سامحك ربي يا ....
 

السلام عليكم ورحمة الله وبركاته :)

أهلاً بكم أحلى أعضاء في أحلى منتدى ;)

وبما انكم أحرجتوني بكلامكم العسل في مشاركتي السابقة خليتوني آخذ مقلب بنفسي واصدق إني أكتب حاجة كويسة :rolleyes: انتم السبب ما لي دخل :o .

اتمنى أن حرفي يرقى لمستوى مسامعكم فأنتم تستحقون كل جميل وأكرر لست بشاعر ولكني أكتب بإحساس صادق .

[poet font="Simplified Arabic,4,black,normal,normal" bkcolor="transparent" bkimage="" border="none,4,gray" type=1 line=200% align=left use=ex length=0 char="" num="0,black" filter=""]
سامحك ربي يا ( ...... )= هذا وغلاك بالقلب ما له مثيل
ليه بس كذا يا درة الدرر= يمكن تشوفين ما صار شي قليل
اجرحي عذبي اطعني بسكين وابر= خل دمع العين ينزل هماليل
تعبت دونها وتعب كل العذر = فعلتك والله يا بعدها عن التساهيل
من سبايبك غديت كني في بحر = يصفق بي الموج سفينة ضاع منها الدليل
روحي عسى أمرك ما هو عسر = واتركي من بالهوى يصهل صهيل
ابعدي وانت عندي عالية القدر = يا جعل ربي يرزقك معدوم المثيل
يا بنت الأسود يا غالية المهر = يا بنت الشيوخ بنت النسل الاصيل
اللي يعرفك انت له عز و فخر = شغلت البال و الجسم صار منك هزيل
يا بنت أنا لو لنت ترى ما هو جبر = مير لعيونك وش هو عاد المستحيل
اطلبي عمر ... اطلبي فوق العمر = ما بغيتيه يجيك صاغر ذليل
جيت يمك يا بنت أسوق الخبر = أتحدى بك النسيان لو كنت عليل
أهديك يا بنت باقة ورد و زهر = اقبليها .. رديها .. فعلك يهز الرجاجيل
الختم صلاة ربي عد ما جرى نهر = على نبي سيرته عطر جميل
[/poet]
شكراً لكم و عسى أن أكون مع حرفي خفيفاً عليكم وخالد الفيصل يقول متى ما مليتوا مني مهنا أخف من أوراقي ، أشيلها وأمشي . و أنا أقول مهنا أسهل من حذف الموضوع :yes: ، انتم تامرون أمر :yes: و عقبها عتبكم على من يخط حرف ويزعلكم .

[ALIGN=CENTER]يعطيك العافيه أخوي خليفه على هالقصيدالرااااائع00,,:yes:

والشعر محد يمله وأناأخوك00,,;)

بأنتظارالقادم,,

تقبل تحياتي00,,[/ALIGN]

سامـحـك ربــي يـــا ( ...... )
هذا وغـلاك بالقلـب مـا لـه مثيـل
================================
انا الحين جالس افكر في اسم يتناسب مع القافية :D:D:D

تحياتي لك

ما شاء الله عليك ، رائع ..

بانتظار حرفك و إبداعك ...

سامحك ربي يا ( .... )
اطلالة متميزة من خلال حرفك الراائع الذي يحمل لنا مبدع بلا شك
وفي انتظار حرفك القادم وأبداعك

صح لسانك أخوي

بنتظار ابداعاتك القادمة

وما اظن ان فيه احد ما يحب القصيد.

الــحــــاتــــمــــي ........


مــر مـــن هــــنـــــــا ......


ويــقــــول : صــح لـــــســــــــانـــــــــك يا خليفة ........

الأخ برق الزعيم و ياك أخوي :yes: بس شوف بعدين أبغى أول من يرد علي دايم انت ;)

@@@@@@@

الأخ الكنز نواف وش رايك نقلبها مسابقة :D
يا أخوي لا يضيق صدرك تبي الاسم يجيك طال عمرك :) مثلك يستاهل :yes:
يكفي تشريفك طال عمرك :)

@@@@@@@

الاخ أبو ريمان شكراً لك ولشهادتك التي أعتز بها :)
وأنا معكم مادمتم معي :yes:

@@@@@@@

الأخت نجمة الإبداع مرحباً بك :yes:
يكفيني شرفاً أن لي مشاركتين كل منهما يحمل رداً لأكثر النجمات إبداعاً:)
التميز هو أن أحصل على رد منك أختي ، وانتظارك لي هو أغلى شهادة حصلت عليها :yes:

الأخ سام البطولات شكراً لك :)
تشرفت بردك المشاركة :yes:

@@@@@@@

الأخ الحاتمي المتميز :)
أنا مريت من هنا وأقول شكراً لمرور اللي مر من هنا قبلي و تشرف الموضوع بمروره ;)
واقول صح بدنك طال عمرك و من حسن ذاتك :yes:

@@@@@@@

أختي غرودة :)
إذا كلماتي رائعة فهي لا تقل عن روعة كلماتك ;)
وشهادتك إضافة متميزة لي :yes:
شكراً لمشاركتك ويشرفني انتظارك:)