|
الطريق الوحيد لعودة الهلال الى سابق عهده كما عهدناه هلال اسيا السلام عليكم ورحمة الله وبركاته كل عام وانتم بخير وعيدكم مبارك انا عضويتي مثل ما كلكم شايفين سنة 2010 واول مشاركة في موضوع لي اليوم وغيابي كان لسبيين 1/ ظروف شخصية 2/ الهلال كان السبب صراحة شمعنى الهلال ؟ انا بدخل في الموضوع على طول الهلال في السنوات الماضية كان فريق قوي لا يشق له غبار حاليا الهلال في السنوات الاخيرة يلعب على الاسم القديم والهيبة القديمة اللي صنعوها نجومه السابقين وكل اكثر من كونه اداء حقيقي داخل الملعب ، وحتىلفرق الخليجية والسعودية بنفس الطريقة . الادارة الهلالية ممتازة وجيدة مثل الادارة السابقة ، الجمهور الهلالي هو نفس الجمهور الهلالي بالسابق اللي هو الرقم الصعب والوقود الحقيقي والشعلة الي تضيء طريق الهلال . اذن السر في اللاعبين لاعبين اليوم للاسف غير لاعبين الامس اللي يمتلكون المهارة + الاخلاص للشعار والتضحية ( يحترق في الملعب عشان يفوز ) والدليل شمعنى البطولات ماتحققت الا في السابق ايام النعيمة وهذال الدوسري ويوسف جازع ويوسف الاحمد وعبدالله الدعيع وغيرهم وحتى اخر جيل من المبدعين سنة 2000 ان ما خاب ظني فترة رئاسة الامير بندر بن محمد ، كان وقتها نجوم الهلال محمد الدعيع والدوخي والتمياط والتيماوي وسامي والثنيان وسيرجيو وغيرهم الان مافي لاعب حقيقي بمعنى لاعب يمكن باستثناء سالم الدوسري وناصر الشمراني اللي يحرصون على انفسهم واداءهم ومستواهم نوعا ما ثابت ممكن يجي شخص ويقولي في السابق الكرة في شرق اسيا ما تطورت وكان مستواها اقل ؟ ارد عليه واقل كلامه صحيح الكرة في شرق اسيا بدات بالتطور مع بدايات التسعينيات الميلادية لكن وقتها نجوم الهلال مع المنتخب السعودي وناديهم كانوا يبدعون قدام منتخبات مثل البرازيل والارجنتين وغيرهم ، هذا لايعني انك تقلل من نجوم الهلال لان خصومهم اضعف مستوى وان البطولات اخذوها بسهولة وباردة مبردة ، والدليل مشاركة المنتخب السعودي في اول كاس اسيا للمنتخب سنة 1984 وبمدرب وطني استطاع المنتخب انه يحقق الكاس بجدية ومهارة واخلاص نجومه هزموا منتخبات لها باع طويل في هذه البطولة واقدم منه ( باختصار الكرة في شرق اسيا تطورت وفي الهلال والخليج بشل عام بدات الكرة بالرجوع ، هم لاعبينهم احترفوا في اوربا تقريبا كل لاعبين اليابان وكوريا الجنوبية والصين واستراليا ، وعندنا نجومنا اعتزلوا ولاعبين اليوم ولا يفكر بالاحتراف في اوربا الا للبهرجة الاعلامية والتشخيص هذا لو فكر ، لانه هنا مدلل والخانة اساسي مضمونة مع انه ما يقدم مستوى ) باختصار ومع احترامي لبعض اللاعبين وبدون ما اسميهم بالاسم خصوصا في الدفاع وجودهم بالهلال عبث ولعب في الهلال ومقدراته وجهد رجاله السابقين وتاريخه ، والنعم فيهم هاللاعبين ومشكورين وما قصروا لكن لو بنفكر بمصلحة الكيان فوق كل شي نقولهم ما قصرتوا والله يوفقكم في اندية ثانية ( اذا فعلا الهلال بينجح وينافس صح داخليا وخارجيا ) شمعنى في وقت الامير بندر بن محمد والامير سعود بن تركي ومن قبلهم من الرؤساء كان الهلال في قمة عطاءه ويرعب كل الفرق وهو المرشح الاول وياخذ البطولات ، رجال الهلال هم رجال الهلال الى اليوم والى باكر واقفين معاه وجمهور الهلال هو جمهور الهلال ، لكن اللي تغيروا اللاعبين والحل في رأيي الشخصي المتواضع هو اي لاعب ياخذ فرصته كاملة ولا يقدم المرجو نقوله الله يوفقك في نادي ثاني الخانة ما تشتريها بصك ونجعل اللاعبين جميعا في منافسة بهالطريقة يكون اللاعب يشد حيل طول السنة لانه يعرف ان اي تقصير في غيره ينتظرون الفرصة في الاحتياط ، وهالشي بيخدم الهلال ( ولكم في كاسياس اكبر دليل ، لو كان في الهلال من بعد ما هبط مستواه مع فريقه ريال مدريد كان كاسياس اساسي وفي حراسة المرمى الا ان يبلغ عامه الاربعين ) اعتذر للاطالة حبيت اكتب على طبيعتي دون ترتيب او تنسيق مسبوق سامحوني للخطا او التقصير سبحانك اللهم وبحمدك اشهد ان لا اله الا انت سبحانك واستغفرك واتوب اني كنت من الظالمين .. |
يعطيك العافية بس فيه نقاط كثير مااتفق معاك فيها ! |
أتفق معاك بكل حرف ,, المجاملات هي اللي ضيّعتنا , نامي مثلًا لاعب سيء جدا ونكب الفريق بأكثر من مباراة وبالمقابل أخذ فرصته وجلس اكثر من موسمين وكل ما تجي الكورة عنده ايادي الجمهور ع قلوبهم من ارتباكه وتردّده , ولكن ما أتخلّص منه الفريق الا الموسم هذا !! نفس الكلام مع الزوري والمرشدي يا ناس والله خلاص كذا ما ينفع , الزوري تقريبًا بكل مباراة هدف بسبب سوء تغطيته وتمركزه الخاطئ , لاااعب بطيء ومعروف انه الظهير لازم يكون سريع او سرعته مقبولة ع الأقل ! المرشدي عاد لا تعليق إنت شوف مباراة الأهلي ولك الرأي , لاعب حتى ما يعرف يشتّت الكورة ! والمشكلة اللي يقول لا تنتقدهم ياخي كيف ما اتنقدهم , موسمين قاعد يتكرر نفس الشيء ونفس الأخطاء واحنا صابرين ! كل سنة نخسر بطولة ولا بطولتين بسبب الدفاع واخطائهم ! والمشكلة الأكبر المكابرة من الكابتن سامي ! نحنا أفضل دفاع بالدوري !! كيف افضل دفاع والرائد يسجّل عليك هدفين ويضيّع مثلها ! من متى الرائد يسوّي فينا كذا ! مرشدي قال كيف افضل دفاع وفيه المرشدي والزوري ! |
حيا الله أهل قطر ومرحبا بك حتى لا نعقد المسألة ونقول لاعبين أول يختلفون عن الحاليين المسألة بسيطة وما يحتاج لها تعقيد فريق الثمانينات والتسعينات هو نتاج مدرسة الهلال في عز تميزهـا تميز في استقطاب مدربين فئات لهم خبرة كبيرة ناس تشتغل وتدعم وتتابع مسؤوليين يتابعون المدرسة مباشرة ولها ارتباط بإدارة الفريق الأول عبد الله بن سعد -رحمه الله - كان متابع شديد لها والمؤسس -رحمه الله- من ضمن اختياراته سامي الجابر بهذه الوضع ستكون النتيجة عندك لاعبين مميزين فنياً ونفسياً لخوض المنافسات داخلياً وخارجياً أما الآن فوضع الفئات السنية من اكثر من عقد لا يبشر بخير وحتى مع التعاقد مع الإتحاد الإسباني لم نرى عمل وصرف لبناء ملاعب للفئات تماثل قريناتها ولم نرى بناء معسكرات للفئات السنية أو حتى مقر دائم لهم ....يكفل لهم التدريب والحضور المنتظم وعدم الإنقطاع ودعمهم بدراستهم في التعليم العام الناس تقدمت وتطورت في هذا المجال ويكفي عندك في قطر تطوير الفئات السنية على مستوى كرة القدم ...... الهلال يحتاج وقفة تصحيحية لتدارك هذا الهبوط الخفي سيأتي يوم نبحث في أندية محلية عن لاعبين فنرى المزايدات وستذهب أموال النادي في غير محلها ...وكان الأولى وضعها في الفئات السنية تقديري لك وكل عام وأنت بخير |
ردي مثل الأخ صاروخ ريفاليينو .. كل عام وأنت بخير .. |
حيا الله اهل قطر وكلامك على العين والراس ياعزيزي وكل عام انت واهل قطر وجميع المسلمين بخير وصحه وعافية باذن الله باختصار شديد كلامك ووجهة نظرك صحيحة ومنطقية ولعلي اضيف نفطة يمكن نسيت تضيفها انت الا وهي : السبب في تقدم فرق شرق القارة ولاعبيها على فرقنا ولاعبينا هي الفلوس الزايدة الي نعطيها للاعبينا صار اللاعب عندنا مايفكر يحترف برا لان برا بيعطونه على مستواه واداءه لكن عندنا يرفعونبه ويعطونه فوق مستواه واداءه نهاية شكرا لك على موضوعك وطرحك الجميل |
الله يحييكم جميعا كل الشكر لكم راي حبيت اوصله واحتمال مرة ثانية اغيب لفترة طويلة الله اعلم متى حللونا وبيحونا واستروا ما واجهتم وكل التوفيق لكم دين ً ودنيا واستمروا في منتدى الهلال يد واحدة بوقفة شخص واحد ، انتم ياجمهور الهلال سر نجاح الهلال وتميزه انتم باختصار قبطان السفينة والهلال هو السفينة متى ما حذف عن مساره عدلتوا المسار ومتى ما واجهته صخرة بمهاراتكم جعلتوها يتفادها بالتوفيق للجميع وللمشرفين لو حبيتوا حجب عضويتي وشطبي من المنتدى افضل ذلك لكون لو احب احد الاخوان في يوم من الايام يستفيد من النك نيم بيكون بامكانه ذلك والسلام عليكم ورحمة الله وبركاته |
أنا من وجهة نظري السبب الرئيسي في انخفاض مستوى الهلال هو عدم وجود رجل في الإدارة يفهم كورة يعني واضح فيه لاعبين كثير مايستاهلون يلعبون في النادي و فيه لاعبين محليين يستاهلون يلعبون في الهلال و لم يتم جلبهم يعني لو فيه شخص يفهم كورة كان اول حاجة يتعاقد مع أفضل اللاعبين المحليين ثم بعد ذلك يتعاقد مع اللاعبيين الأجانب و يجب أن يكون الأجنبي لاعب ممتاز إذا كان غير ذلك ما ابغاه نهائيآ يعني بعطيكم مثال شوفوا لما سامي جاب الشمراني نجح بشكل كبير أنا ابغى كذا يتم إختيار اللاعب المحلي بكل دقة تخيلوا لو جبنا نايف هزازي بدل السالم و سعود كريري بدل كاستيلو و هكذا |
لاشك ان هناك لاعبين في الهلال مستواه الفني جدآ متواضع و المفروض يكونو خارج اسوار النادي اللاعب اذا وجد لاعب ينافسة على الخانه يلعب بروح قتالية و جدية و حماس من اجل استعادة الخانه الهجوم ولقينا له حل باقي الدفاع |
اسمح لي ان اختلف معك في بعض النقاط وقبلها اتفق معك في ان هناك (لاعبين) اجانب لا يضيفون للفريق شيئا اذا استثنينا نيفيز لا يوجد محترف اجنبي مميز يعني لدينا محترف اجنبي وحيد جيد وللاسف يلعب في مركز الشلهوب ويلعبان سويا يعني الفريق يلعب ناقص لاعب . عندما كان لدينا سيرجيو المحور وسيرجيو المهاجم وبصير ونضاو والكاتو وليتانا وادميلسون وبهجا وغيرهم كانوا يصنعون الفارق وكان الفريق مكتملا بجميع المراكز الهلال الان لا يوجد لديه لاعب بالجهه اليمنى سوى سالم اذا غاب كيف تريد من فريق اعرج ان يلعب جيدا ؟ كيف تريد فريق محترفيه هرماش وكاستيلو ان يوجدوا الفارق في مباراة ام صلال اضاع الشلهوب ضربة الجزاء وخرجنا . في مباراة ذوبهان اضاع ويلهامسون ضربة جزاء واهدى هوساوي هدف للفريق الايراني وخرجنا . في مباراة اولسان فريق اشرف عليه اربعة مدربين في موسم كيف يعطي ؟ سابقا امام فوركاوا اضاع النعيمه بلنتي وفاز الفريق الياباني بمعنى ان الفوز والخساره وارد ولكن الهلال حاليا يحتاج الاستقرار التدريبي ويحتاج تعزيز الجهه اليمنى وتكليف الشلهوب والغنام بالاشراف على الفريق الاولمبي او الفرق السنيه اداريين او مساعدين حتى نهاية عقودهم واحضار قلب دفاع ومحور وصانع العاب ومهاجم يصنعون الفارق عندها سيكون الفريق متكاملا وحتى اذا لم يفوز بالبطوله في موسم سيفوز بها في الموسم الذي يليه بتوفيق الله اتمنى ان يكون خيار سامي لاعبين اثنين لكل مركز . اساسي وبديل مثلا الزوري والشهراني ظهير ايسر المرشدي والمسلم قلب دفاع ايسر الحافظ والدعيع قلب دفاع ايمن (احضار لاعبين للظهير الايمن) او لاعب والصبر على سلطان كبديل او تصعيد البريك والبقعاوي اومشعل الحوطي المحاور القرني واتمنى تصعيد المرشدي ومهند فلاته و سلطان الفرحان الوسط الايسر الفرج والعابد الوسط الايمن سالم وتصعيد كعبي صانعي العاب تصعيد عبدالكريم القحطاني اوخالد القطام اوالصقر اوالاسمري اوالسواط اوالجوعي الهجوم ياسر وناصر وعزوز وتصعيد المنيع 22 لاعبا واربعة حراس واربعة اجانب يصنعون الفارق وبذلك يكتمل الفريق لو ناظرت الاسماء السابقه تجد النقص او الضعف في الظهير والوسط الايمن والمحور وصناعة اللعب وللاسف التعاقدات تذهب يمينا ويسارا ولا تلامس حاجة الفريق حتى انه يتم تكليف الشهراني بالظهير الايمن وهو ظهير ايسر والفرج بجميع المراكز وهو وسط ايسر وغيرهم اتمنى الصبر على سامي وان يحل مشاكل الجهه اليمنى ولدينا الافضل بكل مركز فقط يحتاجون الفرصه بالوقت المناسب ..... شكرا لك |
أنا صراحهـ أشوف ان الهلال هالموسم وللهـ الحمد مستواهـ في تصاعد للأفضل ~ وأفضل من المواسم الماضيا بكثير =) وإن شاء اللهـ رح يكون فـ آسيا هالمرهـ أفضل من الموسم السابق ، متفائلهـ خير صراحهـ بهالأسماء رح ترجع آسيا لأصحابها =) شكرا لكـ واللهـ يرجعكـ بالسلامهـ إن شاء اللهـ ~ |
اتمنى هذه التشكيله مع بداية الانتقالات الشتويه ا لسديري زوري مرشدي الكوري الشهراني ابوهشهش الفرج التون لاعب الفتح نيفيز سالم الدوسري الشمراني |
إقتباس:
|
ردي مثل الأخ صاروخ ريفاليينو .. كل عام وأنت بخير .. |
موضوع جميل وبقولها على البلاطه : ( اذا تريد هلال الماضي وهلال المستقبل لابد عليك ان تحسن البنيه التحتيه وهي : الدفاع ) كأن تأتي بثنائي صربي او ايطالي او برازيلي وستشاهد الهلال فعلا شكرا لك |
| الوقت المعتمد في المنتدى بتوقيت جرينتش +3.
الوقت الان » 04:29 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd