|
تعبنا من هالدفاع ... نبي حل اولا: اللهم لك الحمد كما ينبغي لجلال وجهك وعظيم سلطانك .. مبروك الفوز اللي جاء بشق الانفس ولكن الفوز لا يححب الاخطاء اللي لازمت الفريق من أول جوله وحتى مبارة الليلة مع التعاون كادت أن تعصف بالفريق وتفقده نقاط مهمه من فرق المفروض أن النقاط ما تضيع منها ... مشكلة الفريق الأولى واللي تكررت في كل الجولات هي بعد السناتر عن بعض سواء المرشدي في المباريات السابقة او يحيى المسلم مع الكوري اللي يبي من يحلق رأسه صفر وتفركه ببلكه أجل يتفنن مع المهاجم لكن الله ستر . المشكلة الثانية تقدم كاستيلو للامام وترك مساحة خلفه كانت مسرح عمليات للتعاون... المشكلة الثالثة هي في الظهير المميز سابقا والمختفي حالياً ياسر الشهراني .. تراجع مخيف في مستواه ... # الشق الهجومي في الفريق لا خوف عليه بوجود تياغو والعابد والدوسري سالم وعزوز والشمراني وياسر ... احب اشيد بالمستوى الكبير اللي قدمه القناص ذكرنا ب 2007 حماس وقتاليه يشكر عليها ... نتمنى من الكوتش سامي تدارك الأخطاء بأي شكل وما كل مره تسلم الجره... وسلامتكم |
الحل تغير هرماش وتجيب مدافع اجنبي جنب الكوري .. وتغير كاستيلو وتجيب محور صاحي دفاعي |
انت مبالغ في انتقادك " أوفر " هدف التعاون نتيجة الثقة الزائدة . بصات وآخر باص جا غلط . ليست مصيبة ثم تنتقد المسلم اللي لعب " اول " مباراة له من بداية الدوري وتقارنه يالمرشدي اللي من بداية الدوري ... خابت توقعاتك .. |
المنطقة الخلفية بكبرها رايحه وطي .. |
العيب مو في الدفاع العيب في التنظيم الدفاعي ايام كوزمين كان دفاعنا عناصريا مو بذاك المستوى لكن التنظيم كان مميز وقوي الخطوط كلها كانت داجة وضايعه واللعب عشوائي وفوضوي |
إقتباس:
وانا ما انتقدت لاعب بعينه سوى الكوري ... والمسلم حتى لو كانت اول مشاركه ما يمنع اننا نوضح الخطأ والتعاون له 3 اختراقات بين الكوري والمسلم وكلها خطيره |
صدقني لو فيه وسط قوي ومحاور قويه ماشفت اخطاء دفاع والدليل شفت مدافعينا الي مانبيهم !! لو راحوا فرق ثانيه بيبدعون لان مع الاسف الهلال مافيه شي اسمه ((مراجعة الدرس )) ((دورات تطويريه للاعب )) لاتسالني كيف فكر فيها الموظف في القطاع الخاص يتطور لانه ياخذ دورات كثيره وتطوير اللاعب الهلالي مع الاسف يستمر عشر سنين نفسه نفسه |
لماذا لا يجرب سامي عبدالله عطيف بديلا عن هرماش؟ |
كل مباراة لازم تدخل علينا اهداف اخطاء الدفاع تتكرر اتمنى من سامي ان يلعب في قلب الدفاع المسلم والحافظ من المباراة الجايه لان اخطاء المرشدي والكوري تتكرر الحارس ياخي السديري زين لكن السبيعي افضل منه اتمنى يكون اساسي باقي مباريات صعبه كيف الهلال بيلعب في دفاع هذا وكمان الاظهره سلمان لم يقدم مستواه الله يعين بس بالتوفيق للهلال |
المباراة بصفة عامة لم ترتقي للمستوى المطلوب والخطأ يتحمله الكوري فقط اما الدفاع فلم يكن سيئ جدا غير ان الفرج لا يجيد اللعب في مركز الظهير.. |
امام اي فريق نقابله لابد ان تهتز شباك الزعيم !! المفروض من المباراه القادمه نضع موضوع عن كم تتوقع يسجل علينااا !! ومن هو المدافع الاكثر هفوه ونكبه بالدفاااع !! ثاني شي العااابد مستواه من سيئ لأسوووء مع ذذالك مكرمينه ب الكبتنيه الليله !! ياسر الشهراني هذا اللاعب متفائل فيه بس مستووواه هااابط بقووه عن الموسم الماااضي ..و سلمان الفرج نفس الكلام |
الحل اعطاء الثقه للحاااافظ و الصبر على الكوري و الحكم عليه نهاية الموسم ( الرجال 6 شهور ما لعب كورة ) |
المشكلة ان دفاعنـا سهـل اختراقه جـداااً لا ويجيك يكمل اللاعب على هفوة سخيفة واستهتار بالتمريرة وكأن ناقصين !! يعني هدية هدف للفريق الخصـم بالمجان .. أتمنى من سامي يركز على الدفاع وتنظيمه مليوون مره .. احس الفريق وبعض اللعيبة صايرين مستحيل يتعلمون من أخطاءهم !! بعض اللعيبة برود واستهتار بالتمرير وعدم الضغط على لاعب الخصم لما يتقدم !! فلذلك كـل مرتدة علينـا بجد خطرة ومخيفة وفرصة هدف ! فبجد بجد ألف مليوون الحمـدلله على فـوز الليلة الصعب نتمنى من سامي يركز بقووه على الدفاع ويحل مشكلته ,,, |
وش فيك على كاستيلو والله انه انقذ كرات واجد الغلط من هرماش اللي مدري وش يلعب |
صحيح مشكلة في الدفاع وخصوصا الكوري وفي المحور كاستيلو وياليت ابو عبدالله يلعب المباراة الجايه بالمسلم وحافظ ويلعب عطيف مكان كاستيلو |
| الوقت المعتمد في المنتدى بتوقيت جرينتش +3.
الوقت الان » 01:40 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd