|
علاج نفسية "سيقاندو كاستيلو " المحبطة مع الفريق وسببها ! http://store2.up-00.com/Sep13/GPJ82893.jpg بعد كل مبارة يلعبها منتخب الأكوادر يظهر تألق لاعب الهلال"سيقاندو كاستيلو "مع منتخب بلادة ولكن هذا الـتألق سرعان مايختفي مع الفريق الهلالي .. طيب ايش السبب ؟ انا اقولكم .. كلنا نتذكر هدايا عبد الرحمن بن مساعد في عيد ميلاد بنت نفيز من كثرها يقولون جايبينها في دينا .. بينما هذا المسكين عنده اولادة اثنين وسبق انه احضرهم للنادي وكانو في ملابس رثة يعني منتهيه مع الأسف عبدالرحمن بن مساعد ماتعامل بحنية مع الاعب والمفروض عليه ان يتعامل بمبداء المساومة مع الاعبين .. كان من المفترض رفع الروح المعنويه للاعب بهدايا بسيطة لأبنائة اسوة بلاعب نيفيز وبنته وهذه الهدايا ماتكلف سموه شي بينما تاثيرها على الاعب راح تكون كبيرة .. احيانا امور صغيرة تحز في خاطر الاعب لكن تأثيرها كبير . اما الحل فهو على بن مساعد ان يطيب خاطر الاعب ويشعره بأنه لاعب مهم ولاعب مرغوب فيه مثله مثل نيفيز . على بن مساعد ان يعتبر اولاد الاعبين الأجانب زي بعض مايفرق بينهم . "سيقاندو كاستيلو " لاعب ممكن يخدم الهلال ولكن اعطوه مثل ماتعطون غيره . مزيد من التقدير ياسمو الأمير للاعب وانا اراهن بأن الاعب راح يكون دعامة قوية لخط المنتصف في الفريق الهلالي .. اتمنى دعم هذا الاعب من قبل الجمهور على الأقل برفع علم بلاده في اول مبارة رسمية اما انا اوعدكم ارفع علم الأكوادر في اول زياره للفريق الهلالي الى الدمام وهذا اقل شي ممكن اسويه كدعم للهلال اولاً وللاعب ثانياً . تحياتي للجميع وكل عام ونتم بخير Jc_jiio مــشــعـل |
ما ذكرته هو أحد الحلول .... ممكن لكن لا يجعلنا نترك السبب الحقيقي وسط الهلال يحتاج لإنضباط تكتيكي لما كان عند عزيز ورادوي كان عن يمينه ويلهامسون وسط أيمن والظهير الكوري لي يونج ...... كان الوسط مؤدي دوره خاصة في مسألة المساندة الدفاعية ولذلك تجد وسط الهلال وبالأخص المحاور يؤدون أداء ممتاز ....... ولو ضعف أطراف الهلال الهجومية والدفاعية فالمحاور بلا معنى شف النصر عزز وسطه وبدا يفوز وهذا خفف على دفاعه كثير من الأخطاء ... من مباراة الأهلي لما خرج سالم الدوسري ضعف وسط الهلال وفي مباراة الرائد كانت الجهة اليمنى غائب فافتقدت المحاور لقوتها من جهة اليمين الحل النهائي / أن الهلال يترك التعاقدات المبالغ فيها ..... ترى فيه لاعبين أقل تكلفة وافضل عطاء وتأقلم وعندك كماتشو وتفاريس أكبر مثال غطوا مراكزهم وكانوا علامة فارقة بالفريق لذلك البحث عن محلي أو أجنبي (عربي - برازيلي - أفريقي ) أراه أفضل الخيارات من لاعب دولي طموحاته كبيرة والأنظار عليه من دوريات أكبر ..... الأفضل على الإدارة الحالية أن تعيد النظر في تجربة إدارة محمد بن فيصل وتستقطب الأسماء التي تساعد في اختيار لاعبين محترفين وشكراً |
احسنت .. كلامك سليم 100% ولكن انا هنا اتكلم هنا عن مشكلة لاعب فقط ممكن يخدم الهلال مع عدم اغفال جميع النقاط الى انت ذكرتها .. كل عام ونت بخير |
اقول تسيف الحال هذا لاعب محترف ويستلم لطخة قروش وعيالنا وفقرائنا اولى منه |
اللاعب عمره ٣٢ سنه وله ١٤ سنه محترف من عقد الى عقد بالملايين بنته تلبس ماركات،،اي رثه الله يسلمك،،انا احسبك تمزح قلت اكمل الموضوع. |
أولا رجعت لكن بعد انقطاع طويل بسبب ظروف خاصه فيني أما بخصوص كاستيليو فالاعب الكل شاهد ابداعه مع منتخب بلاده وهذا يدل انه لاعب كبير لكن الحيره اللي حيرة جمهور الزعيم لماذا الاعب لم يقدم المستوئ المؤمول منه ممكن ان الاعب لحد الآن لم يتأقلم مع الفريق ممكن أيضاً الراحه النفسيه لها الأثر الأكبر في هاللشي |
أما من ناحية رثة ما أعتقد فاللاعب محترف وعنده ملايين .. أتمنى أن يترك النادي إذا لم يستطيع أن يقدم المطلوب .. |
ياحبيبي كاستيلو كبير بالسن.. واغلب لعيبه المنتخب مراعين هالشي ما يعطونه الكوره إلا إذا في الضروره.. تاركينه يستجمع جميع طاقته في المرتدات والادوار الدفاعيه اتمنى من الجميع انه يرجع ويتابع مباريات كاستيلو مع المنتخب.. وركزو على كلامي |
إقتباس:
حبيبي مع احترامي لك اختلف معك كليا .. رأيك عاطفي وفيه تبسيط للموضوع كاستيلو رواتبه السنويه حدود ال 2مليون يورو وراتبه ينزل في حسابه بتاريخ 28 من كل شهر زي الحكومه وضعه سببه باختصار ان جسمه معنا وعقله مع منتخب بلده .. الولد يبي يكون ضمن المجموعه اللي وصلت بلدها لكأس العالم 2014 ما عنده استعداد يصاب بتمزق او اي شئ يكون سبب لعدم مشاركته .. ولو لاحظت مباراة الرائد كان ع الواقف لأن باقي 6 ايام ع مباراتهم قبل امس نفس وضع اشرف قاسم ونضاو وويلي وهرماش والعربي لما كانوا يمثلون منتخبات بلدانهم ويلعبون معنا هذي الحقيقه دون تلميع .. هدايا او بزارينه محد عطاهم وجه او مالقوا مدارس تناسبهم كله مبررات نصنعها عشان يضحكون هم علينا فيها كاستلو ما عنده مجال يفكر بنادي اوروبي درجه اولى بحكم ان عمره 31 .. تفكيره الان منصب كيف يصنع لنفسه شئ تاريخي طبعا اكيد موب كاره ابدا ان يلعب في 2014 مع انه حتى هالشئ ماراح يساعده للحصول ع فرصه اوروبيه بنادي درجه اولى :rose: |
لا اشوف لا ابداع هنا و هناك ، حسستوني انه بكل مباراة مع الاكوادور يسجل هاتريك ! الله يعجل بعودة الروماني بس |
والله ان مستواه نفسه حتى مع منتخبه لاتهولون انا تابعت مبارته الاخيرة ضد الاورغواي صراحة كل لاعبين الاكوادور سريعين وذو حماس الى هو نفس تحركاته الي مع الهلال نفسها مع منتخبه |
بصراحة .. مع احترامي للاعب كاستيو.. ما رأينا يقدم شيء يذكر في منتخب بلاده.. نعم هو محور .. لكن هل يعقل لعبه بالهلال بهذا المستوى المحبط المفترض يكون هو احسن لاعب بما انه لاعب اتى من طينة الكبار الى طينة اقل فالمفترض يكون له بصمة وليس العكس شكرا لك |
لا اشوف لا ابداع هنا و هناك ، حسستوني انه بكل مباراة مع الاكوادور يسجل هاتريك ! الله يعجل بعودة الروماني بس |
يابن الحلال الاعب مميز بدع ضد الاهلي بدع ضد الاتحاد عشان مباره وحده قلتو مستواه نازل ثاني شي كاستيلو اتكالي مستواه نفس ماهو مع الهلال ومع منتخبه الفرق ان عنده في المنتخبات مافيه عاهات وعندك عاهات يفلتون المرشدي تخلص منه رادوي يوم كان عندنا ماقدر يغطي عيوبه 3 الاتحاد في اسيا خير دليل الاعب الدولي مايصلح يرتبط مع منتخبه ياليتنا جبنا محور فلومنزي مع نيفيز واحد محارب وحش |
,, فعلاً كلامك اتفق مع جزء منه , وهي نفسية اللاعب , وهذا شي طبيعي .. اللاعب انتقل الى طبيعة حياة جديده ويحتاج الى تأقلم , ويختلف وقت التأقلم من شخص لأخر صعب تقارنه بسرعة تاقلم نيفيز , لانه هذه المره الثانيه له في المنطقه .. كل الي يحتاجه الصبر باذن الله , وفعلا اتفق مع احد الاخوان ,, هو يمر مع منتخب بلاده بمرحله مصيريه وهي التاهل لكاس العالم إقتباس:
هو محور وش دخل الهاتريك :s2: :rose: |
كاستيلو مقلب شربناه وسلامتكم!! وينك يا رادوي؟؟ |
شاهدت مباراته مع الارجواي والله نفس المستوى . اللاعب هذا بطيء جداً وظهر ذلك جليا ضد الرائد جميع لاعبي الاكوادور سسريعين الا هذا اللاعب . حقيقة : لم أظلمه ولكن عمره وبنيته القوية سبباً رئيسياً في بطئه الشديد ولو قارناه برادوي ظلم له بالرغم من أن اللاعبين نفس العمر والفرق ان رادوي أخف بنية و أفضل و أسرع أداء . رادوي جاهز للانتقال واعتقد ان هذه فرصة كبيرة للأمير عبد الرحمن لجلبه فهو ظالة الوسط الهلالي . |
أنا اقول نصبر على اللاعب فترة على بال ما يتأقلم الاجواء وطبيعة الحياة في السعودية والخليج مختلفة اختلاف كامل عن بيئة وحياة اللاعب للحين ما لعب الا 6 مباراة وعن نفسي اشوف مستواه يتحسن من مباراة الى مباراة بالاضافة لا ننسى ان ماجد المرشدي وعبدالله الزوري ( خارج الخدمة " الله بالخير" ) يعاني ويغطي مكانهم هو والكوري وعادل هرماش انا اقول نصبر ولانتسرع ونظلم من حقه ياخذ فرصته كاملة ظم انه لاعب دولي مع منتخب الاكوادور وامريكا الجنوبية ما تجامل اي لاعب على حساب منتخاباتها وبالتوفيق للاعب وللهلال |
السلام عليكم وكل عام وانتم بخير نحن في يوم عيد النحر بعد يوم عرفة وانت تقول عيج ميلاد بنت نفيز الأمير عبدالرحمن عطاها هدايا؟ اتحداك ثم اتحداك أن الأمير بتدينه المعروف ولا نزكي على الله احدا يقر بعيد بدعي اسمه عيد الميلاد فاتق الله في نفسك وليكن قلمك مدعاة للخير مغلاقا للشر وكل عام والجميع بخير وصحة وسلامة |
أيوة أنفكينا من ملابس سسامي وجينا لهداية أبناء كاستيلو الحمدلله والشكر ...................... |
كيف رثه وعقده ملايين احسبك تتريق الصوره الي انت حاطها ببداية الموضوع ممكن تكون دعم نفسي بس لو حضرت في المدرج |
ما اعتقد هذا السبب بس هذا تكوين اللاعب ومع منتخبة المجموعة يساعدوة اللاعب جيد ولا يخدم الهلال شوفو رادوي اول مباراة كأنه من ابناء النادي وهدف عالمي على الفقر |
انا اقترح تزوجونه نيجيريه منها تتحسن نفسيته ومنها نثبت ان الهلال ماعنده مشكله مع نيجيريا. |
العلاج جيب بجانبه لاعب يسسسانده في منطقه المحور .. فـ المنتخب تحصل معه لاعب يسانده ويخفف عليه الضغط |
اولا : كل عام وانت وجميع الزعماء ومن ينتسبون للكيان الهلالي والمسلمين بخير وصحه وعافية ثانيا : لااعتقد ان ملابس اولاده رثة كما اسلفت وهو لاعب محترف راتبه تقريبا فوق المليون يورو اذا ملابس عياله رثة اجل ملابسنا وش بتصير ثالثا : شكرا لك على الموضوع ولو كنت اختلف معك في وجهة نظرك وبالنهاية الاختلاف في الرأي لايفسد للود قضية |
اخيراً .. انا ماقصدت من هالموضوع الا محاولة في رفع معنويات الاعب . صحيح الاعب عقده بالملاين .. لكن الهدية طعمها حلو . احترم الجميع وشكرا على المتابعة .. وكل عام ونتم بخير . |
الاعب يحتاج الى جانبه لاعبين يساعدونه مميزين ماهو ركض بالكوره وطاخ طيخ الاعب المحلي ضعيف ولا يتعاونون مع الاجانب |
قد يكون كلامك صحيح ولكن المفروض الجهاز الفني بالهلال يجلس مع اللاعب و يشوف سبب هبوط مستوى اللاعب مع الهلال عكس لما يكون مع الاكوادور |
| الوقت المعتمد في المنتدى بتوقيت جرينتش +3.
الوقت الان » 09:36 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd