحه وانسجام بخط الدفاع مافيه وهذا راح يضرالفريق في المباريات الجايه الفريق صار يستقبل كل مباراه هدف اوهدفين وهذا شي مانتمنآه في الزعيم ياليت فتره الانتقالات الشتويه نجلب الاعب اسامه المولد على الاقل افضل من المرشدي والزوري والمسلم بفارق كبير |
رغم غرابه الفكره لي لكن اتمنى ... ومثل ماذكر اخوي خط الدفاع يستلمه النعيمه او من هو افضل منه |
إقتباس:
الهلال بينه وبين الصداره نقطه ... |
عزيزي يعطيك العافية بس مو معناه ان سامي مهاجم مايفهم في التكتيك الدفاعي المشكلة هي عدم وجود لاعب موجه للدفاع اتمنى ان يكون الكوري او المرشدي من يوجه في الدفاع ثانياً الاندفاع للهجوم ومشاركة المحاور في الهجوم يكشف مرمانا في الهجمات المرتدة كلنا نتحدث عن الدفاع فاعتقد انها لن تفوت على ابوعبدالله خصوصاً ياسر يسار والبيشي يمين |
والله الدفاع يحتاج تنظيم بس وفعلاً الأندفاع مع الهجمة يكشف مرمانا وإلى يقول متدرب يا ليت بعض التعليقات ما تقال اذا كنت فعلاً هلالي والمشرفين يا ليت ينتبهون لبعض الألفاظ اللي ما تليق |
العاده ان اللاعب المهاجم هو خير من يحكم علىالخطوط الدفاعيه وسامي باذل جهد ممتازواذا لابد من الاستعانه فانا ارشح عبدالرحمن التخيفي |
أرشح الحبشي ......!! المدرب الوطني القدير واللي يقول الإستعانة بمتدرب أجل ليش اوكسير استعان بسامي كمدرب للمهاجمين وصار ارتفع رصيد الفريق من تسجيل الأهداف .... هل مدربهم متدرب مثلاً وليش ريال مدريد استعانوا بزيدان كمدرب لاعبي الوسط هل انشلوتي متدرب .....!! مدرب مراكز ...أمره مطلوب وخاصة مدرب الدفاع !!!!!!!!!!!! فكرة رائعة وموضوع مميز |
المشكله مو في الدفاع المشكله في المحاور ثقيلين وفوق كذا يطلعون مع كل هجمه الحل تثبيتهم في العمق عشان يكون فيه خط دفاع ثاني امام الكوري والمسلم |
فعلا كلامك صحيح موتقليل من سامي لكن من خوفنا ع الهلال واللي نشوفه من خطوط الدفاع شيء مايطمن ،، ع ادارة الهلال احضار مدرب خاص بالمدافعين مع اشراف الكوتش ع الدفاع لاننا لانستغني عنه وعن توجيهاته للدفاع وحتى يتفرغ سامي لباقي الخطوط ويكون تركيزه عليها اكثر .. شكررا لطررحك .. |
عنوان اكثر من رائع يلخص معاناتنا فا منطقة الدفاع لا تحتاج الى موهبة بل تحتاج الى لاعب يملك البنية الجسمانية وقليل من السرعه والاهم هوا التركيز والتمركز الصحيح وعدم اعطاء مساحات اتمنى احضار مدرب مدافعين اشكرك على اطرحك المتميز |
الفرق الصغيرة تلعب معك بأسلوب المرتدات و تقفيل المناطق الخلفية صعب تلعب بشكل دفاعي قدام فرق صغيرة لازم تهاجم و تسجل ناصر ضيع فرصة ما تضيع كانت بتريح الفريق و تريح الدفاع وكذلك نيفيز ضيع انا أرى المشكلة في تضييع الفرص السهلة و عدم انهاء المباراة من الشوط الاول عشان تنهج نهج دفاعي لابد ان تسجل هدفين خلال 25 دقيقة على الاقل عشان تقدر تمسك كورة و تتكتل دفاعياً و تلعب على المرتدات |
عندي اقتراح .. واسمحوا لي بدلاً من جلب مدرب .. وتكليف الإدارة مبالغ طائلة نقوم بعمل دورات تدريبية ... بحيث نأتي بلاعب بارز سابق في مجال معين .. ونأتي بلاعبين من نفس المركز حتى يقوم بتدريبهم لمدة شهر أو أكثر فمثلاً نأتي بصالح نعيمة لمسك قلوب الدفاع نأتي بالشريدة .. كقلب دفاع ثان (يمعنى أن يدرب على الكيفية المثلى لتغطية قلب الدفاع الأول والقيام بمهامه في حالة الإيقاف بكرت) نأتي بلاعب .. كظهير أيمن وآخر كظهير أيسر ربما تقولوا شخص واحد يكفي ولكن هذا الخط (خط الدفاع) أخطر أنواع الخطوط ... حيث ربما يدمر مجهود عام كامل ولهذا أطالب بالتخصص .. بحيث يدرب كل فرد واحد متخصص في مجاله وإن شاء الله الفكرة وصلت |
كما ذكرت الإستعانـة بالحبشي .... سيؤدي الدور بشكل مناسب .... |
فكره رائعه ومالمانع من استعانة ذوي الخبره بهذا الشأن شكرا لك .. |
انا بصراحه وهذا تقصير مني لا اعلم من هو الطاقم المساعد اتذكر كان فيه انجليزي اسمه جيلجان واعتذر واتوقع احضر مساعدين اخرين عالعموم يجب ان يقوم سامي بتقييم عمل طاقمه التدريبي ما اعلمه انه مدير فني حسب ما اعلن وبالتاكيد سيكون هناك ممرن للفريق ومدرب اعداد ومدرب مهارات ومدرب لياقه واتذكر كان مساعدي باكيتا البرازيلي 8 مساعدين احدهم يجلس بالمدرجات ويتواصل معه بالجهاز اتمنى من سامي ان يحاول الوصول الى افضل الاسماء المساعده فهم الركيزه الاولى في عمل أي مدرب . واتمنى تكليف الحبشي بتدريب الفريق الاولمبي ولو مساعدا وشكرا |
إقتباس:
|
فكره صحيحه اتمنى مثل المدرب الخاص بالتكتيك اللي استعان فيه سامي الجابر مو صعبه نشوف لدفاعنا حل والله يرجع لنا الحافظ بالسلامه الهلال الآن في حاجته |
اتمنى الاستفادة من المدرب حسين الحبشي يملك حس تدريبي رائع والاهم هلالنا يتصدر الدوري او يجيب لنا الاسيويه |
إقتباس:
طيب الذكر تعني الله لا يرده تستخدم للمغادر الذي لا تتمنى عودته..والله اعلم. |
كلامك سليم واتفق معك وليت سامي يتعاقد مع مدرب للمدافعين مفيدة جدا ودعني استشهد لك بحالة قريبة جدا : انا اتابع الارسنال منذ سنوات عدة لو تلاحظ الارسنال من بعد موسم 2006 الي وصل فيه لنهائي التشامبيونز ليق ودفاعه شوااااارع رايح فيها ماتحسن الا العام والسبب ان مساعد المدرب (بات رايس) اعتزل التدريب وجا مكانه مدرب شباب الارسنال (ستيف بولد ) بالاصل كان مدافع يارجل تغير الدفاع تغيير جذري تغير 180 درجة للاحسن وتطور تطور ملحوظ فصار عندي قناعة مافيه فريق ينجح دفاعه الا يكون عنده مدرب للمدافعين او مساعد المدرب كان مدافع او المدرب نفسه كان مدافع غير كذا على دفاعه السلام وابحث في كل الفرق العالمية الي تمتاز بصلابة الدفاع بتلقى احد هالثلاثة اسباب موجود بناديهم . عموما الله يعطيك العافية على رأيك وانا معك في هالرأي وتقبل مروري والسلام خير ختام |
إقتباس:
أوافقك الرأي وأشكر كاتب الموضوع لاخلا ولاعدم ان شاء الله |
الساتر الدفاعي الاول هم المحاور فلو كان المحاور ضعيفين دفاعيا فلا يمكن ان ينجح المدافع مهما كان مستواه وهذه القاعده نعرفها منذ الازل (اذا اردت خط دفاع يغطي بحدود معقوله فاجلب له محور دفاعي ممتاز يساعده لان قلوب الدفاع يتحركون في منطقه محدده ومن السهوله في كثرة الهجمات ان تفك تماسكهم ...لكن ان كان امامهم محور دفاعي قوي يخفف عنهم ويقومون بمهمتهم ) من قال نجلب النعيمه اوالحبشي ...الاثنان لايمكن ان يقبلا يكونا تحت قيادة سامي فالنعيمه لعب للهلال قبل سامي ب13 سنه والحبشي قبل سامي ب 7 سنوات فهما اكبر منه سنا وكانا نجوما كبيره في خارطة الهلال ولهما تاريخ عريق ايضا سامي لايمكن ان يقبل بمن سيشاركه التدريب وهذي حقيقه لاتقبل الجدل ....ممكن يستعين بعبدالله شريده هو القريب من سن سامي ويكون معه في التمارين فقط ...وشريده جنتل وجنرال في الدفاع سواء ظهير ايسر او قلب دفاع ....وسوف يكون مردود شريده ايجابي للغايه على الهلال ولكن لننتظر هل يقبل سامي بذلك ؟؟ |
انا متاكد كل التاكيد راح تشوفون الهلال غير في هذه المباراه وراح يكون كل شي حلو من دفاع ومن وسط ومن هجوووووووم وتذكرووا كلاااااامي بالتوفيق للملكي |
اتفق معاك مليوون % بالمية |
أحنى مصعبينها وهي سهلة والمسألة بسيطة إعطاء الفرصة والثقة ليحيى المسلم وبجوارة الكوري ومن هينا الى الأنتقالات الشتوية أذا ماقدم المطلوب منة الكوري يثبت المسلم والحافظ كقلوب دفاع ونعطيهم الثقة والفرصة وراح نوقف معاهم وبعدها راح نشوف رجال يدافعون عن الهلال |
انا كتبت بتويتر من كم يوم للحميداني انه ياليت نشوف النعيمة بنادي الهلال والاستفادة من خبراته ولو مستشار فني لتطوير مهارات الدفاع الهلالي والنعيمة قالها ان ابن النادي ومتى ما طلب مني ولو مشجع هلالي ان اخدم النادي فأنا مستعد ان اخدم النادي وفي اي مكان ولا ننسى الحبشي وعبدالرحمن التخيفي اعتقد ان ما خاب من استشار ومن يستشير أساطير الهلال اعتقد راح يكسب وإضافة ان هالشي راح يكون سابقة سعودية ولها دلالات مهمة ان النادي سيظل وفي لمن كان وفي له |
تدري وش مشكلتنا اننا قابلنا انديه تلعب على المرتده دايم نعاني في المرتدات الغير متوقعه مشكله الهلال عناصريه فقط وليست في التكتيك بعدين كيف تجيب مدرب للدفاع مدرب الفريق واحد وهو الي يربط جميع خطوطه وسع صدررك راح يتحسن دفاعك |
إقتباس:
انا اقصد مدرب يكون تحت انظار المدير الفني سامي ويقوم بدور كبير في تلافي السلبيات التكتيكيه والفرديه وبالتالي سينعكس ذالك ايجابا على المستوى العام للفريق. |
ها أنا ذا أرفع الموضوع بعد شهر من كتابته ومازال وضع الفريق من سيء الى اسوأ وكما هو ظاهر للجميع بأن سامي لم يستطع التعامل مع الفريق دفاعيا بل أن الأخطاء تتكرر وبشكل مخيف فأرجو الاستعانه بمدرب خاص للمدافعين قبل ان نندم وقت لاينفع الندم. |
وبعد اكثر من شهرين ارفع الموضوع وحال هلالنا مع دفاعه من سيء الى اسوأ ورحم الله أمريء عرف قدر نفسه. |
وبعد اربعة أشهر نجد حال دفاعنا كماهو ونفس الاخطاء تتكرر للأسف وبالتالي تضيع مجهود الفريق بتكرارها فهل من مجيب؟ |
حسين الحبشي مدرب متمكن للفرقه ككل وياليت يكون مع سامي لكن ماظنيت يستعين سامي بلاعب هلالي ....ابوفهد النعيمه مايصلح للتدريب لان التدريب يبغى واحد وسيع صدر ارشح الحبشي حسين، ابو ثنين ، الموينع ، عبدالله شريده اما النعيمه والدعيع والدوخي والبيشي .....هؤلاء نجوميتهم اكثر من الذين ذكرتهم لكن اشعر انهم لايصلحون مدربين من النجوم الحاليين مثلا اشعر ان ياسر والفرج يصلحون مدربين لكن لااشعر ان سالم الدوسري والعابد والشمراني يصلحون مدربين |
فكرتك مرفوضة شكلا وموضوعا ومن الواضح إن لها دوافع شخصية المثل يقول: إذا كثرت دبرت |
إقتباس:
سبق لي ان طرحت الفكره بموضوع http://vb.alhilal.com/t1164219.html وأُشبع طرحاً بلا فائده تذكر حتى ساعة إعداد هذا الرد ي و س ف :smilie47::smilie47::smilie47: :smilie47::smilie47: :smilie47: |
انا اشوف ان سامي يستعين بالنعيمه وابو ثنين حتى يختارون لاعبين المحاور والدفاع |
إقتباس:
|
التنظيم الدفاعي !! التنظيم الدفاعي !! سئ جدا ... اتمنى عودة كواك وكريري في اسرع وقت مستوى الفريق سئ اعتقد اذا تاهلنا من دوري المجموعات سيكون بشق الانفس |
دفاعنا هش ومن مجرد هجمة تصبح خطورة غير طبيعية علينا .. |
طيب الأظهره والمحاور كمان نستعين بمدربين !! |
يا اخي سامي كان يدرب لاعبين صغار في السن واساسهم صحيح كيف تقارنهم بلاعبي الفريق الاول في الهلال اللاعب اللي مهو متأسس بشكل صحيح المفروض انه ما ينضم للفريق الاول بهالعمر ما ينفع معه تأسيس او تعليم بالعربي فاته القطار الهلال لازم يهتم بالنشئ ويأسسه بشكل صحيح بالنسبه لدفاع الهلال راح يتحسن كثير مع عوده كواك |
دفاعنا من زمان ضعيف ولكن وجود الدعيع بالحراسه كان يغطي مشاكل الدفاع |
اذا كل مركز بنجيبله مدرب علشان سامي مايعرف يدربه انا اقول نغير سامي والتسعة المساعدين ونجيب مدرب ثاني بداله ونوفر فلوس على النادي |
في المباراة الاخيرة ظهر ارتباك الدعيع وثقل كاستيلو بصورة كبيرة وهذا ما خلخل الدفاعات الزوري و الفرج كانوا خارج نطاق المباراة الشهراني أنقذ الفريق من انفرادية محققة التسجيل |
اعتقد بان عودة كواك و كريري ستضيف الكثير لدفاع الهلال بحيث تكون التشكيلة شيعان شهراني كواك ديقاو دعيع الفرج و كريري شلهوب نيفيز سالم ناصر |
ارفع الموضوع بعد الشهر الخامس وحال دفاعنا كما يرى الجميع ...واعتقد لا يوجد مجال للشك بأن الكابتن سامي لم يستطع ايجاد حلول لمشكلة الدفاع واللتي انهكت قوى الفريق ومازلت عند رأيي كما استعان بك اوكسير لتدريب المهاجمين فلم لاتستعين بمساعد يكون له القدره في ترميم مايمكن ترميمه. |
فعلا كلام مهم جدا ويعطيك العافيه واقتبست منك هذه الفكره الجميله في احد الردود مصلحة الهلال تتطلب هذا التصرف عاجلا والافضل المدرب الوطنى ابن الهلال حسين الحبشي هذا ليس تقليل في الجابر بقدر ماهو طلب مساعد يحمل الثقل مع الجابر |
اخوي الوضوع حلو ونشكرعلية المشكلة ليست فالـــدفاع وحـــــدة الـــمحاور تكون سبب كثير في اغلب الاهداف التي تسجل فالهلال كاستيلو بطئ جدآ واكثر واجباتة هجومية تقدم الزوري والشهراني سبب رئيسي في خلخلة الدفاع وكشفة بسهولة وذلك لعدم وجود من يؤمن مراكزهم حال تقدمهم نلاحظ الشهراني في حال انقطاع الكورة يرجع سريعا ويؤمن مركزة اما الزوري فهو نقطة الضعف الهلالية رقم 1 السد استغلهاء كثيرآ وسجل منهاء باختصار الفريق باكملة يحتاج لشخص يعيد ضبط المراكز الهلال فريق يلعب باسمة حتى الان الفريق يلعب باسمة فقط الفريق مشحون داخليآ الفريق محتاج الى تهيئة نفسية قبل كل شي الاعبين يحتاجون دعم معنوي كل التوفيق للجميع |
... اصرأأر ســأأمي على بعض الاسمـــــأء في الدفأأأع سبب رئيســي فيمأأ يحدث والسيب الفأأضح الاخر ايضأأأ اصراره على اللعب بالدفأأأع المتقدم و الله لم اشأأهد هلالنأأأ بهذاا السوء و التنظيم الدفأأعي في حيأأأتي بالرغم من وجوود الاسمــأأأء التي يتمنأأهأأ أي مدرب في الخأأرطه الهلاليه . ياا ساامي اعمل طريقته الدفااعيه على حسب امكانيات و قدرات مدافعينك الموجودين , طريقتك باللعب بالدفاااع المتقدم تناسب الانديه الكبيره مثل ريال مدريد و البرشأأأ لان الامكانيات و الفوارق الفنيه لدى الاعبين تختلف بنسبة كبيره اذا لا تكاابر باللعب بهذه الطريقه |
انا مع الفكرة ...... الهلال ناقصة التنظيم الدفاعي بالاسماء الموجودة ......راح يكون هناك تغير كبير ان شاء الله |
| الوقت المعتمد في المنتدى بتوقيت جرينتش +3.
الوقت الان » 04:55 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd