#جمهور_الرقم_الصعب ليس انتم يازعماء.!!
 

بسم الله الرحمن الرحيم

السلام عليكم ورحمة الله وبركاته

العشر عليكم مباركه :ga:

نعم انتم لستم جمهور الرقم الصعب :cry:

جمهور الرقم الصعب هم من يحضرون لو قابل فريقهم نادي بنغال الهندي او برشلونه الاسباني:s5s:

جمهور الرقم الصعب قريبا سيضيع هذا منكم بسبب جمهور الاتحاد والاهلي :mad:

سيتم افتتاح استاد الملك عبدالله بجده بسعة 100الف متفرج كاكبر استاد بالشرق الاوسط

يعني تخيلو جماهير "العنصريه" وجماهير "التبطح" في كل مباراة نسب الحضور

لاتتجاور 30 الف 25 الف لكل مباراة لهم في اقل من 4 جولات بعد افتتاح الملعب سيتصدرون سلم ترتيب

حضور الجمهور حنا عندنا استاد الملك فهد يعني لو حضر مابي اكون طماع 20 الف -22الف مشجع "متفاعل"

لان جمهور الرياض في المباريات الغير مهمه مايتعدا هالرقم وقد يصل الى 10الف بس :cry:

المطلوب منا كجمهور عاشق لكيان الهلال الحضور الحضور الحضور :ba::ba1:

والحضور دافع معنوي للاعبين محفز للمدرب :wub:

لذلك الي بيحضر الملعب اتمنى يكون فيه هالمواصفات

1-متفاعل مع الرابطه

2-يجيب تيشيرت للهلال >>تراه ب20 مع التذكره يمكن ماتدفع 50 ريال:s2:

3-اذا بتكون نايم وجاي تفصفص <حب> طال عمرك خلك عند نقشبندي ومعلقين الخشبيه فصفث على راحتك

4-وهذا هو المهم بعض الجمهور<مندس:s5s:> اتوقع ومابي ادخل بالذمم هم شرارة كارثة اولسان

وهدفهم تشويه صورة جمهور الهلال يعني مستحيل تلقا مندس واحد اكيد الى 10 اشخاص او اكثر <جماعات>

وهذا هو الاهم اذا سمعتو احد بمبارياتنا مع فريق "العنصريه" يقول نيجيريا ورددو مع جماعه رجاء لاحد يرد معهم ولاترا راح نهبط زي ماقال بلاتر

عشان كذا خلونا بفريقنا بالملعب اما تويتر اجلدوهم واستلموهم:d:d:s2:

البعض بيقول هم من بدا بالاساءه وانا اقول بادر الاساءه بالحسنه وليس الاساءه بالاساءه وشوفو وش صار يوم طبقنا الاساءه بالاساءه

واتمنى من اداراتنا الكريمه ماتسكت عن حقوق النادي خاصه من جمهور التبطح والعنصريه في اخر مباراة لنا معهم

هذا موضوعي "باختصار"

واسف اذا كان ملخبط او مب مرتب لاني ماعرف ارتب وانظم الي ببالي على طول اكتبه

ودي لكم :ga::smilie47:

وصلى الله على نبينا محمد:rose:

عليكم السلام ورحمهـ اللهـ وبركاتهـ ~

بالبدايهـ اللهـ يعطيكـ العافيهـ ع طرحكـ ~

أول شيء رح أعلق عليهـ هو العنوان ، يا أخوي في أعضاء اللهـ يهديهم يدخل ويحكمون ع
الموضوع من العنوان فقط ومن غير ما يقراء المحتوى فعشان كذا كنت أتمنى إن العنوان
يجمل يكون بهالشكل ! =) ~

2)- بخصوص جمهور الرياض ، أخالفكـ الرأي جمهور الرياض هالموسم من رأيي قاعد
يحاول تغير صورتهـ أمام الجمهور الهلالي الذي من المناطق الأخرى فالممكلهـ ، والدليل أول
مباراهـ للهلال هالموسم لهـ فالرياض حققت أعلى حضور للجماهير ولازال في باقي الجولات
يتزايد عددهم ( الحمدللهـ وما شاء اللهـ ) فأتمنى نعطيهم فرصهـ وتشجعهم ع الحضور أكثر
بدال ما نقول إنهم ما يحضرون إلا فالمباريات المهم والحاسمهـ ~

3)- بخصوص أفعال المندسين أوافقكـ الرأي يجب ع جمهور الهلالي الحقيقي عدم تقليدهم ويجب التبليغ عنهم الآمن فورا ~

عليهـ الصلاهـ والسلام ~
شكرا لكـ ~

بغيت اعلق على النقطه الاولى

الي يدخل ويعلق وماقرا الموضوع واستفزه العنوان هاذي "مصيبه" فعلا

اما بخصوص النقطه الثانيه حقت جمهور الرياض نطمح منهم الافضل بس الي اشوفه مايتعدون ال10الاف بالمباريات الغير مهمه

النقطه الثالثه

ممكن الي اراد يتكلم بعنصريه على اي نادي العنصريه او شتم نادي اخر ممكن يكون هلالي متنرفز ومعصب واستبعد هذا

ممكن يكون مندس قليل ذوق وغير محترم

شكرا على المرور الرائع..:rose:

سيتم افتتاح استاد الملك عبدالله بجده بسعة 100الف

على فكره ترا جمهور الهلال في الغربيه اكثر من جمهور الاهلي والاتحاد

عشان كذا جمهور الهلال هم الرقم الصعب

وشكرا لك على الموضوع الرائع وان شاء الله جمهورنا مايقصر

نقدر نقول كذا ونريح بالنا ونقول حنا الرقم الصعب اذا كان المقر بجده لاكنه "بالرياض":s5s:

مافهمتك ؟؟

انا اعرف ان الملعب في جده

وشعبية الهلال في الغربيه اكثر من جمهور الاهلي والاتحاد

وجمهور الهلال في الغربيه مظلوم وينتظر الملعب الملك عبدالله لأنه مستحيل يتم تقسيم الملعب وهو يكفي 100 الف مشجع !!

قصدي لو كان مقر النادي بجده كان افضل

وان شاء الله ننتظر المعلب نتفائل خير من جمهور الزعيم بكل المناطق عقب الاجازه هاذي

وخاصه المباراة الجايه في القصيم نبيها دعم لقبل مباراة العقويه